ჩემპიონი დაბრუნდა

იტალიაში გამართულ მოტოგრანპრის ჩემპიონატის მორიგ ეტაპზე პირველი ფინიშთან მოქმედი ჩემპიონი ხორხე ლორენსო მივიდა გასულ უქმეებზე იტალიაში მოტოგრანპრის ჩემპიონატის მორიგი ეტაპი გაიმართა და რამდენიმე წარუმატებელი რბოლის შემდეგ, როგორც იქნა, პირველი მივიდა ფინიშთან მოქმედი ჩემპიონი ხორხე ლორენსო, თუმცა მან ჯერ ვერ დაიბრუნა საერთო ჩათვლაში ლიდერობა.იტალიის "მუჯელოში" ტრასას დაუბრუნდა "ჰონდას" წევრი დანი პედროსა, რომელმაც საფრანგეთის გრანპრიზე მარკო სიმონჩელისთან შეჯახებისას ფეხი მოიტეხა და ამის გამო ორი ეტაპის გამოტოვება მოუწია.პოულის მფლობელი გახდა პედროსას თანაგუნდელი კეისი სტოუნერი, რომელმაც თითქმის ნახევარი წამი მოუგო ბენ სპისსა ("იამაჰა") და მარკო სიმონჩელის ("ჰონდა"). ლორენსო თავისი "იამაჰათი" მეხუთე იყო, მის წინ იდგა ანდრეა დოვიციოზო ("ჰონდა").სტარტზე პირველობა შეინარჩუნა სტოუნერმა, სიმონჩელიმ კი კიდევ ერთხელ დაამტკიცა, რომ რბოლის დასაწყისი მისი ძლიერი მხარე არ არის - მარკო პირველ მეტრებზე მესამედან მეექვსე პოზიციამდე ჩამოქვეითდა. უკან დაიხია სპისმაც და საბოლოოდ, მათი ადგილები წინ ლორენსომ და დოვიციოზომ დაიკავეს. მეორე წრისთვის სტოუნერის უპირატესობა უკვე შეუირაღებელი თვალითაც ჩანდა, სამაგიეროდ, დიდი ბრძოლა მიდიოდა მეორე ადგილისთვის ლორენსოსა და დოვიციოზოს შორის. მერვე წრეზე ხორხემ შეცდომა დაუშვა - ძალიან ფართოდ შევიდა მარჯვენა მოსახვევში და დოვიციოზომ ამით კარგად ისარგებლა.მაგრამ ლორენსოს დანებება არ უცდია - რამდენიმე წრე კვალში ედგა დოვიციოზოს და ბოლოს შანსიც მიიღო - მე-12 წრეზე საპასუხო შეტევა განახორციელა. ამასობაში, სტოუნერი ინარჩუნებდა ორწამიან უპირატესობას, მაგრამ ფინიშამდე შვიდი წრით ადრე მოულოდნელად ტემპს მოუკლო. ლორენსომ იგრძნო, რომ გამარჯვების შანსი გაუჩნდა და უფრო მოუმატა ტემპს. მალე ის სათავეში ჩაუდგა რბოლას. დოვიციოზო კი სხვანაირად მოიქცა: მშვიდად მიჰყვებოდა სტოუნერს და მხოლოდ ბოლო წრეზე გაიმეორა ლორენსოს მანევრი, რითაც მეორე ადგილზე გადაინაცვლა და ჩემპიონატის ლიდერი მისთვის უჩვეულო მესამე ადგილამდე დააქვეითა.იტალიის გრან-პრი1. ხორხე ლორენსო (ესპ, "იამაჰა") - 41.50,089 (23 წრე); 2. ანდრეა დოვიციოზო (იტა, "ჰონდა") - +0,997; 3. კეისი სტოუნერი (ავსტრა, "ჰონდა") - +1,143; 4. ბენ სპისი (აშშ, "იამაჰა") - +8,980; 5. მარკო სიმონჩელი (იტა, "ჰონდა") - +9,076; 6. ვალენტინო როსი (იტა, "დუკატი") - +26,450; 7. ექტორ ბარბერა (ესპ, "დუკატი") - +28,745; 8. დანიელ პედროსა (ესპ, "ჰონდა") - 32,043...საერთო ჩათვლა1. კეისი სტოუნერი (ავსტრა, "დუკატი") - 152 ქულა; 2. ხორხე ლორენსო (ესპ, "იამაჰა") - 133; 3. ანდრეა დოვიციოზო (იტა, "ჰონდა") - 119; 4. ვალენტინო როსი (იტა, "იამაჰა") - 91; 5. ნიკი ჰეიდენი (აშშ, "დუკატი") - 77; 6. ბენ სპისი (აშშ, "იამაჰა") - 74; 7. დანიელ პედროსა (ესპ, "ჰონდა") - 69; 8. ჰიროში აოიამა (იაპ, "ჰონდა") - 56...ყოველდღიური სპორტული გაზეთი "ლელო"

ავტოსპორტი: ფერნანდო ალონსოს 305 ათასი გამოვარდნისთვის

ფერნანდო ალონსომ ინდი 500 ვერ დაასრულა

მოტოგრანპრი: როსიმ დებიუტანტთან წააგო

17-წლამდე ვაჟთა ნაკრები საწვრთნელ შეკრებას იწყებს

სიგუა შვეიცარიაში გუნდს გამოიცვლის

15-წლამდე გოგონათა ნაკრები განვითარების თასისთვის ემზადება

"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ

ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში

"სპორტინგმა" ისევ მოიგო, ქოჩორაშვილი ისევ შეცვლაზე შევიდა

[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა

"ნანტთან" მატჩში პსჟ-ს სასტარტო შემადგენლობა ცნობილია

"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა

"ვალენსია" ჩაკვეტაძის ტრანსფერზე "უოტფორდს" დაუკავშირდა

"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა

საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს

"ლევერკუზენმა" შესაძლოა, "იუნაიტედის" ყოფილი მცველი დაიმატოს

"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა

"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი

"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?

"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა

"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა

ხამზატ ჩიმაევი UFC-ის საშუალო წონის ახალი ჩემპიონია

"დინამო თბილისი": სამი გოლი, სამი ქულა