<p>ჩოგბურთის ისტორიაში ყველაზე ხანგრძლივი მატჩის მონაწილეები ნიკოლა მაუ და ჯონ ისნერმი ერთმანეთს ფინალამდე არ შეხვდებიან <br> ამ კვირას მიმდინარე ტურნირების მორიგი დღის მიმოხილვას ნიუპორტით ვიწყებთ, სადაც ერთმანეთის მიმართულებით სვლა დაიწყეს ნიკოლა მაუმ და ჯონ ისნერმა - ჩოგბურთის ისტორიაში ყველაზე ხანგრძლივი მატჩის მონაწილეებმა.</p><p>სატურნირო ბადე ისეა შედგენილი, რომ ეს ჩოგბურთელები ფინალამდე არ შეხვდებიან ერთმანეთს. რა თქმა უნდა, ნაკლებად სავარაუდოა, რომ ორივემ ერთდროულად გააღწიონ გადამწყვეტ მატჩში, უბრალოდ ეს სუფრა ამერიკული ისტორია იქნებოდა - ფინალი და მორიგი თრილერი.</p><p>ჯონ ისნერი ამ ტურნირზე განთესვის ლიდერია და პირველ წრეში დამაჯერებელი გამარჯვებაც მოიპოვა სლოვაკ კაროლ ბეკთან მატჩში. 63 წუთში მის ანგარიშზე ათი ეისი მოდიოდა, ამასთან ექვსი ბრეიკ-პოინტიდან ნახევარი გამოიყენა. შეგახსენებთ, რომ ამერიკელს კარიერაში მხოლოდ ერთი ტიტული აქვს მოგებული.</p><p>ნიკოლა მაუს კი უფრო ნაკლები დრო - 51 წუთი დასჭირდა თანამემამულე სებასტიან დეკუდის დამასარცხებლად. ამ უკანასკნელმა, რომელიც დღეისთვის რეიტინგის ასეულში დამკვიდრებას ცდილობს, ვერანაირი წინააღმდეგობა ვერ გაუწია უფრო გამოცდილ და ბევრის მნახველ მეტოქეს.</p><p>არნო კლემანმა კლასის ხარჯზე აჯობა რაიან ჰარისონს, თუმცა ეს კლასი ვეტერან ფრანგს კარგა ხანია არ უჩვენებია. ამერიკელს ამ შეხვედრაში არც ერთი ბრეიკ-პოინტი არ ჰქონია. მესამე ნომრად განთესილმა იგორ კუნიცინმა მოულოდნელად ორ საათში წააგო ჯიმი ვანგთან. სხვათა შორის, საუდის არაბეთში დაბადებული ეს ტაივანელი ჩოგბურთელი რეიტინგის მეოთხე ასეულში იმყოფება.</p><p>ჰარისონის მსგავსად წააგო კიდევ ერთმა ამერიკელმა, ტურნირის მეოთხე ნომერმა რაიან სვიტინგმა - მას მოუგო მეტიუ ებდენმა, რომელმაც რვა ეისი ჩააწოდა. კიდევ ერთი მოულოდნელობა იყო ნაკლებად ცნობილი ამერიკელის დენის კუდლას გამარჯვება ივო კარლოვიჩთან მატჩში. ხორვატს არ უშველა 24-მა ეისმა, რომელიც მან ორი საათისა და 29 წუთის განმავლობაში ჩააწოდა. ამ გამარჯვებით 18 წლის ამერიკელი გააუმჯობესებს რეიტინგში თავის მდგომარეობას - ამჟამად ის 394-ე ადგილია. დიდ ჩოგბურთში დაბრუნების შემდეგ, როგორც იქნა, პირველი მატჩი მოიგო 34 წლის ტომი ჰაასმა - გერმანულ დერბიში მან მიხაელ ბერერი დაამარცხა. ჰაასი ამჟამად 728-ე ჩოგანი გახლავთ.</p><p>* * *</p><p>ბუდაპეშტში ქალთა ტურნირზე მოიგო განთესვის ლიდერმა რობერტა ვინჩიმ - 67 წუთში მან მხოლოდ ერთი გეიმი დაუთმო ლენა ჟურიკოვას. ყველაზე საინტერესო ის არის, რომ სლოვაკ ჩოგბურთელს გამოცდილ იტალიელზე მეტი ბრეიკ-პოინტი ჰქონდა, მაგრამ 11 შანსიდან მხოლოდ ერთი გამოიყენა. ვინჩიმ ათი ბრეიკ-პოინტიდან ექვსი გარდასახა მოგებულ გეიმში და ამ უცნაურ მატჩში გამანადგურებელი ანგარიშით გაიმარჯვა.</p><p>კიდევ ერთმა იტალიელმა, მეორე ნომერმა სარა ერანიმ უპრობლემოდ მოუგო მაგდალენა გოჟნიას. სანდრა ფოგელმა ორ მძიმე პარტიაში სძლია პეტრა მარტიჩს, ევა ბირნეროვამ კი ათი ორმაგი შეცდომის მიუხედავად დაამარცხა ტურნირის მეოთხე ჩოგბურთელი ლუსი ჰრადეცკა, რომელსაც უფრო მეტი ორმაგი შეცდომა ჰქონდა.</p><p>* * *</p><p>მოულოდნელობები არც ბაშტადის ქალთა ტურნირს აკლდა, თუმცა აქ ფავორიტებმა საკმაოდ დამაჯერებლად გაიარეს პირველი წრის ბარიერი.</p><p>მსოფლიოს პირველმა ჩოგანმა კაროლინ ვოზნიაცკიმ ბევრი იწვალა ფრანგი ალიზ კორნეს წინააღმდეგ. დანიელმა ჩოგბურთელმა თავის მოწოდებაზე შვიდი გეიმი წააგო, სამაგიეროდ ცხრა ბრეიკი გააკეთა. რთული დასათვლელი არ არის, რომ მეტოქეებმა საკუთარ გეიმებში მხოლოდ ოთხჯერ იმარჯვეს, აქედან ფრანგის წილი ერთი გეიმი იყო, რასაც მან ცხრა ორმაგი შეცდომა დაუმატა.</p><p>ტურნირის მეორე ნომერ ფლავია პენეტას ასევე რთული მატჩი ჰქონდა ოლივია როგოვსკას წინააღმდეგ, თუმცა ის უფრო სტაბილური იყო საკუთარ მოწოდებებზე და ცხრა ეისი ჩააწოდა. ასე რომ, იტალიელს ვოზნიაცკიზე უკეთესი სტარტი გამოუვიდა.</p><p>საკუთარი პუბლიკა გაახარა სოფია არვიდსონმა, რომელმაც თითქმის ორი საათი მოანდომა ანდრეა ჰლავაჩკოვას დამარცხებას, 20 წლის ანა ბრაჟნიკოვამ კი საათზე ნაკლებ დროში წააგო ანგელიკ კერბერთან. ანა შვედეთის სახელით გამოდის ფედერაციის თასზე.</p><p>საინტერესო მატჩი იყო ესპანელ მარია ხოსე მარტინეს სანჩესსა და მიქსტში უიმბლდონის ჩემპიონ ივეტა ბენეშოვას შორის. მაგრამ აქ ბრძოლა არ შედგა, რადგან ესპანელმა მხოლოდ ორი გეიმი გაიმატა ჩეხი ჩოგბურთელისთვის.</p><p><strong>ყოველდღიური სპორტული გაზეთი "ლელო"</strong></p>
მხოლოდ 1 გეიმი - ბასილაშვილმა პეკინის ტურნირზე გამოსვლა დაასრულა
უცნაურია - მუსეტიმ ზედიზედ მეხუთე ფინალი წააგო
ბასილაშვილი ფორმაში შედის - ATP-ის ტურნირის მეოთხედფინალში გავიდა და ასეულში დაბრუნების შანსი აქვს
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ