<p>რაგბი ევროპის სუპერთასის მეორე ტურში "შავი ლომი" ისრაელის "თელავივ ჰითს" 25:25 დაუზავდა. ეს პირველი თამაშია, რომელიც ქართულმა ფრენჩაიზმა აღნიშნულ ტურნირში ფრედ დაასრულა.</p><p>ბათუმში ბონუსით, 29:3 მოგების შემდეგ, მწვრთნელებმა სასტარტო შემადგენლობაში 6 მოთამაშე შეცვალეს – სამი ხაზში და სამი შერკინებაში, მარქაფაში კი ასევე სამი დებიუტანტი იყო. ეს იყო თამაში, რომლის მოგება როგორც "შავ ლომს", ასევე "ჰითს" შეეძლო, მაგრამ ორივე გუნდმა იმდენი შეცდომა დაუშვა, საბოლოოდ საყაიმო ანგარიში ლოგიკურად გამოიყურება.</p><p><p><p>შეცდომებთან ერთად, ხშირი იყო ჯარიმებიც, რის გამოც თამაში ხშირად ჩერდებოდა და ამან თავისი კვალი ხარისხსაც დაატყო. სამხრეთაფრიკელი და კუნძულელი ლეგიონერებით დაკომპლექტებულ გუნდს კარგად წაუვიდა ფეხით თამაში და ორჯერ 50/22-ის წესით ისარგებლა. ორთაბრძოლებსა და მიწაზე თამაშში "შავმა ლომმა" მეტოქე დაჯაბნა, მაგრამ "ჰითმა" კარგად ისარგებლა მასპინძელთა შეცდომებით და დიდი ხნის განმავლობაში უპირატესობას ფლობდა.</p></p></p><p><p><p>„აია არენაზე“ შეხვედრა თავიდანვე დაბალ ტემპში დაიწყო. მეტოქემ საწყის 10 წუთში ორი ჯარიმა გამოიმუშავა და პირველი გამოიყენა, მეორე კი ძელმა აისხლიტა. საპასუხოდ "შავმა ლომმა" ხელდახელ შეუტია, კარის წინ ჯარიმა გამოიმუშავა და ლუკა მატკავამ წონასწორობა აღადგინა. თავი გამოიჩინა ფულბეკმა მირიან მოდებაძემ, რომელმაც ხელით არაერთხელ წამოიწყო შეტევა და დიდი მანძილი მოიგო.</p><p>მე-17 წუთზე პირველი ლელო გავიდა, როდესაც ფორვარდების დარტყმების შემდეგ ბურთი მარჯვენა ფრთაზე ბოლომდე ჩათამაშდა, სადაც აკა ტაბუცაძემ მცველს აჯობა და ოვალი ალამთან დაამიწა. მატკავამ რთული პოზიციიდან გარდასახა. "შავი ლომი" ინიციატივას დაეუფლა და "ჰითი" ზედიზედ რამდენჯერმე დაჯარიმების გამო სინბინით დაისაჯა. კიდევ რამდენიმე ჯარიმის შემდეგ მატკავამ კარის წინიდან გაიტანა და 29-ე წუთზე ანგარიში 13:3 გახდა.</p></p></p><p><p><p>ისე ჩანდა, მასპინძლები უპირატესობას განავრცობდნენ, თუმცა მეტოქემ 30-ე წუთზე 50/22-ის წესით ჩვენს 5-მეტრიანთან დერეფანის მოწოდების უფლება მოიპოვა, მოლით ლელო გაიტანა და გარდასახვით 3 ქულამდე დაიყვანა. საპასუხო, ხელდახელ შეტევის მცდელობისას ბურთი დაიკარგა და სტუმრებმა კონტრშეტევაზე მეორე ლელო გაიტანეს, გარდასახეს და 17:13 დაწინაურდნენ. რადგან შეტევაში თამაში ვერ დალაგდა, ტაიმის მიწურულს მატკავამ 40 მეტრიდან სცადა ჯარიმის გატანა, თუმცა მიზანი ვერ გაისწორა.</p><p>50-ე წუთზე "ჰითმა" ხაზზე გაიტანა ბურთი, ოფლოუდებით დაცვა გაიარა და მესამე ლელო გაიტანა. ამჯერად გარდასახვა არაზუსტი იყო. საპასუხო, ხელდახელ შეტევის შემდეგ, სტუმართა მორაგბე უხეში ბოჭვისთვის სინბინით დაისაჯა. ამას ფორვარდების მიძალების შემდეგ ბურთის ხაზზე გასვლა მოყვა, ლაშა ლომიძე ორ მცველს შორის შევიდა და ლელო სწრაფად გაქვითა. რადგან დრო ცოტა რჩებოდა, მასპინძლებს ნერვიულობა დაეტყოთ და შეცდომები დაუშვეს. დაკარგული ბურთების გარდა, ერთხელ სალელოვე კონტრშეტევაც მივიღეთ, თუმცა მატკავა მეტოქეს ბოლომდე მიყვა მიზნამდე არ მიუშვა.</p></p></p><p><p><p>74-ე წუთზე კარის წინ 25 მეტრში შერკინებაში დავჯარიმდით და "ჰითი" 7 ქულით დაწინაურდა. თამაში რომ განახლდა, ფეხით ორ-ორი გადაკიდების შემდეგ მირიან მოდებაძემ ხელით შეუტია, თორნიკე კახოიძემ კარგად შეუტია და ოფლოუდით მიშა გაჩეჩილაძე მოძებნა, რომელსაც დავით აბდუშელიშვილი მიყვა და თანაგუდელის დახმარებით ორი მბოჭავი გადათელა. გიორგი ბაბუნაშვილმა გარდასახვით წონასწორობა აღადგინა და "შავ ლომს" მოსაგებად ბოლო შეტევა დარჩა, მაგრამ ბურთი დაკარგა და ჯარიმა "ჰითმა" მოიპოვა. პოზიცია გასატანი იყო, თუმცა დარტყმა არაზუსტი აღმოჩნდა და თამაში 25:25 დასრულდა.</p><p>ფრედ დასრულებული მატჩის შემდეგ "შავი ლომი" სატურნირო ცხრილში 7 ქულით პირველ ადგილზე რჩება და 25 სექტემბერს, 16 საათზე, რუმინულ "ვულვზს" „აია არენაზე“ მასპინძლობს, რომელიც 5 ქულით მესამე პოზიციაზეა. 6 ქულა აქვს და მეორე ადგილზეა "ჰითი", რომელიც საქართველოში რჩება და 25 სექტემბერს 15, საათზე, ბათუმში "ბათუმს" ეთამაშება.</p></p></p><p><p><p><strong>რაგბი ევროპის სუპერთასი. ჯგუფური ეტაპი. II ტური</p><p>18 სექტემბერი. ქუთაისი. „აია არენა“.</p><p>შავი ლომი (საქართველო) – ჰითი (ისრაელი) 25:25</p><p>შავი ლომი</p><p>ხაზი:</strong> 15. მირიან მოდებაძე, 14. აკა ტაბუცაძე, 13. თორნიკე კახოიძე, 12. ლაშა ლომიძე, 11. ოთარ ლაშხი, 10. ლუკა მატკავა, 9. თენგიზ პერანიძე;</p><p><strong>შერკინება:</strong> 1. ნიკა ხატიაშვილი, 2. გიორგი ჭყოიძე (კაპ.), 3. ნიკა პატარაია, 4. ნოდარ ჭეიშვილი, 5. მიხეილ ბაბუნაშვილი, 6. მიხეილ გაჩეჩილაძე, 7. სანდრო მამამთავრიშვილი, 8. ლუკა ივანიშვილი.</p><p><strong>მარქაფა: </strong>16. ჯაბა ბრეგვაძე, 17. დათო აბდუშელიშვილი, 18. გიორგი ჩხარტიშვილი, 19. გიორგი კერვალიშვილი, 20. პაატა გალდავა; 21. გიორგი მარგალიტაძე, 22. გიორგი ბაბუნაშვილი, 23. დემე თაფლაძე.</p><p><strong>3 ლელო:</strong> ტაბუცაძე, ლომიძე, აბდუშელიშვილი</p><p><strong>2 გარდასახვა:</strong> მატკავა, გ. ბაბუნაშვილი</p><p><strong>2 ჯარიმა:</strong> მატკავა</p></p></p><p><p><p><strong>Rugby.ge</strong></p></p> <p><p><strong></p><p></strong></p></p> <p><p><strong> <p></strong> <p></p></p><br></p>
რამაზ
ფრანჩაიზი ყველა ოფიციალურ თამაშში ოპტიმალური შემადგენლობით და მაქსიმალურ შედეგზე ორიენტირებული ათამაშეთ, ხოლო საექსპერიმენტოდ რამე სხვა ფორმატი გამოიყენეთ, თუნდაც ამხანაგური ტესტმატჩები დიდი10-ის გუნდებთან, საბედისწერო შეცდომებს ნუ დაუშვებთ. რაც შეეხება მერაბ შარიქაძეს, სოსოს 100% ვეთანხმები, უბრალოდ ნომინალური კაპიტანი კი არა გუნდის შემკვრელია და უმისობა ძალიან შეგვეტყო.
სოსო
არ შეიძლება ამდენი უხეში შეცდომა.რამდენჯერ დავაჯარიმეთ მეტოქე და ვერაფერს გამოვრჩით,სულ ბოლოს კი,სულმთლად გვაპატიეს თორემ ჯარიმა რომ გაეტანათ,თამაში უკვე დამთავრებული იყო.მერაბ შარიქაძეზე რატომ არაფერს ამბობთ?ბოლოს და ბოლოს კაპიტანია,ლიდერი და შემადგენლობაში არ არის,არც სხვა რაიმე ინფორმაციას დებენ.
რაგბის კავშირმა და მაისაშვილმა თანამშრომლობა დაასრულეს
15-ქალას ელიტური მეტოქე
ნიკა ამაშუკელი - ტოკიო, ლონდონი და გენუა
პსჟ მზადაა შევალიე ზამთრის სატრანსფერო ფანჯარაზე გაასხვისოს
ფლიკმა "ბარსელონას" ზამთრის სატრანსფერო ფანჯარაზე ორი ფეხბურთელის დამატება სთხოვა
VIDEO | ეროვნული ლიგა | დინამო (ბთ) 2-1 რუსთავი. ვისთვის გრძელდება, ვისთვის დასრულდა...
[VIDEO] პსჟ-ს უიღბლობას დასასრული არ უჩანს - კვარაცხელიას შემდეგ, როგორც ჩანს, დუეც მძიმედ დაშავდა
[VIDEO] პირველი მარცხი UFC-ში - ალექსანდრე თოფურია სანტიაგო ლუნასთან დამარცხდა
წიტაიშვილი სასტარტოში და "რაიო ვალეკანოს" მარცხი "ვალენსიასთან"
ქვილითაია შეცვლაზე შევიდა - "ჰოლშტაინმა" ისევ წააგო
VIDEO | ეროვნული ლიგა | სამგურალი 0-1 იბერია 1999. ლიდერი სათავეში რჩება, თუმცა...
"ასეთი თავდადებული ხალხი არასდროს მინახავს" - მატამ იაპონიაში მომხდარი დაუვიწყარი ისტორია მოჰყვა
[VIDEO] მოურინიომ რონალდოს შესახებ დასმულ კითხვაზე საუბარი არ ისურვა და პრესკონფერენცია დატოვა
ახალი კონტრაქტი ბრაჰიმ დიასს - მაროკოელი "რეალში" კიდევ დიდხანს დარჩება
ყველაზე ცუდი შედეგი 2004/05 წლების სეზონის შემდეგ - "ბაიერნმა" 2 ქულასთან ერთად, 2 ლიდერიც დაკარგა
ჭიკაძე UFC-ში აღარ იჩხუბებს - საქართველოს ამ ორგანიზაციაში 6 სპორტსმენი დარჩა
"საქართველოს ნაკრების დამარცხების შანსი გვაქვს" - რა თქვა ფარერების მწვრთნელმა წილისყრის შემდეგ
საქმეში კაკაც ჩართეს - "მილანი" ენდრიკის დამატებასთან უკვე ძალიან ახლოსაა
[VIDEOS] სანდროს ორმაგ დუბლამდე ცოტა დააკლდა - "ლეიკერსმა" "საკრამენტო", "ორლანდომ" კი "ბრუკლინი" დაამარცხა
გარდაიცვალა ცნობილი, ვეტერანი ფეხბურთელი გოჩა მაჩაიძე
ლოჩოშვილი "ბაიერნთან" წარმატებულად დაბრუნდა - "კიოლნმა" მიუნხენიდან ქულა წაიღო, თუმცა მოგებაც შეეძლო
აბუაშვილი შეცვლაზე შევიდა - "მეცმა" "ბულონს" მოუგო
"თუ ისინი გაიფიცებიან, ნახავთ როგორ გაათავისუფლებენ ინფანტინოს" - როტენმა მესის, რონალდოსა და მბაპეს მიმართა
"შავი ლომი" | ჩელენჯ თასის პირველ ტურში "ოსფრიზმა" გვაჯობა
"შავი ლომი" | 42 მორაგბით ჩელენჯ თასზე
"შავი ლომი" | ლუკა ცირეკიძე მოსამზადებელ ეტაპსა და მომავალ შეხვედრაზე
"შავი ლომი" | თბილისის თასი "ჩიტასთან" გამარჯვებით დავხურეთ
"შავი ლომი" | ბრონკანის სადებიუტო რაზმი ჩელენჯ თასზე
"შავი ლომი" | ახალი სახეებით "ჩიტასთან"