<p>მოგებულს, დიდი შანსია, მეოთხედფინალში მსოფლიოს მე-3 ჩოგანი რუსი ვერა ზვონარევა გადაეყაროს <br> "ბაქოს თასზე" (WTA, 220 ათასი დოლარი) გუშინ მხოლოდ 4 მატჩი გაიმართა ერთეულთა თანრიგში - მიზეზი სიცხეა, რის გამოც ნაშუადღევს პაუზა გამოაცხადეს. ასე რომ, მერვედფინალური მატჩი, რომელშიც ერთმანეთს ანა ტატიშვილი (93) და თათია მიქაძე (377) დაუპირისპირდებიან, დღეს, 21 ივლისს გაიმართება.</p><p>ორი წლით უმცროსი ტატიშვილის სასარგებლოდ რეიტინგი თავისთავად მეტყველებს, ანა თათიას თითქმის 300 ადგილით უსწრებს. ამ შეხვედრის გამარჯვებული 70 სარეიტინგო ქულასა და 5,3 ათას დოლარს დაიბევებს, წაგებული კი 30 ქულით და 2,9 ათასი დოლარით დაკმაყოფილდება. მოგებულს, დიდი შანსია, მეოთხედფინალში მსოფლიოს მე-3 ჩოგანი ვერა ზვონარევა (რუსეთი) გადაეყაროს.</p><p>"ბაქოს თასის" წყვილთა ბადეს ხუთი ქართველიდან მხოლოდ ანა ტატიშვილი შერჩა. ის რუს ქსენია პერვაკთან ერთად თამაშობს. პირველ წრეში მათ მეტოქეები (გეორგატუ, სოლოვიევა) არ გამოუცხადნენ. აზერბაიჯანის დედაქალაქში სუფთა ქართული წყვილი მხოლოდ ერთი იყო: მიქაძემ და სოფიო შაფათავამ პირველ ნომრად განთესილებთან, გალინა ვოსკობაევასთან (ყაზახეთი) და მონიკა ნიკულესკუსთან (რუმინეთი) წააგეს - 3:6, 2:6. სოფიო ქვაცაბაიასა და რუსი მარინა შამაიკოს წყვილი "უაილდ ქარდით" მიწვეულ გუნდთან (აბდურაიმოვა, ფარჰადი) დამარცხდა - 4:6, 3:6. ეკა გორგოძემ და მარია ჟარკოვამ ვერაფერი გააწყვეს დანიელა დომინკოვიჩთან (ავსტრალია) და ნოპავან ლერტჩეევაკარნთან (ტაილანდი) - 6:7 (5), 6:4, 4:10.</p><p>28 წლის მაკა ჩახნაშვილი (224) რეიტინგით "ბაქოს თასზე" მოხვდებოდა, მაგრამ საქართველოს ყოფილმა პირველმა ჩოგანმა გადაწყვიტა ლუქსემბურგში, პეტანჟის საერთაშორისო ტურნირში (100 ათასი დოლარი) ასპარეზობა. ჩვენებურმა პირველ წრეში იტალიელ ვივიენ ვიერინს (639) მოუგო - 6:3, 3:6, 6:2. მერვედფინალში მაკას მეტოქე მე-3 ნომრად განთესილი ჩეხი პეტრა ჩეტკოვსკაა (49). ჩახნაშვილი აქამდე 3-ჯერ შეხვედრია ჩეტკოვსკას, სამჯერვე ჩეხმა იმარჯვა. წყვილთა ბადეში ქართველი ავსტრალიელ ჯესიკა მურთან ერთად გამოდის.</p><p>თურქეთის ქალაქ სამსუნში დაიწყო 25-ათასიანი ტურნირი, რომლის საკვალიფიკაციო ბადეში ორი ქართველი ჩაება. ნათია გეგიამ რუმინელი დიანა მარკუ დაამარცხა - 6:4, 7:6 (10), ხოლო თამარ ცხაკაია რუს ევგენია სვინცოვასთან დამარცხდა - 1:6, 0:6. გეგია ძირითად ბადეში გავიდა, თუმცა პირველივე წრეში წააგო სერბ ტამარა ჩუროვიჩთან (728) - 7:6 (7), 0:6, 4:6.</p><p>შვეიცარიულ კლოსტერსში დაიწყო ევროპის ახალგაზრდული პირველობა, სადაც 18 წლის გიორგი ცივაძე ასპარეზობს. გიორგი პირველი წრიდან თავისუფალი იყო, 1/32 ფინალში კი ქართველმა იტალიელ ლუკა პანკალდის (167 ახალგაზრდულ რეიტინგში) მოუგო - 6:4, 6:4. მესამე წრეში მისი მეტოქე ფრანგი მატიას ბურჟეა (79).</p><p><strong></p><p>ყოველდღიური სპორტული გაზეთი "ლელო"</strong></p>
მხოლოდ 1 გეიმი - ბასილაშვილმა პეკინის ტურნირზე გამოსვლა დაასრულა
უცნაურია - მუსეტიმ ზედიზედ მეხუთე ფინალი წააგო
ბასილაშვილი ფორმაში შედის - ATP-ის ტურნირის მეოთხედფინალში გავიდა და ასეულში დაბრუნების შანსი აქვს
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
ფრე ქუთაისში... და "თელავის" მოგება "გაგრასთან"
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"როცა ის მოედანზე მყავდა, პატარა ბავშვივით ტკბილად მეძინა" - გვარდიოლამ "სიტის" ყოფილი ფეხბურთელი გამოარჩია
"პირველი იყო, ვინც "ოქროს ბურთის" მოგება მომილოცა" - უსმან დემბელემ ლიონელ მესიზე ისაუბრა
[VIDEO] რონალდოს 946-ე გოლი - "ალ ნასრმა" ბენზემას "ალ იტიჰადი" დაამარცხა
"მოურინიო გეი და ჰომოსექსუალია" - სკანდირებდნენ "პორტუს" გულშემატკივრები
პრობლემების მქონე პსჟ-ისა და კარგ ფორმაში მყოფი "ვილიარეალის" მატჩის დღე