<p>უსტიაშვილის გუნდმა B დივიზიონის ნახევარფინალში ჩეხეთს 74:72 სძლია და ევროპის 2012 წლის ჩემპიონატის საგზური მოიპოვა</p><p><br> ნახევარფინალი. 23 ივლისი</p><p><em><strong>საქართველო-ჩეხეთი 74:72</strong></em></p><p>23:18, 14:20, 19:17, 18:17</p><p>საქართველო: ბაქრაძე (33 წთ, 9ქ, 2მ, 2პ), ჩიკვილაძე (22 წთ, 7ქ, 3მ, 2ჩ), შენგელია (39 წთ, 33ქ, 12მ, 4პ, 1ჩ, 1დ), ბოქოლიშვილი (12 წთ, 2ქ, 1ჩ), თენიეშვილი (23 წთ, 3ქ, 1მ), ლეჟავა (3 წთ, 2ჩ), სანაძე (28 წთ, 6ქ, 3მ, 2პ, 1ჩ, 1დ), რევაზაშვილი (3 წთ, 1მ), დვალიშვილი (38 წთ, 14ქ, 7მ, 1ჩ).</p><p>ჩეხეთი: ვიორალი (36 წთ, 20ქ, 6მ, 4პ), ჰონომიჩი (4ქ, 3პ), სოტნარი (6ქ, 4პ), პეტერკა (20ქ, 6მ), მარესი (2ქ), კოჰოუტი (6ქ, 14მ), პეჩკა (4ქ), ბალვინი (10ქ, 11მ).</p><p>მსაჯები: დ. კრალი (ბოსნია), გ. კოჰენი (ისრაელი), მ. ტომოვი (ბულგარეთი).</p><p>B დივიზიონის ნახევარფინალში საქართევლოს ახალგაზრდულმა ნაკრებმა ჩეხეთი 74:72 დაამარცხა და ევროპის 2012 წლის ახალგზარდული ჩემპიონატის საგზური მოიპოვა.</p><p>ეს დასაწერად იოლია, თუმცა ასეთი შედეგის მიღწევისთვის დიდი შრომა, ენერგია და ემოცია დაიხარჯა. ბევრი კარგი გუნდი დარჩა ხელმოცარული, რადგან A დივიზიონის (ევროპის ჩემპიონატის საგზურს) მხოლოდ B ლიგის ფინალისტები ეუფლებიან.</p><p>ჩეხეთთან ნახევარფინალური მატჩის მსვლელობისას კიდევ ერთხელ ამომიტივტივდა თავში ქართული გვარი - სანიკიძე: თორნიკე შენგელიას გარჯისა და სტატისტიკის შემყურეს, ვიქტორ სანიკიძის მიერ 2006 წელს 20-წლამდელთა ნაკრების მიერ ევროპის ჩემპიონატის საგზურის მოპოვება გამახსენდა.</p><p>ყველამ იცოდა, რომ სანიკიძის (2006-ში) და შენგელიას (2011-ში) შეჩერებით საქართველოს ნაკრების ძლევა შეიძლებოდა, მაგრამ ეს ვერავინ შეძლო. უფროსი კოლეგის მსგავსად შენგელიაც ბოლო წუთებზე ფეთქდებოდა და... ასე იმსხვერპლა ჩეხეთიც, ნახევარფინალში. არადა, საფინალო სირენამდე 3:21 წუთით ადრე ვიორალის სამქულიანებს პეჩკამ ორიანი მიაყოლა და 12:3 გაქცევის წყალობით ჩეხეთი 70:64 დაწინაურდა.</p><p>გამოცდილმა მწვრთნელმა დავით უსტიაშვილმა წუთშესვენებისას შეგირდები დაამშვიდა - 3 წუთში 6-ქულიანი ჩამორჩენის აღმოფხვრა ჩვეულებრივი ამბავიაო და ქართველი 20-წლამდელებიც საქმეს შეუდგნენ: ჯერ დვალიშვილმა ჩააგდო ორქულიანი, შემდეგ ყველა შეტევას შენგელია აგვირგვინებდა და გადამწყვეტ მომენტში სიზუსტეც არ ღალატობდა.</p><p>უნდა გავითვალისწინოთ ისიც, რომ თორნიკეს 39 წუთი მოუწია მოედანზე ყოფნა, თუმცა ბოლო წუთებისთვის ენერგია საკმარისად შერჩა. დასკვნითი წუთის მოახლოვებასთან ერთად ემოციურმა მუხტმაც იმატა, თუმცა ქართველები ზედმეტად არ აღელვებულან, მიუხედავად იმისა, რომ საფინალო სირენამდე 20 წამით ადრე 71:72-ს აგებდნენ, დარჩენილ დროში ერთი შეტევა ზუსტი ტყორცნით დააგვირგვინეს (შენგელია) და ორიდან ერთი საჯარიმოც გამოიყენეს. რაც მთავარია, დაცვაში მტკიცედ დადგნენ და მეტოქე საკუთარ კალათს არ გააკარეს.</p><p>საქართველოს ახალგაზრდულმა ნაკრებმა ტურნირის მსვლელობისას მეორედ დაარღვია საკალათბურთო კანონზომიერება: ვინც იგებს ფარს, ის იგებს მატჩს.</p><p>დანიასთან დაპირისპირების მსგავსად, ქართველებმა ჩეხეთთანაც დიდი სხვაობით დათმეს მოხსნებში - 30:45... გგონიათ სამქულიანებით მოიგეს? არც ამ კომპონენტში უჯობნიათ მეტოქისთვის - 3:7. გადამწყვეტი აღმოჩნდა ორქულიანები და საჯარიმოები. ქართველებმა და ჩეხებმა 40-40 ორიანი ისროლეს, ჩვენებმა 21 ჩააგდეს, მოწინააღმდეგეებმა - 17. დავით უსტიაშვილის შეგირდებმა 32-დან 23 საჯარიმო გამოიყენეს, ხოლო ჩეხებმა - 24-დან 17.</p><p><strong>* * *</strong></p><p>ფინალი. 24 ივლისი</p><p><em><strong>საქართველო-ესტონეთი 79:70</strong></em></p><p>20:17, 20:22, 23:16, 16:15</p><p>საქართველო: ბაქრაძე (38 წთ, 5ქ, 3მ, 3პ), ჩიკვილაძე (13 წთ, 7ქ, 4მ), შენგელია (34 წთ, 26ქ, 10მ, 4პ, 4დ, 2ჩ), თავართქილაძე (10 წთ), ბოქოლიშვილი (22 წთ, 1ქ), თენიეშვილი (24 წთ, 4ქ, 7მ, 2პ), ლეჟავა (2 წთ), სანაძე (27 წთ, 16ქ, 5მ), დვალიშვილი (33 წთ, 20ქ, 10მ, 3ჩ).</p><p>ესტონეთი: დორბეკი (11ქ, 10მ), რააპი (6ქ), ვეიდემანი (12ქ, 4პ), პუიდეტი (8ქ, 9მ), სოო (16ქ), კალდრე (5ქ, 5მ), ვააბი (3ქ), ვაინო (2ქ), ლიივრანდო, ვოოლაიდი (7ქ), კალე.</p><p>B დივიზიონის ფინალისტებს ევროპის ჩემპიონატის საგზური მოპოვებული ჰქონდათ და ფინალსაც მშვიდად შეხვდნენ. თუმცაღა, ესტონეთს საქართველოსთან საკუთარი ანგარიში მაინც ჰქონდა - ჯგუფურ ეტაპზე 87:88 დამარცხდა და უნდა დაემტკიცებინა, რომ ეს შემთხვევითობა იყო. თავის მხრივ ქართველებს ფინალში უნდა ეპასუხათ: ამ ტურნირზე არათუ ესტონელებს, ყველას სჯობიან.</p><p>მწვრთნელმა, დავით უსტიაშვილმა ფინალში კვლავ საბრძოლო შემადგენლობა გამოიყვანა და თანაბრად ჩატარებული პირველი ტაიმის შემდეგ ჩვენმა გუნდმა მოპოვებული უპირატესობა ანგარიშშიც ასახა და მეოთხე პერიოდის წინ 63:55 დაწინაურდა ბოლო რაუნდში ჩვენს გუნდს მეტოქისთვის 5-ზე მეტით მიახლოების უფლება არ მიუცია და დივიზიონის ჩემპიონიც გახდა.</p><p>ქართველებმა სტატისტიკურადაც დაამტკიცეს საკუთარი უპირატესობა: ესტონეთს მოხსნებში 49:44 აჯობეს, რეალიზებულ სამქულიანებში - 8:6, ორქულიანებში - 24:21...</p><p>...ჯერი 1992 წელს დაბადებულებზეა, რომლებსაც 2012 წლის ევროპის ჩემპიონატზე მოუწევთ საქართველოს ღირსების დაცვა</p><p><strong>ყოველდღიური სპორტული გაზეთი "ლელო"</strong></p>
beno
79-70 მოვიგეთ შეცდომააა სტატიაში
ასაკობრივ B ლიგებში მოსახვედრად საკვალიფიკაციო ტურნირები ჩატარდება
დონჩიჩის 39 ქულა საკმარისი არ აღმოჩნდა - სლოვენია საფრანგეთთანაც დამარცხდა
საქართველომ ეს შეძლო | 16-წლამდელთა ნაკრებმა ელიტაში ადგილი შეინარჩუნა
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
წიტაიშვილი და აბუაშვილი შეცვლაზე და "მეცის" ფრე "ჰავრთან"
იური ტაბატაძე შეცვალეს - "კადისი" "სეუტასთან" ფრეს დასჯერდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ