საქართველოს მთავრობა ოლიმპიურ ჩემპიონებს მილიონ ლარს, ვერცხლისმედალოსნებს - ნახევარ მილიონს, ხოლო ბრინჯაოსპრიზიორებს 250 ათას ლარს გადასცემს

საქართველოს მთავრობა თითოეულ ოლიმპიურ ჩემპიონს მილიონ ლარს, ვერცხლისმედალოსანს - ნახევარ მილიონ ლარს, ხოლო ბრინჯაოსპრიზიორს - 250 ათას ლარს გადასცემს, - ამის შესახებ საქართველოს პრემიერ-მინისტრმა ირაკლი კობახიძემ ოლიმპიურ თამაშებზე ქართველი ოლიმპიელების გაცილების ცერემონიაზე სიტყვით გამოსვლისას განაცხადა.მთავრობის მეთაურმა აღნიშნა, რომ გუნდში მრავლად არიან ოლიმპიური ჩემპიონები, პრიზიორები, მსოფლიო ჩემპიონები და პრიზიორები, ევროპის ჩემპიონები და პრიზიორები, რაც ძალიან დამაიმედებელია.ირაკლი კობახიძემ სპორტსმენებს, მწვრთნელებს და ოლიმპიური გუნდის თითოეულ წევრს პარიზის ოლიმპიურ თამაშებზე გამგზავრების წინ წარმატება უსურვა.„მომდევნო რამდენიმე კვირის განმავლობაში მთელი ჩვენი საზოგადოების ყურადღება თავიდან ბოლომდე ოლიმპიურ თამაშებზე იქნება მიმართული. იცით, რამდენად დიდია ინტერესი, განსაკუთრებით, ბოლო პერიოდის განმავლობაში, ქართული სპორტის მიმართ და, რა თქმა უნდა, ოლიმპიური თამაშები ამ თვალსაზრისით გამონაკლისი არ იქნება. თავისთავად, ოლიმპიურ თამაშებში მონაწილეობა უკვე არის ძალიან დიდი წარმატება, პატივი და მინდა, ეს პატივი თითოეულ თქვენგანს მოგილოცოთ, მაგრამ აქვე უნდა გავიხსენოთ, რომ ოლიმპიური ტრადიციული დევიზი - „მთავარია მონაწილეობა და არა გამარჯვება" - ჩვენი ქვეყნისთვის, ჩვენი მოქალაქეებისთვის, ქართველებისთვის ყოველთვის მხოლოდ სიმბოლურ დატვირთვას ატარებდა. ჩვენთვის განმსაზღვრელი, მთავარი არის, რაც შეიძლება მეტი წარმატება ოლიმპიურ თამაშებზე, რაც შეიძლება მეტი ჩემპიონი, რაც შეიძლება მეტი მედალი და დარწმუნებული ვარ, რომ პარიზის ოლიმპიური თამაშები ჩვენი გუნდისთვის ამ თვალსაზრისით აბსოლუტურად გამორჩეული იქნება", - განაცხადა პრემიერ-მინისტრმა.მთავრობის მეთაურმა ქართული სპორტის განსაკუთრებულ მიღწევებსა და გუნდურ სახეობებში ბოლო პერიოდში არსებულ წარმატებაზე გაამახვილა ყურადღება.„პირველად ისტორიაში, ჩვენმა გუნდებმა სხვადასხვა სახეობაში განსაკუთრებულ წარმატებას მიაღწიეს. ჩვენმა ფეხბურთელებმა პირველად მიიღეს მონაწილეობა ევროპის ჩემპიონატში, გავიდნენ ჯგუფიდან, ეს იყო ძალიან დიდი წარმატება; ჩვენმა კალათბურთელებმა პირველად მიიღეს მონაწილეობა მსოფლიო ჩემპიონატში, სადაც 16 საუკეთესო გუნდს შორის მოხვდნენ; ძალიან დიდი წარმატება ჰქონდათ ჩვენს წყალბურთელებს, გავიდნენ მსოფლიოს და ევროპის ჩემპიონატებზე; მორაგბეებმა მოუგეს 6 ერის გუნდებს; ხელბურთელები პირველად გავიდნენ ევროპის ჩემპიონატზე. ეს ყველაფერი ნიშნავს იმას, რომ სპორტი ვითარდება, აღწევს მეტ და მეტ წარმატებას და ეს წარმატებული გზა უნდა გააგრძელოთ თქვენ პარიზის ოლიმპიურ თამაშებზე. დარწმუნებული ვარ, ეს ასეც იქნება. ჩვენი ოლიმპიური გუნდის შემადგენლობა ნამდვილად ძალიან გამორჩეული და შთამბეჭდავია. დარწმუნებული ვარ, გამორჩეულად წარმატებული იქნება პარიზის ოლიმპიური თამაშები ჩვენი გუნდისთვის მოგებული მედლებისა და პირველი ადგილების თვალსაზრისით. თითოეული აფრიალებული დროშა, აჟღერებული ჰიმნი არის განსაკუთრებული სიამაყის საგანი თითოეული ჩვენგანისთვის. ჩვენი პატარა ქვეყანა გამორჩეულია თავისი ოლიმპიური ტრადიციებით. ჩვენ, ქართველებმა, საბჭოთა პერიოდიდან მოყოლებული, მოვიგეთ 133 მედალი ოლიმპიურ თამაშებზე, მათ შორის 41 იყო ოქროს მედალი და არანაკლებ წარმატებული იყო ჩვენი ისტორია დამოუკიდებლობის აღდგენის შემდეგ. მინდა ვისარგებლო შემთხვევით და განსაკუთრებული მადლიერება და პატივისცემა გამოვხატო ჩვენი ვეტერანი ოლიმპიელების მიმართ, რომლებმაც შექმნეს ეს უდიდესი ტრადიცია ქართული სპორტისთვის", - განაცხადა მთავრობის მეთაურმა.პრემიერ-მინისტრმა აღნიშნა, რომ ტრადიციისამებრ, ოლიმპიადის პრიზიორებისთვის პრემია წესდება.„დარწმუნებული ვარ, თქვენ დამატებითი მოტივაცია არ გჭირდებით იმისთვის, რომ ბოლომდე იბრძოლოთ ჩემპიონობისთვის, მაგრამ ეს არის დამატებითი ფაქტორი, რომელიც თქვენს მოტივაციას ალბათ დამატებით აამაღლებს. მინდა დაგპირდეთ საქართველოს მთავრობის სახელით, რომ კვლავაც გაგრძელდება მხარდაჭერა ქართული სპორტის და ქართველი ოლიმპიელების, ოლიმპიური გუნდის მიმართ და ეს მხარდაჭერა წლიდან წლამდე კიდევ უფრო მეტად გაიზრდება. მინდა, გისურვოთ ძალიან დიდი წარმატებები ოლიმპიურ თამაშებზე", - აღნიშნა ირაკლი კობახიძემ.ოლიმპიურ თამაშებზე ქართველი ოლიმპიელების გაცილების ცერემონიისას სტუმრებს სიტყვით მიმართა საქართველოს ოლიმპიური კომიტეტის პრეზიდენტმა ლერი ხაბელოვმა. ქართველ ოლიმპიელებს წარმატებული ასპარეზობა უსურვეს საქართველოს პრეზიდენტმა სალომე ზურაბიშვილმა, პარლამენტის თავმჯდომარე შალვა პაპუაშვილმა, თბილისი მერმა კახა კალაძემ, საფრანგეთის რესპუბლიკის ელჩმა საქართველოში შერაზ გასრიმ, ოლიმპიური კომიტეტის საპატიო პრეზიდენტმა ნონა გაფრინდაშვილმა და საქართველოს საპატრიარქოს წარმომადგენელმა, დეკანოზმა არჩილ ხაჩიძემ. ქართველმა ოლიმპიელებმა ოლიმპიური ფიცი დადეს და ოლიმპიურ თამაშებზე გამგზავრებამდე ერთობლივი ფოტო გადაიღეს.მთავრობის ადმინისტრაციის პრესსამსახური

გიორგი

ამერიკელი მოციგურავე იყო, მარკ ჰაიდენი. ყველა დისტანცია მოიგო და 5 ოქროს მედალი აიღო ერთ ოლიმპიადაზე. მგონი ზამთრის ოლიმპიადების რეკორდია. მერე აღარც გამოსულა შეჯიბრებეზე და გასაკვირვი არცაა. ბოლო წელი მომზადების პირობები რომ ჰქონოდა ღამის დარაჯად მუშაობდა. როგორია სპორტსმენისთვის? საწყალი ამერიკა, ღარიბი ქვეყანაა და ვერ ეხმარებოდა მთავრობა.
გიორგი

საქართველოს 'მთავრობას' ვუსურვებ მთავრობა იყოს და არა წინა 'მთავრობებივით', მოსახლეობის მყვლეფავი ბანდა. შეეშვას ორკაპიკიანი პიარ-აქციებით მოსახლეობისთვის ტვინის გამორეცხვას, და პირველ რიგში შეუქმნას მას აუცილებელი პირობები რომ ლუკმა-პურისთვის ხალხი ქვეყნიდან არ გარბოდეს. სულ მალე, 10 წელიწადში, 2035 წლისთვის გაეროს გათვლებით, თუ არაფერი შეიცვალა 'უმცირესობაში იქნებიანო საკუთარ ტერიტორიაზე'. ადრე 2050 წელი იყო მითითებული; დრო ეტყობა დაჩქარდა, და ეხლა 2035 წლამდე ჩამოაქვეითეს, ისე რომ 'გიხაროდენ', თავადაც მოესწრებით ამ დღეს.
IMERELI

სპორტსმენი უნდა ქვეყნისთვის ერისთვის და ბოლოს საკუთარი თავისთვის იბრძოდეს და იღებდეს მედლებს და არა ამათი ქოცური პოპულისტური ფულის გადაყრისთვის, ნუ ეტმასნებით წესიერ ხალხს და ნუ აფუწებთ ბინძური ხელებით.
საქართველო

ამერიკელები მათ ჩემპიონს მხოლოდ 87 000 დოლარს აძლევენ,ნეტავ მეტის საშუალება გვქონდეს,მეტსაც იმსახურებენ ჩვენი სპორტსმენები
alexandre

წარმატებებს გისურვებთ! ყველა თქვენთაგანი შვილებივით უყვარს ჩემ თაობას! გაიხარეტ და გაგვახარეთ!
Tete1234

ამ ოლიმპიელებს უფრო მეტი ეკუთვნის ვინც ოქროს მოიგებ და საპრიზო ადგილებზე გავლენ. წარმატებები საქართველოს ოლიმპიადაზე რაც შეიძლება მეტი ოქრო გოგოებო და ბიჭებო
ეეე

ეს 2004-ის მერე ეგრეა ცხონებულმა ბადრიმ დააწესა.

იმედი L-ის მომხმარებელს AI ასისტენტი მოემსახურება

წარმოუდგენელი პატივი - ანტონიო ბანდერასმა ილია თოფურიას პირდაპირ ეთერში უმღერა [VIDEO]

“გავედი ოთახში, არჩევნებიდან რამდენიმე საათში რეკავს ტელეფონი და სააკაშვილი მეუბნება…” - ნემსაძემ სფფ-ის პრეზიდენტობის სკანდალური არჩევნები გაიხსენა

ტერ შტეგენს სერია A-ს ვარიანტი გამოუჩნდა

ჩაომ "კომოს" ბოლო მომენტში უარი უთხრა და პრემიერ ლიგის ვარიანტი აქვს

უოლკერი პრემიერ ლიგას დაუბრუნდა და ახალ გუნდში ჩაირიცხა

"რეალმა" "დორტმუნდს" სძლია და ნახევარფინალში პსჟ-ს შეხვდება

პსჟ-ს და "ბაიერნის" პირველი ტაიმი 0:0 დასრულდა

"ბაიერნთან" მატჩში პსჟ-ს სასტარტო შემადგენლობა ცნობილია

"ნაპოლი" "ფიორენტინას" თავდამსხმელის შეძენას შეეცდება

U15 | სასელექციო პროექტი დასრულდა - ქუთაისში რეგიონულ ნაკრებთა მატჩი გაიმართა

"რეალმა" როდრიგოს გაყიდვა გადაწყვიტა - ბრაზილიელის დამატება "არსენალს" სურს

16 წლამდე გოგონათა ნაკრები ევროპის ჩემპიონატამდე ლატვიაში მოემზადება

"ლივერპულის" დიდებული ჟესტი ჟოტას ოჯახის მიმართ

პარტეის 5 გაუპატიურებისა და 1 სექსუალური შევიწროების საქმეზე ბრალი წარედგინა

[VIDEO] როცა სიტყვები ზედმეტია - რუბენ ნევეშისა და ჟოაო კანსელოს რეაქცია ჟოტასთვის მიძღვნილი წუთიერი დუმილის დროს

"ჩელსიმ" "პალმეირასი" დაამარცხა და ნახევარფინალში ითამაშებს [VIDEO]

საკლუბო მუნდიალის პირველი ნახევარფინალისტი გაირკვა

შეუცვლელი კვარაცხელია და დემბელეს დაბრუნება - ალ-ხელაიფის სეზონის ტრიუმფით დაგვირგვინება სურს

U20. [VIDEO] სამი ლელო არ გვეყო - საქართველოს ნაკრები ახალ ზელანდიასთან დამარცხდა

მამუკელაშვილმა "ტორონტო რეპტორზთან" ორწლიანი კონტრაქტი გააფორმა

"რეალი" ფეხბურთელებს არნახულ თანხას დაჰპირდა - საკლუბო მუნდიალის მოგება სტრატეგიული მნიშვნელობისაა

პსჟ VS "ბაიერნი" - კვარაცხელია და კეინი კარგ ფორმაში არიან!