<p><p><p>"როდესაც უყურებენ "კვარას", ხედავენ მარადონას" - წერს CNN.</p></p></p><p><p><p>"ნაპოლი" ყოველთვის გამორჩეული იყო შემტევი ფეხბურთელებით.</p></p></p><p><p><p>გასულ წლებში "პარტენოპეის" ღირსებას დრის მერტენსი და ლორენცო ინსინიე იცავდნენ, უფრო ადრე - მარეკ ჰამშიკი და ეზეკიელ ლავეცი, თუმცა არც ერთი ყოფილა ისეთივე პოპულარული, როგორიც დიეგო იყო, ვერც ერთმა დაიმსახურა ტიფოზებისგან ის სიყვარული, რაც არგენტინელმა დაისაკუთრა.</p></p></p><p><p><p>ლეგენდარული სამხრეთამერიკელი ფეხბურთელი ნეაპოლელთა თილისმა, სიმბოლო გახდა, იტალიის სამხრეთში გატარებული 7 სეზონის შემდეგ კი იქიდან არაერთი დასამახსოვრებელი გოლითა და ტიტულით წამოვიდა.</p></p></p><p><p><p>"ელ პელუსამ" დატოვა 2 სკუდეტო, რომლებიც 1986/87 და 1989/90 წლებში მოიგო, რასაც 1988/89 წლებში უეფას თასიც დაუმატა... 2020 წელს გარდაცვალების შემდეგ სტადიონს მისი სახელი უწოდეს.</p></p></p><p><p><p>1991 წელს კლუბის დატოვების მიუხედავად, მარადონას სახელი ისტორიას არ ჩაბარდა, ფეხბურთელები ნეაპოლში დამატებითი მოტივაციისთვის ჩამოდიოდნენ, რათა დიეგოს შემდეგ მოეხერხებინათ და პირველად მოეგოთ სკუდეტო ან ევროტურნირი.</p></p></p><p><p><p>ასე რომ, მარადონასთან შედარება არის ტიფოზების იმედი, რადგან ხედავენ ფეხბურთელის პოტენციალს, რომ გუნდი ისეთივე შედეგს მიაღწევს, რამდენიც ლეგენდარული "ალბისელესტელის" ყოფნის დროს შეძლეს, ბევრი სპორტსმენი მოსულა, ბევრიც ვარსკვლავი, მარადონას მემკვიდრედ დაასახელეს, თუმცა სერია A-ს მე-3 ტიტული ილუზიად დარჩა...</p></p></p><p><p><p><img src="pictures/artimages/original/8ff700ead9b399bf3394ee1a4495fa3f.jpg" border="0" alt="Sportall.Ge" title=""როდესაც უყურებენ "კვარას", ხედავენ მარადონას" - CNN" width="600" height="400" style="border: 0px none;" /></p></p></p><p><p><p>ივლისში გუნდში ქართველი შემტევი ჩამოვიდა. ყველანაირი აურზაურის გარეშე მოსული ბიჭი უკვე ნოემბერში მარადონას შეადარეს. როგორც ჩანს, ხვიჩამ მართლა გააჩინა იმედები, რომელიც ასეთი რეალური არასდროს ყოფილა. ისედაც "შეშლილი" ტიფოზები სულ გადაირივნენ, 21 წლის ბიჭი მთელი გულით შეიყვარეს... ალბათ ხვდებით, რა ხდება ნეაპოლში, როდესაც ქალაქის ერთადერთი გუნდი თამაშს მართავს? აჭრელებული ქალაქი გუნდის სხვადასხვა ფერის მაისურით, რომელთაგანაც ყველაზე ხშირად თვალს მარადონასა და კვარაცხელიას წარწერით მოჰკრავთ.</p></p></p><p><p><p>ქართველი სპორტული ჟურნალისტი ედო ბადალაშვილი ნეაპოლს სექტემბერში ესტუმრა. მისივე თქმით, როდესაც იგებდნენ, რომ საქართველოდან იყო, ფოტოებს იღებდნენ და ყვიროდნენ - ხვიჩა! ხვიჩა. მართალია სახელის წარმოთქმა გაუჭირდათ, თუმცა "კვარას" ძახილი მალევე ისწავლეს. ქართველი ემიგრანტები იძახიან, რომ მათი წარმოშობის გაგების შემდეგ პიცას ჩუქნიან ან ხელფასს უმატებენ. ეს შეძლო ამ პატარა ბიჭმა.</p></p></p><p><p><p>ზაფხულში "პარტენოპეი" ნეაპოლში დაბადებულმა, გუნდის კაპიტანმა ლორენცო ინსინიემ და "ლურჯების" ყველა დროის საუკეთესო ბომბარდირმა დრის მერტენსმა დატოვეს. "ნაპოლიში" კი ახალი შემტევების დამატების დრო დადგა. ბევრისთვის მოულოდნელად, მათ არჩევანი ბათუმის "დინამოს" გარემარბზე, ხვიჩა კვარაცხელიაზე შეაჩერეს და 15 მილიონი ევროს სანაცვლოდ შეიძინეს.</p></p></p><p><p><p>კლუბის პრეზიდენტის მისამართით გაჩნდა კითხვები, მიიღო თუ არა გუნდმა სათანადო შევსება.</p></p></p><p><p><p>"როცა ვფიქრობ, დრის მერტენსისა და ლორენცო ინსინიეს შესახებ, არალოგიკურია, რომ 2 ასეთი მოთამაშე საქართველოს ჩემპიონატიდან ჩამოსულმა 21 წლის ფეხბურთელმა შეცვალოს". ამის შესახებ Italian Football-ის ჟურნალისტმა ეუან ბერნსმა CNN Sport-ს განუცხადა.</p></p> <p><p></p><p>ხვიჩა კვარაცხელია ნეაპოლელთა რიგებში შეუცვლელი და უმნიშვნელოვანესი მოთამაშე გახდა. "ნაპოლი" კი ევროპაში ერთ-ერთ ყველაზე საინტერესო გუნდად იქცა. ქართველს კლუბის 16-მატჩიან წაუგებელ სერიაში უდიდესი წვლილი მიუძღვის.</p></p></p><p><p><p>16 მატჩში მის ანგარიშზე 8 გოლი და ამდენივე საგოლე პასია. განსაკუთრებული მატჩი კი "ლივერპულის" წინააღმდეგემ ჩაატარა, როდესაც "სქაუზერთა" დაცვის ხაზს ამოსუნთქვის საშუალება არ მისცა. როდესაც ბერნსს სთხოვეს, გაეხსენებინა მოთამაშე, რომელმაც იტალიაში ასეთ მოკლე დროში, ამგვარი გავლენა მოახდინა, შეფასება გაუჭირდა. ქართველი კი ერლინ ჰოლანს შეადარა.</p></p></p><p><p><p>"ჰოლანის შესახებ საინტერესო არის ის, რომ მისი გაბარიტების მიუხედავად, იდეალურად ახერხებს ბურთთან ერთად დიდი მანძილი დაფაროს, ასევე შეუძლია შორიდან დარტყმა და თავით გოლების გატანა.</p></p></p><p><p><p>რაც შეეხება ხვიჩას, ჩემთვის გარემარბის პოზიციაზე საუკეთესოა, არ არის მაღალი, მაგრამ თავური დარტყმით გოლი უკვე გაიტანა, რაც მთავარია, საშინლად სწრაფია, როგორც ბურთით, ასევე მის გარეშე. წარმოუდგენელი ფეხები აქვს და ძალიან ძლიერია, ეს კი ყველა მოთამაშისგან განასხვავებს. მაგალითად, ინსინიე ბურთთან ერთად შესანიშნავი იყო და დარტყმა ყველა დისტანციიდან შეეძლო, მაგრამ ფიზიკურად ძლიერი მოთამაშე არ იყო.</p></p></p><p><p><p>"ნაპოლი" იყო პირველი გუნდი, რომლის ლოგოსაც გატანილი გოლის შემდეგ აკოცა. მას უყვარს "ნაპოლი", მადლიერია და "ნაპოლისაც" უყვარს ის. შემიძლია ვთქვა, რომ მომავალი ლეგენდაა, ხვიჩას ზედმეტსახელი "კვარადონაა". - განაცხადა ბადალაშვილმა.</p></p></p><p><p><p>მისივე თქმით, გიორგი მამარდაშვილისა და ხვიჩა კვარაცხელიას ევროპულ გუნდებში გამოჩენა სხვა ქართველ ფეხბურთელებსაც გაუხსნის გზას.</p></p></p><p><p><p>"საქართველოს ნაკრები 11 მატჩია დაუმარცხებელია. ქართველ გულშემატკივრებს იმედი გაუჩნდათ, რომ ევრო 2024-ზე ან მსოფლიოს ჩემპიონატზე ვიასპარეზებთ. დღეს, საქართველო ფეხბურთით ცოცხლობს. ჩვენ საფეხბურთო ქვეყანა ვართ, "კვარამ" საქართველოში ცხოვრება შეცვალა" - აღნიშნა ბადალაშვილმა.</p></p></p><p><p><p> <p><p><p></p></p></p><p><br></p>
ქ. გ.
ხვიჩას კონტრაქტის შესახებ https://twitter.com/footitalia1/status/1588107745194016770
ქ. გ.
ეს სტატიაც საინტერესოა https://www.calcionapoli24.it/rassegna_stampa/gazzetta-diritti-dimmagine-kvara-il-napoli-ha-fatto-un-affarone-i-n537622.html
ქ. გ.
ეს წაიკითხეთ https://www.tuttonapoli.net/in-primo-piano/i-gazzetta-i-annuncia-kvaratskhelia-vale-gia-100mln-e-non-ci-sono-clausole-cosi-adl-l-ha-gia-blindato-521332
Semi
თქვენც მხოლოდ გაარჯვებულები გიყვართ? ტოჩინოშინი, ძიუდოისტები, ლაშა ტალახაძე მორაგბეები და ბასილაშვილი როცა იგებს მხოლოდ მაშინ? მეც მარტო გამარჯვებულ ქართველებს ვუყურებ და ვგულშემატკივრობ.
ლევან მაღლაკელიძე
ნამეტანი ხმამაღალი ნათქვამია. შედარებაც არ შეიძლება ჯერ და ასე თუ გააგრძელა პროგრესი, ფიზიკურადაც მოუმატებს და უკვე, მეორე სეზონიდან სულ სხვა დონეზე იქნება. ფასიც 100 ლიმონი ექნება. მე მგონი მიაღწევს.
ლადო
ისე, ყველამ ვიცით რომ ხვიჩა ადრე თუ გვიან ითამაშებს გუნდში, რომელიც ლიგას მოიგებს. ხვიჩას ხასიათი რომ ვიცით, იქაც მთავარი შემოქმედი იქნება ამ ამბის. ე.ი ქართველებს ოქროს ბურთის მფლობელი გვეყოლება
ჩეტო
ხვიჩამ ნამდვილად გააჩინა ახალი და უაღრესად ოპტიმისტური მოლოდინი რაღაც ძალიან მაგარის! სულაც არ ჩანს წარმოუდგენლად დიდ ფორუმებზე თამაში, სადაც გუნდის ლიდერი ტოპ დონის მოთამაშე იქნება და ეს ცხადია უდიდესი ამბავია, თუმცა მამარდას და ხვიჩას გარდა ლოჩოც არის ტოპ ჩემპიონატში და ნუ გამოგვრჩება, არა აგამოსატოვებელი კაცი
გოგა
ეს ისეთი შეგრძნებაა კარგ ფორმაში მყოფი ეროვნული ნაკრების თამაშს რომ ელოდები და რომ იცი ისევ მოიგებენ, ამ შეგრძნების მომტანია ყოველ კვირას ხვიჩა და ნაპოლი ჩემთვის
ჟორა გაბრიჭიძე
სხვისი არ ვიცი და ჩემი ცხოვრება ნამდვილად შეცვალა. იმას რომ გავიხსენებ, რომ 2-3 დღის შემდეგ მისი თამაში უნდა ვნახო, გულს დარდი გადამეყრება ხოლმე. ანუ დღესასწაულივით ველოდები ნაპოლის თამაშს. ადრე გვიან გაგრძელებული ნაკრებების თამაშიც მიმიტოვებია, დღეს კი დღოს აღარ ვუყურებ.
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
"იუნაიტედი" "ბრენტფორდთან" დამარცხდა - გაუშვებენ ამორიმს?
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"პირველი იყო, ვინც "ოქროს ბურთის" მოგება მომილოცა" - უსმან დემბელემ ლიონელ მესიზე ისაუბრა
"მოურინიო გეი და ჰომოსექსუალია" - სკანდირებდნენ "პორტუს" გულშემატკივრები
Le Parisien: ფლანგებზე კვარაცხელია და ბარკოლა - დღეს "ბარსელონასთან" მატჩის გენერალური რეპეტიციაა
"უდინეზეს" მწვრთნელი: გოგლიჩიძე შანსის გამოსაყენებლად მზად უნდა იყოს
"ბარსელონას" კიდევ ორი ფეხბურთელი პსჟ-სთან ვერ ითამაშებს
ისრაელის გამო "საფეხბურთო ცივი ომი" დაიწყო - საქმეში აშშ-ის სახელმწიფო დეპარტამენტი ჩაერია
"ამ ქალაქებს რადიკალური უგუნური მემარცხენეები მართავენ" - ტრამპი მუნდიალის მატჩების სხვა ქალაქებში გადატანაზე
"იამალს გოგონების კალენდარი აქვს, თუ რომელ დღეს რომელ გოგოსთან გაატარებს" - ლამინის ყოფილი ქალბატონი ალაპარაკდა
პსჟ-ს ტრავმის გამო კიდევ ერთი ფეხბურთელი გამოაკლდა
პრობლემების მქონე პსჟ-ისა და კარგ ფორმაში მყოფი "ვილიარეალის" მატჩის დღე
"ლივერპულმა" შესაძლოა, "ბაიერნის" მცველი უფასოდ დაიმატოს
"ლოს ანჯელეს ლეიკერსმა" ლებრონ ჯეიმსს ახალი კონტრაქტი არ შესთავაზა
ფლიკი თანახმაა - "ბარსელონა" ლევანდოვსკის შემცვლელად გირასის დამატებას განიხილავს