ყაზახების მცველი შოკშია, ქობალია კი ბედნიერია

"ირტიშის" მთავარი მწვრთნელი ტალგატ ბაისუფინოვი: "მეტალურგი" ღირსეული გუნდია! "ირტიში"-"მეტალურგის" მატჩის შემდეგ საინტერესო კომენტარები გააკეთეს მეტოქე გუნდების წარმომადგენლებმა.განსაკუთრებით ენაწყლიანი აღმოჩნდა "ირტიშის" მთავარი მწვრთნელი ტალგატ ბაისუფინოვი: "ჩვენი წყვილიდან შემდეგ ეტაპზე ღირსეული გავიდა. "ირტიში" ჯერ ვერ აკმაყოფილებს მესამე ეტაპის მოთხოვნებს. მართალია, წავაგეთ, მაგრამ ქართული გუნდის წარმატება გულწრფელად მიხარია.დღეს ჩვენ მოგება ძალიან გვინდოდა, მაგრამ ფეხბურთის ღმერთები ქართველთა მხარზე იყვნენ. "მეტალურგს" ინდივიდუალურად ძლიერი მოთამაშეები ჰყავს და გუნდმაც თანამედროვე ფეხბურთი ითამაშა. ადრე კავკასიური კლუბების პრობლემა უბურთოდ თამაში იყო, მაგრამ რუსთაველებს ეს არ ეტყობოდათ. ქართველებს ყველაფერი გამოსდიოდათ, გუნდური ურთიერთქმედებაც და ზონური თამაშიც....ჩემს ფეხბურთელებში ვერ დავინახე ის აგრესია, რაც "იაგელონიასთან" პირველ მატჩში გვქონდა, სულ ორ-სამჯერ დავარტყით კარში. ფეხბურთი წვრილმანებს არ გპატიობს. ჩვენც ძალიან გვინდოდა საფრანგეთში წასვლა, პარიზში გასეირნება და ეიფელის კოშკის ნახვა, მაგრამ...საწყენი იყო თუ არა, მაყურებელი ნაადრევად რომ წავიდა? არა, რადგან არ უნდა მოგვთხოვონ ის, რაც არ შეგვიძლია. დარწმუნებული ვიყავი, რომ მძიმე მატჩი გველოდა. ეს "მეტალურგის" დღე იყო. შეტევაში უკბილოდ ვითამაშეთ. ვერ ვიტყვი, რომ ბიჭები სათანადოდ ვერ განეწყვნენ, ყველა მონდომებული იყო, მაგრამ რატომღაც გატყდნენ და ყველაფერი აირია. "მეტალურგი" კარგად გამოიყურებოდა და ანგარიში კანონზომიერია.ფეხბურთელებს ერთ-ორი შეხებით თამაში და მეტოქის საკუთარ ნახევარზე ჩაკეტვა ევალებოდათ, მაგრამ ეს ამოცანა ბოლომდე ვერ შევასრულეთ. ერთი-ორი შეხებით თამაში არ გამოგვივიდა, მცველები და ნახევარმცველები თავდამსხმელებს გადაცემებს უგვიანებდნენ და ქართველები იქვე უჭრიდნენ პასებს. საკუთარ თავს თავად შევუქმენით პრობლემები".ალექსანდრ კუჩმა, "ირტიშის" მცველი: "ჯერ კიდევ არ გამიანალიზებია, რა მოგვივიდა. წაგების გამო შოკში ვარ... უაზრო გოლი გავუშვით და უკანმოუხედავად შეტევაში გავქანდით. ჩვენ გვყავდა ძალიან ღირსეული მეტოქე. ნამდვილად ვერ ვიტყვი, რომ ქართველებს მოგება ჩვენზე მეტად სურდათ, მოედანზე მათზე არანაკლები მოტივაციით გავედით, მაგრამ დასაწყისში მომენტები ვერ გამოვიყენეთ და მერე ბავშვურ შეცდომებს ვუხშირეთ".ირაკლი ქობალია, "მეტალურგის" თავდამსხმელი: "ძალიან გახარებული ვარ ყაზახეთში მოგებით, რაც სულაც არ იყო იოლი საქმე. მთავარია, რომ ჩვენი ფეხბურთი ვაჩვენეთ. მართალია, მატჩი საკმაოდ რთულად წარიმართა, მაგრამ ეს ევროპის ლიგაა, სადაც არა მხოლოდ საკუთარ ქალაქს, არამედ საქართველოს წარმოვადგენთ.სიმართლე გითხრათ, ჩემთვის მნიშვნელოვანი არ იყო, გოლს ვინ გაიტანდა. მთავარია, გავიმარჯვეთ. მატჩისთვის სერიოზულად ვემზადებოდით, "ირტიშისა" და "იაგელონიას" შეხვედრაც ვნახეთ და დასკვნებიც გამოვიტანეთ.ახლა "რენთან" თამაში გველის, რომელიც ძლიერი მეტოქეა, მაგრამ საბრძოლო განწყობაზე ვართ. რა თქმა უნდა, შემდეგ ეტაპზე გასვლის მცირე შანსი გვაქვს, მაგრამ, ამის მიუხედავად, შესაძლებლობების მაქსიმუმის გამოვლენას შევეცდებით."ყოველდღიური სპორტული გაზეთი "ლელო"

uzlevi

წარმატებებს ვუსურვებ რუსთავს!!! აი მომავალი მეტოქის ბოლო თამაში: http://www.youtube.com/watch?v=ix417au_s8k

ევროპა ლიგა - პლეი-ოფები მოულოდნელობების გარეშე

ევროპა ლიგა. მერვედფინალისტები და პლეი-ოფში გასული გუნდები გაირკვა

"შტურმი" და კიდევ ხუთი გუნდი ევროპა ლიგის გათამაშებას გამოეთიშნენ

მერაბ რატიშვილი მონტენეგრო-საბერძნეთის მატჩს უკომისრებს

კალანდაძე თბილისის "დინამოში" დაბრუნდა

საქართველოს 15-ქალა ნაკრების წინსვლა რეიტინგში

გრიზმანი MLS-ში - მოლაპარაკებები დასკვნით სტადიაშია

ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია

"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა

კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს

პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე

ქალთა ნაკრები საბერძნეთთან მატჩისთვის მზადებას განაგრძობს

ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს

15-ქალა | ხორვატებთან ახალი რეკორდით

20 წ. | კარგი ტაიმით მსოფლიოს ჩემპიონთან

კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?

"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო

"სერია A-ში თამაში ყველაზე რთულია" - ალეგრი "პარმასთან" მარცხის შემდეგ

L'Équipe: პსჟ-ში შევალიეს ბედი საფონოვზეა დამოკიდებული

ლებრონ ჯეიმსმა მორიგი რეკორდი დაამყარა

თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა

"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა

[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა