აქაც ჩემპიონის გარეშე

კანადაში გამართულ ქალთა ტურნირში ბრძოლას რეიტინგის პირველი ნომერი და მოქმედი ჩემპიონი კაროლინ ვოზნიაცკი გამოეთიშა სენსაციის გარეშე არც ქალების ტურნირს ჩაუვლია. ბრძოლას გამოეთიშა რეიტინგის პირველი ნომერი და მოქმედი ჩემპიონი კაროლინ ვოზნიაცკი.დანიელს მეტოქედ იტალიელი რობერტა ვინჩი ჰყავდა, რომლის საყვარელი საფარი გრუნტია - ამ კორტზე მან წელს სამი ტურნირი მოიგო. ჰარდზე კი, რა თქმა უნდა, ვოზნიაცკი გახლდათ ფავორიტი. ისიც გასათვალისწინებელი იყო, რომ იტალიელს აქამდე რეიტინგის ტოპ-ხუთეულის წარმომადგენლებთან 17 მატჩი ჰქონდა ჩატარებული და ყოველთვის დამარცხებულმა დატოვა კორტი.ამჯერად ვინჩიმ ნავსი გატეხა. ვოზნიაცკი ძალიან ბევრს ცდებოდა და საბოლოოდ, 35 უნებლიე შეცდომა დაუგროვდა. სწორედ ამის გამო წააგო მან პირველი სეტი - 4:6. თუმცა დანიელმა მეორეში 5:1 წაიყვანა ანგარიში და თითქოს საბოლოოდ მოიპოვა ინიციატივა. მაგრამ ვინჩიმ ჯერ 1:5-ზე მოიგერია სეტბოლი, 2:5-ზე კიდევ ორჯერ გამოძვრა ასეთი რთული სიტუაციიდან, რამაც მას თავდაჯერებულობა დაუბრუნა და საბოლოოდ, ზედიზედ ექვსი გეიმის მოგებით დღის ერთ-ერთი მთავარი სენსაცია დააფიქსირა - 6:4, 7:5."ეს ჩემს კარიერაში უდიდესი გამარჯვებაა, - განაცხადა 28 წლის ვინჩიმ. - პირველი სეტში მეტოქე ბევრ შეცდომას უშვებდა და ამან საქმე გამიადვილა, სამაგიეროდ, მეორეში ვოზნიაცკი ყველა ბურთზე იბრძოდა. ასეთ სიტუაციაში აგრესიული თამაში მჭირდებოდა, რასაც მივაღწიე კიდეც".ვინჩის შემდეგი მეტოქე იქნება ანა ივანოვიჩი, რომელმაც ძალიან იოლად დაამარცხა ჩეხი ივეტა ბენეშოვა. მაგრამ სერბმა მაინც ძალიან ინერვიულა შეხვედრის დროს. ამის მიზეზი მოწინააღმდეგის კარგი თამაში არ ყოფილა. საქმე ისაა, რომ მატჩის მსვლელობისას ერთ-ერთი გასანათებელი კონსტრუქცია ჩამოინგრა და პირდაპირ კორტზე დაეცა. საბედნიეროდ, არავინ დაშავებულა, მატჩი კი გარკვეული დროით შეწყდა.* * *უიმბლდონზე გამარჯვების შემდეგ პირველად გამოჩნდა კორტზე ჩეხი პეტრა კვიტოვა. ესპანელ ანაბელ მედინა გარიგესთან მატჩში მას მხოლოდ პირველი სეტის სტარტზე ჰქონდა მცირე პრობლემა, როცა 1:3 ჩამორჩა, მაგრამ ტაი-ბრეიკამდე მიაღწია და იქ 7:3 მოიგო, მეორე პარტიაში კი გაცილებით იოლი იყო ყველაფერი - 6:3.რაც შეეხება როლან გაროსის ჩემპიონს ნა ლის, ის ჩინურ დერბიში უნდა შეხვედროდა შუაი პენგს, მაგრამ ეს უკანასკნელი მატჩის წინ მოიხსნა ტრავმის გამო.სერენა უილიამსმა მეორე შეხვედრა მოიგო ტორონტოში. ამერიკელი პირველ სეტში ძალიან იოლად გაუსწორდა გერმანელ იულია გორჯესს, სამაგიეროდ, მეორე სეტში გარკვეული პრობლემები შეექმნა და ტაი-ბრეიკში ოთხმაგი მატჩბოლიც კი გაანიავა, თუმცა მაინც მოახერხა ორ სეტში ჩატევა.წარმატებული სტარტი ჰქონდათ სხვა განთესილებსაც. მარია შარაპოვა ბოიანა იოვანოვსკის ეთამაშებოდა. ახალგაზრდა სერბმა ამ სეზონში რამდენიმე კარგი გამოსვლა აჩვენა, მაგრამ ჯერ სტაბილურობა არ ჰყოფნის. პირველ სეტში შარაპოვას აგრესიულ თამაშს ვერაფერი დაუპირისპირა, მაგრამ მეორეში გამოცოცხლდა და ერთ მომენტში ბრეიკითაც კი დაწინაურდა, მაგრამ სერენას მსგავსად არც რუსმა მოისურვა მესამე სეტის თამაში - 6:1, 7:5. მარიას შემდეგ ეტაპზე ყახაზი გალინა ვოსკობოევა ელის, რომელმაც მარიონ ბარტოლის დამარცხების შემდეგ ფლავია პენეტა ჩამოიცილა გზიდან.როგორც ჩანს, კარგ ფორმაშია ბელარუსი ვიქტორია აზარენკა - მსოფლიოს მეოთხე ჩოგანმა 63 წუთში ერთი გეიმიც არ მისცა სტეფანი დუბუას.WTARogers Cupტორონტო (კანადა). ჰარდისაპრიზო ფონდი: 2 050 000 დოლარი1/16 ფინალირობერტა ვინჩი (იტა)-კაროლინ ვოზნიაცკი (დან, 1) 6:4, 7:5; ვერა ზვონარევა (რუს, 3)-ნადია პეტროვა (რუს) 7:5, 6:4; ვიქტორია აზარენკა (ბლრ, 4)-სტეფანი დუბუა (კან) 6:0, 6:0; მარია შარაპოვა (რუს, 5)-ბოიანა იოვანოვსკი (სერ) 6:1, 7:5; ნა ლი (ჩინ, 6)-შუია პენგი (ჩინ) პენგის უარი; პეტრა კვიტოვა (ჩეხ, 7)-ანაბელ მედინა გარიგესი (ესპ) 7:6(3), 6:3; ფრანჩესკა სკიავონე (იტა, 8)-ეკატერინა მაკაროვა (რუს) 6:1, 6:3; სამანტა სტოსური (ავსტრა, 10)-ალექსანდრა ვოზნიაკი (კან) 6:3, 6:4; ანდრეა პეტკოვიჩი (გერ, 11)-გრეტა არნი (უნგ) 6:4, 7:5; აგნიეშკა რადვანსკა (პოლ, 13)-პეტრა მარტიჩი (ხორ) 6:3, 6:3; ანა ივანოვიჩი (სერ)-ივეტა ბენეშოვა (ჩეხ) 6:3, 6:2; ლუსი საფაროვა (ჩეხ)-სიმონა ჰალეპი (რუმ) 6:2, 6:4; სერენა უილიამსი (აშშ)-იულია გორჯესი (გერ) 6:1, 7:6(7); მარია ხოსე მარტინეს სანჩესი (ესპ)-დანიელა ჰანტუხოვა (სლოვაკ) 7:5, 6:2; გალინა ვოსკობოევა (ყაზ)-ფლავია პენეტა (იტა) 2:6, 6:3, 6:2.1/8 ფინალივინჩი-ივანოვიჩი; სტოსური (10)-ლი (6); ზვონარევა (3)-ა. რადვანსკა (13); პეტკოვიჩი (11)-კვიტოვა (7); შარაპოვა (5)-ვოსკობოევა; მარტინეს სანჩესი-აზარენკა (4); სკიავონე (8)-საფაროვა; ს. უილიამსი-ჟენგი.ყოველდღიური სპორტული გაზეთი "ლელო"

"შავი ლომი" ირლანდიაში 0:52 დამარცხდა

[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ

[VIDEO] მაგიური დუელი ტურინში - სინერმა ალკარასი დაამარცხა

დეკემბერში პსჟ-ს საუკეთესო ფეხბურთელად საფონოვი დაასახელეს

"ბაიერნი" "რეალს" და "მანჩესტერ სიტის" ფეხბურთელს მხოლოდ სარეკორდო თანხად მიჰყიდის

ბასტონიმ შესაძლოა, "ინტერი" დატოვოს - იტალიელის გადასაბირებლად ორი გრანდი იბრძვის

სანდრო ალთუნაშვილი "ჰაპოელის" ფეხბურთელი გახდა

ოფიციალურად - "ლიონმა" "რეალისგან" ენდრიკი ინათხოვრა

სპორტის სამინისტრომ 2025 წლის საუკეთესო სპორტსმენები დაასახელა

პსჟ-ს ტრავმის გამო შემტევი გამოაკლდა

ლევან კობიაშვილმა ფიფას კომიტეტის სხდომას უხელმძღვანელა

ტიკნიზიანი: სომხეთის დედაქალაქი მაიამია - ყოველ სომეხს აშშ-ს პასპორტი უნდა ჰქონდეს

პსჟ-ს და კვარაცხელიას უნიკალური მიღწევა - ამითაა ლუის ენრიკეს გუნდი გამორჩეული

18-წლამდელთა ნაკრები გიორგი ნემსაძემ ჩაიბარა

წლის საუკეთესო მებრძოლი - პოპულარულმა MMAJunkie-მ და ESPN-მა მერაბ დვალიშვილი აღიარეს

მეინუს აღარ გაუშვებენ - "მანჩესტერ იუნაიტედი" თავის აღზრდილს მინიმუმ ზაფხულამდე დაიტოვებს

"ბარსელონა" დაცვას გააძლიერებს - რა გეგმები აქვთ კატალონიელებს ზამთრის სატრანსფერო ფანჯარაზე

"მილანმა" ორიჯის კონტრაქტი გაუწყვიტა - თითქმის 2-წლის უთამაშებლობის მიუხედავად, ის 4 მილიონს გამოიმუშავებდა

"თამაშობ და იცი, რომ ალისონი დაბრუნდება, მაშინვე სათადარიგოთა სკამზე ხარ" - კელეჰერი "ლივერპულიდან" წასვლაზე

გვარდიოლას გვარდიოლის დიდი ხნით შენარჩუნება უნდა - "სიტი" იოშკოსთან ახალ კონტრაქტზე მუშაობს

[PHOTO] მხოლოდ პირსახოცით - "შახტარის" ფეხბურთელის მეუღლის მიერ სააბაზანოდან გამოქვეყნებულ თამამ ფოტოებს დიდი აჟიოტაჟი მოჰყვა

ზირკზე კვლავ სერია A-ში? - მოლაპარაკებები უკვე დაწყებულია

[VIDEO] ბითაძის 14 წუთი - "გოლდენ სტეიტმა" "ორლანდო მეჯიქი" დაამარცხა