ახალი ეტაპი ქართულ კალათბურთში, რომელიც მსოფლიო ჩემპიონატით დაგვირგვინდება! - ინტერვიუ პაატა გურასპაულთან

საქართველოს საკალათბურთო ნაკრებმა სპორტის ახალ სასახლეში მსოფლიოს მოქმედი გამარჯვებული ესპანეთი ოვერტაიმში (82:76) დაამარცხა და სადებიუტო მსოფლიო ჩემპიონატზე გასასვლელად ერთი ნაბიჯით წინ წაიწია.უკრაინა-ესპანეთის მატჩის შემდეგ საბოლოოდ გვეცოდინება, ჯგუფში რომელ ადგილს დავიკავებთ (პირველზე, დიდი ალბათობით, ესპანეთი გავა). რაც შეეხება მე-2 ჯგუფურ ეტაპს, იქ მეტოქეები იტალია, ისლანდია და ნიდერლანდები იქნებიან. შეგახსენებთ, რომ ნაკრებებს მეორე ეტაპზე ბოლოადგილოსანთან ნათამაშები ქულები არ გადაჰყვებათ. ასე რომ, საქართველოს ნაკრებს ახალ ჯგუფში 2 მოგება და 2 მარცხი ექნება.შეხვედრის შეფასება საქართველოს კალათბურთის ფედერაციის ყოფილ პრეზიდენტსა და ამჟამად აღმასკომის თავმჯდომარეს, პაატა გურასპაულს ვთხოვეთ.- შეხვედრის რეპორტაჟი მიგყავდათ და აღნიშნეთ, რომ ასეთი ემოციები საქართველოს ნაკრების არცერთი მატჩისას არ გქონიათ...- ემოციები და ნერვიულობა ბუნებრივი იყო. საქართველოს ნაკრებმა ისტორიული შეხვედრა ჩაატარა. ეს წარმატება დაფასებაა იმ შრომისა, რომელიც ფედერაციამ, ნაკრების თითოეულმა წევრმა, მწვრთნელებმა და გულშემატკივარმა გასწიეს. გამოჩნდა, ამდენი ტყუილად არ ვიწვალეთ.<img src="pictures/artimages/original/1909424ef36b0e743f1992ef0ef85756.jpg" border="0" alt="Sportall.Ge" title="ახალი ეტაპი ქართულ კალათბურთში, რომელიც მსოფლიო ჩემპიონატით დაგვირგვინდება! - ინტერვიუ პაატა გურასპაულთან" width="600" height="400" style="border: 0px;" />რა თქმა უნდა, ყველაზე მნიშვნელოვანი ის გამოდგა, რომ ჩვენი ბიჭები ბოლომდე დაიხარჯნენ, მართლაც სისხლი გამოუშვეს ორგანიზმიდან და მსოფლიოს მოქმედი ჩემპიონი დაამარცხეს. სპორტის ახალ სასახლესთან ერთად, ქართული კალათბურთის ახალი ისტორია დაიბადა. თანაც, არ დაგვავიწყდეს, მნიშვნელოვანი დანაკლისი გვქონდა. ქართულ კალათბურთში მართლაც ახალი ეტაპი დაიწყო, რომელიც მსოფლიო ჩემპიონატზე გასვლით აუცილებლად დაგვირგვინდება!- მოვისმინეთ ნაკრების კაპიტან თორნიკე შენგელიას კომენტარი, რომელმაც თქვა, რომ რამდენიმე დღეში უკრაინასა და ესპანეთთან ყველაზე ცუდი და საუკეთესო მატჩები გამართეს. რამდენად იყო დამატებითი მოტივაცია, იმ ჩაგდებული შეხვედრის შემდეგ გუნდს ესპანეთთან წარმატებით ეთამაშა?- ბუნებრივია, რომ ყველა შეხვედრაზე ერთნაირად წარმატებით ვერ გამოხვალ. როცა არ მიგდის თამაში, მომდევნოზე სრულ კონცენტრაციას აკეთებ. ახალი დარბაზი, აჟიოტაჟი, ასევე ის ფაქტორი, რომ მარცხის შემთხვევაში ისტორიულ მიზანს დავშორდებოდით, გუნდისთვის დამატებითი მოტივაცია აღმოჩნდა.<img src="pictures/artimages/original/72e20af28118183c0d47f7688ddfebe9.jpg" border="0" alt="Sportall.Ge" title="ახალი ეტაპი ქართულ კალათბურთში, რომელიც მსოფლიო ჩემპიონატით დაგვირგვინდება! - ინტერვიუ პაატა გურასპაულთან" width="600" height="400" style="border: 0px;" />მთელმა გუნდმა ძალიან კარგად ითამაშა. მათ გენიოსი მწვრთნელი ჰყავთ, რომელმაც უმნიშვნელოვანესი გადაწყვეტილებები მიიღო. ბექა ბექაურმა ნდობა გაამართლა და ახალგაზრდა რატი ანდრონიკაშვილის ბრწყინვალე თამაშიც ვნახეთ.- ანდრონიკაშვილის თამაში მართლაც განსაკუთრებული აღნიშვნის ღირსია. შეხვედრის შემდეგ რამდენიმე კომენტარს გავეცანი, სადაც გულშემატკივრები კითხულობდნენ, თუ რატომ არ თამაშობს რატი უკვე NBA-ში?- რატი ერთ-ერთი ყველაზე პერსპექტიული კალათბურთელია და მართლაც აქვს შანსი, რომ ნაციონალურ საკალათბურთო ასოციაციაში შევიდეს, თუ თავდაუზოგავად იშრომებს. ანდრონიკაშვილს აქვს სპორტული აღნაგობა, გრძელი ნაბიჯები, კიდურები და სხვა თვისებები, რაც მას წარმატებაში ძალიან დაეხმარება. წლებია, ნაკრების გამთამაშებელი გიორგი ცინცაძეა. რატის აქვს პერსპექტივა, ამ პოზიციაზე ათწლეულები ითამაშოს. ის დაღვინებულია, არანაირი შიში და მორიდება არ გააჩნია. გადამწყვეტი მომენტები გავიხსენოთ - ანდრონიკაშვილის ჩაჭრები, სამქულიანები, როგორც ძირითადი დროის ბოლოს, ასევე ოვერტაიმში.ფაქტია, ყველა ძალიან მონდომებული იყო. მოვისმინე მოსაზრება, რომ ტედ მაკფადენს კარგი მატჩი არ ჰქონდა, არადა, ძალიან მნიშვნელოვანი სამიანი ჩააგდო და ბევრი ასისტი მიითვალა. თორნიკე შენგელიამ ბოლოს კალათში რამდენიმე ბურთი ვერ მოათავსა, მაგრამ როცა გუნდს ცუდი პერიოდი ჰქონდა, ნაკრებს ულიდერა და საკუთარი ზურგით ატარა.ახლა მეორე ეტაპს უნდა დაველოდოთ. კიდევ ერთხელ აღვნიშნავ, რომ ჩვენი ნაკრების ბოლომდე მწამს და მსოფლიო ჩემპიონატზე ვფიქრობ.

888

გურასპაულმა რაც დაანონსა ყოველთვის ყველაფერი ახდა.ეს კაცი ღირსეული ადამიანია.
ტყეშელაანთ გიჟი

ძოვე
სიმართლეს ამბობს ეს კაცი, ჩვენმა ნაკრებმა ითამაშა საშინლად, მაგრამ ესპანეთმა უფრო ცუდად..
კახა

გასკრეჭი რაც მაქ მოდი გაგაკრეჭინებ
beso

ცრემლი არ მოგდით ამ გამარჯვებაზე!? შევხედოთ რაში ვიცხოვრეთ და რა წვალებაში გაგვეზარდა ბიჭები(ეს სახალხო ქცევაა, ერის ხასიათია და რად გვინდა აქ ახლა პოლიტიკა) და ჩვენ შევძელით დიდი კალათბურთის თამაში ასეთ გარემოებაში. რა დროს ერთმანეთზე საუბარია, როცა სიხარული გვაჩუქეს ბიჭებმა, თანაც ძალიან მაგარ გუნდთან, ძალიან მაგარ საკალათბურთო ლიგის ქვეყანასთან. გაიხარეთ ბიჭებო!
გუსანი

ვულოცავ ბიჭებს, მაგრამ მსოფლიოზე მარტო ფიქრი არ გვიშველის, სხვა სახეობებშიც გვჩვევია ეს ემოციური აღტკინებები და მოტივაციისთვის კარგია, მაგრამ მალე უნდა გამოვიდეთ ეუფორიიდან, 3 ნაკრები გველოდება შემდეგ ეტაპზე და ისინიც ძალიან მოტივირებულები იქნებიან, ამდენი შეცდომებით კი მარტო 3-4 კაცი ვერ იტვირთავს -სროლა უნდა გაუმჯობესდეს, 3 ქულიანების გარეშე ვერავინ მოიგებს, მომავალი მეტოქეები მეტწილად ამ კომპონენტით გადიან ფონს, ჩვენ მარტო ტედზე ვარ ჩამოკიდებული, ამ თამაშიც სულ აცილებდა და გაბრაზებული სულ უფრო მეტ შეცდომას უშვებდა , კიდევ კარგი ბოლოსკენ გაეხსნა....ეს პრობლემა ქართულ კალათბურთში სულ დგას აგერ უკვე რაც მახსოვს 42 წელია...დროა ვინმე გამოჩნდეს 40-50 % სიზუსტით მაინც..
geo

რატი ნბა-ში და ნაკრებში არ გამოუშვებენ მერე როგორც ბითაძეს და მამუკელაშვილს არ უშვებენ ისე და მთავარი ჩვენთვის ნაკრებია
ალექს

კუდი გაიკრიჭო შენ ჯობია ამდენი სისულელეების წერას
ჩეტო

რატომ პატივცემულო, თუ ვინმემ რამე გააკეთა და ღვაწლი აქვს ვუთხრათ მადლობა რა დაშავდება? მთავრობასაც და კერძო სექტორსაც გადაუხადა მადლობა, არ მგონია ეშლებოდეს ვიზეა სათქმელი და ვიზე არა
ლევან მაღლაკელიძე

გულით ვულოცავ ნაკრებს და ყველას. მაგრამ მეორე შემადგენლობას ვეთამაშეთ, ეს გავითვალისწინოთ.
პატრიოტი

არ იყო საჭირო პოლიტიკური მადლობები, ის გააკეთეს, რაც უნდა გაეკეთებინათ, ბიჭებმა კი ძალიან გამახარეს, ყოჩაღ
ბს

არ გინდა ანი! ზოგადად საიდან მოდიხართ ასეთები? თუ არ იცი არაფერი, გაჩუმდი მაინც, აუცილებელი არ არი საკუთარი არაკომპეტენტურობა და დაბალი ინტელექტი გამოიამზეურო, ან/და სალანძღავად მაინც ნუ გაიხდით ჩემო დაიკო თავს!
კახა

კარგია გამარჯვება ვულოცავ ყველას გულშემატკივრებს ნაკრების მოთამაშეებს მწვრთნელებს. რატო ვარდებით ეგრევე ეიფორიაში რეალობა უკრაიინამ დაგვანახა და ასე მალე დაივიწყეთ!? ესპანეთში ბევრი ახალგაზრდა მოთამაშე გამოსცადეს არ ვაკნინებ გამარჯვებას ოღონდ არაა საქართველოს ნაკრები ტოპ ნაკრები კალათბურთში სანი კაცით ჩემპიონატს ვერ მოიგებ. გაიგეთ და რა ნბა თავის ლიგაში უნდა დაამტკიცოს ჯერ ვის არ უნდა რომ მაგარი გახდეს. მოკლედ თითოეულმა ნაკრების წევრმა უფრო სათადარიგოებმა კითხონ საკუთარ თავს რატომ არიან ნაკრებში!? სროლა თუ არ შეგიძლია ბურთის მოხსნა დრიბლინგი აბა იქ ხინკალს არ არიგებენ.
gela

ძალიან ვისიამოვნე. რატის ძალაინ დიდი მადლაობა:)ბიჭებს დიდი მადლობა:)) იყო ხარვეზები რაც კლასის ხარჯზე გადავიარეთ. ბექაურმა დაგლიჟჯა. ასე რომ ბიჭებო წარმატებებიდა ისე გაიხარეთ როგორც მე გამახარეთ:)
ანი

სანამ ეს ფაჩულია და ბებრები არ წავიდნენ არ სასცალდათ თამაში ახალგაზრდებს
სოსო

ჯერ სწავლობს.აი ბოლო წელს,სწავლას რომ დაამთავრებს,მაშინ რა დონეზე გავა,ეგ არის მნიშვნელოვანი და ეს გადაწყვეტს მის ბედს.
duscatto

rati dzalian kargi bichia da motamashe magram NBA cota zedmetad chans am momentistvis. ai evropul sashualo klubshi ki realuri.carmatebebi mas da NBA moxvedra momavalshi

საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს

"წავაგეთ ნაკრებთან, რომელმაც კალათბურთის თამაში 12 თვის წინ დაიწყო" - რას წერენ ფრანგი გულშემატკივრები საქართველოსთან მარცხის შემდეგ?

შენგელია: გასაკვირია ჯიკიჩი ევროლიგის გუნდს რომ არ წვრთნის

[PHOTO] არდა გიულერის ემოციები ესპანეთთან განადგურების შემდეგ

პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა

მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით

"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]

პირველი ტაიმის შემდეგ საქართველოს ნაკრები ბულგარეთს 2:0 ამარცხებს

მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო

კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია

ოფიციალურად: "კოლოსმა" ზურაბ რუხაძე წარადგინა

ტიაგო მოტამ შესაძლოა, ბუნდესლიგის ბინადარი გუნდი ჩაიბაროს

ონანა კარიერას სავარაუდოდ, თურქეთში განაგრძობს

როდრიმ მისი აზრით "ოქროს ბურთის" ორი ფავორიტი დაასახელა

"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ

ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს

მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს

ქოჩორაშვილი: აქამდე სწორედ იმიტომ მოვედით, რომ არასდროს ვნებდებით

ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა

"შავი ლომი" "ძებრესთან" დამარცხდა

ლუქსემბურგის ახალგაზრდული ნაკრების ავტობუსი გზაში გადატრიალდა

მატჩის დღე - ქართველებსა და ბულგარელებს ცუდად დაწყებულის გამოსწორება სურთ!

"კიდევ ერთხელ დავამტკიცეთ რომ ყველასთან შეგვიძლია თამაში. მადლობა გულშემატკივარს" - თორნიკე შენგელია

[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!

ევრობასკეტზე ჩასულ საქართველოს ნაკრებს კაპიტანი თორნიკე შენგელია ლიმასოლში დახვდა

"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]

[VIDEO] კატასტროფული მეოთხე მეოთხედი - საქართველოს ნაკრები იტალიასთან დამარცხდა

შენგელია: გასაკვირია ჯიკიჩი ევროლიგის გუნდს რომ არ წვრთნის

Marca: საქართველოს ნაკრების სერიოზული პრობლემა - შენგელიას ექიმების რჩევის მიუხედავად ნებისმიერ ფასად თამაში სურს

კარგი ამბავი - FIBA-მ შენგელიას მსაჯების შეურაცხყოფისთვის დისკვალიფიკაცია არ მისცა