მამუკელაშვილმა სასტარტოში 25 წუთი ითამაშა და "სან ანტონიოს" გამარჯვებაში დაეხმარა [VIDEO]

სანდრო მამუკელაშვილმა ბოძებული შანსი გამოიყენა და სასტარტო ხუთეულში დაყენება გრეგ პოპოვიჩს კარგი თამაშით დაუფასა. ყველაზე მთავარი კი ლეგენდარული მწვრთნელისთვის ის გახლავთ, რომ ამ ყველაფერთან ერთად "სან ანტონიომ" გასვლითი გამარჯვება მოიპოვა, თანაც ლიგაში ერთ-ერთი ყველაზე დომინანტი ცენტრის – იონას ვალანჩუნასის "ნიუ ორლეანთან".ეს ყველაფერი კი 3 მატჩის წინ დაიწყო, როცა პოპოვიჩმა მამუკელაშვილი 20+ წუთით ათამაშა და ქართველმა ფორვარდმაც ორმაგი დუბლი შეასრულა. მანამდე ქართველ ცენტრს მოედანზე ყოფნა რამდენიმე წუთით, ხშირ შემთხვევაში, უიმედო მატჩის ბოლო წუთებზე უწევდა – როგორც ეს რიგითი სათადარიგოების ბედია. გარდატეხა 1 აპრილს მოხდა, როცა წინა მატჩში უთამაშებელი მამუკელაშვილი მწვრთნელმა "გოლდენ სტეიტთან" ადრიანად ჩართო თამაშში და მოედანზე მთლიანობაში 25 წუთი გაატარებინა. მამუმაც 10 ქულა და 11 მოხსნა დააგროვა, ხოლო მომდევნო მატჩში, დენვერ ნაგეტსთან იგივე დროში ორმაგ დუბლამდე 1 მოხსნა დააკლდა.ამ ყველაფრის შემდეგ სანდროს შესაძლებლობებზე ამერიკული მედია ალაპარაკდა და ცხადია, "სან ანტონიოს" სამწვრთნელო შტაბმაც ლოგიკური დასკვნები გააკეთა. მორიგ მატჩში, რომელიც ჩვენი დროით, დღეს, გამთენიისას ნიუ ორლეანში გაიმართა, ქართველი ფორვარდი სასტარტო ხუთეულში იყო. მამუმ მოედანზე მთლიანობაში 27 წუთი გაატარა, რა დროშიც ბურთი არ დაუკარგავს, მონაგარი კი საკმაოდ ბარაქიანი ჰქონდა – 15 ქულა, 5 მოხსნა, 2 პასი, 1 ჩაჭრა და 1 დაფარება. სანდრომ 8-დან 6 ორქულიანი და 3-დან 1 სამიანი ჩააგდო, 1 საჯარიმო კი ააცილა."სან ანტონიომ" გუნდურად, საკმაოდ აწყობილად ითამაშა – ხუთივე სასტარტომ მონაგარი ორციფრიანი რიცხვით გამოხატა, რომელთაგან ყველაზე მეტი – 17 ქულა ფრანგმა ვუნდერკინდმა, მომავალმა სუპერვარსკვლავმა, ვიქტორ ვემბანიამამ მიითვალა. ვემბას სამმაგ დუბლამდე 1 პასი დააკლდა – 12 მოხსნა და 9 პასიც მიითვალა. სხვათა შორის, ვემბანიამასა და მამუკელაშვილის მოედანზე ერთად ყოფნამ კარგი შედეგი გამოიღო. ქართველი ფორვარდი ვემბას ხშირ შემთხვევაში აზღვევდა და თავადაც, დამცველთა ფრანგზე გადატანილი ყურადღებით სარგებლობდა.დასავლეთ კონფერენციაში ბოლო ადგილზე მყოფ "სან ანტონიოს" რეგულარულ ჩემპიონატში 4 მატჩის ჩატარება დარჩა, რის შემდეგაც სეზონს დაასრულებს. სფურსი სტუმრად "მემფისს" და "ოკლაჰომას" შეხვდება, ხოლო ბოლო ორ მატჩში ჯერ დენვერს, შემდეგ კი "დეტროიტს" უმასპინძლებს.GBF

მ.მ

ან აქამდე რატომ არათამაშებდნენ გასული კარგი სეზონის შემდეგ, ან ახლა რა შეიცვალა? რა ლოგიკაა ამ საქციელში
სოსო

გუნდმა ყველაფრის შანსი დაკარგა და ეს ბოლო მატჩებში დროის მიცემა,ფაქტობრივად იგივეა,როგორც უკვე წაგებულ მატჩში,ბოლო წუთებზე შეშვება.რა თქმა უნდა სასიამოვნოა,შანსს ხელიდან რომ არ უშვებს,მაგრამ მომდევნო სეზონში რა იქნება?ისევ გუნდის ვარსკვლავებს ათამაშებენ,რომლებიც ყველაფერს წააგებენ,ხოლო მამუს ბოლო წუთებზე შეუშვებენ?ალბათ ეს უნდა გაარკვიოს მამუმ,გუნდის ხელმძღვანელობასთან.ძნელია,საკუთარი ნებით ნბას დატოვება,იქ ხომ შეუდარებლად მაღალი ხელფასები აქვთ,სპორტსმენებს,მაგრამ თორნიკე შენგელიამ ეს გააკეთა და ბრწყინვალე კარიერაც აქვს,ევროპაში.სანდრო,ამაზე ალბათ უკვე ფიქრობს და იმედია,სწორ გადაწყვეტილებასაც მიიღებს.თუ რაღაცა პერსპექტივას დაინახავს,რა თქმა უნდა ამერიკაში დარჩენას აირჩევს,მაგრამ უსასრულო ლოდინიც არაფერს არგებს.ამერიკა მისი მეორე სამშობლოა,მაგრამ ევროპაში წამოსვლით,ის საქართველოს ნაკრებში სისტემატურ თამაშსაც შესძლებს და ვფიქრობ,ეს სანდროსათვის საგულისხმო არგუმენტია.ის,სან ანტონიოშიც გუნდურ კალათბურთს თამაშობს და ევროპაში წამოსვლის შემთხვევაში,ამ მხრივ,სერიოზული პრობლემები არ უნდა შეექმნას.ევროპააში ხომ სწორედ გუნდური თასმაში ფასობს.
რეალობა

სანდროს მომენტების ვიდეო https://www.nba.com/stats/events?CFID=&CFPARAMS=&ContextMeasure=FGA&EndPeriod=0&EndRange=28800&GameID=0022301123&PlayerID=1630572&RangeType=0&Season=2023-24&SeasonType=Regular%20Season&StartPeriod=0&StartRange=0&TeamID=1610612759&flag=3&sct=plot&section=game

მათე ხატიაშვილის 29 ქულა მადრიდის "რეალთან" ფინალურ მატჩში

ანდრონიკაშვილი ისლანდიურ გუნდში გადავიდა

შენგელიას 14 ქულა "გრან კანარიასთან" და MVP-ს ტიტული

18 წ. | მესამედ ექვსი ერის ფესტივალზე

კვერნაძემ შეიძლება მნიშვნელოვანი მატჩი გამოტოვოს

ფიბა-ს სამსაჯო წელს ვართანოვი ათენში გახსნის, თვაური იზმირით გააგრძელებს

საზონოვი ტრანსფერზეა - "ტორინო" ზამთარში ქართველის გაყიდვას შეეცდება

[VIDEO] სემენიომ ისევ გაიტანა - "სიტიმ" "ნიუკასლი" დაამარცხა და EFL თასის ფინალისკენ პირველი ნაბიჯი გადადგა

ადესანია ოქტაგონს უბრუნდება - დანა ვაითი მარტში სიეტლში ღონისძიებას ჩაატარებს

[VIDEO] ზედიზედ 3 წაგების შემდეგ "ოკლაჰომამ" "სპურსი" მარტივად დაამარცხა

[VIDEO] ლებრონის მორიგი ბრწყინვალე შეხვედრა - "ლეიკერსმა" "ატლანტა" დაამარცხა

კანტე თურქეთში შემცირებული ხელფასით მიდის - შესათანხმებელი ბოლო დეტალები დარჩა

შეთავაზებებს განიხილავს - ალონსო შესაძლოა, სამწვრთნელო საქმიანობას მალევე დაუბრუნდეს

"ზიზუ, გემი იძირება, დაგვიბრუნდი" - "რეალის" ფანებმა ბანერი გამოკიდეს

ზივზივაზემ ისევ ვერ ითამაშა - გოჩოლეიშვილის "ჰამბურგის" მატჩი გადაიდო

"მანჩესტერ იუნაიტედს" ახალი მწვრთნელი ჰყავს

ზურაბ საკანდელიძისა და მიხეილ ქორქიას მემორიალის ფინალში თსუ "ქუთაისს" შეხვდება

მიხეილ ნარიაშვილი - "ბორჯღალოსნების" შერკინების მწვრთნელი

"გალათასარაი"? - ფაბიან რუისს პსჟ არ ეთმობა

ფრანგული კლუბის ექს-პრეზიდენტი დედის დაკრძალვაზე მოკლეს

საქართველოს ნაკრებმა ბოლო საკონტროლო შეხვედრა ალჟირთან ჩაატარა და ორი ბურთის სხვაობით დამარცხდა

ევროპის ჩემპიონატი. საქართველოს ნაკრები ხორვატიასთან დამარცხდა

"არსენალს" რეკორდსმენი აუტების მწვრთნელი ეყოლება

კვლავ NBA-ში, თუმცა არა "სან ანტონიოში" - მამუკელაშვილის მომავალი კლუბი გაირკვა

[VIDEO] მამუკელაშვილის პასი და ქუიკლის გასროლა - "ტორონტომ" "შარლოტი" ბოლო წამებზე დაამარცხა

[VIDEO] მამუკელაშვილი "ბოსტონთან" სასტარტოში იყო - სანდროს ორმაგ დუბლამდე ორი მოხსნა დააკლდა

29-წლიანი ისტორია დასრულდა - პოპოვიჩი "სან ანტონიოს" აღარ გაწვრთნის

[VIDEO] ბითაძის 19 წუთი - "ორლანდო მეჯიქი" "სან ანტონიო სპურსთან" 2 ქულით დამარცხდა

[VIDEO] გინახავთ ამ სიმაღლის კაცი, ფეხბურთს ასე თამაშობდეს? - ვემბანიამა კოსტა რიკაში ერთობა

[VIDEO] სანდროს კარგი მატჩი არ გამოუვიდა... "რეპტორსმა" 12 წამით ადრე 4 ქულა ამოიღო და ოვერტაიმში მოიგო

მამუკელაშვილმა სეზონი დაასრულა, ბითაძეს პლეი ოფის შანსი პლეი ინში აქვს

[VIDEOS] მამუკელაშვილი ყოფილ გუნდს დაუპირისპირდა - ბითაძის "ორლანდო" "ფილადელფიასთან" დამარცხდა

[VIDEO] მამუკელაშვილის 21 წუთი - "ტორონტომ" "ფილადელფია" ზედიზედ მეორედ ვერ დაამარცხა

[VIDEO] მამუკელაშვილს სამმაგ დუბლამდე სულ ცოტა დააკლდა - სანდროს ბრწყინვალე მატჩი "ატლანტა ჰოუქსთან"

[VIDEO] მამუკელაშვილის 22 წუთი "ატლანტასთან" - "ტორონტომ" ზედიზედ მეორედ გაიმარჯვა