"შალკე" - პროფესორი იმედგაცრუებულია

რალფ რანგნიკს უკვირს: სად წავიდა ნოიერში აღებული ფული? ყენიაზე არაფერი ისმის შაბათს, მორიგი ტესტ-მატჩის შემდეგ, რომელშიც „შალკემ“ ერთ-ერთი სამოყვარულო გუნდი 8:0 დაამარცხა, გელზენკირხენული კლუბის სამეთვალყურეო საბჭოს თავმჯდომარე კლემენს ტიონიესი და მენეჯერი ჰორსტ ჰელდტი, ფინანსურ დირექტორ პეტერ პეტერსთან ერთად, ამ უკანასკნელის კაბინეტში შევიდნენ, სადაც მთავარ მწვრთნელ რალფ რანგნიკთან სალაპარაკოდ განმარტოვდნენ.მსჯელობის მთავარი თემა „შალკეს“ სატრანსფერო გეგმები იყო - საუბარმა მხოლოდ 20 წუთს გასტანა და როგორც ჩვენი გერმანელი კოლეგები იტყობინებიან, მოლაპარაკებების დროს ფეთქებადი სიტუაცია შეიქმნა.ეს ყველაფერი მას მერე გაირკვა, რაც შეხვედრის შემდეგ, რანგნიკმა ჟურნალისტებთან საუბრისას აი, ასეთი კომენტარი გააკეთა: „კლემენს ტიონიესთან შესაძლო ტრანსფერებზე ვისაუბრე. რამდენიმე კვირის წინ ვფიქრობდი, რომ ხელმძღვანელები მანუელ ნოიერის სანაცვლოდ (გერმანიის ნაკრების მეკარე "ბაიერნში" გაიყიდა) აღებული 25 მილიონიდან, დიდ ნაწილს ახალი ფეხბურთელების ტრანსფერებში დააბანდებდნენ. ახლა კი მეუბნებიან, რომ კლუბი რთულ ფინანსურ მდგომარეობაშია და ახალი ფეხბურთელების შესაძენად საკმარისი ფული არ გვაქვსო.“მიუხედავად იმისა, რომ „შალკემ“ გასულ სეზონში ჩემპიონთა ლიგის ნახევარფინალში გააღწია, რაც იმას ნიშნავს, რომ უეფასგან დაახლოებით 60 მილიონი ევრო მიიღო, გელზენკირხენულ კლუბს დღეისათვის 216-მილიონიანი ვალი აქვს. თუმცა რანგნიკს კლუბის ბოსების ძველი ცოდვები ნაკლებად აინტერესებს და გუნდის გაძლიერებისთვის ფულის გამოყოფას ითხოვს. შეფებს უთქვამთ, ტრანსფერებში 13 მილიონზე მეტის დახარჯვა არ შეგვიძლიაო, რალფს კი მინიმუმ 23 მილიონი სჭირდება, რადგან „ფრაიბურგის“ გოლეადორი პაპის დემბა სისე 15 მილიონი ღირს, „ბრესტის“ თავდამსხმელი რუ კი 8 მილიონად ფასობს.„ჩემი აზრით, დისკუსია ნაყოფიერი იყო. ჩვენ რანგნიკისთვის არასდროს გვითქვამს, რომ ტრანსფერებში ძალიან ბევრ ფულს დავხარჯავდით,“ - ამბობს ტიონიესი.„სამწუხაროდ, ფინანსური მდგომარეობა არ გვაძლევს იმის საშუალებას, რომ ძვირადღირებული მოთამაშეები ვიყიდოთ. ძველი ტრანსფერებიდან, რამდენიმეს ფული ჯერ კიდევ არაა ბოლომდე გადახდილი,“ - ეს კი ფინანსური დირექტორის, პეტერსის სიტყვებია.„ბილდის“ მიერ ამასწინათ გავრცელებული ინფორმაციის შემდეგ კი, რომლის მიხედვითაც, „შალკე“ ლევან ყენიას ტრანსფერზე დაყენებას აპირებდა, ახალი არაფერი ისმის. შესაბამისად, შეგვიძლია, ვივარაუდოთ, რომ ეს სპეკულაცია იყო, თუმცა ხომ იცით, კვამლი უცეცხლოდ არ არსებობს და უმჯობესია, ოფიციალურ ცნობებს დაველოდოთ.ყოველდღიური სპორტული გაზეთი "ლელო"

"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს

[VIDEO] 2 წითელი ბარათი და 3 გაუქმებული გოლი - "ლევერკუზენმა" 9-კაციანი "ბაიერნი" ვერ დაამარცხა

თუ კეინი წავა - "ბაიერნი" ოსიმენის დამატებას შეეცდება

Eureka. მამარდაშვილის სახით ყველა პრობლემის მიზეზი მოძებნეს - რას წერს ინგლისური გამოცემა ალისონის არყოფნაზე

ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ

ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა

ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება

კვერნაძის 74 წუთი და "ფროზინონეს" მორიგი გამარჯვება

[VIDEOS] გულიაშვილმა ესპანეთში დუბლი შეასრულა

სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა

პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს

[VIDEO] ლუკა გადრანმა "ბეითარში" სადებიუტო გოლი გაიტანა

[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა

პეპ გვარდიოლამ "ლივერპულთან" პირადი რეკორდი დაამყარა

ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა

ფუტსალის ნაკრები აზერბაიჯანთან ორ ამხანაგურ მატჩს გამართავს

[VIDEO] "ბარსელონა" "რეალს" 7 ქულით გაექცა

U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო

[VIDEO] მორიგი გამარჯვება პირველივე რაუნდში - ღვინიაშვილი MMA-შიც შეუჩერებელია!

18 წ. | 3 ლელო საფრანგეთთან

"მამარდაშვილი მთავარი დამნაშავე არ არის" - ინგლისური მედია

დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა