ფელპსი წაგებას მიეჩვია

ცურვა. მსოფლიოს ჩემპიონატი გუშინდელი დღის მშვენება გახდა გაცურვა 200 მეტრზე თავისუფალი სტილით მამაკაცებს შორის. სწორედ ის ხსნიდა დღის პროგრამას, რომლის მიხედვითაც მედლების ხუთი კომპლექტის გათამაშება იყო გათვალისწინებული.წინა დღეს გამართული ნახევარფინალებიდან აშკარად ჩანდა, რომ ყველაზე უკეთ სტარტისთვის ამერიკელი რაიან ლოხტე იყო მომზადებული, თუმცა ფინალში პირველი 100 მეტრის შემდეგ ინიციატივა 14-გზის ოლიმპიურმა ჩემპიონმა მაიკლ ფელპსმა მოიპოვა, მაგრამ 50 მეტრის შემდეგ ლოხტე გახდა ლიდერი. როცა მოცურავეები ფინიშს მიუახლოვდნენ, ფელპსმა საფინიშო სპურტით მოგება სცადა, მაგრამ ამისთვის თანამედროვე ცურვის ლეგენდას ძალა არ ეყო. მაიკლი წაგებას მიჩვეული არ არის, ამიტომაც იმედგაცრუება სახეზე ეტყობოდა.სხვათა შორის, ეს ფელპსისთვის მეორე წაგებული სტარტია ამ ჩემპიონატზე - მანამდე მან 4x100 მეტრზე თავისუფალი სტილის ესტაფეტაც დათმო თანაგუნდელებთან ერთად. ასევე იმედგაცრუებული იყო ამ დისტანციაზე მსოფლიოს აწ უკვე მოქმედი ჩემპიონი და რეკორდსმენი პაულ ბიდერმანი, რომელმაც აღიარა, რომ მინიმუმ ვერცხლის მოპოვებას აპირებდა, მაგრამ ბრინჯაოთი დაკმაყოფილება მოუწია. საერთოდ მედლის გარეშე დარჩა ნახევარფინალის ლიდერი, ფრანგი იანიკ ანიელი, ვინც მეხუთე მივიდა ფინიშთან.სხვათა შორის, ეს არ იყო ერთადერთი დისციპლინა, რომელშიც მაიკლ ფელპსს ხელი მოეცარა. დილის სესიაში, 200 მეტრზე ბატერფლაიში საკვალიფიკაციო გაცურვებისას ფელპსმა მხოლოდ მე-11 დრო აჩვენა, მაგრამ მაინც მოახერხა მოკრძალებული დროით (1.56,77) ნახევარფინალში გასვლა. მართალია, საღამოს ნახევარფინალში ფელპსი უკვე მესამე დროით გადავიდა ფინალში, მაგრამ დაღლა და უფორმობა მას აქაც ეტყობოდა.* * *მეორე სტარტი, რომელშიც მედლები გათამაშდა, გულაღმა 100 მეტრი იყო ქალებს შორის. ეს არის, ალბათ, ერთადერთი დისციპლინა, სადაც რუსეთის ნაკრებს ოქროს მედლის მოპოვების შანსი ჰქონდა. პირველი მეტრებიდან ინიციატივა სახელგანთქმულმა ნატალი კაფლინმა მოიპოვა, მაგრამ უპირატესობის შენარჩუნება ვერ შეძლო.ბოლო მეტრებზე მას ჩინელმა ჯინ ჟაომ გაასწრო. კაფლინმა კი ვერცხლიც დაკარგა, რადგან ასევე კარგი ფინიში გამოუვიდა რუს ანასტასია ზუევას - ის მხოლოდ 0,01 წამით ჩამორჩა ჩინელ ჩემპიონს. თუმცა ამერიკელმა ბრინჯაოთიც ძალიან გაიხარა, რადგან სპორტში დაბრუნების შემდეგ ეს მისთვის მაღალი შედეგია.არაოლიმპიურ დისტანციაზე - ქალებს შორის 1500 მეტრზე არანაირი ინტრიგა არ ყოფილა. დანიელი ლოტე ფრიისი სტარტიდანვე დაშორდა კონკურენტებს და ისეთი ტემპი აკრიფა, რომ 600 მეტრის ნიშნულზე კეიტ ციგლერის მსოფლიოს რეკორდსაც კი სჯობნიდა, რომელიც 2007 წელს არის დამყარებული. სწორედ მსოფლიოს რეკორდსმენი გახდა აქ ვერცხლის პრიზიორი. სხვათა შორის, მეორე ადგილისთვის ბრძოლაში არც მას ჰყოლია კონკურენტი. სამაგიეროდ, დისტანციის პირველ ნახევარში ბრძოლა იყო ბრინჯაოსთვის, თუმცა ბოლოს ქსიანქსიუ ლიმ ეს საკითხიც ფინიშამდე კარგა ხნით ადრე გადაწყვიტა.დიდი სიურპრიზი ვიხილეთ მამაკაცებს შორის 100 მეტრზე გულაღმა ცურვაში. მართალია, ფავორიტისთვის განკუთვნილ მეოთხე ბილიკზე ფრანგი ჟერემი სტრავიუსი ცურავდა, ბევრს გამარჯვების რეალურ კანდიდატად მეორე ფრანგი კამილ ლაკური მიაჩნდა. მაგრამ თანამემამულეებმა გადაწყვიტეს ერთმანეთი არ გაეწბილებინათ - ერთნაირი დრო აჩვენეს და პოდიუმზე ორი გამარჯვებული იდგა.ბოლო ფინალი საკმაოდ პროგნოზირებადი იყო. ჯერ კიდევ წინა დღეს ნახევარფინალის დროს ჩანდა, რომ რებეკა სონი არავის მისცემდა გამარჯვებას 100 მეტრი ბრასით ცურვაში. ასეც მოხდა. ამერიკელი სტარტზევე დაწინაურდა და მის კონკურენტებს ლიდერის დაწევის შანსი აღარ ჰქონიათ. ასევე მოლოდინისამებრ ვერცხლი აიღო ლიზელ ჯონსმა, ბრინჯაო ჩინელმა ლიპინ ჯიმ.კაცები200 მ. თავისუფალი. 1. რაიან ლოხტე (აშშ) - 1:44,44; 2. მაიკლ ფელპსი (აშშ) - +0,35; 3. პაულ ბიდერმანი (გერ) - +0,44...100 მ. გულაღმა. 1. კამილ ლაკური (საფ) - 52,76; 1. ჟერემი სტრავიუსი (საფ) - 52,76; 3. რუოსუკე ირი (იაპ) - +0,22...ქალები100 მ. გულაღმა. 1. ჯინ ჟაო (ჩინ) - 59,05; 2. ანასტასია ზუევა (რუს) - +0,01; 3. ნატალი კაფლინი (აშშ) - +0,10...1500 მ. თავისუფალი. 1. ლოტე ფრიისი (ლატ) - 15:49,59; 2. კეიტ ციგლერი (აშშ) - +6,01; 3. ქსიანქსიუ ლი (ჩინ) -+8,43...100 მ. ბრასი. 1. რებეკა სონი (აშშ) - 1:05,05; 2. ლიზელ ჯონსი (ავსტრა) - +1,20; 3. ლიპინ ჯი (ჩინეთი) - +1,47...ყოველდღიური სპორტული გაზეთი "ლელო"

მამაკაცმა მოცურავეების წინ გაისეირნა და აუზში პირდაპირ თავით გადახტა - კადრები სოციალურ ქსელში ვირუსულად გავრცელდა [VIDEO]

ნოე ფანცხავამ პარიზის ოლიმპიურ თამაშებზე 41-ე ადგილი დაიკავა

15 წლის ანა ნიჟარაძემ ოლიმპიადაზე გამოსვლა დაასრულა

ფუტსალი | საქართველო 2:2 ყირგიზეთი

პსჟ პაჩოს კონტრაქტს გაუგრძელებს

შენგელიას 18 ქულა და გამარჯვება, ბურჯანაძის 7 ქულა და ბრძოლაში მარცხი

ქალთა ნაკრები ორ ამხანაგურ მატჩს გამართავს

"ინტერის" სპორტულმა დირექტორმა ნეიმარის შესაძლო ტრანსფერზე ისაუბრა

ბენზემა ევროპაში დაბრუნდება? - ფრანგი ფორვარდის დამატება თურქულ გრანდს უნდა

აბუაშვილის და წიტაიშვილის "მეცმა" მორიგი მარცხი განიცადა

[VIDEO] გამორჩეული დაპირისპირება მოულოდნელი გმირით - მამარდაშვილის "ლივერპული" სახლში "მანჩესტერ იუნაიტედთან" დამარცხდა

"მანჩესტერ იუნაიტედთან" მატჩში "ლივერპულის" შემადგენლობა ცნობილია

[VIDEO] კიტეიშვილის გამარჯვების გოლი და საგოლე გადაცემა - "შტურმმა" 4:3 მოიგო

ლოჩოშვილის მორიგი კარგი მატჩი - "ნიურნბერგმა" გამარჯვება ხელიდან გაუშვა

"შოთა არველაძის სამშობლოში ვართ და სამწუხაროა, რომ ის ვერ ითამაშებს" - ფრანკ დე ბური ლეგენდების მატჩის წინ

"ესპანური სწრაფად ვისწავლე, რადგან ეს პატივისცემის ნიშანია" - კილიან მბაპე მადრიდულ ცხოვრებაზე

"წლის საუკეთესო მებრძოლად მერაბ დვალიშვილი უნდა დასახელდეს" - უმარ ნურმაგომედოვი

"როცა გულის შეტევით საავადმყოფოში ვიწექი, მესის ქმედებით გაოგნებული დავრჩი" - კასილასმა აქამდე უცნობი ისტორია გაიხსენა

"საფონოვი მოთმინებას კარგავს" - რას წერს ფრანგული გამოცემა რუს მეკარეზე?

[VIDEO] შერმადინის და უერტასის დუეტი კვლავ ბრწყინავს - "ტენერიფემ" "მურსია" დაამარცხა

[VIDEO] აქ სიტყვები ზედმეტია - მესის ჰეთ-თრიქი და საგოლე პასი "ნეშვილთან"

[VIDEO] 40 წლის კრიშტიანო რონალდოს ფანტასტიკური გოლი საუდის არაბეთში

გვარდიოლამ გაამხილა, როდის იფიქრებს მწვრთნელის კარიერის დასრულებაზე