- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ვოზნიაცკიმ თავისიანები გაახარა
<p><p>ევროპული სერიის ტურნირები კოპენჰაგენში დასრულდა და ახლა ყველა ჩოგბურთელმა ამერიკის კონტინენტისკენ აიღო გეზი</p> <br> <p>ევროპული სერიის ტურნირები კოპენჰაგენში დასრულდა და ახლა ყველა ჩოგბურთელმა ამერიკის კონტინენტისკენ აიღო გეზი, სადაც სულ მალე სეზონში "დიდი სლემის" მეოთხე ტურნირი - აშშ-ის ღია პირველობა დაიწყება. მანამდე კი ვნახოთ, როგორ განვითარდა გასულ კვირას მოვლენები დანიის დედაქალაქში.</p><p>კოპენჰაგენში WTA-ის ტურნირის ჩატარება ისტორიული მოვლენაა დანიისთვის, რადგან აქამდე ამ ქვეყანაში ასეთი რანგის შეჯიბრი არ გამართულა. დღეს იქ ქალთა ჩოგბურთის მიმართ დიდი ინტერესი გაჩნდა, რაც კაროლინ ვოზნიაცკის დამსახურებაა. სწორედ მისი წარმატებების წყალობით მოხვდა კოპენჰაგენი WTA-ის კალენდარში. თუმცა მომავალი სეზონისთვის ამ ტურნირის პერსპექტივები ბუნდოვანია - 2011 წლის წინასწარ კალენდარში ის როლან გაროსის შემდეგ, ბალახის სეზონში ჩასვეს და იმ პერიოდში ბევრი არ მოინდომებს დარბაზში ჰარდის კორტზე თამაშს.</p><p>წელს კი ტურნირმა საკმაოდ კარგი შემადგენლობა შეკრიბა. თითქმის ყველა განთესილი რეიტინგის საუკეთესო ორმოცდაათეულში შედიოდა, აქვე იყო ტოპათეულის ორი წარმომადგენელი - ჩინელი ნა ლი და მასპინძელი კაროლინ ვოზნიაცკი.</p><p>სწორედ ეს უკანასკნელი მიიჩნეოდა მთავარ ფავორიტად, თუმცა დანიელ ვარსკვლავს მთავარ პრიზამდე რთული გზის გავლა მოუწია. იოლი მატჩი მას მხოლოდ პირველ წრეში პეტრა მარტიჩთან (6:3, 6:2) ჰქონდა. მეორე რაუნდში ჩეხ ივეტა ბენეშოვას შეხვდა. დანიელმა პირველ პარტიაში ყველა საკუთარი გეიმი წააგო, ამ მხრივ ბენეშოვაც ბევრს სცოდავდა, მაგრამ მან ერთხელ შეინარჩუნა თავისი გეიმი და სეტი 6:4 მოიგო. მაგრამ ამის შემდეგ ვოზნიაცკიმ საკუთარ მოწოდებაზე დაალაგა თამაში და თუ მეორე სეტში ჩეხს ოთხი ბრეიკ-პოინტი ჰქონდა, მესამეში მიღებაზე სულ ორი ქულა აიღო და 2:6, 0:6 დამარცხდა. ასევე წააგო პირველი სეტი მასპინძელმა 21 წლის გერმანელ იულია გორჯესთან. სამაგიეროდ, მეორე პარტია "მშრალი" ანგარიშით მოიგო, მესამეში კი სასწაულებრივ გადაურჩა წაგებას. გერმანელი მთელი სეტი ლიდერობდა, მატჩზე აწვდიდა და ორი ქულა აცილებდა გამარჯვებამდე, როცა დანიელი გონს მოეგო და ანგარიშის გათანარების შემდეგ ტაი-ბრეიკზე დაასრულა საქმე.</p><p>კაროლინს ყველაზე დიდი გამოცდა ნახევარფინალში რუს ანა ჩაკვეტაძესთან ელოდა, რომელიც ნელნელა გამოდის კრიზისიდან, რასაც ორი კვირის წინ სლოვენიურ პორტოროჟში მოგებული ტიტულიც ამტკიცებს. თუმცა პირველ სეტში ბრძოლა არ ყოფილა. სეტის დასაწყისში რუსმა ოდნავ გაიბრძოლა, რის შემდეგაც მასპინძელმა მესამე გეიმში ბრეიკი გააკეთა და მშვიდად მიიყვანა საქმე გამარჯვებამდე - 6:1.</p><p>თუმცა ჩაკვეტაძე დანებებას არ აპირებდა და მეორე სეტში თამაშში გარდატეხა შეიტანა. ამაში მას მეტოქეც დაეხმარა, რომელმაც უამრავი შეცდომა დაუშვა. სეტის შუაში ჩოგბურთელებმა ბრეიკები გაცვალეს, რის შემდეგაც ანამ ზედიზედ სამი გეიმი აიღო - 6:2. მესამე სეტი, როგორც მოსალოდნელი იყო, დაძაბული გამოდგა. მეტოქეეიბი ყველა ქულისთვის იბრძოდნენ, მაგრამ გადამწყვეტ მომენტებში უკეთ ვოზნიაცკი მოქმედებდა. მან სწრაფად გააკეთა ბრეიკი, რომელიც ჩაკვეტაძემ მერვე გეიმში დაიბრუნა, თუმცა იქვე კიდევ ერთხელ დათმო საკუთარი მოწოდება და მასპინძელსაც აღარ გასჭირვებია გამარჯვების მოპოვება. დანიელის მეტოქე ფინალში მოულოდნელად კლარა ზაკოპალოვა გახდა, რომელმაც სამ სეტში დაამარცხა ნა ლი.</p><p>ჩეხს კარიერაში ორი ტიტული ჰქონდა მოგებული - ორივე 2005 წელს. რაც შეეხება ურთიერთშეხვედრებს, ფინალისტებმა ერთადერთი მატჩი 2007 წელს ითამაშეს და დანიელმა მესამე სეტის ტაი-ბრეიკში გატეხა ზაკოპალოვას წინაღმდეგობა. ამჯერად, ვოზნიაცკიმ გაცილებით იოლად მოიპოვა კარიერაში მერვე ტიტული. პირველი სეტის მოსაგებად მასპინძელს ნახევარი საათიც არ დასჭირვებია, თანაც ჩეხს ერთი ბრეიკ-პოინტიც არ ჰქონია. მეორეში ზაკოპალოვამ გაცილებით უკეთესი შთაბეჭდილება დატოვა და ბრეიკით დაწინაურდა. მას მეორედაც ჰქონდა მეტოქის მოწოდების აღების შანსი, მაგრამ 0:30-დან მისცა კაროლინს სიტუაციის გამოსწორების შანსი და იქვე თავისი მოწოდებაც წააგო. მეტოქეებმა ბრძოლაში ტაი-ბრეიკს მიაღწიეს, სადაც მოვლენები საინტერესოდ განვითარდა. ვოზნიაცკიმ ხუთი მატჩბოლი მიიღო და პირველი ოთხი ვერ გამოიყენა. მხოლოდ მეხუთე ცდაზე გაახარა მან საკუთარი პუბლიკა.</p><p>სან დიეგოს ტურნირის ფინალი რუსი სვეტლანა კუზნეცოვას მოსალოდნელი ტრიუმფით დასრულდა. "დიდი სლემის" ტურნირების ორგზის გამარჯვებულმა ხელიდან არ გაუშვა რეიტინგის საუკეთესო ოცეული დაბრუნების შანსი, საიდანაც ამ სეზონში ნაჩვენები სუსტი შედეგების გამო გავარდა. სეზონის პირველ ნაწილში კუზნეცოვას ჩავარდნის მიზეზი არასტაბილური თამაში იყო, დაახლოებით ისეთი, როგორიც მან გუშინ, აგნიეშკა რადვანსკას წინააღმდეგ ფინალურ მატჩში აჩვენა.</p><p>კუზნეცოვამ სტარტიდანვე მოიპოვა უპირატესობა და ისეთი ტემპით თამაშობდა, რომ რადვანსკა მეტოქისთვის პასუხის გაცემას ვერ ასწრებდა. მალე რუსი 5:1 დაწინაურდა, რის შემდეგაც დაიწყო ის არასტაბილური თამაში, რომელიც ზემოთ აღვნიშნეთ. გაიზარდა შეცდომების რაოდენობა და რადვანსკაც სულ მალე მიუახლოვდა მოწინააღმდეგეს - 5:4. მაგრამ რუსმა საჭირო მომენტში ნერვები მოთოკა და მეორე ჩაწოდება სეტზე წარმატებული გამოუვიდა - 6:4.</p><p>მეორე სეტის წინ რადვანსკამ სამედიცინო ტაიმ-აუტი აიღო, რადგან მარცხენა ფეხის ტერფი აწუხებდა. ამის გამო, კუზნეცოვა თამაშის ყველა კომპონენტში სჯობდა ოპონენტს და ყველაფერი იქითკენ მიდიოდა, რომ რუსს ორ სეტში უნდა მოემთავრებინა საქმე. ბრეიკით დაწინაურებულმა კუზნეცოვამ საკუთარ გეიმებზე დამაჯერებლად ითამაშა და მატჩზე ჩასაწოდებლად გაემზადა. და როგორც კი ეს მნიშვნელოვანი მომენტი დადგა, რუსმა ისევ უკლო თამაშს. საბოლოოდ, სეტი ტაი-ბრეკამდე მივიდა, სადაც სვეტლანას თავიდანვე სოლიდური უპირატესობა ჰქონდა, რაც სამმაგ მატჩბოლში გამოიხატა. პირველ შემთხვევაში კუზნეცოვამ ორმაგი შეცდომა დაუშვა, ორჯერ კი ბექჰენდი არ გამოუვიდა. ანგარიშის გათანაბრების შემდეგ აგნიეშკამ ორმაგი შეცდომით მეოთხე მატჩბოლი აჩუქა მეტოქეს და რუსმა ისევ ვერ შეირგო საჩუქარი - კვლავ ორმაგი შეცდომა. რადვანსკამ გადაწყვიტა, რომ საჩუქრების დარიგების დრო დამთავრდა და ზედიზედ ორი ქულის აღებით მე-13 გეიმი 9:7 მოიგო.</p><p>წაგებული მატჩის შემოტრიალებით ფსიქოლოგიური უპირატესობა აგნიეშკას მხარეს გადავიდა. კუზნეცოვამ სეტის წინ დასაწყნარებლად რამდენიმე წუთი პაუზა აიღო, მაგრამ გადამწყვეტ პარტიაში თავიდან პოლონელის უპირატესობა იგრძნობოდა - სწორედ აგნიეშკა გავიდა წინ ბრეიკით. მაგრამ შემდეგ გადამწყვეტი სიტყვა თქვა არამარტო კუზნეცოვას გამოცდილებამ, არამედ მისმა უკეთესმა ფიზიკურმა მომზადებამ. ყველაფერი გადაწყვიტა ზედიზედ ოთხმა მოგებულმა გეიმმა. მართალია, პირველ ჯერზე რუსმა მატჩზე ვერ ჩააწოდა და ისევ აანერვიულა საკუთარი გულშემატკვირები, სამაგიეროდ, მეორედ "მშრალი" ანგარიშით აიღო გეიმი - 6:3 და კარიერაში მე-13 ტიტული გაიფორმა.</p><p><strong>WTA</p><p>Mercury Insurance Open</strong></p><p>სან დიეგო (აშშ). ჰარდი</p><p>საპრიზო ფონდი: 700 000 დოლარი</p><p>ფინალი</p><p>სვეტლანა კუზნეცოვა (რუს)-აგნიეშკა რადვანსკა (პოლ, 4) 6:4, 6:7 (7:9), 6:3.</p><p><strong>Sony Ericsson Open</strong></p><p>კოპენჰაგენი (დანია). ჰარდი</p><p>საპრიზო ფონდი: 200 000 დოლარი</p><p>ფინალი</p><p>კაროლინ ვოზნიაცკი (დან, 1)-კლარა ზაკოპალოვა (ჩეხ, 7) 6:2, 7:6(5).</p><p><em>ლელო</em></p></p>
თრილერი ცინცინატიზე - საბალენკამ რადუკანუ დაამარცხა
ერთი ნაბიჯი ტურნირის ძირითად ბადემდე - ბასილაშვილი ცინცინატის მასტერსის კვალიფიკაციის ფინალშია
სინერმა უიმბლდონზე ალკარასის დომინაცია დაასრულა - იანიკმა მეოთხე დიდი სლემის ტიტული მოიგო
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია
"დინამო თბილისი": სამი გოლი, სამი ქულა
ლუის ენრიკე რევოლუციურ ცვლილებებს აპირებს - იქნება კვარაცხელია სასტარტოში?