მარკ მეიფლთოფი: "საქართველოსთან თამაშის შესაძლებლობაზე უარს ვერ ვიტყოდით"

"საქართველო ის გუნდი არ არის, რომელსაც ყოველდღე ვეთამაშებით. როდესაც ეს შეთავაზება მივიღეთ, მაშინვე ვთქვით – ეს ზედმეტად კარგი შესაძლებლობა იყო იმისათვის, რომ უარი გვეთქვა. აქ ყველაფერი განსხვავებულია – ჰავა, გარემო, კულტურა და ეს როგორც მორაგბეებისთვის, ასევე სტაფის წევრებისთვის, ცოდნის გაღრმავების კარგი საშუალებაა" – ამბობს მარკ მეიფლთოფი, ინგლისის 20-წლამდელთა ნაკრების ახალი მთავარი მწვრთნელი, რომელსაც დებიუტი უმცროს ბორჯღალოსნებთან "ავჭალაზე" 27 მაისს ჰქონდა .ინგლისი ამბიციური გუნდია. 2008-19 წლებში მან 3-ჯერ მოიპოვა 20-წლამდელთა ჩემპიონის ტიტული, 6-ჯერ კი მეორე ადგილს დასჯერდა. 12 გათამაშებაში სულ სამჯერ მოხდა ისე, რომ ინგლისელები მედლების გარეშე დარჩნენ. ჯამში მათ 20-წლამდელთა ჩემპიონატში ყველაზე მეტი, 9 მედალი აქვთ მოპოვებული, ჩემპიონობის რაოდენობით კი მხოლოდ ახალ ზელანდიას ჩამორჩებიან (6).ახალგაზრდა ინგლისელებს საუკეთესო შედეგები აქვთ 20-წლამდელთა ექვს ერშიც, რომელიც 2008 წლიდან ტარდება. ინგლისელები ყველაზე მეტჯერ – 7-ჯერ გახდნენ ჩემპიონები. 2023 წლის ექვსი ერი მათთვის წარუმატებელი აღმოჩნდა. გუნდმა ხუთიდან სამი თამაში მოიგო, თუმცა, ირლანდიისა და საფრანგეთის გარდა, პირველად ჩამორჩა იტალიას და მხოლოდ მეოთხე ადგილი დაიკავა, რასაც მთავარი მწვრთნელის ცვლილება მოჰყვა.ახლა მარკ მეიფლთოფის მიზანია, რომ უმოკლეს პერიოდში გააუმჯობესოს ინგლისელთა თამაშის ხარისხი, რათა ის კონკურენტუნარიანი იყოს სამხრეთ აფრიკაში გასამართ 20-წლამდელთა ჩემპიონატზე (24 ივნისი – 14 ივლისი). ამისათვის მას ორი საკონტროლო თამაში აქვს საქართველოსთან – პირველი 27 მაისს, "ავჭალაზე" ჩატარდა. უმცროსი ბორჯღალოსნები თითქმის მთელი მატჩი დომინირებდნენ და დასკვნით 5 წუთში მიღებული ორი გარდასახული ლელოს გამო, საბოლოოდ, გამარჯვება სტუმრებს დარჩათ – 41:36."საქართველოსთან მეორე თამაში გველის და პროგნოზის გაკეთებისგან თავს შევიკავებ. ძალიან მომეწონა შაბათის შეხვედრა. თავიდან ორი ლელო გავიტანეთ და გვეგონა, ლიდერის პოზიცია დავიკავეთ, მაგრამ საქართველომ არაჩვეულებრივად იბრძოლა. საბოლოოდ მაინც შევძელით პოზიტიური შედეგის მიღება. ეს იყო კარგი ტესტი ჩვენი მორაგბეებისთვის, რომლებმაც პირველად ითამაშეს ექვსი ერის ფარგლებს გარეთ, იმოგზაურეს სხვა ქვეყანაში და შეხვდნენ უცნობ, ძალიან კარგ გუნდს. ეს ყველაფერი შესანიშნავი იყო და მოუთმენლად ველი ხუთშაბათის შეხვედრას" – აღნიშნავს მეიფლთოფი.რა მოეწონა ინგლისელთა მწვრთნელს ყველაზე მეტად ქართველების თამაშში? – "ყოველგვარი ეჭვის გარეშე – ეს იყო ძალისმიერი ბოჭვები და კონტაქტის არე, – ამბობს ის და განაგრძობს. – თქვენ, ქართველები, ალბათ ამაყობთ ფიზიკურობით; ჩვენთვის ეს შესანიშნავი მაგალითია იმისა, თუ როგორ უნდა გაურთულო ამოცანა მეტოქეს. მაგრამ სპორტსმენად ყოფნის ერთ-ერთი თავისებურება ისაა, რომ გიწევს გამოსავლის ძებნა თამაშის მსვლელობისას და ჩვენმა მორაგბეებმა ნამდვილად დიდი დრო დახარჯეს მეტოქესთან მორგებაზე. მართალია, მატჩის ბოლო 15-20 წუთში მივხვდით, რა ხდებოდა, მაგრამ ამ მომენტისთვის სარისკო მდგომარეობაში ვიყავით. თუმცა სასიამოვნოა, რომ ეს დაბრკოლება დავძლიეთ და თამაში დამაჯერებლად დავასრულეთ".ერთდღიანი დასვენებისა და აღდგენის შემდეგ ინგლისელებმა 1-ელ ივნისს გასამართი შეხვედრისთვის მზადება "რაგბი პლატოზე" განაახლეს. მომავალი მატჩი, სტუმრების თხოვნით, 16 საათზე, "ავჭალაზე" დაიწყება."30-კაციანი გუნდით ვართ ჩამოსული. გვინდოდა ყველასთვის მიგვეცა თამაშის საშუალება. ჩვენი მორაგბეებიდან ამ დონეზე თამაშის გამოცდილება ბევრს არ ჰქონდა, რადგან ექვსი ერის ფარგლებში მოედანზე თითქმის არ გასულან. ვეცდებით, საქმეში ყველა მოთამაშე გამოვცადოთ, ყველას მივცეთ გამოცდილების მიღების საშუალება, რაც გუნდის განვითარებას შეუწყობს ხელს. ზუსტად იგივე შეიძლება ითქვას მეტოქეზეც – ისინიც თამაშიდან თამაშამდე სწავლობენ და იზრდებიან" – აღნიშნა მეიფლთოფმა.წყარო: Rugby.ge

სოსო

ღმერთო!ინგლისელების მწვრთნელი რომ გამოცდილებასა და ახლის ნახვაზე დაიწყებს ლაპარაკს,ჩვენ რაღა უნდა ვთქვათ!მეორე მხრივ,ცოტა განწყობა გამიფუჭა მისმა სიტყვებმა,რომ ამ ბიჭებს,არავითარი სანაკრებო გამოცდილება არა აქვთ!-ესე იგი,ამ ნაკრებიდან სულ რამდენიმე შეიძლება მოხვდეს ჩემპიონატზე და არც გუნდი ყოფილა შეთამაშებული.ასეა თუ ისე,ჩვენი ნაკრებიც გაძლიერდება და რაც ვნახეთ,არც ესენი იქნებიან,ვინმესათვის საჩუქრები.არ ვიცი რა ადგილს დავიკავებთ,მაგრამ ჩვენი ნაკრები თვალსასეირო თამაშს რომ აჩვენებს და ყველასთან ბოლომდე იბრძოლებს,ამაში ეჭვი არ მეპარება!

18 წ. | 3 ლელო საფრანგეთთან

18 წ. | ვიწყებთ საფრანგეთით

18 წ. | ექვსი ერის ფესტივალისთვის 26 მოთამაშე შეირჩა

ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ

ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა

"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს

ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება

კვერნაძის 74 წუთი და "ფროზინონეს" მორიგი გამარჯვება

ქართველების "მეცი" "ნანტთან" ფრეს დასჯერდა

[VIDEOS] გულიაშვილმა ესპანეთში დუბლი შეასრულა

სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა

პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს

[VIDEO] ლუკა გადრანმა "ბეითარში" სადებიუტო გოლი გაიტანა

[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა

პეპ გვარდიოლამ "ლივერპულთან" პირადი რეკორდი დაამყარა

ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა

ფუტსალის ნაკრები აზერბაიჯანთან ორ ამხანაგურ მატჩს გამართავს

[VIDEO] "ბარსელონა" "რეალს" 7 ქულით გაექცა

U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო

[VIDEO] მორიგი გამარჯვება პირველივე რაუნდში - ღვინიაშვილი MMA-შიც შეუჩერებელია!

18 წ. | 3 ლელო საფრანგეთთან

"მამარდაშვილი მთავარი დამნაშავე არ არის" - ინგლისური მედია

დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა