<p>გიორგი ფოფხაძის დებიუტი ავსტრიულ ბუნდესლიგაში წითელი ბარათით აღინიშნა <br> განახლდა რუსეთის ჩემპიონატი და ჩვენც განვაახლეთ ქართული ლეგიონის ცხრილიც. ამ უქმეებზე ოთხი ქართული გოლი გავიდა: ალექსანდრე იაშვილმა მეორე ბუნდესლიგაში გამოიჩინა თავი, ირაკლი სირბილაძემ ფინეთის უმაღლეს ლიგაში მისთვის სადებიუტო მატჩში გაიტანა, მამუკა ღონღაძემ - ლატვიაში და გიორგი კრასოვსკიმ - სომხეთში.</p><p>რუსეთში ჯანო ანანიძე და "სპარტაკი" ქართველთა "ვოლგას" ესტუმრნენ და იოლად აჯობეს, უკრაინულ პრემიერლიგაში კი ქართულ გოლთა სერია მე-3 ტურში შეწყდა, გოლი არა, მაგრამ საგოლე პასი მიითვალა "კრივბასში" იჯარით მოთამაშე უჩა ლობჟანიძემ.</p><p>ჩვენებურმა ორი ტურია დაიწყო მეორე ბუნდესლიგა და "კარლსრუეს" ქართველი კაპიტნის ანგარიშზე 2 გოლი და 1 საგოლე პასია. შაბათს იაშვილის გუნდი "ალიანსარენას" ეწვია და "მიუნხენთან" 1:2 დამარცხდა. 37-ე წუთზე მან პენალტის ნიშნულიდან გაათანაბრა ანგარიში, თუმცა "კარლსრუემ" ქულის მომტანი ფრე ვერ შეინარჩუნა. ეული თავდამსხმელის უკან მოთამაშე იაშვილი ბურთს 95-ჯერ შეეხო, კარისკენ 2-ჯერ დაარტყა. "შპორტალმა" ამჯერად ქართველი ვეტერანის გარჯა 3-იანით შეაფასა, რაც ერთ-ერთი საუკეთესო იყო ორივე გუნდში.</p><p>სხვა ჩვენებურ მეგოლეებზეც ვთქვათ - ლატვიური ვირსლიგის მე-18 ტურში თამაზ პერტიას ყოფილმა გუნდმა "დაუგავამ" აუტსაიდერ "ოლიმპსს" 2:0 მოუგო. ანგარიში მამუკა ღონღაძემ გახსნა, რომლისთვისაც ეს მე-10 გოლია ჩემპიონატში. ამ მაჩვენებლით ქართველი ბომბარდირთა დავაში დაწინაურებულ ბრაზილიელ ნათან ჟუნიორს (სკონტო) წამოეწია. სომხეთის ჩემპიონატის მატჩში "ულისის" ქართველმა ლეგიონერმა გიორგი კრასოვსკიმ მატჩის კაპანში ადგილობრივი "განძასარის" წინააღმდეგ ერთადერთი გოლი გაიტანა.</p><p>ავსტრიულ ბუნდესლიგაში გიორგი ფოფხაძის დებიუტი უიღბლო გამოდგა. ის ჩემპიონ "შტურმის" ძირითადში იყო, თუმცა "მატერსბურგთან" შეხვედრის 69-ე წუთზე წითელი ბარათი მიიღო. მატჩი 2:2 დასრულდა.</p><p>ბევრს აინტერესებს, რატომ არ თამაშობს ჩემპიონატში "კრასნოდარის" ახალწვეული ოთარ მარცვალაძე - პასუხი მარტივია, უფლება არ აქვს, კლუბშეცვლილ ფეხბურთელს მხოლოდ 1-ელი აგვისტოდან შეუძლია მოედანზე გასვლა. ასე რომ, მარცვალაძეს კიდევ ერთი ტურის გამოტოვება მოუწევს. გუშინდელი მატჩებიდან კი ჯანო ანანანიძის "სპარტაკისა" და "ვოლგას" დაპირისპირებას გამოვყოფთ. ჯანომ თითქმის მთელი მატჩი ითამაშა (რომელიც მოსკოველმა სტუმრებმა 2:0 მოიგეს) ქართველთა გუნდის წინააღმდეგ. თუმცა "ქართველთა გუნდი" "ვოლგაზე" ისე თამამად აღარ ითქმის - მას შემდეგ, რაც გოგიტა გოგუა ტრანსფერზე დააყენეს, ნიჟნი ნოვგოროდში სამი ჩვენებურიღა დარჩა, სამივემ ითამაშა, მაგრამ "სპარტაკს" ვერა დააკლო.</p><p>მართალია, "ანჟიმ" შინ 0:1 წააგო, მაგრამ "ჩემპიონატმა" ყველაზე კარგი შეფასება მაინც ნუკრი რევიშვილს დაუწერა - 7 ბალი: სანკტპეტერბურგელებმა 18-ჯერ დაარტყეს მასპინძელთა კარისკენ და, სულ მცირე, 6-ჯერ ნუკრიმ "ანჟი" გოლისგან იხსნა.</p><p><strong>ყოველდღიური სპორტული გაზეთი "ლელო"</strong></p>
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
Le Parisien-ი კვარაცხელიას ტრავმის შესახებ ინფორმაციას ავრცელებს
წიტაიშვილი და აბუაშვილი შეცვლაზე და "მეცის" ფრე "ჰავრთან"
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ