<p>ინგლისისა და საფრანგეთის ძირითადი შემადგენლობის ახალგაზრდული ნაკრებები "უმცროს ბორჯღალოსნებთან" (20 წ.) 4 თამაშს გამართავენ, რაც მსოფლიო ჩემპიონატის წინ ძალიან მნიშვნელოვანია. თამაშები მაისსა და ივნისში გაიმართება, საფრანგეთთან - საფრანგეთში, ინგლისთან კი – საქართველოში.</p><p><p><p>იოსებ ტყემელაძე – საქართველოს რაგბის კავშირის პრეზიდენტი: “ძირითად ახალგაზრდულ ნაკრებებთან თამაშები პირველია, რაშიც განსაკუთრებული დახმარება ინგლისის რაგბის ფედერაციის პრეზიდენტმა ბილ სვინიმ გაგვიწია, მადლობა მას, – საფრანგეთთან და ინგლისთან ორ-ორი შეხვედრა გვექნება და ეს 4 თამაში ჩვენს ახალგაზრდა მორაგბეებს მსოფლიო ჩემპიონატის წინ მომზადებაში ძალიან დაეხმარება; ახალგაზრდული ნაკრების გაძლიერება რაგბის კავშირის ერთ-ერთი პრიორიტეტია და ამას ჩვენ დიდ ძალისხმევას ვახმართ. საფრანგეთი და ინგლისიც სატესტო მატჩებისთვის ნაკრების სურვილით შეირჩა. საუკეთესო სტრატეგიის შესამუშავებლად ბრიტანეთში წამყვან საკონსალტინგო კომპანიებსაც შევხვდით”.</p></p></p><p><p><p>ქართული რაგბისთვის სასიხარულო ამბით საქართველოს რაგბის კავშირის დელეგაცია ინგლისიდან ამ დღეებში დაბრუნდა. ვიზიტი "6 ერის", მსოფლიო რაგბის, ევროპის პროფესიონალური საკლუბო რაგბისა (EPCR) და "6 ერის" წევრ ფედერაციათა მიწვევით შედგა და ერთ კვირას გაგრძელდა.</p><p>თორნიკე გოგებაშვილი – საქართველოს რაგბის კავშირის აღმასრულებელი დირექტორი: “თითოეულ მასპინძელთან საუბრის მთავარი თემა საქართველოს ეროვნული და 20-წლამდელთა ნაკრები გუნდების, ასევე 18-წლამდელთა ნაკრებისა და ქართული ფრანჩიზის “შავი ლომის” უმაღლესი დონის საერთაშორისო ასპარეზობებში ჩართვა იყო და ყველა ამ თემაზე მასპინძელმა მხარემ თანხმობა და ხელშეწყობის სურვილი გამოთქვა. საფრანგეთისა და ინგლისის ძირითად ახალგაზრდულ ნაკრებებთან მატჩების ჩანიშვნა ამის დასტურია. გვაქვს სასიხარულო სიახლე 18-წლამდელთა და “შავი ლომის” მიმართულებითაც, რასაც გულშემატკივარიც მალე შეიტყობს”.</p></p></p><p><p><p><img src="pictures/artimages/original/6cc05a994b97fc6927a5068667a02a1a.jpg" border="0" alt="Sportall.Ge" title="საფრანგეთი და ინგლისი საქართველოსთან 4 თამაშს გამართავენ - ინგლისში ვიზიტის შედეგი" /></p></p></p><p><p><p>იოსებ ტყემალაძე: “2023 წლის მსოფლიო თასის და 20-წლამდელთა მსოფლიო ჩემპიონატის წელია და მორაგბეთა უკეთ მოსამზადებლად უმაღლესი დონის გუნდებთან მათი შეხვედრები ძალიან მნიშვნელოვანია. სასიხარულოა, რომ ყველა დონის სარაგბო სტრუქტურაში ასეთ პერსპექტივას ცალსახად მიესალმებიან. აშკარაა, რომ საქართველოს ნაკრების ბოლოდროინდელმა ისტორიულმა გამარჯვებებმა და რაგბის კავშირის პროგრესულმა სისტემურმა რეფორმირებამ დღის წესრიგში ქართული რაგბის მსოფლიო როლის გადახედვა დააყენა”.</p></p></p><p><p><p>სარაგბო მოლაპარაკებების გარდა, ქართული დელეგაცია ქალაქ რაგბიშიც მიიწვიეს, საიდანაც სპორტის ეს სახეობა იღებს სახელს. რაგბიში ქართულ დელეგაციას საქართველოს ელჩი სოფიო ქაცარავაც ახლდა, მასპინძლობა კი პარლამენტარმა მარკ ჰაუსმა გაუწია. დაათვალიერეს რაგბის სკოლა და ვებ-ელის რაგბის მუზეუმი, სადაც რაგბის ისტორიულ ექსპონატებს შორის ქართული ლელო ბურთიც არის წარმოდგენილი და რაგბის მსგავსი უძველესი ქართული თამაშის შესახებ ინფორმაციაც; ვიზიტმა მოიცვა სტუმრობაც ლიდსის ცნობილ ბექეთ უნივერსიტეტსა და კარნეგის სპორტის სკოლაში, რომელიც ბრიტანეთში სპორტის სფეროში კვლევების წამყვანი ინსტიტუტია.</p></p></p><p><p><p>ქართულ დელეგაციას რაგბის კავშირის პრეზიდენტი იოსებ ტყემალაძე და აღმასრულებელი დირექტორი თორნიკე გოგებაშვილი ხელმძღვანელობდნენ. შემადგენლობაში იყვნენ ნიკა ალავიძე - საქართველოს რაგბის კავშირის პრეზიდენტის მთავარი მრჩეველი, რიჩი დიქსონი - მაღალი მიღწევების კომიტეტის თავმჯდომარე, ლევან ღვაბერიძე - საერთაშორისო ურთიერთობის სამსახურის უფროსი და გია ნიჟარაძე - საქართველოს წარმომადგენელი მსოფლიო რაგბიში.</p></p></p><p><p><p> <p><p><strong><strong><strong>Rugby.ge</strong></strong></strong></p></p> <p><p><strong><strong><strong></p><p></strong></strong></strong></p></p> <p><p><strong><strong><strong> </strong></strong></strong> <p></strong></strong></strong></p><p></p></p> </p></p><br></p>
გენო-ს
არ შეიძლება ყველაფერს (მათ შორის კარგ რამეებსაც) გადაუსვა ხაზი მარტო იმიტომ რომ ფედერაციის წინა ხელმძღვანელობის გაკეთებულია და არ დაუფიქრდე რომ ეროვნულ სიმბოლიკასთან გაქვს საქმე. ახლა ესენი შანსი არ არი და არ დააბრუნებენ შინდისფერს და ვაზს კვართზე, რადგან გამოვა რომ ტყუილად გადაყარეს ფული რაღაც ვითომ რებრენდინგში. ამპარტავნება და უკიდეგანო ამბიციები ერთად ცუდს შედეგს იძლევა. და არც არავინ რომ არ არი პასუხის გამცემი ეგ კიდევ ცალკეა საგლოვი
დიმა
მშვენიერი ამბავი! წარმატებები ჩვენს ფედერაციას!
გენო
ქორ-პარიკმახერი ხო მეც ძაან მომწონდა შინდისფერი. აი იმენა ქართული ფერია რა თითქოს. ჩვენ ხასიათშიც და კულტურაშიც ჯდება.
ქორ-პარიკმახერი
კარგია! მომწონს რომ მუშაობს ფედერაცია! ერთი შინდისფერი კვართი რომ არ შეგეცვალათ ინგლისურ-რუსული წითელით უფრო კაი ბიჭები იქნებოდით!
18 წ. | დრამატული ფრე ირლანდიასთან
18 წ. | ირლანდიასთან ინგლისის მსგავსად
18 წ. | სამხრეთ აფრიკამ გვაჯობა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ