ახალი უნარები კვარაცხელიას თამაშში, გაკვირვებული ევროპა და "ნაპოლის" იშვიათი მაჩვენებელი

"ნაპოლის" თითოეული მატჩის წინ ყველას ერთი სურვილი გვამოძრავებს, ხვიჩა კვარაცხელიამ მორიგი მაღალი დონის შეხვედრა ჩაატაროს და ვარსკვლავობისკენ კიდევ ერთი ნაბიჯი გადადგას. ამ წადილის ასრულებას ძალიან იოლად ვახერხებთ - ზედიზედ მეორე დაპირისპირებაში ქართველი გარემარბი ორივე გუნდში საუკეთესოდ დასახელდა.უკვე შეთანხმებული ვართ იმაზე, რომ ჩვენებურთან მიმართებით ზედმეტი თავმდაბლობის საჭიროება სულაც არ გვიდგას. რადგანაც თამასა ასე მაღლა ავწიეთ, იმასაც ვაკვირდებით, თითოეულ საფეხბურთო ასპექტში "კვარა" როგორ იხვეწება და რა სიახლეებს გვთავაზობს. უფრო სწორი ასე იქნებოდა, რა სიახლეებს ხედავს საფეხბურთო ევროპა და ის სახელოვანი კლუბები, კვარაცხელიას გუნდში აყვანა რომ ვერ გარისკეს. ჯერ სად ვართ - "კვარადონას" კიდევ მეტ კომპონენტში თავის გამოჩენა შეუძლია და მათ უფრო გააკვირვებს.<img src="pictures/artimages/original/031f49381de6de11a7d2273f3109e735.jpg" border="0" alt="Sportall.Ge" title="ახალი უნარები კვარაცხელიას თამაშში, გაკვირვებული ევროპა და "ნაპოლის" იშვიათი მაჩვენებელი" width="712" height="400" style="border: 0px;" />აკი ყოველთვის ვამბობდით, ხვიჩას პასის კულტურა მაღალ დონეზე აქვსო, თუმცა რამდენიმე ეპიზოდში ზედმეტი ინდივიდუალურობის გამოჩენამ "ნაპოლის" მთავარი მწვრთნელი ლუჩანო სპალეტი სხვაგვარად დააფიქრა. რა თქმა უნდა, კრიტიკასაც სწორად გამოყენება უნდა და ის ე.წ. "გასაღები" პასები, რაც ქართველმა შემტევმა "ბოლონიასთან" შემოგვთავაზა, ძალიან მაღალი დონისა იყო. რა თქმა უნდა, არ ვადარებთ კლასს, კვალიფიკაციას, გამოცდილებასა თუ სტაბილურობას, თუმცა ასეთი პასებით მომარაგება ბელგიელი ვარსკვლავის, კევინ დე ბრუინის სტილია. არ დაგვავიწყდეს, რომ კვარაცხელია გარემარბია და მისი მთავარი ღირსება უფრო დრიბლინგი, სისწრაფე და ტექნიკაა, ამის პარალელურად კი თანაგუნდელებისთვის საგოლე შანსების შექმნა პლეიმეიკერის სტილშიც შეუძლია.რაც შეეხებათ გარემარბებს, დღეს პირველ რიგში ვინ გვახსენდება? - "რეალელი" ვინისიუსი, კიდევ ერთი ბრაზილიელი, ნეიმარი, რომელიც სხვადასხვა პოზიციაზე თამაშობს. შესაძლოა, მათ ტექნიკის საოცარი დემონსტრირება გვაჩვენონ, მეტოქეებს თავბრუ დაახვიონ, რამდენიმე მათგანის ყურადღების ცენტრში იყვნენ, თუმცა დაცვით ფაზაში ისეთი აქტიურები და პროდუქტიულები არიან, როგორაც კვარაცხელია? იმ მოსაზრებასაც წავაწყდით, პეპ გვარდიოლას "მანჩესტერ სიტიში" ჯეკ გრილიშის ადგილი (მარცხნივ ფილ ფოდენიც გამოდის) "კვარასთვის" ხომ იდეალური იქნებოდაო...<img src="pictures/artimages/original/a66fcbd58cd988b793f92f90cfa63aca.jpg" border="0" alt="Sportall.Ge" title="ახალი უნარები კვარაცხელიას თამაშში, გაკვირვებული ევროპა და "ნაპოლის" იშვიათი მაჩვენებელი" width="533" height="400" style="border: 0px;" />როცა მოედანზე შესასვლელად ჩრდილომაკედონიელი ელიფ ელმასი მოემზადა, აქამდე ტრადიციულად, ვიფიქრეთ, რომ კვარაცხელია დაგვტოვებდა. ასე რომ მომხდარიყო, ძალიან გასაკვირი იქნებოდა, რადგან კარგად ჩანდა, დაძაბულ შეხვედრაში და მაშინდელ საყაიმო (2:2) ანგარიშზე გადამწყვეტი სიტყვა ისევ ხვიჩას უნდა ეთქვა და ერთხელაც მისი მშვენიერი პასები საგოლედ უნდა ქცეულიყო. ასეც მოხდა. სპალეტის გუნდი ცდილობს, მაქსიმალურად ბევრი ქულა მოიპოვოს და კონტრშეტევებისა თუ მარცხის შიშით უარს მოსაგებად თამაშზე არ ამბობს და სატურნირო თვალსაზრისით არცთუ მიუღებელ ფრეს არ ნებდება. ნეაპოლელებს ფუფუნება აქვთ, შეუჩერებელ ფორმაში მყოფი "კვარა" სრულად გამოიყენონ. თუკი ადრე მის დასვენებას თითქოს, საჭიროება მოითხოვდა, ახლა ასე არაა...რასაც მთავარი მწვრთნელი ხვიჩას მისამართით საჯაროდ ამბობდა, ახლა სხვების მიმართ უშუალოდ თქმა მოუწევს. კვარაცხელიას თანაგუნდელების მხრიდანზოგიერთ ეპიზოდში ეგოიზმი შეინიშნებოდა და პასი უკეთეს პოზიციაში მყოფ თანაგუნდელებს არ გაუკეთეს. მიმდინარე სეზონში პირველად მოხდა, რომ მეკარე ალექს მერეტის მხრიდან აშკარა შეცდომები ვნახეთ. ისიც გამოჩნდა ან ზამბო ანგისას არყოფნამ გამოაჩინა, რომ სტანისლავ ლობოტკა ყველა შეხვედრას ერთ დონეზე მაინც ვერ ჩაატარებს. მის ნაცვლად გერმანელი დემე შემოვიდა, თუმცა "კვარასი" არ იყოს, ლობოტკას სათანადოდ შეცვლა ფაქტობრივად, შეუძლებელია, ისევე, როგორც ცენტრალურ მცველ კიმის."ნაპოლი" რომ ძალიან გუნდურად ასპარეზობს, გოლების ავტორებზეც მოწმობს. მოწიმააღმდეგეთა კარი 15-მა ნეაპოლელმა აიღო, რაც მართლაც შთამბეჭდავი და იშვიათია. რაც შეეხება კვარაცხელიას - 14 მატჩი, 7 გოლი, 6 საგოლე პასი და 3 მოპოვებული პენალტი - ასეთია ჩვენებურის სტატისტიკა ყველა ტურნირზე და მისი თამაში, რომელიც ამ მაჩვენებლებზე მაღლა დგას. ამავდროულად, ადამიანური ფაქტორები, რაც თუნდაც, ვაკის პარკში თანატოლების გადასარჩენად დაღუპულ 13 წლის მარიტა მეფარიშვილისთვის მატჩის მიძღვნაში გამოიხატა.

ფეოლა

შენ ელოდე როდის გახდება კვარაცხელია ფეხბურთელი და მერე ჩვენც გვითხარი
ასეა ეს

კვარაცხელიას სამაგალითო ფეხბურთელი ჩიტი მესისტების გულის გასახეთქათ მფრინავი კრიშტიანოა.აირჩიეთ ან კვარაცხელია და მისი ფავორიტი ან ოქროს ბურთების ვაჭარი მესი.
ზაზა

ხვიჩა კვარაცხელია: მოცეკვავე ქართველი ფეხბურთელი!
!!!!!!

მისი თამაში სპეკტაკლს მაგონებს.სულ გინდა რომ უყურო.გაიხარე ხვიჩა შენ შემაყვარე ფეხბურთი მხოლოდ შენი მონაწილეობით.
))

ზიზი თითქმის ზიზუა ზიდანთან დაუწყეს შედარება უკვე, ეხლა მოწვით რატომ შეარქვა დე ლაურენტისმა ზიზი? ალბათ ზიდანი იგულისხმა, მარადონა -კვარადონა ზიზი -ზიზუ აი რაც გინდათ ის დაუძახეთ
Fifa.

ყრონალდუს მესის გვერდზე ნუ ახსენებ.
სენაკელი

პირველ რიგში მასში ვხედავ ნამდვილ ჭეშმარიტ ქრისტიანს,რომელიც დღეს იშვიათი საძებნია,რაც შეეხება მის ტალანტს უდავოა,მადლობა უფალს ამისთვის
ასეა

გეთანხმები,ინერციით მიდის და აპიარებენ.
რა მაფიაა?

ვახ რა ხალხი ხართ... გიბრალტართან იფრინა, მაგარ გუნდებთან ვნახოთი, ესპანეთს თავბრუ დაახვია, გაუვარდაო, ზედიზედ შვედეთთან და საბერძნეთთან იფრინა, ეგენი რა გუნდები არიანო, რუბინში დაფრინავდა და სატრანსფერო ორომტრიალის მერე პატარა ჩაბარდნასავით ქონდა და სვავებივით ამოკორტნეს, მერე ბათუმში საერთოდ სასაცილოდ არ ეყოთ, მერე ერთა ლიგაზე იფრინა, ბულგარეთს მეც მოვუგებდიო, მერე პრესეზონზე და ვარჯიშებზე ღადაობდით, სერია ა ეზოში თამაში ხო არ გგონიათო, მერე ეგ მონცასთან აქვს დიდი გულიო, მერე ლაციო და მილანი ჩაისვა ჯიბეში, მერე ლივერპული და აიაქსიც მიაყოლა, ბოლო 13 თუ მეტი არ მახსოვს თამაშია ტიპი საკვანძო საგოლე ეპიზოდის (გოლი, ასისტი, პენალტი) გარეშე არ გადის მოედნიდან, მცველებს სისხლს უშრობს და თან შედეგიანად და ყველა გუნდს ერთდროულად ვერ გაუტანს. აცადეთ ბატონო. 33 (!!!) თამაშია მის გუნდს არ წაუგია და წელს 33 თამაშიდან 20 გოლი და 13 ასისტი აქვს... არავინ ამბობს რომ დასამტკიცებელი არაფერი აქვსო, საბედნიეროდ მართლა ყველა გუნდს რო მოუგებს მაინც არ დაკმაყოფილდება ისეთი ტიპია და აუცილებლად გააგრძელებს განვითარებას და საბედნიეროდ მწვრთნელებში ყველა ეტაპზე ძლაიან გაუმართლა და შესანიშნავ გუნდშია ეხლაც... თქვენს გემოვნებასაც დააკმაყოფილებს მარა რაღაცას მოუგონებთ მერე მაინც, მარა კიდევ საბედნიეროდ საერთოდ არ აინტერესებს ეს გამოგონილი სისულელეები
დედა ეს რა იყო

ამ ბიჭში გუშინ დავინახე ნეიმარის დრიბლინგი,მესის პასები და რონალდუს ბრძოლისუნარიანობა.ამ სამი გენიოსის ერთ კაცში გაერთიანება ხომ ფანტასტიკაა.ხოლო ამას თუ დაუმატა რა თქმა უნდა ბეჯითი ვარჯიშით რონალდუს თავით თამაში საერთოდ კოსმოსში გავფრინდებით.
მიშა

ეს 1 ლაიქიც შენ თავს დაუწერე ხო შე საცოდავო :)
ზაზა

კი,მეც პირველ რიგში მომხვდა თვალში, კარგია, ღმერთის ვისაც ჭეშმარიტად სწამს, მისთვის შეუძლებელი ამ ქვეყანაზედ არაფერია
Zizu

სლუცკი: კვარას შესაძლებლობებს ზღვარი არ აქვს! ყველაფერი ნათელია დღესავით, ჯანმრთელად გვყავდეს ჩვენი ხვიჩა და ნიჭი ღმერთმა დააფერთხა ! ისღა დაგვრჩენია დაველოდოთ ნაპოლის თამაშებს და დავტკბეთ ჩვენი ოქროს ბიჭით!
თეოფა

არავის არ გავს ეს ბიჭი!ის არის მხოლოდ კვარა, შეიძლება ბევრი წლების შემდეგ ვინმე შეადარონ მას,როგორც ეხლა ადარებენ თითქმის ყველა ვარსკვლავს.
mirosan

როომ???
Givi

Vetanxmebi mosazrebas rom kvaram imati kvela shetevisas ukan ar unda irbinos, zogjer sheidzleba magram sul kvela shetevisas morbis da 70 wutis mere is shemarteba agar aqvs...magram nichis wkalobit merec saxifatoa es gushinac gamochnda...
aburjga

დე ბრუინი ჩვეულებრივი ძალიან კარგი ფეხბურთელია! ხვიჩა კი ფეხბურთის ფენომენია! ხვიჩასთან დე ბრუინი ახლოსაც ვერ მივა!
ლევანი

იპოვეთ რა საქმე და ლუკმა-პური უსაქმურებმა. წერეთ და იკითხეთ. ჯერ-ჯერობით ნორმალურად გამოიყურება ამ გუნდში, ვიმეორებ, ამ, კონკრეტულ გუნდში. აი, რომ გადავა სხვა გუნდში და კვლავ გააგრძელებს ამ დონეზე თამაშს, მაშინ, დაბეჯითებით შეიძლება ჩავთვალოთ, რომ, როგორც იქნა, გამოჩენილი პროფესიონალი ფეხბურთელი აღიზარდა დამოუკიდებელ საქართველოში.
თენგო

დააკვირდით? თამაშის დაწყებამდე, ხვიჩამ ლოცვა თქვა. სწორედ ღმერთი აძლევს ძალას და წარმატებებს ჩვენ ღვთისნიერ ოქრობიჭუნას!
ქიტესა

ხვიჩა იუველირული სიზუსტის პასებს აკეთებს. გადაჭარბებული არ იქნება, თუ ვიტყვი, რომ ხვიჩას ვერც ამ კომპონენტში შეედრება ვინმე.
პატრიოტი

ყოჩაღ, კარგი სტატიაა, სწორი დასკვნებია, მაგრამ რატომ მესი არ ახსენე. პასების ამბავში მასაც არ ჩამოუვარდება, მაკანკალებს სიხარულისგამ მის თამაშს რომ ვუყურებ, ბოლო თამაში მწვერვალი იყო, დიდი ფეხბურთელობის დამტკიცება, ამდენი საგოლე მომენტის შექმნა, ხვიჩამ ასე თუ გააგრძელა, ოქროს ბურთსაც აიღებს, აბა ნახეთ, რამდენჯერ კარგავს ბურთს ვინისიუსი, მას ახლა უკვე ჯობს
ჟორა გაბრიჭიძე

ფეხბურთის ეშხი და სილამაზე დრიბლინგია. ადრე გულშემატკივარი ფეხბურთელის სანახავად დადიოდა სტადიონზე, მაგ დადიოდენ ენახათ მესხის, სტრელცოვის, გარინჩას, მარადონას, რონალდიონის და დრიბლინგის ასეთი ოსტატების თამაში. ხვიჩა დღეს მოედანზე პასი, პასი, პასის ნაცვლად გვთავაზობს ულამაზეს, თავისი უბრალო, მაგრამ განუმეორებელი დრიბლინგებით გაჯერებულ ფეხბურთს. სწორედ ამითაა ის გამორჩეული და შესამჩნევი მოედანზე. ბლოხინი საბჭოთა ფეხბურთის ყველა დროის ერთ-ერთი უდიდესი ვარსკვლავი იყო, ის დიდად პროდუქტიული ფეხბურთელი იყო, მაგრამ ვერავინ გაიხსენებს მის ფინტებით გაჯერებულ თუნდაც ერთ თამაშს. ასე გააგრძელე ხვიჩა.
ბელგიელზე ბევრად მაგარია

სად აქვს დე ბრუინს ხვიჩას ტექნიკა და მრავალფეროვნება. დე ბრუინზე ბევრად მაღალი დონის იქნება. ასე რომ სწორი წინადადება იქნებიდა, დე ბრუინს არ ვადარებთ კი არა, ხვიჩას არ ვაკდრებთ დე ბრუინთან შედარებასო
ტარიელი

აბა, ვის შევადაროთ? ხვიჩა პრენიერლიგასაც დაიპყრობს, ნახავთ
###

ხვიჩა კი ამარაგებდა საგოლე პასებით, მაგრამ თანაგუნდელებმა ბევრი ვერ გამოიყენეს თორემ ანგარიში გაცილებით დიდი იქნებოდა
კაპიტან გარდენბურგი

რა დე ბრუინი, რისი დბრუინი
რაბუ

სპალეტის მე რა უნდა ვასწავლო მაგრამ მგონია რომ დაცვის დახმარება არაა ხვიჩას საქმე. ბევრი ენერგია მიდის წინ და უკან სირბილში და ეს ენერგია მხოლოდ შეტევას მოახმაროს უფრო გონივრული მგონია. მომეჩვენა თითქოს გადაიღალა თამაშის ბოლოს იმდენი ირბინა დაცვის დასახმარებლად
ქ. გ.

ხვიჩამ ბოლონიასთან 4 დიდი მომენტი შექმნა. ეს არის სერია A-ს რეკორდი. SofaScore-მა დაიწყო ასეთი მონაცემების ჩაწერა 2015/16 სეზონში.
სოსო მ

ვაჰ, მართლა ოქროს ბურთი რომ ავიღოთ ერთხელაც. ჯერ ბოლომდე ვერ ვიაზრებთ, სად ვართ

გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა

Le Parisien-ი კვარაცხელიას ტრავმის შესახებ ინფორმაციას ავრცელებს

წიტაიშვილი და აბუაშვილი შეცვლაზე და "მეცის" ფრე "ჰავრთან"

საერთაშორისო აღიარება - საქართველოს ხმა მსოფლიო ველოსპორტის არჩევნებში

გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა

[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა

წიტაიშვილი და აბუაშვილი შეცვლაზე და "მეცის" ფრე "ჰავრთან"

იური ტაბატაძე შეცვალეს - "კადისი" "სეუტასთან" ფრეს დასჯერდა

გოგლიჩიძე ისევ არ ათამაშეს - "უდინეზე" დამარცხდა

"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ

"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა

"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია

"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა

ფრე ქუთაისში... და "თელავის" მოგება "გაგრასთან"

ლუის ენრიკემ კვარაცხელიას ტრავმაზე კომენტარი გააკეთა

[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია

"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო

მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა

დავითაშვილი შეცვალეს - "სენტ-ეტიენი" სახლში "გენგამთან" დამარცხდა

პირველი ტაიმის შემდეგ პსჟ "ოსერს" 1:0 ამარცხებს

"ოსერთან" მატჩში პსჟ-ს სასტარტო შემადგენლობა ცნობილია

ზივზივაძის "ჰაიდენჰაიმმა" ნანატრი გამარჯვება მოიპოვა

"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ

პოლიტანომ "ნაპოლისთან" კონტრაქტი გაახანგრძლივა

Le Parisien-ი კვარაცხელიას ტრავმის შესახებ ინფორმაციას ავრცელებს

[VIDEO] 55-ე წუთიდან კაცნაკლულმა "მილანმა" "ნაპოლის" მოუგო

გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა

"თუ სხვა რამის გამო გაბრაზდა, არასწორი ადამიანი აირჩია" - დე ბრუინსა და კონტეს შორის დაპირისპირება მწიფდება? [PHOTO]

"ოსერთან" მატჩში პსჟ-ს სასტარტო შემადგენლობა ცნობილია

პირველი ტაიმის შემდეგ პსჟ "ოსერს" 1:0 ამარცხებს

"ის, მესი და რონალდო სხვა პლანეტიდან არიან" - გვარდიოლამ საკუთარი გუნდის ფეხბურთელი გამოარჩია

"თქვენ ჩემი მეგობრები კი არა, ძმები ხართ" - როგორ მიმართა ხვიჩა კვარაცხელიამ "ნაპოლის" ფეხბურთელებს დამშვიდობებისას

ლუის ენრიკემ კვარაცხელიას ტრავმაზე კომენტარი გააკეთა

"ნაპოლიმ" ისევ მოიგო და ერთპიროვნული ლიდერია