დიდი დერბი უემბლიზე!

"მანჩესტერ იუნაიტედმა" ინგლისის სუპერთასის მატჩში "მანჩესტერ სიტისთან" 0:2 წაგებული პირველი ტაიმის შემდეგ, 3:2 გაიმარჯვა ინგლისი. ქომუნითი შილდიმანჩესტერ სიტი-მანჩესტერ იუნაიტედი 2:3მანჩესტერ სიტი (4-3-3): ჰარტი - რიჩარდსი, კომპანი, ლესკოტი, კოლაროვი (73. კლიში) - დე იონგი, ი. ტურე, მილნერი (67. ჯონსონი) - სილვა, ჯეკო, ბალოტელი (59. ბერი)მანჩესტერ იუნაიტედი (4-4-2): დე ხეა - სმოლინგი, ფერდინანდი (46. ჯონსი), ვიდიჩი (46. ევანსი), ევრა (72. რაფაელი) - ნანი, ქერიკი (46. კლივერლი), ანდერსონი, იანგი - რუნი, უილბეკი (89. ბერბატოვი)გოლები: 1:0 ლესკოტი (38), 2:0 ჯეკო (45), 2:1 სმოლინგი (52), 2:2 ნანი (58), 2:3 ნანი (90)გაფრთხილება: ჯეკო, რიჩარდსი, ი. ტურე, მილნერი - ანდერსონი, ევრაკუთხური: 8-7; ჯარიმა: 14-11; კარში დარტყმა: 10-17 (4-4); თამაშგარე: 2-0; ბურთის ფლობა: 34%-66%მაყურებელი: 77 169ეს იყო ზღაპრული თამაში! პირველი ტაიმის შემდეგ ამ შეხვედრისადმი მიძღვნილი წერილისთვის შეგვეძლო გვეწოდებინა ასე: "სიტიმ" დე ხეა დახია, მაგრამ, დაბრუნდნენ შესვენების შემდეგ გუნდები გასახდელიდან და... მერე რაღაც საოცრება მოხდა.რა სამწუხაროა, "ქომუნითი შილდის" ყურება ქართველ გულშემატკივარს და არა მარტო გულშემატკივარს, არამედ ნებისმიერ ადამიანს ვისაც ესთეტიკის განცდა აქვს, ტელეეკრანიდან არ შეეძლო. ინტერნეტით ასეთი სანახაობის ცქერა ცოდოა, მაგრამ სულ არნახვა აშკარად არ ივარგებდა.მერამდენედ დაამტკიცა ინგლისის ჩემპიონის მწვრთნელმა, სერ ალექს ფერგიუსონმა, რომ ჯადოქარია. ნეტავ, რა შეიძლება უთხრას თავკაცმა შეგირდებს შესვენების დროს ისეთი ("იუნაიტედი" 2:0-ს აგებდა და თან მეორე გოლი ფსიქოლოგიურად ყველაზე ცუდ დროს - 45-ე წუთზე, დებიუტანტი მეკარის, დავიდ დე ხეას შეცდომის გამო გაუშვა), რომ გუნდი მეორე ტაიმში მოედანზე გავიდეს და ენითაუწერელი ხარისხის ფეხბურთით 3:2 მოიგოს.განსაკუთრებული აღნიშვნის ღირსად "იუნაიტედის" მეორე გოლი მიგვაჩნია. ჰოკეი ხომ გინახავთ? ხომ გახსოვთ, როგორ თამაშდება სწრაფი კომბინაცია სპორტის ამ ყინულოვან სახეობაში? დაახლოებით ასეთი რამ მოახერხა მოწინააღმდეგის საჯარიმოსთან (თუ შედარება სწორი არ გამოგვივიდა ბოდიშს ვიხდით) და საჯარიმოში ფერგიუსონის გუნდმა არა სრიალა ზედაპირზე, არამედ ბალახზე, ფეხბურთის ბურთით, რაც საბოლოოდ ნანის ტექნიკური დარტყმით და ანგარიშის გათანაბრებით დასრულდა.და ბოლო როგორი იყო? შეხვედრისთვის გამოყოფილი 90 წუთი რომ გაილია, მსაჯმა 4 წუთი წაამატა და ისიც მთავრდებოდა (ყველა პენალტების სერიას ელოდა), როდესაც უეინ რუნიმ "სიტის" მიერ კუთხურიდან ჩაწოდებული ბურთი ცენტრისკენ გადააგდო, სადაც ნანიმ ვენსან კომპანის აჯობა, უფრო სწორედ კი ბელგიელის "საჩუქრით" ისარგებლა, ჯო ჰარტთან პირისპირ შევიდა და გამარჯვების გოლი შეაგდო.ვატყობთ, შეხვედრის აღწერა უფრო ემოციური და ნაკლებად თანმიმდევრული გამოგვივიდა, ამიტომ, ახლა შევეცადოთ ეს ნაკლი გამოვასწოროთ. თავიდან შეტევას უფრო "იუნაიტედი" ცდილობდა და ნახევარმომენტები და "ჩხვლეტებიც" ჰქონდა, მაგრამ ყურებჩამოყრილი არც "სიტი" გახლდათ და 38-ე წუთზე ჯოლიან ლესკოტმა ანგარიში გახსნა - აუტის ხაზთან პატრის ევრა დაჯარიმდა, საიდანაც დავიდ სილვამ ჩააწოდა, ლესკოტი კი "იუნაიტედის" მცველებს შორის უშიშრად აფრინდა და თავური დარტყმით შეაგდო. მეორე, გოლი რობერტო მანჩინის გუნდმა, როგორც გითხარით, 45-ე წუთზე გაიტანა: მეტოქის საჯარიმოს ედინ ჯეკო მიუახლოვდა, დაარტყა და... ეს დარტყმა დავიდ დე ხეას უნდა მოეგერიებინა.მეორე ტაიმში ინგლისის ჩემპიონმა პირველი გოლი 52-ე წუთზე შეაგდო - კრის სმოლინგმა ეშლი იანგის ჩაწოდებულ ბურთს საჯარიმოში ფეხით სწორი მიმართულება მისცა. ამ ეპიზოდში ისტლენდელთა დაცვამ ბურთი სმოლინგამდე ძალიან იოლად გაატარა. დანარჩენი ორი გოლის ამბავი კი ზემოთ მოგახსენეთ.კიდევ ერთი რამ, რაზეც აუბილებლად უნდა შევაჩეროთ თქვენი ყურადღება: "ჯადოქარმა" ალექს ფერგიუსონმა შესვენებისას სიტყვიერი შეგონების გარდა ზემოქმედების სხვა ხერხსაც მიმართა - ერთბაშად სამი ფეხბურთელი შეცვალა, რომელთაგან ორი, ნემანია ვიდიჩი და რიო ფერდინანდი გამოცდილი ცენტრალური მცველები იყვნენ. მათ ნაცვლად ფერგიმ გამოუცდელი ფილ ჯონსი და ჯონი ევანსი შეიყვანა - ნეტავ წამყვანი მოთამაშეების შეცვლას რა შემთხვევაში მოაქვს შედეგი?დაბოლოს: მანჩინიმ ახალშეძენილი სერხიო აგუერო არ ათამაშა.ყოველდღიური სპორტული გაზეთი "ლელო"

[VIDEO] სემენიომ ისევ გაიტანა - "სიტიმ" "ნიუკასლი" დაამარცხა და EFL თასის ფინალისკენ პირველი ნაბიჯი გადადგა

"მანჩესტერ იუნაიტედს" ახალი მწვრთნელი ჰყავს

იუნაიტედი FA თასზე მესამე წრიდან გამოვარდა

"რუსეთში დაბრუნების ვარიანტს არ განვიხილავთ" - საზონოვის მამა შვილის შესაძლო ტრანსფერზე

[VIDEO] ლებრონის მორიგი ბრწყინვალე შეხვედრა - "ლეიკერსმა" "ატლანტა" დაამარცხა

ზურაბ საკანდელიძისა და მიხეილ ქორქიას მემორიალის ფინალში თსუ "ქუთაისს" შეხვდება

მიხეილ ნარიაშვილი - "ბორჯღალოსნების" შერკინების მწვრთნელი

საქართველოს ნაკრებმა ბოლო საკონტროლო შეხვედრა ალჟირთან ჩაატარა და ორი ბურთის სხვაობით დამარცხდა

ევროპის ჩემპიონატი. საქართველოს ნაკრები ხორვატიასთან დამარცხდა

"პაუზა არ ნიშნავს დანებებებას" - არაუხოს ემოციური სერილი "რეალთან" გამარჯვების შემდეგ

[VIDEO] გობერის უხეში ფოლი ვემბანიამაზე — დისკვალიფიკაცია და 200 ათას დოლარზე მეტი ჯარიმა!

[VIDEO] დონჩიჩის სუპერმატჩი საკმარისი არ აღმოჩნდა - "საკრამენტომ" "ლეიკერსი" დაამარცხა

"თასიდან გამოვარდნა სერიოზული დარტყმაა" - ზაბარნიმ "პარიზთან" მარცხის შემდეგ ისაუბრა

"ამას გრანდებთან ხომ არ იზამდა?" - "ბარნსლის" მწვრთნელი სობოსლაის საჩუქრით უკმაყოფილო დარჩა

ვერნერი კარიერას ქართველებისთვის კარგად ნაცნობ გუნდში გააგრძელებს

"ამ ქმედების გამო, ფეხბურთელებთან ურთიერთობა თავიდანვე ცუდად დაიწყო" - რას წერს ფაბრიციო რომანო ჩაბი ალონსოზე?

[VIDEO] მამუკელაშვილის 21 წუთი - "ტორონტომ" "ფილადელფია" ზედიზედ მეორედ ვერ დაამარცხა

გასაკვირია - როგორი შეფასებები მიიღეს მამარდაშვილმა და კვარაცხელიამ?

[VIDEO] ხვიჩას შეცვლა რომ საქმეს შველოდეს - პსჟ თასიდან "პარიზმა" გამოაგდო

[VIDEO] სობოსლაიმ მამარდაშვილს გოლი მოუგონა - "ლივერპულმა" გაიმარჯვა

ლუის ენრიკემ "პარიზთან" მატჩში შემადგენლობა დაასახელა

"არსენალს" რეკორდსმენი აუტების მწვრთნელი ეყოლება