- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
NBA-ის რეკორდები: მათ ვერავინ დაეწევა
<p>არასოდეს შეწყდება მსჯელობა იმაზე, ვინ და როდის დააგროვებს 100 ქულაზე მეტს და მოხსნის უილტ ჩემბერლენის რეკორდს <br> NBA-ის რეკორდების შესახებ ბევრი ლაპარაკი შეიძლება. მაგალითად, არასოდეს შეწყდება მსჯელობა იმაზე, ვინ და როდის დააგროვებს 100 ქულაზე მეტს და მოხსნის უილტ ჩემბერლენის რეკორდს.</p><p>პრაქტიკულად ნებისმიერ სეზონში თანამედროვეობის რომელიმე მოთამაშე ახერხებს თავისი წინამორდების ამა თუ იმ რეკორდის გაუმჯობესებას (როგორც ეს წელს რეი ალენმა გააკეთა, რომელსაც ახლა ყველაზე მეტი სამქულიანი აქვს ჩაგდებული ლიგის ისტორიაში), მაგრამ არის რამდენიმე ისეთი მიღწევა, რომელმაც "მუდმივს" უწოდებენ. ვებგვერდი Bleacherreport 15 ასეთი რეკორდის სიას გვთავაზობს.</p><p><strong>15. მარკ იტონი</p><p></strong>სეზონში დაფარებების საშუალო რაოდენობა: 5.6</p><p>დღეს ყველა აღფრთოვანებულია დაცვაში დუაიტ ჰოვარდის თამაშით. რა თქმა უნდა, "ორლანდოს" ცენტრი მართლაც ძლიერი მოთამაშეა, ფიზიკურად ძლიერი და თან ჭკვიანი. მაგრამ მარკ იტონამდე მას ბევრი უკლია (ჰოვარდის საუკეთესო მაჩვენებელი საშუალოდ სეზონში 2.9 დაფარებაა - 2008-09 წლების სეზონი). 224 სანტიმეტრის სიმაღლის მარკი ფარქვეშ საშიში ძალა იყო. ხანდახან მეტოქე სასაცილოდ გამოიყურებოდა - იტონი არავის აძლევდა სროლის საშუალებას და თითქოს ყველა დარტყმას აფარებდა.</p><p><strong>14. რაშიდ უოლასი</p><p></strong>სეზონში ტექნიკური პერსონალურების რაოდენობა: 41</p><p>უოლასი მართლაც მაღალი კლასის კალათბურთელი იყო, მაგრამ პირველი, რაც გონებაში რაშიდის სახელის წარმოთქმისას მოგდის - მისი საქციელი იყო. ძირითადად, მის გამო შემოიღო ლიგამ წესი, რომელიც კალათბურთელს მსაჯის გადაწყვეტილებაზე ემოციების გამოხატვას უკრძალავს. საინტერესოა, რამდენ პერსონალურს მიიღებდა რაშიდი ახალი წესებით რომ ეთამაშა? რთული წარმოსადგენია, რომ უახლოეს პერიოდში უოლასის ეს "მიღწევა" (2000-01 წლების სეზონი) ვინმემ გააუმჯობესოს.</p><p><strong>13. რობერტ პერიში</p><p></strong>ჩატარებული მატჩების რაოდენობა: 1611</p><p>"ბოსტონის" ცენტრს ფანტასტიკური კარიერა ჰქონდა და უამრავი მატჩის ჩატარება მოასწრო. მთავარია, რომ ის გუნდის ერთ-ერთი ლიდერი იყო და სკამზე დიდხანს ჯდომა არ უწევდა. იმის გასაცნობიერებლად, თუ რამდენად დიადია პერიშის რეკორდი, სხვა მოთამაშეების მიერ ჩატარებული მატჩების რაოდენობას შემოგთავაზებთ: მეორე ადგილზე მყოფ ქარიმ-აბდულ ჯაბარს 51 მატჩით ნაკლები აქვს, სახელგანთქულ კარლ მელოუნს, რომელიც თითქოს მუდმივად თამაშობდა, პერიშის რეკორდამდე 135 მატჩი დააკლდა. ახლა ისიც გავიხსენოთ, რომ პერიშის სიმაღლე 213 სანტიმეტრი იყო, ასეთი მოთამაშეები კი, როგორც წესი, კარიერას გაცილებით ადრე ასრულებენ, ვიდრე უფრო ტანდაბალი კალათბურთელები. ეს ფიზოლოგიასთან არის დაკავშირებული და, რა თქმა უნდა, ტრავმების რაოდენობასთან.</p><p><strong>12. ხოსე კალდერონი</p><p></strong>სეზონში ჯარიმების გამოყენების პროცენტი: 98.1</p><p>2008-09 წლების სეზონში "ტორონტოში" მოთამაშე კალდერონი თითქმის არ ცდებოდა საჯარიმოს ხაზიდან. მან ფანტასტიკური შედეგი დააფიქსირა - 154 ჯარიმიდან კალათში 151 მოათავსა.</p><p><strong>11. სკოტ სკაილზი</p><p></strong>შედეგიანი პასების რაოდენობა მატჩში: 30</p><p>სკაილზი დიადი კალათბურთელების რიცხვში არასოდეს შეუყვანიათ, მაგრამ მას ერთი გრანდიოზული მიღწევა ეკუთვნის. 1990 წელს, მაშინ "ორლანდოს" შემადგენლობაში მოთამაშე სკაილზმა "დენვერთან" მატჩში ჯადოსნურად ითამაშა. მისი დახმარებით გუნდმა 155 ქულა დააგროვა, მაგრამ ეს მატჩის შემდეგ ცოტა ვინმეს თუ აღელვებდა - ყველა აღფრთოვანებული იყო სკოტის მიღწევით.</p><p><strong>10. უილტ ჩემბერლენი</p><p></strong>ზედიზედ მატჩების რაოდენობა, რომელშიც კალათბურთელი 30 ან მეტ ქულას აგროვებდა: 65</p><p>ბევრი მიზეზი არსებობს იმისა, თუ რატომ უნდა მივიჩნიოთ ჩემბერლენი ამ თამაშის ისტორიაში საუკეთესო კალათბურთელად - ერთ-ერთი სწორედ ეს რეკორდია. დღეს არარეალურია იმის წარმოდგენა, რომ კალათბურთელმა თითქმის მთელი რეგულარული ჩემპიონატის განმავლობაში ასე შედეგიანად ითამაშოს. ამბობენ, რომ უილტის დროს მოთამაშეების საერთო დონე უფრო დაბალი იყო, ვიდრე დღეს, მაგრამ ეს მოსაზრება ჩემბერლენის ამ ბრწყინვალე რეკორდს ჩრდილს ვერ აყენებს.</p><p><strong>9. ლეიკერსი 1971-72</p><p></strong>ზედიზედ მოგებული მატჩების რაოდენობა: 33</p><p>მაშინ "ლეიკერსს" ბრწყინვალე შემადგენლობა ჰყავდა და ეს რეკორდიც ამიტომ არ არის გასაკვირი. იმ წელს ჯერი უესტმა და კომპანიამ ზედიზედ მოგებათა რეკორდის გარდა, სეზონში გამარჯვებათა რაოდენობითაც ახალი ორიენტირი დააფიქსირა (69 მოგება, რომელიც მოგვიანებით "ჩიკაგომ" გააუმჯობესა). არც ის იყო გასაკვირი, რომ "ლეიკერსი" საბოლოოდ ჩემპიონი გახდა.</p><p><strong>8. ოსკარ რობერტსონი</p><p></strong>სასეზონო სამმაგი დუბლი: 30.8 ქულა, 12.5 მოხსნა, 11.4 პასი</p><p>1961-62 წლების სეზონში რობინსონმა უბრალოდ გენიალურად ითამაშა. ამ სასეზონო სამმაგი გუბლის გარდა ოსკარს სხვა ბრწყინვალე სტატისტიკური მიღწევები ჰქონდა: ჯარიმების საშუალო რაოდენობა მატჩში - 11 (რეალიზაციის პროცენტი - 80.3); თამაშში ტყორცნების საშუალო რაოდენობა - 22.9 (რეალიზაციის პროცენტი - 47.8). ალბათ, ყველა მწვრთნელი იოცნებებდა ასეთი კალათბურთელის გუნდში ყოლას.</p><p><strong>7. ჯონ სტოქტონი</p><p></strong>შედეგიანი პასების რაოდენობა კარიერაში: 15 806</p><p>ჯონ სტოქტონის მიერ შესრულებული შედეგიანი გადაცემების რაოდენობა იმდენად დიდია, რომ შეუძლებელია მისი თუნდაც ერთი კონკურენტის დასახელება. მოქმედ მცველებს შორის "იუტას" გამთამაშებელთან ყველაზე ახლოს ჯეისონ კიდი იმყოფება, მაგრამ საქმე ისაა, რომ ამ ორ კალათბურთელს შორის სხვაობა დაახლოებით 4 ათასი პასია.</p><p><strong>6. ქარიმ აბდულ-ჯაბარი</p><p></strong>ქულების რაოდენობა კარიერაში: 38 378</p><p>როგორც ჩანს, ქარიმ აბულ-ჯაბარს ყველაზე კარგად შეეძლო ფარში სროლა, რადგან მის ფანტასტიკურ შედეგს ვერავინ მიუახლოვდა. ეჭვგარეშეა, რომ ეს რეკორდი კიდევ დიდხანს იცოცხლებს, რადგან მას თვით მაიკლ ჯორდანმაც ვერაფერი მოუხერხა და 32 292 ქულაზე გაჩერდა. იქნებ კობი ბრაიანტმა სცადოს რეკორდის მოხსნა, თუმცა "შავ მამბას" "ლეიკერსის" მეორე ლეგენდამდე ჯერ ძალიან ბევრი უკლია.</p><p><strong>5. ჩიკაგო</p><p></strong>სეზონში მოგებების რაოდენობა: 72</p><p>კარგი გუნდისთვის ნორმალური მაჩვენებელია სეზონში 60-65 გამარჯვება. ის, რაც მაიკლ ჯორდანმა და მისმა გუნდმა გააკეთეს, ფანტასტიკას ჰგავს. ეს რეკორდი კიდევ დიდხანს იქნება ისტორიაში და მის დამხობას ისეთივე დიადი გუნდი შეძლებს, როგორიც "ჩიკაგო" იყო გასული საუკუნის 90-იან წლებში.</p><p><strong>4. ეი სი გრინი</p><p></strong>ერთი კალათბურთელის მიერ ზედიზედ ჩატარებული მატჩების რაოდენობა: 1 192</p><p>ეი სი გრინი მართლაც "რკინის კაცი" აღმოჩნდა. რთული დასაჯერებელია, რომ ამ კალათბურთელმა 14 სეზონზე მეტი ტრავმისა და თამაშის გამოტოვების გარეშე ითამაშა. ასეთი რამ დღეს უბრალოდ შეუძლებელია. ეს არის მაგალითი ადამიანისა, რომელიც სამუშაოს ყველაფერზე მაღლა აყენებს.</p><p><strong>3. უილტ ჩემბერლენი</p><p></strong>სადებიუტო სეზონში ერთ მატჩში ქულების საშუალო რაოდენობა: 50.4</p><p>ამ მიღწევის უკომენტაროდ დატოვება შეიძლება. დღეს რთული წარმოსადგენია, რომ რომელიმე ახალბედამ საშუალოდ მატჩში 50 ქულა ჩააგდოს. ამიტომაც კიდევ ერთხელ უნდა გავიმეოროთ, რომ ჩემბერლენი ერთ-ერთი საუკეთესო მოთამაშეა კალათბურთის ისტორიაში.</p><p><strong>2. ბილ რასელი</p><p></strong>ერთი კალათბურთელის მიერ მოგებული ტიტულების რაოდენობა: 11</p><p>რასელის დროს ასეთი ფრაზა იყო პოპულარული - "ტიტულს იგებს დაცვა". და მართლაც, ბრწყინვალე დაცვის მქონე "ბოსტონმა" 13 სეზონში 11 ტიტული მოიგო, რასელი კი ზედიზედ ათი სეზონის განმავლობაში საშუალოდ მატჩში ოცზე მეტი მოხსნას აგროვებდა.</p><p><strong>1. უილტ ჩემბერლენი</p><p></strong>ერთ მატჩში ქულების რაოდენობა: 100</p><p>ფაქტია, რომ ამ რეკორდს კიდევ დიდი ხანი ვერავინ მიუახლოვდება. 2006 წელს კობი ბრაიანტმა "ტორონტოსთან" მატჩში დიად შედეგს მიაღწია - 81 ქულა დააგროვა, მაგრამ ეს მთელი 19 ქულით ნაკლები იყო უილტის შედეგზე. სამწუხაროა, მხოლოდ ოთხი ათასმა ადამიანმა უყურა იმას, როგორ მიაღწია სამნიშნა რიცხვს ჩემბერლენმა.</p><p><strong>ყოველდღიური სპორტული გაზეთი "ლელო"</strong></p>
იქ, სადაც განსაკუთრებულად უყვართ - დემიენ ლილარდი "პორტლენდში" დაბრუნდა
იოკიჩმა "დენვერს" შეატყობინა, რომ კონტრაქტს არ გაახანგრძლივებს
"NBA-ის ისტორიაში საუკეთესო მექულე ვარ" - პოლ პირსი
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
ონანა კარიერას სავარაუდოდ, თურქეთში განაგრძობს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!