<p>დღე-დღეზე საქართველოს ნაკრების შემადგენლობას გავიგებთ, რომელიც "ერთა ლიგაზე" იასპარეზებს. მანამდე კი Sportall.ge სტატიების ციკლს აგრძელებს - მოლოდინი და ინტერესი ხომ ძალიან დიდია...</p><p><p><div style="text-align: center;"><strong><span style="color: #3366ff;">შეტევა სანიო<span style="color: #3366ff;">ლის </span></span><span style="color: #3366ff;">მოღვაწეობის</span></strong> <strong><span style="color: #3366ff;">დასაწყისში</span></strong></div></p></p><p>საქართველოს ნაკრების ფრანგი მთავარი მწვრთნელის წინა საქმიანობებისა და საწყისი თამაშების მიხედვით ისე ჩანდა, რომ ვილი სანიოლს ტანმაღალი, გამოკვეთილი ფორვარდით თამაში და შეტევის ასე გაგრძელება მოსწონდა და შეტევაში მისი ძირითადი ტაქტიკური იარაღი იყო.</p><p>ეს ტენდენცია საკმაოდ დიდხანს გამოიკვეთა, რაც გიორგი მიქაუტაძის საქართველოს ნაკრებში გამოძახებამაც ვერ შეცვალა, რომელიც უფრო მოძრავია და არა კლასიკური "ცხრიანი".</p><p>კიდევ ერთხელ უნდა გავიხსენოთ გასული წლის ოქტომბერი და კოსოვოში მოგებული (2:1) მატჩი, საიდანაც მოყოლებული, "ჯვაროსნებმა" და მისმა მწვრთნელმა იდეალურთან მიახლოებულ ტაქტიკასა და შეტევაში ბალანსს მიაგნეს...</p><p><p><div style="text-align: center;"><span style="font-size: 12.16px;"><strong><span style="color: #3366ff;"></p><p></span></strong></span></div></p> <strong> <p><div style="text-align: center;"><strong><span style="color: #3366ff;">ხვიჩას როლი</span></strong></div></p> </strong></p><p>საქართველოს ნაკრების შეტევების განვითარება, დიდწილად, ხვიჩა კვარაცხელიასა და შეტევის მარცხენა ფლანგზე მოდის. ბათუმის "დინამოს" ფეხბურთელი ნაკრებში ართმევებშიც გამორჩეულია, მეტოქის შეტევას შლის და შემდეგ საკუთარი გუნდისას ავითარებს.</p><p>გარდა ამისა, კვარაცხელია იდეალურია ისეთი მოცემულობის დროს, როცა ჩვენს ნაკრებს ბურთი ხშირად არ აქვს, მაგრამ მისი მოპოვებისთანავე, "კვარა" საკუთარი სისწრაფისა და ტექნიკის ხარჯზე, მეტოქის ნახევარსა და საჯარიმოსთან დიდ უპირატესობას ქმნის.</p><p>დაგვირგვინების ნაწილში ხვიჩას ძალა გასულ შესარჩევში კარგად ვნახეთ, როცა მან ესპანეთსაც გაუტანა, შვვედეთსაც და საბერძნეთსაც.</p><p><img src="pictures/artimages/original/af283880adc6bf3bb2e22ba7964a66f3.jpg" border="0" alt="Sportall.Ge" title="საქართველოს ნაკრები შეტევაში - ხვიჩასთან ერთად და მის გარეშე" width="593" height="400" style="border: 0px;" /></p><p><p><div style="text-align: center;"><strong><span style="color: #3366ff;">რა გვაკლია შეტევაში?</span></strong></div></p></p><p>სანიოლის გუნდს უჭირს პრესინგის თამაში როგორც საკუთარ, ისე მეტოქის საჯარიმოსთან ახლოს. არადა, დაკარგული ბურთის მალევე დაბრუნება შეტევის განვითარების საშუალებას გაძლევს.</p><p>რაც ბოლო ამხანაგურ მატჩებში გამოჩნდა, ის იყო, რომ ფეხბურთელები მაქსიმალურად ცდილობდნენ, საკუთარი კარის უსაფრთხოებაზე ეზრუნათ, რაც შეტევაში ძალებს გვართმევდა. ნახევარდაცვიდან ბურთის წინ სწრაფად გადატანა გვირთულდება, ასეთ დროს კი მეტოქე უკანა ხაზში დალაგებას ასწრებს.</p><p>შეტევაში მნიშვნელოვანი ფაქტორია ზონების სწორად ათვისება, უბურთოდ მოძრაობა, უპირატესობის შექმნა, რაზეც ჯერ კიდევ ბევრი მუშაობაა საჭირო.</p><p><p><div style="text-align: center;"><strong><span style="color: #3366ff;">ვინ ითამაშებს წინა ხაზზე?</span></strong></div></p></p><p>სავარაუდოა, რომ სანიოლის ძირითადი ტაქტიკა 3-4-3 ან 3-5-2 უნდა იყოს. რაც ნამდვილად ვიცით, ხვიჩა კვარაცხელია ძირითად შემადგენლობაში აუცილებლად იქნება.</p><p>ბოლო მატჩებიდან გამომდინარე, ფორვარდის პოზიციაზე ბუდუ ზივზივაძის გამოჩენა ლოგიკური უნდა იყოს, თუმცა ისეთ მჭიდრო გრაფიკში, რაც ივნისში გვექნება, ცვლილებები როგორც თამაშისას, ასევე მომავალი შეხვედრის წინაც მოსალოდნელია.</p><p>გიორგი მიქაუტაძე, დავით ვოლკოვი, გიორგი ქვილითაია - ეს იმ ფორვარდების ჩამონათვალია, რომელთა "ერთა ლიგის" განაცხადში ყოფნა ლოგიკურად გამოიყურება.</p><p><img src="pictures/artimages/original/100ba5d092b28865ec275eb1d99f62da.jpg" border="0" alt="Sportall.Ge" title="საქართველოს ნაკრები შეტევაში - ხვიჩასთან ერთად და მის გარეშე" width="624" height="400" style="border: 0px;" /></p><p>კარგია, როცა შეტევაში წარმატებას მხოლოდ ჩაწოდებებში არ ვეძებთ, თუმცა, როცა წინა ხაზზე ამ ტიპის ფეხბურთელი გყავს, მაშინ ფლანგური გადაცემების გამოყენებაც აუცილებელია, რაც, მაგალითად, ალბანეთთან (მარტში), როცა ვოლკოვი სასტარტოში იყო, ფაქტობრივად, ვერ ვნახეთ და ამით მას ერთ-ერთი მთავარი კოზირი გამოვაცალეთ.</p><p>ასე რომ, ნაკრების მწვრთნელს ბევრი მუშაობა დასჭირდება, რათა სხვადასხვა სიტუაციასთან ადაპტირება მოხდეს, რაც პრინციპში, ამხანაგურ მატჩებში მაქსიმალურად გამოიყენა.</p><p>როცა ვსაუბრობთ ფეხბურთელებზე, რომელთაც შეტევაში სხვადასხვა პოზიციაზე თამაში შეუძლიათ, გამოცდილი ვაკო ყაზაიშვილი და თორნიკე ოქრიაშვილი არ უნდა დაგვავიწყდეს; თავის შანსს ისევ ელის გიორგი ბერიძე. უფრო მეტს კი მთავარი მწვრთნელის არჩევანიდან გავიგებთ.</p><p>"ერთა ლიგას" 2 ივნისს, ჯგუფის უსუსტეს წევრ გიბრალტარის მასპინძლობით ვიწყებთ.</p><p><p><p><p><p><br></p>
გივი
გუცაევს 9 ნომრიანი მაისური ეცვა, მაგრამ რანაირად იყო კლასიკური 9 ნომერი?
zaza
შენ ეტყობა კვარას თამაშს არ უყურებ ფლანგებსაც იცვლის ხოლმე და სულ მოძრაობაში და ცდილობს თავისუფალი სივრცეები იპოვოს.
ნუკრი
რა გინდათ ამ ყაზაიშვილისგან?ეზარება კაცს ფეხბურთის თამაში.იქ თამაშობს,სადაც ორჯერ გაქცევაში და სამჯერ კარისკენ დარტყმაში უხდიან ხელფასს.არც ვამტყუნებ,ფულს შოულობს კაცი და ღმერთმა ბევრი აშოვნინოს.თქვენ კიდე აძალებთ,გინდა თუ არა ჩამოდი და ირბინეო.არ უნდა,ეზარება.აღარც ოქრიაშვილს შეუძლია.წარმატებები ნაკრებს.
სოსო
გიორგი ბერიძის კანდიდატურას,ასე "ც"ს რანგში არ დავარჩენდი.კლუბში ის და ბუდუ ზივზივაძე იდეალურად არიან შეთამაშებულნი და ამის არ გათვალისწინება,დიდი შეცდომა მგონია.საკმაოდ ტექნიკურიცაა,შრომისუნარიანიც და მებრძოლიც.კარგია,რომ უკვე საკმაოდ ბევრი და საფუძვლიანი კანდიდატი გამოჩნდა შეტევაში.გაზრდილი კონკურენცია,კლასზეც აუცილებლად აისახება.ძალიან დიდი და აუცილებლად ასათვისებელი რეზერვი გვაქვს,სტანდარტული სიტუაციების ვარიანტების დამუშავებაშიც.ამდენი წელია,რაც ნაკრებს დამუშავებული,აუტიდან ბურთის შემოტანაც კი არ აქვს.ჯარიმა და კუთხური,ან ტოტალური პრესინგიდან გამოსვლა ყოველთვის პრობლემურია ჩვენთვის.სანამ სამი შეცვლა იყო დაშვებული,ერთ საათში ჩერდებოდა გუნდი.ახლა 5 შეცვლა კეთდება და 70-75 წუთს ვუძლებთ,მაგრამ ანგარიშის შენარჩუნებაზე თამაში,ჩვენი აქილევსის ქუსლი გახდა.თამაშის სადავეებს ვკარგავთ და გოლს ვუშვებთ.ერთი სიტყვით,უამრავი პრობლემა და სამუშაო გვაქვს,თუმცა თვითონ კონტინგენტი,გაცილებით უკეთესი ვიდრე ადრე იყო და ეს გვაძლევს სამომავლო იმედს.
simartle
კლასიკური 9 ნომერი იყო ვლადიმერ გუცაევი! მორჩით ამ კლასიკურით, დღევანდელ ფეხბურთში ფეხბურთელს ბევრი რამ ევალება და დავალების გარეშეც უნდა ესმოდეთ. ერთ კუთხეში მიჯაჭვული ფეხბურთელი უფრო ადვილი შესაჩერებელია ვიდრე მოძრავი მუდვივად გადაადგილებადი შემტევი. ხვიჩასაც უნდა ესმოდეს მარცხენა ფლანგზე ყურყუტს და ბურთის ლოდინს იტალიაში თუ წამყვან ევროპულ ჩემპიონატებში არავინ აპატიებს და სკამზე მოუწევს ჯდომა და შეცვლაზე შესვლა.
კ ო მ ბ ლ ე
ქუთაისელი წერს ხვიჩა გიბრალტართან დავასვენოთ მარა, თუ გაგვიჭირდა ბოლოს შემოვიყვანოთო... ბიჯო! გიბლარტალთან თუ გაგვიჭირდა, სართოდ რატომიდიან სათამაშოდ? /.......... მე მგონია, რომ გაგვიჭირდება, რატომ? გიბრალტარს ფარჩაკ გუნდათ ვთვლით და ზუსტად იმიტომ. სხვასთან სათამაშოდ გასვლაც არ ღირს, ისევ ჯობია ოლიმპიურ სისტემით ვეთამაშოთ. როგორ? კაი სისტემაა ოლიმპიური, წააგე? წადი სახლში.. მერე თუ გინდა ძველ ახალწლამდე დეისვენე გიშლის ვინმე თუ?
.
ნაკრების თამაშების წინ ხვიჩას უნდა მოუფრთხილდნენ ძალიან.გუშინ მაგალითად არანაირი აუცილებლობა არ იყო 90 წუთი რომ დატოვა. გავსლით თამაშებზე კიდე არ უნდა დაიტვირთოს ზედმეტად. მართლა რამდენი ხანია გადაბმულად თამაშობს და თან წინ ისეთი კალენდარი გაქვს
ivan
ჩემი აზრით, ერთი კარგი რაც ხდება ისაა, რომ ამ შესარჩევების წინ ხვიჩა, ზურიკო, ჩაბრაძე, აზაროვი და სხვა ბიჭები ერთად არიან შეთამაშებული. ბოლო თამაშში ხვიჩამ ერთი გოლი გაიტანა, მაგრამ რამდენიმე გოლი თვითონ შექმნა თანაგუნდელების სწორი პოზიციების გამო. წესით ამან დადებითი გავლენა უნდა მოახდინოს შედეგზე.
zura222
ჩვენ შეტევაზე ადვილია ლაპარაკი იმიტომ რომ ფაქტიურად ერთ ადგილზე მინიმუმ 2 ძლიერი შემტევი გვყავს და აი უკანა ხაზს რა ვუყოთ ? პრობლემები ჩანს საყრდენის პოზიციაზე და დაცვაშიც !
zura222
ნერიძე აუცილებლად უნდა გამოიძაოს ! მე მაგის ყველა თამაში ვნახე წელს და ძალიან მაგარ ფორმაშია დაცვაშიც ბევრს შრომობს და წინაც მაგარია ! ბოლო ბოლო ხვიჩას დასვენება ხომ დასჭირდება და ძალიან კარგად შეცვლის ხოლმე !
ქუთაისელი
ხვიჩა უნდა გამოვიყენოთ გონივრულად. არ უნდა გადავწვათ. გიბრალტართან საერთოდ არ უნდა დავაყენოთ. ან თუ გაგვიჭირდა ბოლოში შემოვიყვანოთ. ფლამარიონზე რა ხდება, ვიმატებთ თუ რატომ ვერ ვიმატებთ, ესიც დაწერეთ.
Spain
ძალიან არ მინდა ამ ერთ ხვიჩას აეკიდოს მთელი ნაკრების პასუხისმგებლობა. 19 წლის ასაკიდან უკვე ასეა, მარტო ხვიჩას სახელი ისმის ნაკრებში. იმხელა ზეწოლა აქვს უკვე ყველაფერს მისგან ითხოვენ. შუაზე რონ გაიხეს ერთი კაცი ძნელი იქნება მაკედონიის და ბულგარეთის დამარცხება. ამას რეალურად უნდა შევეგუოთ. მაკედონიამ იტალიას მოუგო ბოლოსდაბოლოს. ნუ ჩვენ შვედებს მოვუგეთ მაგრამ ყველა თამაშზე ვერ იქნება ისეთ ფორმაში, როგორშიც შვედეთთან იყო. ღმერთმა დაიფაროს და ტრავმა მიიღოს ან რამე, მერე რას ვშვებით? კატეგორიულად არ მომწონს მთელი ნაკრების ერთ კაცზე აწყობა და დამოკიდებულება. ზოგადად ქართველები ყველა სფეროში ეგრე ვართ, ერთ კაცს გავხდით მესიად და მერე ვაი და რამე შეეშალოს მიწაში დავმარხავთ.
კირკიტა
შეტევაში ის თავდამსხმელები უნდა გამოიძახოს, ვისაც გოლები გააქვს. ერთ-ერთი ასეთი ფეხბურთელი არის ავსტრალიის ჩემპიონატის ერთ-ერთი ბომბარდირი, ბექა მიქელთაძე. და რატომ არ ეძახის? ა, ავსტრალიის ჩემპიონატი დაბალი დონეა?! კვიპროსის და აზერბაიჯანის ჩემპიონატი უფრო მაღალი დონისაა? მაშინ ხო, მაშინ ხო...
შოკირებული გულშემატკივარი
ბევრი ფეხბურთელების დაძახება ან ისეთების რო ყველა თამაშს გაუძლონ
მწვრთვნელი
გააჩნია რამდენ მოთამაშეს დაუძახებს სულ მთლიანობაში! ოთხი თამაშია თითქმის ზედიზედ და 30 კაცი მაინც დაჭირდება ამ საქმეში სანიოლს! აგერ ჩამონათვალი: მეკარეები- ლორია,მამარდაშვილი,გუგეშაშვილი,კუპატაძე. დაცვა - გიორბელიძე,აზაროვი,ჩაბრაძე,კაკაბაძე,ხოჭოლავა,ლოჩოშვილი,დვალი,კაშია,კვირკველია,კობახიძე. ნახევარდაცვა - კვეკვესკირი,გვილია,ბერიძე,ლობჟანიძე,კვარაცხელია,ყაზაიშვილი,დავითაშვილი,ჯიღაური,ჩაკვეტაძე,კიტეიშვილი,წიტაიშვილი. თავდასხმა - ზივზივაძე,მიქაუტაძე,ოქრიაშვილი,ქვილითაია, ვოლკოვი.
[VIDEO] ესპანეთმა თურქეთი გააბითურა - საქართველოს ნაკრები მეორე ადგილზეა
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
"ჯერ კიდევ ყველაფერი შესაძლებელია" - კვარაცხელიას და დავითაშვილის კომენტარი
სავარაუდო შემადგენლობა თურქეთთან - სანიოლის საფიქრალი
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
[VIDEO] ნევეშის სუპერგოლები და კვარაცხელია შეცვლაზე - პსჟ-მ "ტულუზას" მოუგო
საქართველო VS თურქეთი - მსოფლიო ჩემპიონატისკენ დავიძარით!
რისიც გვეშინოდა და როგორ უნდა "დაუძვრე" წაგებას - თურქეთის შემდეგ