<p>კატალონიელებმა, როგორც ჩვეულებრივმა ტურისტებმა, ამერიკაში ყოფნის დროს „თეთრი სახლი“ გარედან დაათვალიერეს, „იუნაიტედი“ კი შიგ შეიყვანეს <br> დიახ, „მანჩესტერ იუნაიტედმა“ ბოლო რამდენიმე წელიწადში „ბარსელონასთან“ ჩემპიონთა ლიგის ორი ფინალი წააგო, მაგრამ ის, რასაც მანჩესტერელები ფეხბურთის მოედანზე ვერ ახერხებენ, თურმე, ვაშინგტონში, კერძოდ „თეთრ სახლში“ ხერხდება.</p><p>დიახ, „ბარსა“ დამარცხებულია: კატალონიელებმა, როგორც ჩვეულებრივმა ტურისტებმა, ამერიკაში ყოფნის დროს „თეთრი სახლი“ გარედან დაათვალიერეს, „იუნაიტედი“ კი შიგ შეიყვანეს.</p><p>მოგეხსენებათ, ამერიკაში ეკონომიკური სირთულეებია და პრეზიდენტმა ბარაკ ობამამ მანჩესტერელებთან შესახვედრად ვერ მოიცალა. ამის მიუხედავად „იუნაიტედის“ ფეხბურთელმა პლანეტის, სავარაუდოდ, ყველაზე გავლენიან შენობაში გემოზე ისეირნეს და ფოტოები გადაიღეს, რიო ფერდინანდმა კი თავისი სურათის „ტვიტერზე“ დაგდება იქიდანვე მოახერხა.</p><p>„მანჩესტერ იუნაიტედის“ თავკაცმა სერ ალექს ფერგიუსონმა ჟურნალისტებს ასე უთხრა:</p><p>„ფანტასტიკური და შთამბეჭდავი იყო. ჩვენ ძალიან კმაყოფილები დავრჩით. „თეთრ სახლში“ ადრეც ვარ ნამყოფი, მაგრამ ხელმეორედ ნახვისას კვლავ ასეთ შთაბეჭდილებას თუ მოახდებდა, არ მეგონა. ეს უდიდესი ისტორიის მქონე, საოცარი შენობაა. ვიმეორებ, ყვეანი საოცრად კმაყოფილები დავრჩით“.</p><p>„მანჩესტერ იუნაიტედი“ და „ბარსელონა“ ვაშინგტონში დღეს ხვდებიან ერთმანეთს. ეს ამხანაგური თამაში იქნება. საინტერესოა, რომ „თეთრ სახლთან“ გარედან მისულ ბარსელონელებს შენობასთან მიახლოება მოუნდათ, მაგრამ დაცვამ ნება არ დართო.</p><p>ჩავი: „ჩვენ გვითხრეს, რომ ახლოს მისვლა მხოლოდ 10-15 კაციან ჯგუფებად შეიძლება, დიდ ჯგუფებს კი ახლოს არ უშვებენ. ამიტომაც გადავწყვიტეთ სასტუმროში დავბრუნებულიყავით“.</p><p>მაგრამ, მედალს მეორე მხარე აქვს: „მანჩესტერ იუნაიტედი“ ამერიკულ ტურნეში თავს პრემიერლიგის ჩემპიონის ტიტულით იწონებს, „ბარსელონამ“ კი ვაშინგტონის „რიც კარლტონში“ არც მეტი არც ნაკლები ჩემპიონთა თასი (თუ ჩემპიონთა ლიგის თასი) გამოფინა.</p><p>ალექს ფერგიუსონი არ მალავს, რომ მისთვის დღევანდელ, თუნდაც ამხანაგურ შეხვედრაში გამარჯვება ფრიად სასიამოვნო იქნება. თან, „ბარსა“ მთავარი ვარსკვლავის, 24 წლის არგენტინელი ლეო მესის გარეშე იქნება, ოღონდ... ექნება კი მესის გარეშე მოთამაშე „ბარსელონას“ დამარცხებას „იუნაიტედისთვის“ განსაკუთრებული გემო?</p><p>ფერგიუსონმა თქვა: „ბარსელონა“ მსოფლიოს საუკეთესო გუნდია, მე კი მეორე ადგილზე ყოფნაც მსიამოვნებს, ოღონდ მიზნად მათ დონეზე ასვლა მაქვს დასახული. მარტო ფეხბურთის გუნდთან გატოლებაზე არ ვამბობ. მე მხედველობაში მაქვს მათი ფილოსოფია, წვრთნის სტილი, ის, თუ როგორ ზრდიან ახალ თაობას. მართალი გითხრათ, ახალი თაობის აღზრდაზე მეც, დაახლოებით, მსგავსი შეხედულება მაქვს და თუ მეცოდინებოდა, რომ „ბარსელონა“ შაბათს მოედანზე თავის ახალგაზრდებს გამოიყვანდა, მეც ახალგაზრდებს დავუპირისპირებდი. მერწმუნეთ, შესანიშნავი თამაში გახურდებოდა“.</p><p>„იუნაიტედის“ ფრანგი მცველისთვის, 30 წლის პატრის ევრასთვის კი „ბარსასთან“ შეხვედრა, ლამის პირადი საკითხია:</p><p>„ამ გუნდს პატივს ვცემ, მაგრამ როგორც ფეხბურთელს თუ რამე მინდა, ეს „ბარსელონასთან“ ჩემპიონთა ლიგის ფინალში კიდევ ერთხელ შეხვედრაა. მე მათთან უკვე ორჯერ წავაგე და ამას ვერ შევგუებივარ“.</p><p><strong>ყოველდღიური სპორტული გაზეთი "ლელო"</strong></p>
"თუ "არსენალი" წელს ტიტულს ვერ მოიგებს, არტეტას გაათავისუფლებენ" - რობერ პირესი
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ