<p>პედაგოგების თვალით დანახული ხვიჩა კვარაცხელია</p><p><p><p>"ენერგიული, ნიჭიერი, სხარტი, კეთილი, გონიერი, თავმდაბალი, მოწესრიგებული, უბრალოებით გამორჩეული"... - ასე ახასიათებენ 169-ე სკოლის პედაგოგები ხვიჩა კვარაცხელიას. იმ პატარა ბიჭით, სკოლის დერეფნებში ბურთით რომ დარბოდა, დღეს არა მხოლოდ მშობლიური სკოლა, სამშობლოც ამაყობს, ამ სტატიით კი სულ სხვაგვარ ხვიჩა კვარაცხელიას გაგაცნობთ.</p></p></p><p><p><p><strong>მანანა მერაბიშვილი, პედაგოგი:</strong></p><p>- ქართული ენისა და ლიტერატურის პედაგოგი გახლავართ. მე-5 კლასში იყო ხვიჩა, როდესაც მის კლასში შევედი და სკოლის დასრულებამდე ამ კლასის ხელმძღვანელი ვიყავი. ერთად 8 წელი გავატარეთ.</p><p><strong>- ბავშვობაში ხვიჩა როგორი იყო, რა თვისებებით გამოირჩეოდა?</strong></p><p>- ძალიან ენერგიული, ნიჭიერი, გონიერი, ყოველთვის სწრაფი აზროვნებით გამოირჩეოდა. რომ გითხრათ, ხელში სულ წიგნი ეჭირა და ძალიან კარგად სწავლობდა-მეთქი, მართალი არ ვიქნები. ხვიჩა სტადიონზე ბევრ დროს ატარებდა, სულ ვარჯიშობდა, მაგრამ როცა გაკვეთილზე იყო, კარგად მოსმენა იცოდა, ახსნილსაც ადვილად იმახსოვრებდა. XI კლასში რომ იყო, 4 საგანში გამოცდა უნდა ჩაებარებინა. ხვიჩა ამ დროს უკვე ყაზანის "რუბინში" თამაშობდა და წარმოიდგინეთ, მისთვის გამოცდები როგორი რთული ჩასაბარებელი იქნებოდა. სკოლაში ძალიან ყურადღებიანი დირექცია გვყავს. ხვიჩას ყოველთვის ვუწყობდით ხელს. მანამდე ექსტერნი გამოცდებიც წარმატებით ჩააბარა, მაგრამ მიკვირს, ბიჭმა, რომელიც სულ სტადიონზე იყო, როგორ ჩააბარა ფიზიკისა და ქიმიის გამოცდები, როცა მისი თანაკლასელები, რომლებიც მთელი წელი ემზადებოდნენ და ამ საგნებს ბევრ დროს უთმობდნენ, გამოცდიდან ატირებულები გამოდიოდნენ. ხვიჩა ყოველი გამოცდის ჩაბარებას გაღიმებული მახარებდა, "ჩავაბარე, მასწ!" მისი გონიერება და სწრაფი აზროვნება მოედანზეც კარგად ჩანს. ხომ გინახავთ ადამიანები, რომლებსაც აქვთ კარგი შემოსავალი, მაგრამ სიკეთით არ გამოირჩევიან? ხვიჩა თბილი, ძალიან კეთილი და უხვი ადამიანია.</p><p><strong> - ამის თქმის საფუძველს რა გაძლევთ?</strong></p><p>- არა მხოლოდ ხვიჩა, მთელი ოჯახი ასეთია. სხვათა შორის, მის ძმას, თორნიკესაც მე ვასწავლი. მასაც დიდი ფეხბურთის თამაში უნდა, გაკვეთილებს ამ მიზეზით ხშირად აცდენს, მაგრამ როცა სკოლაში მოდის, იგრძნობა, რომ ძმასავით ჭკვიანი და გონიერია. როცა გაკვეთილზეა, ყოველთვის ყურადღებით მისმენს. რამდენადაც ვიცი, ოჯახი წარმოშობით წალენჯიხიდანაა. ხვიჩა ჩავიდა წალენჯიხაში და იქ მცხოვრებ სოციალურად დაუცველ ოჯახებს დაეხმარა. თუ ზუსტი ინფორმაცია მაქვს, თითო ოჯახს 500 ლარი გადასცა. აუცილებლად უნდა აღვნიშნო ისიც, რომ ხვიჩა უბრალოებით გამორჩეულია. ჩვენ ერთ უბანში ვცხოვრობთ, სკოლაც აქვეა, კლასელების უმრავლესობაც მეზობელია და როცა თბილისში ჩამოდის, ხვიჩა მათ ურეკავს, იკრიბებიან სკვერში და საუბრობენ. ერთ კლასელს სოფელი აქვს ხარაგაულში, იქაც ერთად იყვნენ წასულები. ბავშვობის მეგობრებთან მუდმივად აქვს ურთიერთობა. ხვიჩას კლასი ყოველთვის მეგობრული იყო., ეს ნაწილობრივ ჩემი დამსახურებაც არის, ბავშვები სულ დამყავდა ექსკურსიებზე, თეატრებში... მოზარდებს განსხვავებულ გარემოში ურთიერთობის საშუალება უნდა ჰქონდეთ, იქ ერთმანეთს სხვაგვარად ეჩვევიან, ერთად მღერიან, ცეკვავენ, ილხენენ... მეტად უმეგობრდებიან... სკოლა რომ დაასრულეს, მეორე წელს მთელი კლასი და მათთან ერთად მეც, ხვიჩამ რესტორანში დაგვპატიჟა, ღირსეულად გვიმასპინძლა. გადამეტებულ ნათქვამად არ მიიღოთ, ხვიჩასნაირ პიროვნებას დღეს ძნელად თუ შეხვდებით, ნაკლს ვერ უნახავთ.</p><p><strong>- არასდროს გაუბრაზებიხართ?</strong></p><p>- არა.</p><p><strong>- ხვიჩას საცოლე ჰყავს, მის რჩეულს იცნობთ?</strong></p><p>- ხვიჩას საცოლე ახლახან გავიცანი, სრულიად შემთხვევით, უბანში სადედამთილოსთან ერთად შემხვდა. მაკას (ხვიჩა კვარაცხელიას დედა) ძალიან კარგად ვიცნობ, გვერდიგვერდ კორპუსებში ვცხოვრობთ, ერთმანეთს მაღაზიაშიც ხშირად ვხვდებით. მაკამ გოგონა გამაცნო, ხვიჩას შეყვარებულიაო. ძალიან ლამაზი, "სვეცკი" გოგონაა. ინტელექტუალი ჩანს, კარგად აღზრდილი. ხვიჩა ნამდვილად იმსახურებს, რომ გვერდით ღირსეული ადამიანი ჰყავდეს. სხვათა შორის, ხვიჩას ვეუბნებოდი ხოლმე: იცოდე, შენ ფეხბურთის თამაში მე გასწავლე-მეთქი. პატარა რომ იყო, სკოლაში ბურთი მოჰქონდა, შესვენებაზე დერეფანში ათამაშებდა. კლასის ხელმძღვანელი ვიყავი და შესვენებაზე კლასს უყურადღებოდ არ ვტოვებდი. ხვიჩა მისკენ მიმავალს რომ დამინახავდა, ბურთს ჩემკენ აგორებდა, თან მეძახდა, - "დაარტყით, მასწ!" ასე ვთამაშობდით (იცინის). სხვა ბავშვები გაკვირვებულები გვიყურებდნენ, მათ დამრიგებელი ფეხბურთს არ ეთამაშებოდა. სანამ გაკვეთილზე შესვლის ზარი დაირეკებოდა, ვთამაშობდით. თავს მატყუებინებდა, ვითომ რამე შემეძლო და თან მაგულიანებდა: "მიდით, მასწ, დაარტყით!"</p></p></p><p><p><p><a href="http://gza.kvirispalitra.ge/saxe/9807-midit-masc-daartqit/" target="_blank">განაგრძეთ კითხვა</a></p></p></p><p><p><p> <p><p></p></p><br></p>
!!
2000 იანების მერე დაბადებულ ბავშვებს მოუწიათ კარგ მასწავლებლებში და თბილ გარემოში სწავლა. აბა 90 იანების ბავშვებს კი ულაწუნებდნენ მასწავლებლები როცა მოუნდებოდათ :) ბავშვის ცემა და თმით თრევა ჩვეულებრივი ამბავი იყო. მასწავლებლები იგივე დარჩნენ, უბრალოდ დაემორჩილენ იმ სიტუაციას, რომ აღარ შეიძლებოდა ბავშვზე თითის დაკარება, ბევრი ასაკოვანი მასწი მხვდება და უკმაყოფილო არიან, ბავშვს სიტყვას ვეღარ ეტყვიო, ანუ ცემა რომ აღარ შეუძლიათ და ლანძღვა იმით არიან უკმაყოფილო. ხვიჩასთან რა შუაშია მაგრამ სიტყვას მოჰყვა ;))
ილია
.სიდა სად არის ეს სკოლა- ეს მაინდერესებდა ? სად მდებარეობს?= რომლე უბან
Tete1234
ხვიჩა არის ქართული ფეხბუთის მომავალი ლეგენდა და მსოფლიო ფეხბურთის საქრთველო ხარობს თითოელი შენი თამაშით
169-ე სკოლელი
ეს სკოლა, ხვიჩას მასწავლებელო (მანანა მერაბიშვილო) სანამ თქვენ მოხვიდოდით მჭედლიძემ, მესხმა, ცქიტომ, ხიზანებმა და ისე, თოკო შენგელიას დედამ და კიდევ ბევრმა სხვამ დაასრულა. ისე, ამ სკოლაში დიდი მიშა მესხის და ლუარას (ამ სკოლის დირექტირის, ვინც ამავე სკოლის მასწავლებელთა ერთმა ნაწილმა გაწირა) ინიციატივით, საფეხბურთო კლასიც იყო ავაზადან, ხოდა გია გაწერელია იყო იმ კლასის დამრიგებელი... ჰოო, კიდევ, დინამოელებთან ხშირად ეწყობოდა ხოლმე აქ მოსწავლეთა შეხვედრები... იმართებოდა რაიონული შეჯიბრები (ვიდრე, დარბაზს და აზუსს ჩამოშლიდნენ) ასე თუ ისწავლეთ სკოლოს დერეფანში ბურთის გაგორება, ნაღდად არ მგონია... ყოველ ჩემთხვევაში, ჩემს დროს, ეს სკოლის კანონებით აკრძალული იყო. ხო,კიდევ, კვარას, სკოლა უკვე დამთავრებული (2017-2018 წლებში) ჰქონდა, როცა "რობინში' წავიდა, თან კარგა ხნის... მესმის, რომ ხვიჩა, ახლა კარგად გასაყიდი თემაა, მაგრამ პირადი პოპულარიზებისთვის, რომ ნაკლები მოიტყუოთ, თქვენივე მოსწავლეებისთვის კარგი იქნება.... ამასთან, არ მგონია ფეხბურთელებს, სკოლის დამთავრებისას რაიმე პრობლემა შეჰქმნოდათ... ყოველ შემთხვევაში ამ სკოლაში, ნებისმიერი მმართველობის დროს... და კიდევ, ცოტა კვარას, რომ ფეხბურთის თამაში აცადოთ და ყველამ "ფეხი არ გამოჰყოთ", არა?
ვახო...
ადამიანის უპირველესი ღირსება, ეს მისი მორალური ფასეულობებია, რაც უხვად ყოფილა ხვიჩაში ყველაფერთან ერთად და ეს ძალიან გვახარებს! უდიდესი წარმატებები ჩვენს მარგალიტს!
შოთა
რა თბილი სტატიაა. მადლობა ყველას, ვისაც წვლილი მიუძღვის ხვიჩას აღზრდაში. ჭკვიანი რომ იყო ხვიჩა სკოლაში, ეს მინდორზეც ეტყობა. მე არ მჯერა იმის რომ"ოროსანმა" ბავშვმა, დიდ წარმატებას მიაღწიოს, თუნდაც სპორტში.
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
"ლივერპული" პრემიერლიგის "გალაქტიკოსი" გახდა" - ჯეიმი კარაგერი
შესარჩევიდან ჩემპიონთა ლიგაზე - რას უნდა ველოდოთ ამ შვიდი გუნდისგან?
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"როცა ის მოედანზე მყავდა, პატარა ბავშვივით ტკბილად მეძინა" - გვარდიოლამ "სიტის" ყოფილი ფეხბურთელი გამოარჩია
"პირველი იყო, ვინც "ოქროს ბურთის" მოგება მომილოცა" - უსმან დემბელემ ლიონელ მესიზე ისაუბრა
[VIDEO] რონალდოს 946-ე გოლი - "ალ ნასრმა" ბენზემას "ალ იტიჰადი" დაამარცხა
"მოურინიო გეი და ჰომოსექსუალია" - სკანდირებდნენ "პორტუს" გულშემატკივრები
Le Parisien: ფლანგებზე კვარაცხელია და ბარკოლა - დღეს "ბარსელონასთან" მატჩის გენერალური რეპეტიციაა
"უდინეზეს" მწვრთნელი: გოგლიჩიძე შანსის გამოსაყენებლად მზად უნდა იყოს
"ბარსელონას" კიდევ ორი ფეხბურთელი პსჟ-სთან ვერ ითამაშებს
პრობლემების მქონე პსჟ-ისა და კარგ ფორმაში მყოფი "ვილიარეალის" მატჩის დღე
Le Parisien: ფლანგებზე კვარაცხელია და ბარკოლა - დღეს "ბარსელონასთან" მატჩის გენერალური რეპეტიციაა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"ოსერთან" მატჩში პსჟ-ს სასტარტო შემადგენლობა ცნობილია
პირველი ტაიმის შემდეგ პსჟ "ოსერს" 1:0 ამარცხებს
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
ლუის ენრიკემ კვარაცხელიას ტრავმაზე კომენტარი გააკეთა