აგერ, აგერო, მაგრამ ტევესი?

აგუერო 'მანჩესტერ სიტის" კარლოს ტევესის შემცვლელად უნდა, მაგრამ ისტლენდელები 27 წლის ფორვარდს ვერა და ვერ ყიდიან „მანჩესტერ სიტი“ „ატლეტიკოს“ 38 მილიონი ფუნტის ანუ 43,2 მილიონი ევროს გადახდას დაჰპირდა - ამ თანხის სანაცვლოდ მადრიდიდან მანჩესტერში 23 წლის არგენტინელი თავდამსხმელი, სერხიო აგუერო უნდა გადავიდეს.ცნობილია, რომ აგუერო მანჩესტერელებს კარლოს ტევესის შემცვლელად უნდათ და, ალბათ, საბოლოოდ ასეც მოხდება, მაგრამ ისტლენდელები 27 წლის ფორვარდს ვერა და ვერ ყიდიან. ინგლისური გაზეთები წერენ, რომ ტევესის ბრაზილიურ „კორინთიანსში“ გადასვლა ზუსტად მაშინ ჩაიშალა, როდესაც „სიტი“ და „ატლეტიკო“ აგუეროს გამო ხელს ხელზე ურტყამდნენ.მართლაც საოცარი რამ მოხდა ტევესთან დაკავშირებით - „კორინთიანსს“ და „სიტის“ ბრაზილიური სატრანსფერო კარი ზედ ცხვირწინ მიუჯახუნეს. მსოფლიო საფეხბურთო საზოგადოება სახტად დარჩა. თუ მხარეებს უნდოდათ საქმე გამოსულიყო - და თავიდან მართლაც ასე ჩანდა - როგორ მოახერხეს, რომ ბოლო დღემდე მივიდნენ და სატრანსფერო ვადებიც ამოიწურა? „კორინთიანსის“ პრეს-სამსახურმა ოფიციალური განცხადება გაავრცელა:„კლუბის დირექტორატი ოფიციალურად აცხადებს, რომ არგენტინელი თავდამსხმელის კარლოს ტევესის ყიდვა შეუძლებელია. „მანჩესტერ სიტისა“ და მოლაპარაკებებში ჩართული სხვა მხარეების პოზიციების შეჯერებამ იმდენი დრო წაიღო, რომ ბრაზილიაში სატრანსფერო სეზონი დასრულდა. „კორინთიანსის“ დირექტორატი სწუხს, რომ ვერ ასრულდა გულშემატკივრის სურვილი, კიდევ ერთხელ ენახათ ტევესი საყვარელი გუნდის შემადგენლობაში. იმედს ვიტოვებთ, რომ ეს ტრანსფერი უახლოეს მომავალში მაინც განხორციელდება“.გუშინ ვწერდით, რომ „სიტიმ“ და „კორინთიანსმა“ თანხაზე თავიდან თითქოს მოილაპარაკეს, მერე კი ბრაზილიურმა კლუბმა განაცხადა, რომ ასეთ ფულს ვერ გადაიხდიდა. დღეს ინგლისური პრესა აზუსტებს: „კორინთიანსი“ და „სიტი“ 40 მილიონ ფუნტზე ანუ 45,5 მილიონ ევროზე მოლაპარაკებულან, მაგრამ პრობლემა ამ ფულის გადახდის ვადები გამხდარა. ბრაზილიელები, თურმე, ამბობდნენ, რომ თანხის პირველ ნაწილს წინასწარ ვერ გადაიხდიდნენ. ფულის ოთხი წლის განმავლობაში, ოთხ ნაწილად გადახდაზე ყოფილა ლაპარაკი. ბრაზილიელებს უნდოდათ პირველი ნაწილი 2012 წლის თებერვალში გადაეხადათ, როდესაც მათი გაფორმებული ძვირფასი სატელევიზიო კონტრაქტები ძალაში შევიდოდა და ფულიც გაუჩნდებოდათ, მაგრამ „სიტი“ ამ თანხას თავიდანვე ითხოვდა. სესხება „კორინთიანსმა“ არ ისურვა, რადგან ბრაზილიური ბანკები მსოფლიოში გაუგონარ პროცენტს ითხოვენ.მოგეხსენებათ, ტევესს შვილებისგან შორს ცხოვრება არ შეუძლია და ამიტომ გადაწყვიტა „მანჩესტერ სიტის“ დატოვება. თავდამსხმელის ოჯახი არგენტინაში ცხოვრობს, ცოლი ფეხბურთელს ქმარს მანჩესტერში არ მიჰყვება. ბრაზილია კი, არგენტინასთან ახლოს არის და „კორინთიანსის“ ხელმძღვანელობა დარწმუნებული იყო, რომ ფორვარდი ნებისმიერ ევროპულ კლუბს მათზე უკან დააყენებდა. ახლა, სან პაულუელები იანვარს დაელოდებიან და მანჩესტერელებს ახალი წინადადებით მიმართავენ, მაგრამ დაიცდის მანამდე „სიტი“? ნუთუ, ისტლენდელები ტევესს ამდენი ხანი დაიტოვებენ და ვეებერთელა ხელფასს გადაუხდიან?ამბობენ, რომ ახლა იტალიაში ან ესპანეთში გადასვლაზე დაიწყება ლაპარაკი - ეს ქვეყნები არგენტინასთან კულტურულად და კლიმატით უფრო ახლოს არიან და ტევესის მეუღლემ შესაძლოა იქ ცხოვრება ინებოს. დაიწერა, თითქოს, საქმეში უკვე ჩაერია „ინტერი“ თუმცა ვინც გინდა იყოს, „კორინთიანსივით“ 40 მილიონად ვერ მოაგვარებს ამ საქმეს. ევროპული კლუბისგან „სიტი“ 50 მილიონ ფუნტს ანუ 56,9 მილიონ ევროს მოითხოვს. რატომ? იმიტომ, რომ ისტლენდელები თავიანთ ფორვარდს 10 მილიონ ფუნტს პატივისცემის ნიშნად უკლებდნენ - მშობლიურ კონტინენტზე გინდა გადასვლა და ჩვენც ხელს შეგიწყობთო. აი, ევროპელ კონკურენტებს კი ფასდაკლების იმედი არ უნდა ჰქონდეთ.როგორც ზემოთ მოგახსენეთ, „კორინთიანსთან“ საქმის ჩაშლამ „სიტი“ აგუეროს ფრონტზე არ დააბრკოლა. ამბობენ, რომ აგუერო „რეალისგან“ ელოდებოდა წინადადებას, მაგრამ ჟოზე მოურინიოს თვალი „სანტოსის“ ნეიმარისკენ ეჭირა და არ იაქტიურა. დღეს, როდესაც ინგლისური მას-მედიის მტკიცებით „სიტისა“ და „ატლეტიკოს“ შორის ყველაფერი მოგვარებულია, ჯერი თავად ფეხბურთელზეა. დიეგო მარადონას სიძეს ისტლენდზე მსოფლიოს ერთ-ერთ საუკეთესო ხელფასს, ხელზე კვირაში 152 ათას ფუნტს სთავაზობენ. აგუერომ, გასულ სეზონში, 32 შეხვედრაში 20 გოლი გაიტანა.ყოველდღიური სპორტული გაზეთი "ლელო"

gio

"ხელზე კვირაში 152 მილიონს", რა სასაცილოა არა, ასეთი შეცდომები როგორ გეპარებათ, ამხელა საიტია, ომამდე ტანკისტი იყავი , პრინციპია რა.

[PHOTO] ნახეთ, როგორ მკერდსავსე გოგონას ჰყვარობს "ჩელსის" ვარსკვლავი

მეინუს აღარ გაუშვებენ - "მანჩესტერ იუნაიტედი" თავის აღზრდილს მინიმუმ ზაფხულამდე დაიტოვებს

"თამაშობ და იცი, რომ ალისონი დაბრუნდება, მაშინვე სათადარიგოთა სკამზე ხარ" - კელეჰერი "ლივერპულიდან" წასვლაზე

ზამთრის სერიებისა და წლის ბოლო 3×3 საკალათბურთო ტურნირის გამარჯვებული არგო გახდა

იმედები ვერ გაამართლა - "ატლეტიკო" სორლოტის გაყიდვას ეცდება

დეკემბერში პსჟ-ს საუკეთესო ფეხბურთელად საფონოვი დაასახელეს

"ბაიერნი" "რეალს" და "მანჩესტერ სიტის" ფეხბურთელს მხოლოდ სარეკორდო თანხად მიჰყიდის

ფუტსალი | საქართველოს ნაკრები სომხეთთან დამარცხდა

"ფრთებგაშლილი ნერესი ფენომენალური "კვარას" დამამძიმებელი აჩრდილისგან გათავისუფლებას ლამობს" - იტალიური მედია

"ბარსელონა" ბოლო წამებზე დამარცხდა - თორნიკეს ისევ არ უთამაშია

"რა კრიზისზე საუბრობთ? მათ ხომ კონტე ჰყავთ" - კაპელომ "ნაპოლიზე" ისაუბრა

ბასტონიმ შესაძლოა, "ინტერი" დატოვოს - იტალიელის გადასაბირებლად ორი გრანდი იბრძვის

ხელფასის შემცირებაზე თანახმაა - ლევანდოვსკის მომდევნო სეზონშიც "ბარსელონაში" თამაში სურს

კარგი ამბავი - ბათუმის "დინამოს" ახალი მფლობელი ჰყავს

უარი "ჩელსის, "ლივერპულსა" და "მანჩესტერ იუნაიტედს" - სემენიომ არჩევანი სხვა ინგლისურ გრანდზე შეაჩერა

[VIDEO] ახალწვეული კუპერ ფლეგისა და ენტონი დევისის ბრწყინვალე მატჩი - "დალასმა" ნიკოლა იოკიჩის "დენვერი" დაამარცხა

[VIDEO] მამუკელაშვილის 4 სამქულიანი და კარგი მატჩი - სანდრომ "ტორონტოს" ძირითად შემადგენლობაში ითამაშა

საზონოვს მალე, ალბათ, "ტორინოს" დატოვება მოუწევს

დასაევი: საფონოვი რა, ასეთი დიადია?

სანდრო ალთუნაშვილი "ჰაპოელის" ფეხბურთელი გახდა

ოფიციალურად - "ლიონმა" "რეალისგან" ენდრიკი ინათხოვრა

სპორტის სამინისტრომ 2025 წლის საუკეთესო სპორტსმენები დაასახელა

პსჟ-ს ტრავმის გამო შემტევი გამოაკლდა