<p>ოლიმპიური ჩემპიონების – ზურაბ საკანდელიძისა და მიხეილ ქორქიას მემორიალურ ტურნირზე პირველი ნახევარფინალისტი გამოვლინდა. ეს გახლავთ საკალათბურთო კლუბი “რაში”, რომელმაც პირველ ტურში თსუ-ს სძლია, დღეს კი “რუსთავიც” დაამარცხა და A ჯგუფში პირველი ადგილი გაინაღდა. დანარჩენი 3 ნახევარფინალისტი ჯგუფური ეტაპის ბოლო ტურში გამოვლინდება.</p><p>შეგახსენებთ, რომ პლეი-ოფში ჯგუფების გამარჯვებული 3 გუნდი და პლუს 1 საუკეთესო მეორეადგილოსანი გავა. გამომდინარე იქიდან, რომ ჯგუფებში გუნდების არათანაბარი რაოდენობაა, 4-გუნდიან ჯგუფში მეორე ადგილზე გასულს ბოლოადგილოსანთან ნაჩვენები შედეგი გაუუქმდება. ამ გზით სამივე მეორეადგილოსანს თამაშების თანაბარი რაოდენობა ექნება და საუკეთესო, ანუ ნახევარფინალის ბოლო საგზურის მფლობელიც გამოვლინდება.</p><p>C ჯგუფი | მარგვეთი (ზესტაფონი) vs ქუთაისი</p><p>სტატისტიკა: 70:85</p><p>"ქუთაისი" პირველ ტურში ისვენებდა და დღეს გამართულ იმერულ დერბიში ზესტაფონის “მარგვეთი” დაამარცხა. ამ მოგებით კოტე ტუღუშის გაწვრთნილი ქუთაისური გუნდი ფავორიტი გახდა, რადგან დარჩენილ მატჩში გაუ-სთან 13 ქულითაც რომ დამარცხდეს, ჯგუფში მაინც პირველ ადგილზე გავა. აი, 14 ქულით გამარჯვება კი ნახევარფინალში გაუ-ს გაიყვანს.</p><p>"მარგვეთისთვის" ყველაფერი დასრულებულია. თითო მოგება-წაგებითაა და ბურთების შეფარდება აქვს -3, რაც იმას ნიშნავს, რომ პირველ ადგილზე გასვლა ხომ გამორიცხულია და ვერც მეორე ადგილიდან გავა ნახევარფინალში. რატომ? მოგეხსენებათ, ნახევარფინალში გადის საუკეთესო მეორეადგილოსანი და "მარგვეთი" მეორეზე რომც დაჯდეს, A ჯგუფის ამავე ადგილზე გასულ გუნდს უთუოდ ჩამორჩება, რადგან A ჯგუფში მე-2-ზე გასულ გუნდს ( თსუ-ს ან რუსთავს) აუცილებლად ექნება დადებითი ბურთების შეფარდება.</p><p>ასე და ამგვარად, C ჯგუფში პირველ ადგილზე რომ გავიდეს, გაუ-მ 17 იანვარს "ქუთაისი" მინიმუმ 14 ქულით უნდა დაამარცხოს. სხვა შემთხვევაში, პირველზე "ქუთაისია".</p><p>B ჯგუფი | დელტა (გურჯაანი) vs ორბი (ტყიბული)</p><p>სტატისტიკა: 72:84</p><p>დიდი დამთხვევა გამოვიდა, რადგან B ჯგუფშიც ნახევარფინალში გასვლის ზღვარი 14 ქულაზე გადის. აღნიშნულ ჯგუფშიც ერთი მატჩია დარჩენილი, რომელშიც "კავკასია" გურჯაანის “დელტას” ეთამაშება. კახურმა გუნდმა დღეს ტყიბულის "ორბთან" 12 ქულით წააგო, "კავკასიას" კი ტყიბულელები პირველ ტურში 15 ქულით ჰყავს ძლეული. შესაბამისად, გურჯაანის გუნდს მინიმუმ 14 ქულით გამარჯვება სჭირდება, ჯგუფში პირველ ადგილზე რომ გავიდეს. თუკი 13 ქულით იმარჯვებს, პირველზე და შესაბამისად, ნახევარფინალში, დამარცხებული "კავკასია" გავა.</p><p>ანალოგიური სიტუაციაა ჯგუფის მე-3 გუნდისთვისაც. იმის გათვალისწინებით, რომ 2 მატჩის ჯამში "ორბს" (თითო მოგება-წაგება) ბურთების უარყოფითი შეფარდება აქვს, მეორე ადგილიდან (თუკი გავიდა), ნახევარფინალში გასვლის შანსი წართმეული აქვს.</p><p>ჯგუფის ბოლო, გადამწყვეტი შეხვედრა "თბილისი არენაზე" 17 იანვარს, 15:00 საათზე გაიმართება: "კავკასია" "დელტას" წინააღმდეგ.</p><p>B ჯგუფი | ივერიონი (გორი) vs თსუ</p><p>სტატისტიკა: 72:90</p><p>რაში vs რუსთავი</p><p>სტატისტიკა: 105:100</p><p>ერთადერთი ნახევარფინალისტი, რომელიც მეორე ტურის შემდეგ გამოვლინდა, თბილისის “რაშია”. ბესო ლეჟავას გაწვრთნილმა გუნდმა უდიდესი ბრძოლისუნარიანობა, ამ გუნდის ლიდერმა სანდრო სანაძემ კი პლუს, რკინის ნერვები გამოავლინა და "რაშმა" ოვერტაიმში გადაყვანილი შეხვედრა საბოლოოდ სასურველი გამარჯვებით დაასრულა. შესაბამისად, ლეჟავას გუნდი მიუწვდომელი გახდა ნებისმიერისთვის, რადგან ბოლო ტურში გორის "ივერიონთან" რომც წააგოს, მაინც პირველზე გავა, რადგან "რუსთავთანაც" და თსუ-სთანაც დადებითი ბალანსი აქვს – ორივეს მოუგო.</p><p>არ შეიძლება არ აღინიშნოს სანაძის რკინის ნერვების შესახებ, რომელმაც ძირითადი დროის დასრულებამდე 17 წამით ადრე გამთანაბრებელი სამქულიანი ჩააგდო, ხოლო ოვერტაიმში გადასულ თამაშში იგივე გაიმეორა და "რუსთავის" წელში გამტეხი ორქულიანიც მიითვალა. "რუსთავი" ბოლო პერიოდის წინ 12 ქულას იგებდა, მაგრამ მოპოვებული უპირატესობა ვერ შეინარჩუნა და ახლა ნახევარფინალში გასასვლელად თსუ-ს დამარცხება მართებს.</p><p>თავის მხრივ, თსუ-მ პირველ ტურში "რაშთან" დამარცხების შემდეგ "ივერიონს" იოლად მოუგო და "რუსთავი"-თსუ-ს ბოლო ტურის მატჩს ფაქტობრივად ნახევარფინალში გასვლის მნიშვნელობა მიენიჭა. დიდი ალბათობით, ამ მატჩის გამარჯვებული ნახევარფინალში მე-2 ადგილიდან გავა, თუმცა თეორიული შანსი სხვა ჯგუფებში მეორე ადგილის დამკავებელ გუნდებსაც აქვთ.</p><p><strong>GBF</strong><br></p>
დუდუ დადიანის მემორიალი 26 სექტემბერს, ოლიმპიურ სასახლეში დაიწყება
"ქუთაისი" დანიის ჩემპიონთან ბოლო წამებზე დამარცხდა და ფიბა ევროპის თასზე იასპარეზებს
"ქუთაისი" ჩემპიონთა ლიგაზე, თვაური – ფიბა ევროპის თასზე
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ