"კვარამ" კვლავ გაგვაკვირვა, მაგრამ აღარაფერი გვიკვირს - სულ ცოტაა სკუდეტომდე...

ხვიჩა კვარაცხელიას შესახებ წერა და საუბარი ისაა, რაც არასდროს მოგვბეზრდება. "ნაპოლის" თითოეული მატჩის ნებისმიერი დეტალი ქართველი გულშემატკივრების განსაკუთრებულ ყურადღებას იქცევს. თითქოს რა უნდა შეამჩნიო ახალი ქართველი გარემარბის თამაშში, რომელიც 22 წლის გახდა და საჩუქარზე თავადვე იზრუნა, თუმცა რაღაცას სულ ვხედავთ - "კვარადონა" თან გვაკვირვებს, თანაც კი მისგან უკვე აღარაფერი გვიკვირს, საქმე მსოფლიო დონის მოთამაშესთან გვაქვს!.."კრემონეზესთან" დაპირისპირებაში ვნახეთ, რომ ნეაპოლელების თამაში გეგმის მიხედვით არ წავიდა, გუნდს სათანადო ტემპი არ ჰქონდა, მოწინააღმდეგის დაცვითი ზღუდეების გარღვევა და ბურთის სახიფათო ზონაში მიტანა უჭირდათ. ამას შორიდან გატანის რამდენიმე უშედეგო მცდელობა მოჰყვა. მიმდინარე სეზონში მსგავსი შემთხვევა სულ რამდენიმე იყო და ასეთ დროს ერთი გოლი ბევრ რამეს ცვლის. პირველად არ მომხდარა, რომ ეს გოლი ხვიჩა კვარაცხელიამ გაიტანა. მეტოქე შემდეგ იძულებულია, მეტად შეუტიოს, სივრცეები გახსნას და ეს დამატებით შანსებს გაძლევს.<img src="pictures/artimages/original/d1fbff5c61e5b025b4e0395e553428e5.jpg" border="0" alt="Sportall.Ge" title=""კვარამ" კვლავ გაგვაკვირვა, მაგრამ აღარაფერი გვიკვირს - სულ ცოტაა სკუდეტომდე..." width="509" height="400" style="border: 0px;" />კვარაცხელიამ ყველანაირი გემოვნების მოქმედებას შეგვაჩვია, კრემონელთა კარში გატანილ გოლს კი ერთი რამ გამოარჩევდა. ნეაპოლელებს სატურნირო ცხრილში კომფორტული უპირატესობა აქვთ, ამ შეხვედრაშიც უგოლო ფრე იყო და ჯერ პირველი ტაიმი მიმდინარეობდა. ამის მიუხედავად, "კვარას" არც კი უფიქრია, რომ ბურთი კუთხურზე იოლად გადავიდოდა და მის ჩასაწოდებლად წასულიყო, ანაც თანაგუნდელებისთვის დაეთმო. ჩვენებური სიტუაციაში ძალიან სწრაფად გაერკვა, პირით ხაზთან მიირბინა, სანამ მცველები გადაწყობას მოასწრებდნენ, კარს ეფექტურად მიუახლოვდა და ბურთი უზუსტესი დარტყმით იქ გააძვრინა, სადაც ხელი ვერც მინდვრის მოთამაშეებმა შეუშალეს და ვერც მეკარემ. თითქოს პატარა დეტალია, თუმცა ძალიან მნიშვნელოვანი. პრაგმატულობით გაჯერებულ თანამედროვე ფეხბურთს, სადაც დრიბლიორების დეფიციტია, სწორედ ასეთი ფეხბურთელი აკლდა..."ინტერთან" დაპირისპირება ძალიან იშვიათი გამონაკლისი იყო, სადაც ხვიჩას, ფაქტობრივად, არაფერი გამოუვიდა. აქ მთელ გუნდს ვერ იცნობდი, ლუჩანო სპალეტის შეგირდებმა თამაში ჩააგდეს. სხვა შეხვედრებში, გარდა იმისა, რომ კვარაცხელია მოწინააღმდეგეების ზედმეტი ყურადღებით თანაგუნდელებს თავისუფალ ზონებს უხსნის, ქართველი გარემარბი რაღაც დასამახსოვრებელს, არაორდინარულსა და შედეგიანს მუდამ ახორციელებს. მას სეზონის საუკეთესოობისათვის მართლაც ყველაფერი გააჩნია.<img src="pictures/artimages/original/c0d55d966d57e36bf3b8b588b7891c8d.jpg" border="0" alt="Sportall.Ge" title=""კვარამ" კვლავ გაგვაკვირვა, მაგრამ აღარაფერი გვიკვირს - სულ ცოტაა სკუდეტომდე..." width="627" height="400" style="border: 0px;" />კრიტიკული პასაჟები სულ რომ არ დავივიწყოთ, "კრემონეზესთან" ხვიჩას რამდენიმე დაკარგვა ჰქონდა და დაცვით ფუნქციებში ისეთივე აგრესიული არ ყოფილა, როგორაც შეგვაჩვია. "კვარადონასგან" ყველა ასპექტში იდეალურობას ვითხოვთ და მას ეს შეუძლია კიდეც. ბევრი ექსტრაკლასის შემტევია, რომელიც გუნდურ ოპერაციებსა და უკანახაზელების დახმარებაში ისე წარმატებული არაა, როგორც "კვარა".ვიქტორ ოსიმენი შეუდარებელია, თუმცა "ნაპოლი" სტანისლავ ლობოტკას გარეშე წარმოუდგენელი იქნებოდა. მისი მოედნიდან გაყვანის შემდეგ სპალეტის საქციელი ბევრ რამეს ამბობდა - მან სლოვაკი ხელში აიყვანა. რჩება განცდა, რომ შუახაზელს ერთი ამოსუნთქვით ფინიშამდე გასვლა ასეთივე წარმატებით შეუძლია.მთავარ მწვრთნელზეც უნდა ვთქვათ. ცუდი პირველი ტაიმის შემდეგ ლუჩანომ თამაში კარგად წარმართა. მას ძველი გამოცდილება ეხმარება და ტიტულამდე აუცილებლად მივა - სულ ცოტაა სკუდეტომდე!..

ზაზა

გული არ მითმენს რომ არ ვთქვა: ხვიჩა შვილო წინასწარ გილოცავ იტალიის ჩემპიონობას!!!ნაპოლის მთელ შემადგენლობას ასევე ვულოცავ,მთელ ნეაპოლს ვულოცავ ასე ნანატრ სკუდეტოს!მე ჯერ კიდევ ზაფხულში დავიჯერე რომ ჩემპიონები გახდებოდით,ეგ ერთი და სხვა მრავალი!!!
GOAT

ოსიმენიც არანაკლებია ხვიჩაზე. თან ეტყობა რომ ბევრად თავისუფალია და ხალხის აზრსაც დიდ ყურადღებას არ აქცევს. ხვიჩა კი ცოტა შებოჭილია და ამის დანახვა არც ისე რთულია
ქ. გ.

სხვადასხვა კუთხიდან გადაღებული ხვიჩას გოლი https://www.youtube.com/watch?v=-VgqCKTHQsw
რატი

მობილიზაცია/მოგილიზაცია მალე გიწევს, რაშკა?
zura222

ინტერთან იდიოტმა (შეიძლება არაიდიოტმა მაგტამ შეთქმულმა)იტალიის ფეხბურთის მამებმა მილანელი მსაჯი დანიშნეს(!!!) ნუ მთლად ქალაქ მილანიდან არაა მაგრამ ლომბარდიაში მილანთან ახლოს დაიბადა და გაიზარდა და მილანშიც ცხოვრობდა კარგა ხანს ! და ისიც მიეხმარა თავის თანამოქალაქეებს @@@
giorgi 3

თვითონ კიგანი იძახის (სპეციალისტებზე რომ არაფერი ვთქვათ) რომ მისი შედარება ჯორჯ ბესტთან - არაკორეკტულია, ბესტი ლეგენდაა
რრრ

დარწმუნებული ვარ ეს არტიომა რუსი არა ჩვეულებრივი რენეგატი(მოღალატე) პროვოკატორი ქართველია და ვითომ კაიფობს, ნუ აქცევთ ყურადღებას.
Ჟორა ჯან

ნაპოლი ლიდერი არაა, ნატა გესმოდეთ ფეხბურთი
გიორგი

ხვიჩას ადარებენ ინსინიეს, ბესტს, კიგანს და ა.შ. მაგრამ ის ქართველი ხვიჩა კვარაცხელიააა, ის უბრალოდ მიშა მესხის და დავით ყიფიანის გენის გამგრძელებელია !!!
თემო

კიგანი ცენტრიდან თამაშობდა და უფრო პოზიციური ფეხბურთელი,ხოლო ბესტი მაეცხენა ფლანგის მოთამაშე და დრიბლინგზე ორიენტირებული.უბრალოდ ბესტი ადგილზე ფეხში ბურთს რომ მიიღებდა უფრო იოლად ატყვილებდა.
გიორგი

ინტერთან ცემეს რასაც ქვია და არავის თხოვდნენ პასუხს თორენ იქნება მეორე თამაშიც და მერე ვბახოთ უბრალოდ პრინციპის საკითხია თორემ ეგ შეხვედრა რომ შედგება ნაპოლი პრაქტიკულად უკვე ჩემპიონი იქნება ვფიქრობ ხვიჩა საკადრის პასუხს გასცემს ინძაგის ყასბებს
მწვრთნელი

Артём, на хер не пойдёшь или послать!
ავტორი

საკმაოდ ბევრი შედარებაა, რაც ძალიან კარგია, ცოტა ხანში კი სხვებს შეადარებენ თავად ხვიჩას
მწვრთნელი

ღვთისავარ, ხვიჩას ბევრი ადარებს ჯორჯ ბესტს თავისი სტილით, მაგრამ მე მგონი კევინ კიგანს უფრო წააგავს! თქვენი აზრი როგორი იქნება ამ საკითხზე!
ჟორა

მართალია ჩემპიონატის დამთავრებამდე 16 თამაში დარჩა, მაგრამ ვფიქრობ ჩემპიონობისთვის 15 ქულა საკმარისი იქნება, რადგან ჩემპიონატის ბოლოსთვის აუტსაიდერები ბევრ ლიდერს გაამწარებენ.
სოსო

ძალიან კარგი სტატიაა!ყოჩაღ ავტორს!მხოლოდ ერთ რამეში ვერ დავეთანხმები:ინტერთან თამაში ნაპოლიმ კი არ ჩააგდო,მილანელმა მსაჯმა გააკეთა ყველაფერი,უკვე დებიუტშივე,თავისი გადაწყვეტილებებით,ნეაპოლელებს გასაგებად მიანიშნა,ბიჭებო,არაფრის იმედი არ გქონდეთ,მილანიდან ქულებს არ გაგატანთო და მათაც, თავს ზევით ძალა აღარ ჰქონდათ,გაჩერდნენ.კვარა ორჯერ გადაურჩა მძიმე ტრავმას და არც სხვებისათვის დაუკლიათ ხელი,მსაჯი კი,არაფერს იმჩნევდა და რაკი ფედერაციამ და სამსაჯო კომისიამ დაუსჯელად გაუტარა ეს მატჩი(რამდენადაც ვიცი,მგონი სანქციები არ მიუღია),ეს ნიშნავს,რომ ფედერაციასაც სურდა,ჩემპიონატში დაძაბულობა შენარჩუნებულიყო და ნაპოლის წაეგო.იქ რომ ბიჭებს,ბოლომდე თავი გამოედოთ,დღეს ნახევარი გუნდი,ალბათ ისევ ჰოსპიტალში იქნებოდა მოტეხილობებით.
Артём

Молодец Хвича! Рад за тебя! Россия всегда защищала и будет защищать мингрельский народ от любых притеснений, русские и мингрелы близкие по духу народы! Не забывай об этом, Хвича!
ჟორა

კრემონეზესთან ოსიმენი ძალიან სუსტი იყო. ის ბურთიც მისი არ იყო, უმისოდაც იყო გოლი, მე ვიტყოდი გუნდმა მისგან თავი დაიცა. კვარამ კი მართლაც სანიმუშო ალღო და შესაშური გამჭრიახობა გამოავლინა, ალბათ ცოტაა ფეხბურთელი, რომელიც იმ ბურთს გაეკიდებოდა, მან კი გოლად აქცია.
გიო

სკუდეტომდე ჯერ ბევრია ჩათვალე ნახევარი ჩემპიონატია დარჩენილი
ზაზა

შეხედეთ ამ ბიჭებს სახეებზე!ჩემპიონები არიან!!!
Charley

როცა ამბობენ მარადონამ კრუიფმა თუ ბესტმა ფეხბურთის მაშტაბი მეოცე საუკუნეში სულ სხვა დონეზე აიყვანენ. ამ ბიჭში ჩანს ის პოტენციალი როცა იტყვიან ოცდამეერთე საუკუნის ფეხბურთს, მწვრთნელების ტაქტიკურ "მონახაზებში" წართმეული ესთეთიკა და სილამაზე თანამოდროვე ფეხბურთს კვარამ დაუბრუნაო.
ენძო

"ინტერი'ხვიჩას ბინძურად ეთამაშა და მსაჯს რომ დროულად მიეღო ზომები დარწმუნებული ვარ "ნაპოლი"იმ მატჩს არ წააგებდა.შეხვდებიან მეორე წრეში და თუ გუნდს იმ დროისთვის სკუდეტო განაღდებული არ ექნება ნახავთ რასაც დამართავს ინტერს.ისე როგორია-ხვიჩა იტალიაში რომ გადადიოდა ყველა ვნერვიულობდით როდის შეძლებდა იქაურ სიტუაციას როგორ შეეჩვეოდა და გაიხსნებოდა,ახლა აკრიტიკებენ "ინტერთან"რატომ არ ბრწყინავდიო? მაგარი ბიჭი გვყავს ქართველებს!
ზაზა

ნაპოლი უკვე ჩემპიონია! მას ხელს ვერავინ შეუშლის,ასე რომ ნეაპოლელებს ვურჩევ ემზადონ ნანატრ სკუდეტოსთვის!!!

"ჯვაროსნები". სიკვდილის ჯგუფი თუ უკეთესი ვარიანტი? - თებერვალში ერთა ლიგის წილისყრაა

"მივიღეთ ის, რაც დავიმსახურეთ" - ლევან კობიაშვილის განცხადება

საქართველოს ნაკრები 2026 წელს ორ ამხანაგურ მატჩს გამართავს

მოემზადეთ საგულშემატკივროდ - გულიაშვილი "ბარსელონას" პირველივე წუთებიდან შეუტევს

"ნოტინგემს ფორესტს" ზინჩენკოს იჯარის ვადაზე შეწყვეტა სურს

პარატიჩი კვლავ სამშობლოში - საფეხბურთო ფუნქციონერი იტალიაში დაბრუნდა

ოფიციალურად: კონორ გალაჰერი ინგლისის პრემიერ ლიგას დაუბრუნდა

ფუტსალის ნაკრები ევროპის ჩემპიონატისთვის 18 ფეხბურთელით ემზადება

[VIDEO] ლუკა ბერულავამ და ანასტასია მეტელკინამ ევროპის ჩემპიონატზე მოკლე პროგრამა პირველ ადგილზე დაასრულეს

18 წ. | მესამედ ექვსი ერის ფესტივალზე

კვერნაძემ შეიძლება მნიშვნელოვანი მატჩი გამოტოვოს

ფიბა-ს სამსაჯო წელს ვართანოვი ათენში გახსნის, თვაური იზმირით გააგრძელებს

დიდი დებიუტის მოლოდინში - გულიაშვილი "ბარსელონასთან" სათამაშოდ მზადაა

"იბერია 1999"-მა ბართიშვილი და ღუდუშაური დაიმატა

"რუსეთში დაბრუნების ვარიანტს არ განვიხილავთ" - საზონოვის მამა შვილის შესაძლო ტრანსფერზე

"ვიღაც ნახევრად მელოტმა ბეჰემოთმა ხვიჩაზე ეს თქვა" - ძიუბა კვარაცხელიას განვითარებაში სლუცკის წვლილზე

"ნებისმიერი თანხა მოითხოვოს" - საუდის არაბეთის კლუბის პრეზიდენტის შეთავაზება მესის

საზონოვი ტრანსფერზეა - "ტორინო" ზამთარში ქართველის გაყიდვას შეეცდება

[VIDEO] სემენიომ ისევ გაიტანა - "სიტიმ" "ნიუკასლი" დაამარცხა და EFL თასის ფინალისკენ პირველი ნაბიჯი გადადგა

უარი ბერძნულ გრანდს - დავითაშვილისთვის ბრძოლა გადამწყვეტ ფაზაში შედის

ადესანია ოქტაგონს უბრუნდება - დანა ვაითი მარტში სიეტლში ღონისძიებას ჩაატარებს

ალონსოს პენალტით "ვიგომ" "სევილია" მატჩის მიწურულს დაამარცხა

[VIDEO] ზედიზედ 3 წაგების შემდეგ "ოკლაჰომამ" "სპურსი" მარტივად დაამარცხა

[VIDEO] სამი გაძევება "ოლიმპიკოზე" - "ნაპოლიმ" "ლაციო" დაამარცხა

[VIDEO] კონტე გააძევეს - "ნაპოლი" "ინტერთან" მარცხისგან მაკტომინეიმ დუბლით იხსნა

პსჟ წაგების შემდეგ და ლიგის წინ - კვარაცხელია ან მაიულუ

"ასეთი რამ "ნაპოლიში" არასდროს მინახავს" - ლუჩანო სპალეტი

"ახალმა კვარამ" იმედები ვერ გაამართლა და გაყიდვას უპირებენ

ლუის ენრიკემ "პარიზთან" მატჩში შემადგენლობა დაასახელა

[VIDEO] ხვიჩას შეცვლა რომ საქმეს შველოდეს - პსჟ თასიდან "პარიზმა" გამოაგდო

გასაკვირია - როგორი შეფასებები მიიღეს მამარდაშვილმა და კვარაცხელიამ?

დღეს კვარაცხელია და მამარდაშვილი ერთდროულად ითამაშებენ

[VIDEO] "ნაპოლი" "ვერონასთან" ფრეს დასჯერდა

დასჯილი კონტე და "ნაპოლის" ზედიზედ მესამე ფრე