<p><p><p>"უმცროსმა ბორჯღალოსნებმა" (18-წლამდელები) ფრანგულ ტურნეზე პირველი ამხანაგური თამაში გამართა და ადგილობრივი "სურენსი" 24:21 დაამარცხა.</p><p>შეთანხმების თანახმად, მატჩში ტურნეზე მყოფმა 30-ივე მორაგბემ მიიღო მონაწილეობა. ის მასპინძელთა უპირატესობით დაიწყო და მეტოქე 14:0 დაწინაურდა, თუმცა "უმცროსმა ბორჯღალოსნებმა" შესვენებამდე შეძლო ორი საპასუხო ლელოს გატანა. თავი უკანახაზელებმა ლუკა ხორბალაძემ და რატი პაპაშვილმა გამოიჩინეს, გელა ხელაძემ კი ერთი გარდასახა – 12:14.</p><p>მეორე ტაიმში საქართველომ ერთი გარდასახული ლელო გაუშვა, თავად კი კვლავ ორი გაიტანა. მესამე ლელო ტატო ბუთიკაშვილის ანგარიშზეა, ხოლო მეოთხე - ანდრო დვალის. ხელაძემ ორიდან კვლავ ერთი გარდასახა – 24:21.</p><p>გუნდის მთავარი მწვრთნელი ზურაბ ამონაშვილი ამ გამოცდილებით კმაყოფილი დარჩა:</p><p>„ძალიან სასარგებლო თამაში იყო, რომელმაც ჩვენი შედარებით სუსტი მხარეები დაგვანახა. მოხიბლული დავრჩი სათამაშო გარემოთო, მოედნის ხარისხით და ინფრასტრუქტურით. "სურენსი" კარგად მომზადებული, მობილიზებული დაგვხვდა და სწორედ ისეთი ოპონირება გაგვიწია, რისი სურვილიც გვქონდა. ვეთამაშეთ უფროსი ასაკის გუნდს. მეტოქის რიგებში 20 და 21 წლის ბიჭებიც იყვნენ და კარგი სათამაშო ტემპი ჰქონდათ, თუმცა კონტაქტის არეში პრობლემები არ შეგვქმნია და შეიძლება ითქვას, ეს ჩვენი ძლიერი მხარეც კი იყო“.</p><p>„თამაში ცოტა არეულად დავიწყეთ და ორი ლელოც გავუშვით. მთლიანობაში, ხარისხის მხრივ უკეთესის მოლოდინი მქონდა. გვქონდა შეცდომები როგორც შეტევაში, ასევე დაცვაში, სტატიკურ ფაზებსა და ფეხით თამაშში. ასევე პრობლემები გვქონდა გადაადგილებაში, რაც შესაძლოა აკლიმატიზაციის ბრალი იყო, თუმცა ჩვენ მიზეზებს ყოველთვის საკუთარ თავში ვეძებთ და ვეცდებით, ეს პრობლემები უმოკლეს დროში გამოვასწოროთ“.</p><p>„ჩვენი მიზანი იყო, რომ თავის გამოჩენის შესაძლებლობა ყველა მოთამაშისთვის მიგვეცა და კარგია, ეს რომ მოვახერხეთ. ფრანგული ტურნე ევროპის ჩემპიონატისთვის მზადების ნაწილია და სწორედ ასეთმა თამაშებმა უნდა დაგვანახოს, რაზე გვაქვს აქცენტი გასაკეთებელი. მაქსიმალურად ვეცდებით, რომ სწორი ანალიზი გავაკეთოთ, ხარვეზები გამოვასწოროთ და ევროპის ჩემპიონატს ოპტიმალურ ფორმაში შევხვდეთ“.</p><p><strong>18-წლამდელთა ფრანგული ტურნე. პირველი მატჩი. 25 აგვისტო</p><p>სურენსი – საქართველო 21:24</strong></p></p> <p><p><strong></p><p></strong></p></p> <p><p><strong>საქართველო</p><p>ხაზი:</strong> 15. ლუკა ცირეკიძე (ლელო), 14. ლუკა ხორბალაძე (ლელო), 13. ლუკა კობაური (აკადემია), 12. რატი პაპაშვილი (აკადემია), 11. ნიკა გოგუა (არმაზი), 10. გუჯა მახარაშვილი (აია), 9. ლადო ტყაბლაძე (აია);</p><p><strong></p><p>შერკინება:</strong> 1. ლუკა კოტორაშვილი (ხვამლი), 2. გიგი ჭუმბურიძე (აია), 3. გიგა თუთისანი (აია), 4. ჯაბა ოდიშარია (ლელო), 5. გიორგი გერგედავა (აია, კაპ.), 6. ლუკა სულუაშვილი (ხვამლი), 7. ნიკა ლომიძე (ხარები), 8. თამაზ ჭამიაშვილი (ხარები).</p><p><strong></p><p>მარქაფა: </strong>1. გიორგი მჭედლიშვილი (აკადემია), 2. შოთა ხელაძე (აია), 3. დავით მჭედლიშვილი (ლელო), 4. ნიკა გაბედავა (ხარები), 5. კახა შეყილაძე (ხვამლი), 6. თორნიკე ღანიაშვილი (ლელო), 7. ნიკა აბესაძე (ლელო), 8. ანდრო დვალი (ლელო); 9. ალექსანდრე ჯიღაური (ლელო), 10. გელა ხელაძე (ლელო), 11. ტატო ბურთიკაშვილი (ვეფხვები), 12. გიორგი ხაინდრავა (ლელო), 13. ლუკა კეშელავა (არმია), 14. ზურა ნინიძე (ბათუმი), 15. ლუკა ჭინჭარაული (ლელო).</p><p><strong>მთავარი მწვრთნელი:</strong> ზურა ამონაშვილი</p></p></p><p><p><p><strong>Rugby.ge</strong></p></p> <p><p><strong></p><p></strong></p></p> <p><p><strong> </strong> <p></p></p><br></p>
აშოტი
ვახ კაცო, "სურენას" მოუგეს" და "რუნებას" როდის ეთამაშებიან?
სოსო
ყოჩაღ ბიჭებო!ნათლობა მიღებული გაქვთ და ამის შემდეგ,სულ წარმატებებს გისურვვებთ!
18 წ. | დრამატული ფრე ირლანდიასთან
18 წ. | ირლანდიასთან ინგლისის მსგავსად
18 წ. | სამხრეთ აფრიკამ გვაჯობა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
წიტაიშვილი და აბუაშვილი შეცვლაზე და "მეცის" ფრე "ჰავრთან"
იური ტაბატაძე შეცვალეს - "კადისი" "სეუტასთან" ფრეს დასჯერდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ