- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
წულუკიძის ევროპული დუბლი
<p>ჩვენმა ჭაბუკმა ბერძენ-რომაელებმა დიდი წარმატებით იჭიდავეს სარაევოში გუშინ დასრულებულ ევროპის პირველობაზე...</p><p><br> ჩვენმა ჭაბუკმა ბერძენ-რომაელებმა დიდი წარმატებით იჭიდავეს სარაევოში გუშინ დასრულებულ ევროპის პირველობაზე - თითო ოქრო-ვერცხლი და ოთხი ბრინჯაო მოიპოვეს. განსაკუთრებული წარმატებით ისინი სწორედ გუშინ გამოვიდნენ, თორემ ამ მედლებიდან პირველი დღის მონაგარი მხოლოდ ორი ბრინჯაოა. ევროპის ჩემპიონი ზედიზედ მეორედ გახდა ფირუზ წულუკიძე, ოღონდ შარშან ეს ტიტული 58 კილოგრამ წონით კატეგორიაში მოიპოვა, წლეულს კი 63-ში გადაინაცვლა და ადაპტაცია იმდენად წარმატებით გაიარა, უკეთესს ვერც ინატრებ. ვაჟა კრავეიშვილის დამოძღვრილ გუნდს მეორე ოქროს მოპოვების შანსიც ჰქონდა - იაკობ ქაჯაიაც (100) ფინალში გავიდა, მაგრამ დამარცხდა და ვეცხლს დასჯერდა. ბრინჯაოს მედლები ედნარ შავაძემ (42), ამირან შავაძემ (54), ლაშა გობაძემ (76) და რობერტ ქობლიაშვილმა (85) მოიპოვეს.</p><p>ფირუზ წულუკიძის შესაძლებლობებზე მის მიერ გაკეთებულიც კარგად მეტყველებს. მის მიმართ მადლობის მეტი არაფერი გვეთქმის. მით უფრო, ნახევარფინალში რუსი მეტოქე დაამარცხა - აბუიაზიტ მანციგოვი. პირველი პერიოდი ჩვენებურმა 2:0 მოიგო, მეორე კი 3:3 დამთავრდა, მაგრამ დამატებითი მაჩვენებლებით გამარჯვება მაინც წულუკიძეს დარჩა. ჩვენებურს ცოტა გაუჭირდა პირველ წრეში - ფინელ ოსკარი ლენტონენთან - პირველი პერიოდი მინიმალური სხვაობით დათმო, მაგრამ მომდევნოებში მშრალად იმარჯვა - 4:0. ნორვეგიელი რუბენ ტოფტენდალი ძირითად დროში დიდი უპირატესობით დაამარცხა - 11:5, უკრაინელი ანდრეი ციპანი კი უფრო გაუძალიანდა - 5:1 ჩვენებურის სასარგებლოდ. ამას მოჰყვა ნახევარფინალი რუსთან, ფინალში კი წულუკიძემ ორ პერიოდში ერთნაირი ანგარიშით - 1:0; 1:0 სომეხი კარაპეტ ჩალაიანი დაჯაბნა.</p><p>ძალიან კარგად დაიწყო ასპარეზობა ქაჯაიამაც - რუმინელ ბარბაზან ტიბერიუს ერთი პერიოდი ქულებით წმინდად მოუგო და იოლად დაამარცხა, პოლონელი ალექსანდერ კროჟაკის ბარიერის დასაძლევად კი უფრო მძიმე ბრძოლა დასჭირდა - 3:0 ორივე პერიოდის საერთო ანგარიში. ნახევარფინალში გერმანელ იონ კრისტიანსაც ასევე ძირითად დროში გასცდა, ფინალში კი უკრაინელ სამირ ვოლოშანინთან 0:4 წააგო. ეტყობა, აქ ყველაფერი პირველივე პერიოდში გადაწყდა - ქაჯაია 0:3 დამარცხდა, რამაც, ალბათ, ფსიქოლოგიურადაც გატეხა.</p><p>ბრინჯაოს მედალოსნებიდან ძალიან ხშირად გვესმოდა ამირან შავაძის ქება - კრავეიშვილი მას ყოველთვის ქებდა. მოგეხსენებათ, ამ გუნდმა პოლონეთში მსოფლიოს პირველი ახალგაზრდული თამაშების შესარჩევ ტურნირში იჭიდავა, თუმცა წარუმატებლად - ლიცენზია ვერ მოიპოვა. ორგანიზატორთა გადაწყვეტილებით, იქ მხოლოდ ხუთ წონაში იმართებოდა შეჯიბრებები - წონის გამოტოვებით, და კრავეიშვილს მაშინვე სწყდებოდა გული, 54 კილოგრამი წონითი კატეგორია შერჩეულთა შორის რომ ვერ მოხვდა. ვინ იცის, იქნებ იქაც მოგვეპოვებინა მედალი. იგი ამ რანგის ტურნირზე შარშანაც მესამეზე გავიდა, ოღონდ მაშინ 46-ში გამოდიოდა.</p><p>ამ ტურნირზე შავაძეებმა აზერბაიჯანელებთან წააგეს და ორივემ - მომავალ ჩემპიონთან. განსხვავება მხოლოდ ისაა, რომ ამირანი ნახევარფინალში დამარცხდა რაშად შუკუროვთან, ედნარი - მეორე წრეში კარიმ ჯაფაროვთან.</p><p>ამირან შავაძემ ჩემპიონატი ბერძენ ალექსანდროს მაზლოუმიდისთან ბრწყინვალე მოგებით გახსნა - ორივე პერიოდი ქულებით სუფთად, 6:0; 6:0 მოუგო. უკრაინელ ანდრეი ზუბიკს 3:1. რუს მაქსიმ სურკოვს კი ძირითად დროში 6:3 აჯობა. ამას წაგებული ნახევარფინალი მოჰყვა შუკუროვთან, დამამშვიდებლის ფინალში კი უნგრელი მიშელ დანერი დაჯაბნა პირწმინდად.</p><p>ჩემპიონატი ედნარ შავაძემაც შთამბეჭდავი მოგებით დაიწყო - ლატვიელ ნიკიტა მასჟუკსს ორ პერიოდში 11:1 მოუგო, მეორე წრეში აზერბაიჯანელ კარიმ ჯაფაროვთან ასევე ძირითად დროში თვითონაც განადგურდა - 2:12. ჩვენებურმა სანუგეშოშიც ძლიერად იჭიდავა უკრაინელ რომან პატსურკივსკისთან და თურქ ომერ ალპასლან გისისთან - ორივეს ძირითადში აჯობა და ბრინჯაოს დაეუფლა.</p><p>შთამბეჭდავად იჭიდავა გობაძემ - შეხვედრათა უმეტესობა დიდი ანგარიშით მოიგო. თანაც - ძირიტად დროში, დამატებითი მხოლოდ ერთხელ დასჭირდა და ისიც წაგებულ შეხვედრაში. თავიდან სერბი მილოშ მარიანი ორ პერიოდში 11:0 დაამარცხა, მაგრამ ეს არაფერია იმასთან შედარებით, რა დღეც თურქ ემრე იუნუს ტოპქუს აყარა! ჯერ იყო და პირველი პერიოდი 9:0 მოუგო - დაგვეთანხმებით, ასეთი ანგარიში ძალზე იშვიათია, მაგრამ მეტოქის რბევა მეორეშიც წარმატებით გააგრძელა და ისიც წმინდად მოიგო - 6:0. შედარებით მოკრძალებულად, მაგრამ მაინც დამაჯერებლად მოუგო პოლონელ კრისტიან ვიტოლდ ფორმელას - 7:0, ამის მერე კი ნახევარფინალში მომავალ ვიცე-ჩემპიონთან, ბულგარელ ნიკოლაი დობრევთან მარცხის დრო მოვიდა... გობაძემ აქაც გვარიანად იომა - 0:1 წაგების შემდეგ მეორე პერიოდი 4:0 მოიგო, მაგრამ დამატებითი პირწმინდად დათმო - 1:9. სამწუხაროდ, რაც დრეს მანამდე თურქს აყარა, ახლა იგივე მას დაადგა. კიდევ კარგი, ამ წაგებამ არ გატეხა და ბრინჯაოსთვის ბრძოლაში უკრაინელ ოლექსეი ოსნიაჩთან კვლავაც მოწოდების სიმაღლეზე დადგა და ორივე პერიოდი წმინდად მოუგო - 6:0; 6:0. მისასალმებელია გობაძის ასეთი ტექნიკური გამოსვლა.</p><p>რობერტ ქობლიაშვილმა ასპარეზობა საკმაოდ მძიმედ დაიწყო - პირველ წრეში ლიტველ ტომას გალკუსთან დასაწყისშივე ჩამორჩენის გამო დამატებითი დრო დასჭირდა. ბრძოლის სიმძაფრეზე და დაძაბულობაზე ისიც მიუთითებს, რომ სამივე პერიოდი 1:0 დასრულდა. ამის მძიმე მოგების შემდეგ ქობლიაშვილიც მომავალ ჩემპიონთან, ბულგარელ ილიან გაზეპოვთან დამარცხდა არანაკლებ დაძაბულ შეხვედრაში ორ პერიოდში და მთელი იმედები სანუგეშო წრეზე გადაიტანა. იქ სამი შეხვედრა მოიგო - ესტონელ ესტ პიკსართან 7:0, უკრაინელ არტემ კირიჩენკოსთან 2:0 და ავსტრიელ დანიელ გასტლთან 4:0.</p><p>სამწუხაროდ, ჩვენი გუნდის სხვა წევრებმა - ევროპის შარშანდელმა ვიცე-ჩემპიონმა შმაგი ბოლქვაძემ (50), რამაზ სურმანიძემ (58) და მათე ბერიძემ (69) წარუმატებლად იჭიდავეს, ხოლო მურთაზ ჩაბრავას (46) საერთოდ არ უჭიდავია. იმ წაგებული სამეულიდან სანუგეშოში მხოლოდ ბერიძე გადავიდა, მაგრამ უშედეგოდ.</p><p><strong>ყოველდღიური სპორტული გაზეთი "ლელო"</strong></p>
ლაშა გობაძე რეპეშაჟში დამარცხდა და ოლიმპიური თამაშები მედლის გარეშე დაასრულა
ლაშა გობაძე ოლიმპიური თამაშების მეოთხედფინალში ბულგარელ მეტოქესთან დამარცხდა
რობერტ კობლიაშვილი ოლიმპიადის პირველივე შეხვედრაში დამარცხდა
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
ონანა კარიერას სავარაუდოდ, თურქეთში განაგრძობს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!