<p>ჩოგბურთის ვარსკვლავების არდადეგები დასასრულს მიუახლოვდა - ვინ რა განწყობით ხვდება ამერიკული სერიის ტურნირებს <br> ჩოგბურთის ვარსკვლავების არდადეგები დასასრულს მიუახლოვდა. ჩვენ რეგულარულად გაწვდიდით ინფორმაციას წამყვან მოთამაშეთა აქტიური დასვენების შესახებ, ახლა კი ერთგვარად შევაჯამებთ ამ თემას და გავარკვევთ, ვინ რა განწყობით ხვდება ამერიკული სერიის ტურნირებს.</p><p><strong>* * *</strong></p><p>"მკვდარი სეზონი", ჩვეულებრივ უიმბლდონის დასრულების შემდეგ იწყება და ამერიკულ საჰარდო სერიის დაწყებამდე გრძელდება. ამ პერიოდში პლანეტის საუკეთესო ჩოგბურთელებს საშუალება აქვთ დაგეგმონ და მხიარულად გაატარონ მცირე შვებულება. ბუნებრივია, ეს შანსი მოთამაშეებმა არც წელს გაუშვეს ხელიდან.</p><p>რა თქმა უნდა, ჟურნალისტების მხრიდან ყველაზე დიდი ინტერესი ნოვაკ ჯოკოვიჩისა და რაფაელ ნადალისკენ იყო მიპყრობილი, თუმცა მსოფლიოს პირველმა ორმა ნომერმა გვარიანად ამუშავეს ფოტოგრაფები. დაძაბული ძებნის შემდეგ რაფა მალიორკაზე საკუთარ სახლთან ახლოს გამოიჭირეს, აგრეთვე მეზობელ კუნძულ ფორმენტერაზე. ნადალმა იქ განაცხადა, რომ მონრეალის მასტერსზე დაბრუნების იმედი აქვს.</p><p>ჯოკოვიჩი დასავლეთ სანაპიროს ქვემოთ დაუყვა და თავისი რეზიდენციიდან სან-ტროპეში გადავიდა. იქვე იყო მონაკოში მისი მეზობელი კაროლინ ვოზნიაცკი.</p><p>ყველაზე მორხერხებულად პაპარაცებს როჯერ ფედერერი უსხლტებოდა. საბოლოოდ, მას კუნძულ სარდინიაზე მიაგნეს, სადაც ფედერერი შარშან ვარჯიშობდა. ამჯერად ვარჯიში არ ყოფილა. თუმცა, თუ როჯერს არ სურს 2002 წლის შემდეგ პირველად სეზონში "დიდი სლემის" ტიტულის გარეშე არ დარჩეს, მან მალე უნდა მიატოვოს პლაჟი და ვარჯიშებს შეუდგეს.</p><p>ენდი მიურეის სიტყვებით, მისმა არდადეგებმა, ძირითადად, ტელევიზორის ეკრანის წინ ჩაიარა. მან თვალი ადევნა გოლფში ბრიტანეთის ღია პირველობას და განსაკუთრებით კომენტატორების ხუმრობით მოიხიბლა. ბრიტანელს არც მეორე სპორტული გართობა - კრივის ტრანსლიაციები დავიწყებია.</p><p>დიდი ყურადღებაა მიპყრობილი ქალთა შორის მსოფლიოს პირველი ჩოგანის კაროლინ ვოზნიაცკის პირადი ცხოვრების მიმართ. ჭორების მორიგი ტალღა მას შემდეგ აგორდა, რაც ჩოგბურთელი გოლფის ამომავალ ვარსკვლავთან - რორი მაკილროისთან ერთად ერთ-ერთ ლონდონურ რესტორანში დააფიქსირეს. რა თქმა უნდა, ჟურნალისტებმა უყურადღებოდ დატოვეს დანიელის ფრაზა იმის შესახებ, რომ "ამიერიდან, ნებისმიერ მამაკაცი, ვისთან ერთადაც რესტორანში ვსადილობ, ავტომატურად ჩემი ბოიფრენდი ხდება".</p><p><strong>* * *</strong></p><p>რამდენიმე ჩოგბურთელმა საზაფხულო პაუზის დროს კარიერის დასრულების შესახებ გამოაცხადა. სიბილ ბამერმა თავისი ბოლო მატჩი ითამაშა ბად-გაშტეინში, ბელგიელმა კრისტოფ ვლიგენმაც ჩამოკიდა ლურსმანზე თავისი ჩოგანი. შვედმა სიმონ ასპელინმა, რომელიც წყვილებში თამაშის ოსტატი იყო, ბაშტადში მშობლიურ ტურნირზე შეწყვიტა გამოსვლა, ხოლო ბელგიელმა დიკ ნორმანმა გამოაცხადა, რომ წყვილებში მისმა პარტნიორმა, სამხრეთ აფრიკელმა უესლი მუდიმაც გადაწყვიტა დიდი სპორტიდან წასვლა.</p><p><strong>* * *</strong></p><p>კიმ კლაისტერსმა, რომელმაც უიმბლდონი ფეხის ტრავმის გამო გამოტოვა, ერთი თვე მოანდომა აღდგენით პროცესს და ახლა მზად არის კორტზე დასაბრუნებლად. "რა თქმა უნდა, უიმბლდონის წინ ამ ტრავმამ ბევრი ნეგატიური ემოცია მოიტანა, - განაცხადა ბელგიელმა, ვინც დაადასტურა, რომ დაბრუნების შემდეგ მისი პირველი ტურნირი ტორონტო იქნება. - თითქმის აღვიდგინე კონდიციები, მოტივაციის მხრივ ყველაფერი წესრიგში მაქვს და იმედია, ყოველდღე მოვუმატებ".</p><p>უიმბლდონის მიღმა დარჩენილმა კიდევ ერთმა ჩოგბურთელმა - სემ კუერიმ დაგეგმა აგვისტოში დაბრუნება. ამერიკელმა ეს პერიოდი იდაყვზე ოპერაციის გამო გამოტოვა.</p><p><strong>* * *</strong></p><p>როჯერ ფედერერის საქველმოქმედო ფონდი იწყებს პროექტს, რომლის მეშვეობითაც 3.3 მილიონი დოლარი უნდა შეგროვდეს მალავიში მოშიმშილე 50 ათასი ბავშვის დასახმარებლად. საკუთარი ფონდი დააარსა რობინ სიოდერლინგმა და მისი პრეზენტაცია ბაშტადის ტურნირის სტარტს დაამთხვია. ფონდს სათავეში ჩაუდგა ჩოგბურთელის გერლფრენდი ჯენი მოსტრიომი.</p><p>ATP-მ 10 ათასი დოლარის ოდენობის გრანტები გამოუყო 12 საქველმოქმედო ორგანიზაციას, რომლებიც ჩოგბურთში მოღვაწეობენ. მათ შორის აღმოჩდნენ რაფაელ ნადალის, დავიდ ნალბანდიანის, ტომი რობრედოს, ჟო-ვილფრიდ ცონგასა და ივან ლუბიჩიჩის ფონდები. ასევე მიიღეს გრანტები ვაშინგტონის, ტოკიოს, მემფისის, ბუქარესტისა და პეკინის ტურნირებმა, რითაც მათი საქმელმოქმედო მოღვაწეობა დააფასეს.</p><p><strong>ყოველდღიური სპორტული გაზეთი "ლელო"</strong></p>
მხოლოდ 1 გეიმი - ბასილაშვილმა პეკინის ტურნირზე გამოსვლა დაასრულა
უცნაურია - მუსეტიმ ზედიზედ მეხუთე ფინალი წააგო
ბასილაშვილი ფორმაში შედის - ATP-ის ტურნირის მეოთხედფინალში გავიდა და ასეულში დაბრუნების შანსი აქვს
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ