რუმენიგე: ძირს ფიფა, ძირს ზეპი!

მიუნხენის "ბაიერნის" ვიცე-პრეზიდენტმა კარლ-ჰაინც რუმენიგემ "ფიფას" პრეზიდენტ ზეპ ბლატერს რევოლუცია აღუთქვა "ფიფას" პრეზიდენტ ზეპ ბლატერს და მის გარემოცვას წყალი რომ აქვს შემდგარი, ძველი ამბავია. ახალი ის არის, რომ ბლატერის და ზოგადად ფიფას ხელმძღვანელობის წინააღმდეგ ახლა უკვე მიუნხენის "ბაიერნის" შეფობამაც აიმაღლა ხმა. ბლატერის საწინააღმდეგო განცხადება ბავარიული გრანდის ვიცე-პრეზიდენტმა კარლ-ჰაინც რუმენიგემ გააკეთა, რაც, შეიძლება ითქვას, ძალიან სერიოზული დარტყმაა, რადგან რუმენიგე არა მარტო "ბაიერნის" ფუნქციონერია, არამედ უეფაში და ზოგადად მსოფლიო ფეხბურთში საკმაოდ წონადი სიტყვა ეთქმის."პირადად მე და ჩემი კოლეგები დიდხანს ვეღარ მოვითმენთ იმას, რომ ფეხბურთს მართავენ ადამიანები, რომლებიც სერიოზულად და სუფთად არ მუშაობენ, - განუცხადა რუმენიგემ ინგლისურ გაზეთ "გარდიანს" და იქვე დასძინა, - მე მზად ვარ რევოლუციისთვის და ვფიქრობ, რომ რევოლუცია ამ უმსგავსობის დამარცხების ერთადერთი გზაა.""ბაიერნის" ბოსის აზრით, ერთდროულად ამდენი კორუფციული სკანდალი უკვე ნამეტანია, რომლის მოთმენაც ფეხბურთის წინაშე დიდი დანაშაული იქნება. კალე მიიჩნევს, რომ მოვიდა დრო, ფიფას კორუმპირებული ჩინოვნიკების წინააღმდეგ მთელმა საფეხბურთო სამყარომ აიმაღლოს ხმა, თუმცა კარლ-ჰაინცი იმასაც ამბობს, დარწმუნებული ვარ, რომ ამ სიბინძურისთვის ბოლოს მოღება ყველას არ ენდომება, რადგან რეაქცია ჯაჭვურია და კორუფციულ სკანდალში ძალიან ბევრი ვინმეა გარეულიო."როცა ხედავ, რომ რაღაც ვერ არის წესრიგში და რაღაც ბინძურად კეთდება, შენი ვალია, ჩაერიო და სიტუაცია უკეთესობისკენ შეცვალო. ფიფაში და ფიფას გარშემო გაბატონებული კორუფციით მარტო მიუნხენის "ბაიერნი", გერმანული ფეხბურთი, ჩვენი ქომაგები და სხვა სუფთა საფეხბურთო სტრუქტურები კი არ ზარალდებიან, არამედ ისინიც, ვინც უშუალოდ დამნაშავეა, რადგან ჭაობი მუდმივად ღრმავდება. ასე რომ, სასწრაფოდ რამე თუ არ შევცვალეთ, ძალიან მალე ფეხბურთი დაკარგავს იმას, რამაც სპორტის ეს სახეობა ნომერ პირველად აქცია," - აცხადებს რუმენიგე და იქვე, კონკრეტულად ბლატერსაც უტევს: "ზეპ ბლატერი ამბობს, რომ ყველაფრის დალაგება და გამოსწორება უნდა, მაგრამ თუნდაც ის ფაქტი, რომ მისი არავის სჯერა, უკვე საკმარისად სერიოზული საბუთია იმისა, რომ რევოლუციაზე იფიქრო და იზრუნო. ჩემი აზრით, სალაპარაკო ბევრი აღარაფერია. ფეხბურთს ყველა სიბინძურე უნდა მოვაშოროთ."რუმენიგე უფრო შორსაც წავიდა და ფიფას "ფულის მანქანის" სტრუქტურა უწოდა: "დღითიდღე ვრწმუნდები იმაში, რომ ფიფას შეფებისთვის დღეს ის უფრო მნიშვნელოვანია, თუ სად გაიმართება მომდევნოს მომდევნო მუნდიალი, ვიდრე ის, რომ ფეხბურთმა თავისი სახე და პოპულარობა შეინარჩუნოს. ცალკე სალაპარაკო თემაა ისიც, რომ ფიფა საერთოდ აღარ სცემს პატივს საკლუბო ფეხბურთს, არადა, კლუბები ფიფას შემოსავლის ერთ-ერთი უმთავრესი წყაროა."ვფიქრობთ, სკანდალი სერიოზულ ფაზაში შევიდა და ძალიან საინტერესოა, რა პასუხს გასცემენ ბლატერი და კომპანია ლეგენდარულ გერმანელ ფეხბურთელს, რომელიც დღეს "ბაიერნის" ფუნქციონერია. წესით, ფიფას რეაქციამ არ უნდა დააგვიანოს...ყოველდღიური სპორტული გაზეთი "ლელო"

ყველა დროის რეკორდი ბუნდესლიგაში - ნოიერი პირველ ადგილზე გადავიდა

"აინტრახტი" მორიგ დიდ შემოსავალს ელის - კლუბი უზუნს 80 მილიონზე ნაკლებად არ გაუშვებს

ჰარი კეინმა ბუნდესლიგის ყველა დროის რეკორდი დაამყარა

17-წლამდე გოგონათა ნაკრები საკვალიფიკაციო ეტაპისთვის ემზადება

ყველა დროის ანტი-რეკორდი - იტალიაში 20-მა გუნდმა მხოლოდ 11 გოლი გაიტანა

ოფიციალურად: შონ დაიჩი პრემიერ ლიგას დაუბრუნდა

ფუტსალი | საქართველო 2:2 ყირგიზეთი

პსჟ პაჩოს კონტრაქტს გაუგრძელებს

შენგელიას 18 ქულა და გამარჯვება, ბურჯანაძის 7 ქულა და ბრძოლაში მარცხი

ქალთა ნაკრები ორ ამხანაგურ მატჩს გამართავს

"ინტერის" სპორტულმა დირექტორმა ნეიმარის შესაძლო ტრანსფერზე ისაუბრა

ბენზემა ევროპაში დაბრუნდება? - ფრანგი ფორვარდის დამატება თურქულ გრანდს უნდა

პსჟ-ში ტრავმირებულები ბრუნდებიან - დემბელესა და მარკინიოსს "ლევერკუზენთან" თამაში შეეძლებათ

ფაბიო ბორინი ინგლისის მე-4 ლიგის კლუბში ჩაირიცხა

რობერტო მანჩინი შესაძლოა, სამუშაოდ პრემიერ ლიგაში დაბრუნდეს

ოფიციალურად: შვედეთის ნაკრები გრემ პოტერს ჩააბარეს

[VIDEO] "რა დაემართა ჩვენს გუნდს?! ეს სასაცილო აღარაა!" - "მანჩესტერ იუნაიტედთან" მარცხის შემდეგ გაბრაზებულმა ალექსანდერ-არნოლდის ძმამ მიმართვა გაავრცელა

რატომ ჩაითვალა მამარდაშვილის კარში პირველი გოლი - VAR-ის გადაწყვეტილების მიზეზი სადავო ეპიზოდზე

პირველი შეხვედრა უკვე შედგა - "იუვენტუსმა" შესაძლოა, მთავარი მწვრთნელი შეიცვალოს

აბუაშვილის და წიტაიშვილის "მეცმა" მორიგი მარცხი განიცადა

როგორი შეფასებები მიიღო მამარდაშვილმა "მანჩესტერ იუნაიტედთან" მატჩში?

[VIDEO] გამორჩეული დაპირისპირება მოულოდნელი გმირით - მამარდაშვილის "ლივერპული" სახლში "მანჩესტერ იუნაიტედთან" დამარცხდა

ლეგენდების მატჩში თბილისის "დინამომ" "აიაქსი" 5:2 დაამარცხა