"სიომინმა დამირეკა და ხვიჩაზე მეკითხება... როდესაც ის პირველად დავინახე..." - ზაზა ჯანაშიამ რუსულ პრესასთან კვარაცხელიაზე ისაუბრა

საქართველოს ნაკრების ყოფილმა ფორვარდმა ზაზა ჯანაშიამ რუსულ "რია ნოვოსტის" ინტერვიუ მისცა, სადაც მან ხვიჩა კვარაცხელიას შესახებ ისაუბრა:"ხვიჩა დიდი ვარსკვლავი გახდება! მისი მონაწილეობით "ნაპოლის" ამხანაგურ მატჩებს ვუყურე და თავი შესანიშნავად წარმოაჩინა! ეს მხოლოდ წინასასეზონო მატჩებია, მაგრამ უკვე ცხადია, რომ მას იქ თამაში შეუძლია!თბილისის "დინამოში" ვმუშაობდი, როდესაც პირველად ეს ბავშვი ვნახე და მაშინვე მივხვდი, რომ ის ნამდვილი პროფესიონალია! ვარჯიშების შემდეგ ხვიჩა მოედანზე რჩებოდა, კიდევ უფრო მეტს მუშაობდა და სხვადასხვა დარტყმას ხვეწდა. მას მხოლოდ ფეხბურთი უნდა, ამით ცხოვრობს და მეტი არაფერი! "ნაპოლი" სუფთა საფეხბურთო ქალაქია და ეს მას ხელსაც შეუწყობს, რათა სხვა რაღაცებზე არ იფიქროს.ვურჩიე თუ არა სიომინს მე კვარაცხელიას წაყვანა? – კი, მაგრამ პალიჩმა ჯერ თვითონ გაიგო ხვიჩას შესახებ, მერე კი დამირეკა და მკითხა, ვიცოდი თუ არა მის შესახებ. ეს ჩვეულებრივი და მიღებული პრაქტიკაა. შემდეგ კი მას კვარაცხელია ვურჩიე. პალიჩთან კარგი ურთიერთობა მაქვს, არასდროს მომიტყუებია და არც ვატყუებ. ჩვენ ვენდობით ერთმანეთს როგორც ცხოვრებაში, ასევე წმინდა სამუშაო საკითხებში.მოერგება თუ არა იტალიურ ფეხბურთს კვარაცხელია? იტალიური ფეხბურთი აღარ არის ისეთი, როგორიც ადრე იყო. ახლა ცოტა უფრო ადვილია იქ თამაში. ხვიჩა ტექნიკურია, სწრაფია და, აქედან გამომდინარე, რთულია ასეთ ფეხბურთელებთან თამაში. მას აქვს ძალაც და გამძლეობაც. ყველაფერი მასთანაა!არის თუ არა კვარაცხელია ბოლო დროის ქართული ფეხბურთის მთავარი ვარსკვლავი? – არა. შემიძლია ვთქვა, რომ გიორგი ჩაკვეტაძეც ძალიან კარგი ფეხბურთელია. საქართველოში ბევრი მაღალი დონის მოთამაშეა. სხვათა შორის, მალე ჩვენს ქვეყანაში 23-წლამდელთა ევროპის ჩემპიონატი დაიწყება, ნახავთ, რა ძლიერი თაობა გვყავს. ტურნირს მთელი ქვეყანა ელოდება", – ამბობს ჯანაშია.

გაოცებული

როგორაც არ უნდა წავიდეს მისი კარიერა, ყოველთვის დარჩება იმ დიდი ფეხბურთელების გვერდით ჩემთვის, ვინც მიყვარდა და ვაფასებ დღემდე.
gurulo

ტრავმები ბავშვთა არასწორი ვარჯიშის,რეჟიმის დაუცველობისა და ბუნებრივი ანატომიური თავისებურებების ბრალია.ბავშვებს არასწორად ავარჯიშებენ,მთელი სამედიცინო აკადემიები მუშაობენ სავარჯიშო პროგრამების შედგენაზე,სწორი ვარჯიში,კვება და დღის რეჟიმი,აი სპორტული დღეგრძელობის საიდუმლო.
თემო

ტრამვები რო არ ტანჯავდეთ ჩვენ ფეხბურთელებს მაგარი ნაკრები გვეყოლება.. მთავარი ძალა მაინც კიტე და კვარააა... მერე მოდის ლობჟანიძე, დავითაშვილი ჩაკვეტაძე და ა.შ. ხარაიშვილი კი ყველამ ჩამოწერა არადა ძაან მაგარი ფეხბურთელია... რონსლფო მაგ ასაკში მაგარი იყოო რო ამბობთ პორტუგალიაში რო დაბადებულიუო კვსრა 18 წლის ასაკში პორტუში ითამაშებდა და იქიდან 21 წლის ასაკში ქე გადსვიდოდა რეალში
ივან

რატოა პირწავარდნილი რუსეთუმე, მიშისტი რომ არაა? დაიოკეთ რა ნერვები და პირი გამოირეცხეთ ვიდრე ვინმეს რუსეთუმეს უწოდებთ. ჯანაშია მაგარი კოჩია, ეგეთები სხვისი არასდროს ხდებიან
!!

კვარამ დამაბრუნა ქართულ ფეხბურთში, კვარას გამო წავედი საქართველოში სტადიონზე, კვარას გამო მაქვს იმედი, რომ ქართული ფეხბურთი მთლად დაღუპული არაა და დიახ ერთ კაცს შეუძლია შეცვალოს ყველაფერი უკეთესობისკენ. არაერთხელ დაამტკიცა უკვე ეგ და თან უმაღლესი დონის გუნდებთან. ჩაკვეტაძეს რათქმაუნდა ჩემი პატივისცემა, უბრალოდ იმ წლებში როცა ჩაკვეტაძეზე იყო აჟიოტაჟი, მე ძალიან მშვიდად ვუყურებდი ამ ყველაფერს, ჩემთვის არიყო საკმარისი ანდორას და ყაზახეთის კარში გატანილი გოლები, იმისთვის, რომ ავღფრთოვანებულიყავი მისით ზედმეტად. როცა ტრავმა მიიღო, როცა რთული პერიოდი ჰქონდა ყველაზე მეტად ვიცავდი და ზუსტად ის ხალხი უვლიდა ზედ, მაშინ რომ აქებდა. ჩემთვის ჩაკვეტაძე ჩვეულებრივი ნიჭიერი ფეხბურთელია, რომელსაც რათქმაუნდა აქვს პოტენციალი ავიდეს მაღალ დონეზე. მაგრამ კვარა საერთოდ სხვა განზომილებაა ჩემთვის. რაც გამოჩნდა იმის მერეც ეგრე ვარ, თამაშს რომ ჩააგდებდა რუბინში და ლანძღავდით აქ, ერთი წამითაც არ მიფიქრია, რომ რომელიმე ჩავარდნილი თამაში ან ვერ გატანილი გოლი მის ნიჭს დააკნინებდა. ვიცი ბევრი ხართ ჩასაფრებული და როგორც კი ერთ თამაშში ვერ გაიტანს ისევ გამოხვალთ "სცენაზე", მაგრამ ეგ არაფერი... როგორაც არ უნდა წავიდეს მისი კარიერა, ყოველთვის დარჩება იმ დიდი ფეხბურთელების გვერდით ჩემთვის, ვინც მიყვარდა და ვაფასებ დღემდე.
1

ხვიჩას ფიზიკა რუბინში მომუშავე ესპანელი ფიზმომზადების მწვრთნელების დამსახურებაა. შეიძლება ითქვას რომ გაგვიმართლა. საჭიროა საქართველოში ჩამოვიყვანოთ ეგ ხალხი ან მისნაირები ესპანეთიდან იქნება პრობლემა მოგვიგვარონ
გივი

თანაც პირწავარდნილი რუსეთუმეა ჯანაშია.
რობი

ჩაკვეტაძეს მაგარი ფეხბურთელია იმედი მაქ დაიბრუნებს ფორმას! მაგრამ ხვიჩა სულ სხვაა იმიტომ რომ თამაშობს რომანტიკულ ფეხბურთს! ესთეტუკურად ლამაზად და ტექნიკურად მაღალ სისწრაფეზე,! მისი ფეხბურთი ფეხბურთზე მეტია და ამიტომ უყვარს იგი ძალიან ბევრს! მისი დრიბლინგი არამარტო ეფექტურია არამედ ლამაზიცაა!ის მინდორზე სოლისტი შოუმენია, მისი მოძრაობა მოედანზე ქართულ ცეკვასავით ლამაზია! I
ჟორა

ზიდანი გვაკლია? ვაი ჩვენს პატრონს....კვარა კარგი ფეხბურთელი დადგება, მაგრამ ნამეტანი ნუ უბერავთ.მის ასაკში მესიც და რონალდოც უკვე მსოფლიო დონის ვარსკვლავები იყვნენ.ცოტა რეალობას გაუსწორეთ თვალი. ჩაკვეტაძის კი რა მოგახსენოთ, საუბედუროდ მისი მატარებელი უკვე წავიდა.
kane

ჩაკვეტაძე ძალიან კარგი ფეხბურთელია, მაგრამ მოდი ვაღიაროთ რომ ხვიჩა სხვა დონეზეა. ბიჭმა ნაპოლიში ადაპტაცია რამდენიმე დღეში გაიარა. თანამედროვე ფეხბურთი მხოლოდ ტალანტი და ტექნიკა არ არის, ფიზიკაც არის. ხვიჩას ის აქვს რაც არ ჰქონდათ ყენიას, ანანიძეს და ჩაკვეტაძის, ფიზიკური სიძლიერე. ჩაკვეს წარმატებები და იმედია დაიბრუნებს იმ ფორმას, რომლითაც ერთა ლიგის ფინალამდე მიგვიყვანა.
არისტო

მე მაინც მელქისედეკი მირჩევნია))))
semi

არ მინდა ვინემ ცუდა გაიგოს და შეურაცყოფაში ჩამომართვას, ხვიჩა ძალიან მიყვარს, მაგრამ ჩაკვეზე ვეთანხმები ჯანაშიას, მიმაჩნია რომ პოტენციალი და ნიჭი გიოს უფრო მეტი აქ და ის შეძლებს მწვერვაზე ასვლას.
G.LA

ქართული ფეხბურთის ბოლო დროის მთავარი მოვლენა არის ხვიჩა. მისი აღმავლობა გრძელდება და დიდი იმედი მაქვს გაგრძელდება უფრო ხმაურიანად. ამიტომაც დიახ ხვიჩა არის მთავარი მოვლენა დღევანდელ ქართულ ფეხბურთში. წარმატებას ვუსურვებ ხვიჩას, ჩაკვეს, კიტეს და ყველა იმედის მომცემ ჩვენს ფეხბურთელებს.
beqa

ეს თუ იქ მუშაობდა რას ელოდებით დინამოსგაან შავი ხვრელებით იქნება გავსებული დინამო თავის კორუფციით ხო წარმომიდგენია რახდება.
ტოტტი

როგორც მესი და რონალდო არიან მაგრები ისე არის ჩვენთვის კვარა და ჩაკვე. ჩაკვე ჩვენი მესია კვარა რონალდუ ❤️

[VIDEO] ვინ ვის ურტყამდა რთულად გასარჩევი იყო - გუნდი-გუნდზე ჩხუბი ბრაზილიის ჩემპიონატში

თუ ითამაშებს ხვიჩა ნაკრებში და ვნახავთ იტალიას მუნდიალზე? - მარტის მთავარი ამბები

"სჯობდა საერთოდ არაფერი ეთქვა" - კომპანიმ მოურინიო გააკრიტიკა

მე-17 ტურის ბოლო მატჩში "რუსთავმა" გურჯაანში "დელტა" დაამარცხა

VIDEO | ეროვნული ლიგა | დილა 1-0 ტორპედო. რამდენი რამ იყო "პირველად"...

დიხამინჯიამ 7 ბურთი გაიტანა, გავაშელიშვილმა და ცხოვრებაძემ 5-5, 4 გოლია კალანდაძის ანგარიშზე

"რასიზმი სირცხვილია, მაგრამ მოედნიდან არ უნდა გავდიოდეთ" - ხეფრენ ტურამი

ბათუმმა ზედიზედ მეოთხე გამარჯვება ორბთან იზეიმა

[VIDEO] პსჟ-მდე "ჩელსი" სახლში "ნიუკასლთან" დამარცხდა

VIDEO | ეროვნული ლიგა | რუსთავი 1:2 გაგრა. სულ სხვა "გაგრა"...

[VIDEO] სობოსლაის ულამაზესი ჯარიმა და რიშარლისონის გოლი 90-ე წუთზე - "ტოტენჰემი" "ენფილდზე" არ დამარცხდა

[VIDEO] რაფინიას ბენეფისი "სევილიასთან" - "ბარსელონამ"უხვგოლიან დაპირისპირებაში გაიმარჯვა

[VIDEO] წიტაიშვილის საგოლე გადაცემა - "მეცმა" "ტუტუზასთან" ანგარიში 0:2-დან გაათანაბრა

VIDEO | ეროვნული ლიგა | იბერია 1999 0:0 დინამო (თბ). ნულები, რომელიც არ გვიკვირს

სუპერლიგის მე-17 ტური კსუ-ს, "ქუთაისის" და "ივერიონის" მოგებებით დაიწყო

ემერის რეკორდი - "ასტონ ვილას" თავკაცმა საიუბილეო ნიშნული დააფიქსირა

"ის, რაც ქართულ რაგბიში ხდებოდა, არის აღმაშფოთებელი" - სკანდალი ქართულ სპორტში, WADA-მ ეროვნული ნაკრების 6 მორაგბე დაასანქცირა

ორი ვარიანტი - ვინ შეიძლება ჩაანაცვლოს ირანი მუნდიალზე, თუ ქვეყანა მსოფლიო ჩემპიონატზე გამოსვლაზე უარს იტყვის

გირასი სერია A-ს გრანდების სამიზნეში - "დორტმუნდის" ფორვარდს იტალიაში უხმობენ

"რეალის" საზაფხულო გეგმები - მადრიდული გრანდი რამდენიმე პოზიციაზე გაძლიერდება

შეინარჩუნებს პოსტს? - ტუდორის ბედი "ლივერპულთან" მატჩზე გადის

"მილანში" გადმოსვლისას ზლატანმა ეს სიტყვები მითხრა" - Dazn-მა მენიოზე დოკუმენტური ფილმი გადაიღო

"ნაპოლი" ჰოილუნდს 44 მილიონ ევროდ გამოისყიდის

"პარიზს უყვარხარ, "კვარადონა" - ევროპის უდიადეს სცენებს ანათებ" - პსჟ ხვიჩას აქებს

რა უშლის კვარაცხელიასა და ოსიმენის ტანდემის პსჟ-ში აღდგენას ხელს?

[VIDEO] "ნაპოლიმ" "ტორინო" დაამარცხა და სამმატჩიანი მოუგებელი სერია შეწყვიტა

"ლივერპული?" ხვიჩასთვის ძლიერი მეტოქე არ არსებობს" - ზაზა ჯანაშიამ "კვარაზე" ისაუბრა

"ვოცნებობ, რომ რუსეთის საფეხბურთო ნაკრები 2025 წლიდან საერთაშორისო არენაზე დაბრუნდეს" - ზაზა ჯანაშია

"ნუ უყურებთ იმას, რომ ფეხბურთელია" - ჯანაშია ყაველაშვილის პრეზიდენტად არჩევაზე

ზაზა ჯანაშია: ესპანეთი მთლად ისე ძლიერი არაა - ჩვენ ცხელი სისხლი გვაქვს

"ნაპოლი" ჰოილუნდს 44 მილიონ ევროდ გამოისყიდის

[VIDEO] "კვარაააააა" - ხვიჩას ბრწყინვალე თამაშით აღფრთოვანებული დემბელე, "ჩელსისთან" მატჩის მერე ემოციების ვერ მალავდა

სიომინი: ხვიჩა უმაღლესი დონეა - ლუის ენრიკე 30 მაისზე ფიქრობს

კარში კურტუა, შეტევაში კვარაცხელია ალვარესთან და ოლისესთან ერთად - უეფას სიმბოლური

სად ითამაშებს ხვიჩა - ცვლილებები წინა მატჩის ენდშპილის გათვალისწინებით

"უკეთესი იქნებოდა, "ზენიტს" ქართველი ფეხბურთელი ეყიდა და შემდეგ ის ამ ფასად გაეყიდა" - ჯანაშიამ რუსულ კლუბს ტრანსფერი არ მოუეწონა

"საქართველოში მივდივარ... ხვიჩა თავის სამშობლოზე ამას ყოველდღიურად მეუბნება" - ნგონგემ კვარაცხელიაზე ვრცლად ისაუბრა

"ნაპოლის" "ლეჩესთან" გამარჯვება პოლიტანომ მოუპოვა

"თუ ეს მოხდება, ხვიჩას "ოქროს ბურთის" მოგებაც შეუძლია" - ზაზა ჯანაშია კვარაცხელიაზე

[VIDEO] "ნაპოლი" "ატალანტასთან" დამარცხდა და "ინტერს" 14 ქულით ჩამორჩა

Le Parisien: შთამბეჭდავი კვარაცხელიათი დუეს გარეშე - მათი გუნდში ყოლა ნებისმიერი მწვრთნელისთვის ფუფუნებაა