კვარაცხელია და ოსიმენი - სტიქიური უბედურება მეტოქეთათვის და მორიგი დიდი გამარჯვებების მოლოდინი

სიამაყე და სიხარული - აი, ორი დიდებული გრძნობა, რასაც ქართველი გულშემატკივარი განიცდიდა „ნაპოლისა“ და „იუვენტუსის“ მატჩის შემდეგ. მოლოდინი დიდი იყო, ნერვიულობაც, რამეთუ ტრავმის შემდეგ ხვიჩა კვარაცხელიამ ბოლო შეხვედრები ჩვეულ დონეზე ვერ ჩაატარა და ჩვენი ყველა ფიქრი იმასთან იყო დაკავშირებული, როგორ ითამაშებდა „იუვესთან“, რომელმაც ბოლო რვა მატჩი გოლგაუშვებლად მოიგო.რა თქმა უნდა, გამარჯვებისა და კვარაცხელიას იმედი გვქონდა, მაგრამ მთლად ასეთ შედეგს ძნელად თუ წარმოვიდგენდით. ჩენ ვიხილეთ ტურინული გუნდის სრული და უპირობო კაპიტულაცია, რომელმაც ერთ მატჩში ჩემპიონატზე ხუთი გოლი 1993 წლის შემდეგ პირველად გაუშვა და „ნაპოლისთან“ იმდენივე გაუშვა, რამდენიც წინა 12 ტურში ერთად აღებული. გამარჯვების მთავარი შემოქმედები კი უდავოდ ხვიჩა და ვიქტორ ოსიმენი იყვნენ. დეტალებზე აღარ გავამახვილებ თქვენს ყურადღებას, მხოლოდ რამდენიმე ეპიზოდს გავიხსენებ.ქართველს უკვე შეხვედრის წინ ეტყობოდა სრული მობილიზაცია, ნერვიულობაც, ვიდრე თამაში დაიწყებოდა, მოედნის ცენტრში თავისთვის ჩუმად ლოცულობდა და შემდეგ დაიწყო და რა დაიწყო! ოსიმენის პირველი გოლი ხვიჩას მიერ ნახევარბრუნში დარტყმულ ბურთს მოჰყვა და სამწუხაროა, რომ ეს საგოლე მოქმედებაში არ ჩაეთვალა. 39-ე წუთზე ოსიმენის პასი მიიღო, შენსისთან პირისპირ დარჩა, მყისებრ შეაფასა ვითარება და გააკეთა ის, რაც დიდ ფეხბურთელს უნდა გაეკეთებინა: მეკარე მოძრაობაზე დაიჭირა და ბურთი კუთხეში გაუტანა. გავიხსენოთ რაჰმანის გოლი: ყველა კუთხურის მაღალ ჩოწოდებას ელოდა, ხოლო „კვარამ“ ძლიერად დაბალი ტრაექტორიით გაუშვა ბურთი. ამან იმუშავა, რაც შეიძლება ვარჯიშებზე დამუშავებული კომბინაცია გახლდათ. ჩემი აზრით, საუკეთესო ოსიმენზე გაკეთებული საგოლე გადაცემა იყო, როდესაც ისე აუგდო ბურთი, როგორც კალათბურთისას (დანქი) - იუველური სიზუსტითა და სიჩქარით. მოკლედ, ჩინებულმა დუეტმა თამაში გააკეთა და მეტოქეთათვის ნამდვილ სტიქიურ უბედურებას წარმოადგენს.ოსიმენი მწვრთნელმა ლუჩანო სპალეტიმ 79-ე წუთზე შეცვალა, კვარაცხელია კი 89-ეზე, მიზნმიმართულად, რათა გულშემატკივრებს ოვაციებით გაეცილებინათ. ვერაფერს იტყვი, მართლაც ლამაზი ჟესტი გამოუვიდა, მადლიერი ტიფოზები ხვიჩას ფეხზე წამოუდგნენ და კარგი და შედეგიანი თამაშისთვის მადლობა გადაუხადეს.ქართველმა ქომაგებმაც გავიხარეთ, ვინაიდან არ შეიძლება ასეთ დიდ მატჩში შენი თანამემამულის ესოდენ წარმატებულმა ასპარეზობამ სიამაყის გრძნობა არ მოგგვაროს - ასეთი რამ ხომ ყოველდღე არ ხდება. „ნაპოლი“ „იუვენტუსს“ 10 ქულით გაექცა, სკუდეტოსკენ დიდი ნაბიჯი გადადგა, ჩემპიონთა ლიგაზეც დიდი ბრძოლები, ჩვენ კი იმედია მორიგი გამარჯვებები და ხვიჩას ბენეფისები გველის. გუშინ მან ამის იმედი კვლავ ჩაგვისახა.

ბაბაია

'ხვიჩა დიახაც არის ჩვენი შვილი საქართველოს შვილი,სანაქებო შვილი " ხომ გვიხარია რომ კარგი ბიჭია, გვიხარია და სამწუხარო ის არის რომ "სანაქებო შვილი" რომ გახდე იძულება გაქვს სამშობლო მიატოვო და უცხო ქვეყანაში ეძებო ბედი , რატომ ?(ეს ყველამ ვიცით სამწუხაროდ)
ჟორა ხვედელიძე-ს

თუ ფული გადაიხადა, ეგრე ხომ ყველა უყურებს. მუქთად ყურებას აქვს მუღამი. :)) არ სჯობს, საკუთარი ქვეყანა ლანძღოს? ეგეც მუქთა საქმეა.
ჟორა ხვედელიძე

ნაპოლის თამაშის ყურება პრობლემა არ არის. სეტანტას არხზე ყოველთვის აჩვენებენ ნაპოლის თამაშებს, უბრალოდ, უნდა შეიძინოთ სეტანტა არხების პაკეტი. სულ ეგ არის.
ზაზა

ხვიჩა დიახაც არის ჩვენი შვილი საქართველოს შვილი. სანაქებო შვილი რომლითაც ყველანი ვამაყობთ და კიდევ ღმერთმა გვიმრავლოს ახალგაზრდები რომლებიც გვასახელებენ მთელს მსოფლიოში
!!!

ხვიჩა და ოსიმენი არიან "ნაპოლის ტვიქსი"
კახა

იმას რატომ არავინ ჩივის, აქ საიტზე ხალხი რომ იხვეწება ლინკი ლინკი, რომ როგორმე ნაპოლის თამაშს რომ ვუყუროთ,ნუთუ ეგეთი შეუძლებელია ჩვენ ვარსკვლავს ვუყოროთ ტელევიზორში და დავტკბეთ..იუვესთან რუსულ არხზე უყურე,,, მაგრამ ჩვენ ხომ ქვეყანა არ ვართ. იტალიაში ხალხი ტკბება მისი თამაშით და ცვენ კიდევ ქვეყანაში ვერცერთ არხზე ვერ უყურებს იმას რასაც საფეხბურთო სილამაზე ქვია
ბაბაია

მადლობ ხვიჩა ,ბრწყინვალე საახალწლო საჩუქრისთვის. გასაოცარია შენი თამაში , გასაოცარია ის აღფრთოვანება რასაც შენი წარმატება იწვევს თანამემამულეებში,ეს ყველაფერი გაზაფხულის ლამაზი დღესავითაა , დიდი გზის დასაწყისია, დასაწყისია და ჩავთვალოთ რომ ეს აბლოდისმენტები ავანსია დიდი წარმატების წინ, დიდი ადამიანური ძალისხმევა უნდა რომ გახდე დიდი ფეხბურთელი და უფრო მეტი რომ დარჩე თავმდაბალ, ღვთისნიერ ადამიანად, ცთუნება ხომ დიდია , როცა მრავალისთვის ფეხბურთი მეორე რელიგიაა ხოლო კუმირი ფეხბურთელი თითქმის მესიაა, როგორც მესი და რონალდო.
თენგო

მარტო ვუყურე თამაშს, მარტო ვიყავი ცოტა შექეიფიანებული რამდენი ვიყვირე ვიხტუნე და ვიტირე, მოთქმით ვტიროდი ეს საქართველოს მორიგი დიდი გამარჯვება იყო!
G.LA

ჩვენი ზაქარიანი სჯობია ხვიჩას.სლავა ჰაესტან ელი!
Las

სერია ა-ს საუკეთესო მოთამაშის ტიტული ჯიბეში აქვს. არ გამოვრიცხავ ოსიმენსაც დაეწიოს ბიმბარდირიბაში. ლიგის მოგება გაუჭირდება ალბათ ნაპოლის თორემ ოქროს ბურთზეც გვექნებოდა პრეტენზია :)
ჟორა

მაპატიეთ, მაგრამ ნუთუ ვერ ხედავთ, რომ ხვიჩას ათასჯერ მეტი თაყვანისმცემელი ყავს საქართველოში, ვიდრე ჩასაფრებული ნაბიჭვარი? ამ ჩასაფრებულებმა ხვიჩა კი არა საქართველო გაყიდეს ფოჩიან კამფეტებზე და მათთვის ხვიჩა ვინ არის? გთხოვთ ნუ აზვიადებთ ნაბიჭვრების ნაქნავს, რადგან ისინი აბსოლუტურ უმცირესობაში არიან და ხვიჩას 100%-იანი მხარდაჭერა რომ ჰქონდეს, ეს უფრო გასაკვირი იქნებოდა, ვიდრე ის რომ რამდენიმე ჩასაფრებული ნაბიჭვარი ყავს.
ლაშა

არაქართველის იყო დისლაიქი თუ ვაიქართველის?!
Spain

ამ სიხარულის და ბედნიერი ემოციის ჩაშხამებას არ ვაპირებდი და ვაიგნორებ იმ გასაცოდავებულ ხალხს, ვისი წკავწკავიც კომენტარებში და პოსტებში ისმის. ერთს დავწერ მხოლოდ. ეგ ბიჭი თავისი ნიჭით და დაუღალავი შრომით აკეთებს საყვარელ საქმეს და იხდენს თავის ოცნებებს. არავის ავალდებულებს არც გულშემატკივრობას, არც ტაშის დაკვრას და არავისგან არაფერი უთხოვია ამ ქვეყანაში. ლანძღვა-გინების მეტი არაფერი შეხვედრია ისედაც. მტვერსა და ნაგავში ამოსული ბრილიანტივითაა. იუვენტუსის სექტა ფანებიღა აკლდა ახლა საგინებლად. მესმის, რადგან ჩვენს ქვეყანაში ფეხბურთი განუვითარებელია, ყველამ სხვადასხვა ქვეყნების გუნდების გულშემატკივრობით დავიწყეთ ფეხბურთის ყურება, გვყავდა და გვყავს კუმირები, ვინებმაც ფეხბურთი შეგვაყვარეს, გვყავს საყვარელი გუნდები და მათ წინააღმდეგ თამაში კვარას უწევს, კიდეც მოუწევს და ამით უდიდეს გამოცდილებას იძენს, უფრო მაღალ და მაღალ საფეხურზე ადის. ტვინი გაბურღეს უკვე იმის მტკიცებით, რომ საყვარელი გუნდები ჰყავთ და კვარას იმის წინააღმდეგ როგორ უგულშემატკივრებენ და ასე შემდეგ. ხალხო ვინმე გავალდებულებთ კვარას გულშემატკივრობას? რას ილანძღებით და იწყევლებით? არც ქართველობაა კიდე პრიორიტეტი. ჩემს შემთხვევაში კვარას ქართველობა უბრალოდ დამთხვევაა, სხვა ქვეყნიდან რომ იყოს მაინც ვუგულშემატკივრებდი ისეთ საოცარ ფეხბურთს თამაშობს. სერია ა ში მსგავსი ლამაზად მოთამაშე არავინ მახსენდება პირადად. გოლების გატანაზე არაა აქ საუბარი. რატომაა ჩვენი გულშემატკივარი ასეთი შეუგნებელი. ვინც არ გიყვარს უბრალოდ დააიგნორე და ვინც გიყვარს იმას უგულშემატკივრე, რად უნდა ამას ამხელა დრამების დადგმა! ახლა რომელ გუნდსაც შეხვდება იმათი ქართველი ფანებიც გინებას უწყებენ, რა სამარცხვინოა ეს ყველაფერი!
ქართველი

თითქოს ჩემი შვილი იყოს ისე მიხარია. ეს არის რაც ჩვენნაირ პატარა და განსაკუთრებულ ერს გვჭირდებოდა. არგენტინელებს უყვართ ალბათ მესი ისე როგორც ჩვენ ხვიჩა. სხვა არმახსენდება

ლუის ენრიკე: კვარაცხელია სრულიად განსხვავებული ფეხბურთელია

"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა

მიქაუტაძის პოსტს დიდი განხილვა მოჰყვა - ქართველის გზავნილი როგორც კრიტიკის, ასევე სიამაყის საფუძველი გახდა

კალანდაძე თბილისის "დინამოში" დაბრუნდა

საქართველოს 15-ქალა ნაკრების წინსვლა რეიტინგში

გრიზმანი MLS-ში - მოლაპარაკებები დასკვნით სტადიაშია

ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია

ქალთა ნაკრები საბერძნეთთან მატჩისთვის მზადებას განაგრძობს

ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს

15-ქალა | ხორვატებთან ახალი რეკორდით

20 წ. | კარგი ტაიმით მსოფლიოს ჩემპიონთან

კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?

"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო

"სერია A-ში თამაში ყველაზე რთულია" - ალეგრი "პარმასთან" მარცხის შემდეგ

L'Équipe: პსჟ-ში შევალიეს ბედი საფონოვზეა დამოკიდებული

ლებრონ ჯეიმსმა მორიგი რეკორდი დაამყარა

თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა

"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა

[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა

[VIDEO] მიქაუტაძემ ამჯერად ვერ გაიტანა - "ვილიარეალმა" "ვალენსია" დაამარცხა

ზივზივაძის გარეშე - "ჰაიდენჰაიმმა" "შტუტგარტთან" ქულები გაიყო

გულიაშვილის 71 წუთი - "რასინგმა" მოიგო და ისევ ლიდერია

[VIDEO] დიოკერეშის და ეზეს დუბლები, ტუდორის მძიმე დებიუტი - "არსენალმა" "ტოტენჰემი" გაანადგურა

"ნაპოლი" თასიდან "კომომ" გამოაგდო

რატომ არ შედგა "ბაიერნში" ოსიმენის ტრანსფერი?

"ასეთი რამ "ნაპოლიში" არასდროს მინახავს" - ლუჩანო სპალეტი

"დამიჯერეთ, ის უცხოპლანეტელია" - ლუჩანო სპალეტი

დაბრუნება სურთ - "მანჩესტერ იუნაიტედი" მაკტომინეის ტრანსფერზე მუშაობას გეგმავს

კაცნაკლულმა "ნაპოლიმ" "ჯენოას" მატჩის ბოლოს გატანილი გოლით სძლია

[VIDEO] სპალეტიმ "რომას" მოუგო, გასპერინის წყალი შეუდგა?

[VIDEO] ოთხი ქართველი "პარკ დე პრენსზე" ჩატარებულ მატჩში - პსჟ-მ "მეცს" ადვილად მოუგო

[VIDEO] სპალეტი გაგიჟდა - ლუჩანო მსაჯს დაუპირისპირდა

როგორი შეფასებები მიიღეს ქართველმა ფეხბურთელებმა პსჟ-სა და "მეცის" მატჩში?

"ზუსტად იგივე ვუთხარი "კვარას", როცა პირველად შევხვდი" - რა ისტორია გაიხსენა ლუჩანო სპალეტიმ?

კეინისა და ოსიმენის დუეტი "ბაიერნში"? - რას გეგმავს "რეკორდმაისტერი"?

[VIDEO] "ნაპოლი" "ატალანტასთან" დამარცხდა და "ინტერს" 14 ქულით ჩამორჩა

[VIDEO] ალისონმა "ნაპოლი" "რომასთან" წაგებას გადაარჩინა

ოსიმენმა "გალათასარაის" ხელმძღვანელებს ყოფილი თანაგუნდელის დამატება სთხოვა

[VIDEO] სპალეტიმ ჟურნალისტ ქალს აკოცა და მოეფერა - ასე განუმარტა მსაჯის გადაწყვეტილების არამართებულობა

"გალათასარაი" აღარ ხუმრობს - ოსიმენი თანამემამულესთან ერთად შეუტევს?

პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე

[PHOTO] ღირებულება 750 000$ - რა საჩუქარი გაუკეთა ოსიმენმა საკუთარ თავს დაბადების დღეზე

"რასისტული შეურაცხყოფის მსხვერპლი ვიყავი, დამცინეს, "ნაპოლიმ" ეს გამიკეთა..." - ოსიმენმა "პარტენოპეიდან" წასვლის ამბავზე სკანდალური ინტერვიუ მისცა

ლუის ენრიკე: კვარაცხელია სრულიად განსხვავებული ფეხბურთელია