<p>ლოს ანჯელესის ტურნირზე გამორჩეული მატჩში არგენტინელ ხუან მარტინ დელ პოტროსა და ამერიკელ ჯეიმს ბლეიკს შორის გაიმართა <br> ერთი გამორჩეული შეხვედრა გაიმართა ლოს ანჯელესის ტურნირზე. დღის ბოლოს მატჩში, რომელიც ადგილობრივი დროით ღამის 11 საათზე დაიწყო, არგენტინელი ხუან მარტინ დელ პოტრო ჯეიმს ბლეიკს ხვდებოდა.</p><p>აღსანიშნავია, რომ საკუთარი პუბლიკის წინაშე ამერიკელი საკმაოდ ღირსეულად გამოიყურებოდა, მიუხედავად იმისა, რომ ორ სეტში წააგო ტურნირის ერთ-ერთ მთავარ ფავორიტთან. მთელ რიგ ეპიზოდებში ის იმ ბლეიკს მოგაგონებდათ, რომელიც ერთ დროს ATP-ის საუკეთესო ათეულში შედიოდა. თუმცა ამერიკელმა ბევრი შეცდომაც დაუშვა და დელ პოტრომ დამსახურებულად მოიპოვა მეოთხედფინალში თამაშის უფლება.</p><p>სამაგიეროდ, წააგო მესამე ნომრად განთესილმა მარკოს ბაღდატისმა. თანაც კვიპროსელს უშანსოდ მოუგო მოკრძალებულმა ტაივანელმა იენ-ჰსუნ ლუმ. მთელმა მატჩმა ისე ჩაიარა, რომ მსოფლიოს 30-ე ნომერს ერთი ბრეიკ-პოინტიც არ ჰქონია. ასე რომ, სავსებით ლოგიკური შედეგი მივიღეთ.</p><p>პირველი წრის სენსაციამ, ამერიკელმა დანიელ კოსაკოვსკიმ (მან საწყის ეტაპზე პროფესიულ ტურში პირველი მატჩი მოიგო) ვეღარ შეძლო მშობლიური პუბლიკის (კოსაკოვსკი კალიფორნიის უნივერსიტეტის სტუდენტია) გაკვირვება. ლატვიელი ერნესტ გულბისი თანდათან გამოდის კრიზისიდან. პირველ წრეში ქსავიე მალისეს ძლევის შემდეგ, ლატვიელმა ამერიკელი მოწინააღმდეგე ძალიან იოლად დაამარცხა - 6:2, 6:4.</p><p>როგორც ჩანს, ბალტიისპირელ ჩოგბურთელს მოუხდა ახალ მწვრთნელთან მუშაობა - უიმბლდონის შემდეგ გულბისს არგენტინელი გილერმო კანიასი ავარჯიშებს. მეოთხედფინალში ერნესტი თავისი მწვრთნელის თანამემამულეს ხუან მარტინ დელ პოტროს შეხვდება.</p><p>უმაგსა და გშტაადტში არც ისე ბევრი მატჩი გაიმართა, რაშიც დამნაშავე უამინდობაა. ყველაზე საინტერესო შეხვედრა ხორვატულ გრუნტზე გაიმართა. ორი დამსახურებული ვეტერანის - ხუან კარლოს ფერეროსა და ივან ლუბიჩიჩის მატჩი სამი სეტი გაგრძელდა. ესპანელმა უშანსოდ წააგო პირველი სეტი და მეორეში ერთხელ კრიტიკული მომენტი ჰქონდა, როცა 3:3-ზე ბრეიკ-პოინტის მოგერიება მოუწია. ფერერომ გეიმი გადაარჩინა და ამის შემდეგ მისი საქმეები კარგად წავიდა, რაშიც ხორვატმა ჩოგბურთელმა შეუწყო ხელი - ლუბიჩიჩს მეორე და მესამე სეტებში პირველი მოწოდების სიზუსტე მხოლოდ 36 პროცენტი ჰქონდა.</p><p>ფერერო მეოთხედფინალში არგენტინელ კარლოს ბერლოკს შეხვდება, რომელიც ამ ეტაპზე ესპანელი ტომი რობრედოს ტრავმის ხარჯზე გავიდა. რობრედომ ბოლო ექვსი ტურნირიდან მეხუთედ შეწყვიტა ბრძოლა სხვადასხვა ტრავმის გამო.</p><p><strong>ATP</strong></p><p>Farmers Classic</p><p>ლოს ანჯელესი (აშშ). ჰარდი</p><p>საპრიზო ფონდი: 619 500 დოლარი</p><p><em>II წრე</em></p><p>ერნესტ გულბისი (ლატ)-დანიელ კოსაკოვსკი (აშშ) 6:2, 6:4; რაიან ჰარისონი (აშშ)-მაიკლ რასელი (აშშ) 6:3. 6:4; მარკო ბაღდატისი (კვიპ)-იენ ჰსუნ ლუ (ტაივ) 3:6, 4:6; ხუან მარტინ დელ პოტრო (არგ)-ჯეიმს ბლეიკი (აშშ) 6:4, 7:6(3).</p><p>Croatia Open</p><p>უმაგი (ხორვატია). გრუნტი</p><p>საპრიზო ფონდი: 398 250 ევრო</p><p><em>II წრე</em></p><p>ალბერტ რამოსი (ესპ)-ჯანლუკა ნასო (იტა) 6:1, 6:3; ხუან კარლოს ფერერო (ესპ)-ივან ლუბიჩიჩი (ხორ) 1:6, 6:3, 6:4; კარლოს ბერლოკი (არგ)-ტომი რობრედო (ესპ) რობრედოს უარი; ფილიპო ვოლანდრი (იტა)-ალექსანდრ დოლგოპოლოვი (უკრ) 1:6, 2:6.</p><p>Suisse Open</p><p>გშტაადი (შვეიცარია). გრუნტი</p><p>საპრიზო ფონდი: 398 250 ევრო</p><p><em>I წრე</em></p><p>მატიას ბახინგერი (გერ)-პაბლო ანდუხარი (ესპ) 6:1, 6:4.</p><p><em>II წრე</em></p><p>მიხაილ იუჟნი (რუს)-დენის ისტომინი (უზბ) 6:3, 6:2.</p><p><strong>ყოველდღიური სპორტული გაზეთი "ლელო"</strong></p>
ბასილაშვილი შანხაის მასტერსის ძირითად ბადეში შევიდა და ასეულში დაბრუნდა
მხოლოდ 1 გეიმი - ბასილაშვილმა პეკინის ტურნირზე გამოსვლა დაასრულა
უცნაურია - მუსეტიმ ზედიზედ მეხუთე ფინალი წააგო
"შავი ლომი" - სამხრეთ აფრიკაში "ჩიტასთან" ორი ტესტისთვის
ხავის "მანჩესტერ იუნაიტედის" გაწვრთნა სურს - ესპანელი "წითელი ეშმაკების" ჩაბარებაზე თანახმაა
შოკირებული იყო და შეხვედრა განაწყენებულმა დატოვა - ამორიმს "მანჩესტერ იუნაიტედის" ხელმძღვანელობამ მოთხოვნა წაუყენა
ისრაელის ნაკრებსა და ქვეყნის კლუბებს საერთაშორისო შეჯიბრებიდან მოკვეთენ? - 48 სპორტსმენმა მოთხოვნას ხელი მოაწერა
"მადლობა უფალს, რომ ეს შანსი მომცა" - თორნიკე შენგელია "ბარსელონაში" დებიუტისთვის ემზადება
კორსანტიას 15-ქულიანი დებიუტი ესპანეთში
Le Parisien: კვარაცხელია პსჟ-ს შეიძლება ბარსელონაში გაჰყვეს
არისაბალაგა შეიძლება ფაბრეგასის გუნდში გადაბარგდეს
პსჟ-ს მეკარე: ძნელია მოტივაციის შენარჩუნება
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
"თუ სხვა რამის გამო გაბრაზდა, არასწორი ადამიანი აირჩია" - დე ბრუინსა და კონტეს შორის დაპირისპირება მწიფდება? [PHOTO]
"ყველას უნდა ვაჩვენოთ, ვინ ვართ" - "კაირატის" მეკარე "რეალთან" მატჩამდე
დუდუ დადიანის მემორიალზე ნახევარფინალისტები დაწყვილდნენ
"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი
"თუ "არსენალი" წელს ტიტულს ვერ მოიგებს, არტეტას გაათავისუფლებენ" - რობერ პირესი
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
[VIDEO] 55-ე წუთიდან კაცნაკლულმა "მილანმა" "ნაპოლის" მოუგო