<p>საინტერესო მოსაზრება გამოთქვა ფორმულა 1-ში მსოფლიოს 1997 წლის ჩემპიონმა, კანადელმა ჟაკ ვილნევმა <br> საინტერესო მოსაზრება გამოთქვა ფორმულა 1-ში მსოფლიოს 1997 წლის ჩემპიონმა, კანადელმა ჟაკ ვილნევმა. მისი აზრით, ფინელმა კიმი რაიკონენმა 2007 წელს "ფერარის" ბოლიდით სრულიად შემთხვევით, იღბალის წყალობით მოიგო მსოფლიოს ჩემპიონატი.</p><p>"თუ კიმიმ ტიტულის მოპოვება მოახერხა, ეს მხოლოდ და მხოლოდ იღბალის დამსახურებაა. ფინელს არ ეკუთვნოდა იმ წელს გამარჯვება. ფელიპე მასა იყო მაშინდელ სეზონში ტიტულის ყველაზე ღირსეული კანდიდატი. ჩემი აზრით, ბრაზილიელი ყოველთვის რაიკონენზე ნიჭიერი და მონდომებული პილოტი იყო", - თამამად ამბობს ვილნევი კანადური პრესისთვის მიცემულ ინტერვიუში.</p><p>მსოფლიოს ყოფილმა ჩემპიონმა ისიც დაამატა, რომ არ ესმის ამ სეზონში მასას მიმართ გამოთქმული კრიტიკა. კანადელის აზრით, ბრაზილიელი პილოტი "ფერარის" წარმატებისთვის უდიდესი მოცულობის სამუშაოს ასრულებს.</p><p>"პრობლემა იმაშია, რომ ალონსომ "ფერარიში" მისვლისთანავე დაიკავა პრივილეგირებული მდგომარეობა. როცა ასეთი რამ ხდება, ეს გარკვეულ ენერგიას ქმნის, ხალხს სჯერა ლიდერის. ისეთი შთაბეჭდილება იქმნება, რომ თუ "ფერარი" გაიმარჯვებს, ამას მხოლოდ ალონსო გააკეთებს. ეს კი რთულ სიტუაციაში აგდებს გუნდის მეორე პილოტს, რომელსაც ორმაგი ზეწოლისთვის უწევს გამკლავება.</p><p>სწორედ ამ პრობლემას უნდა შეეჭიდოს ფელიპე. მას აქვს სისწრაფე, შეუძლია პილოტირების დონე აამაღლოს. ამაში ეჭვი არ მეპარება. მაგრამ მან ჩვეულებრივზე მეტი უნდა გააკეთოს, რადგან გუნდი ალონსოს მხარესაა, რაც ნორმალურია, რადგან ესპანელი მსოფლიოს ორგზის ჩემპიონი გახლავთ.</p><p>მასას ბევრი რბოლა აქვს მოგებული და ერთხელ კინაღამ ჩემპიონი გახდა. ის შესანიშნავი პილოტია და დღესაც კარგად გამოდის "ფერარიში". არ მესმის იმ ადამიანების, რომლებიც ბრაზილიელს აკრიტიკებენ", - დაასრულა მასას ადვოკატობა ვილნევმა.</p><p><strong>ყოველდღიური სპორტული გაზეთი "ლელო"</strong></p>
მოდელს მომღერალი არჩია - ლამინ იამალს არგენტინელ ქალბატონთან რომანი აქვს
მაუროს თავს ცუდი ამბებია, შვილები აღარ ელაპარაკებიან და ერთ-ერთმა გვარის შეცვლა გადაწყვიტა
[VIDEO] ზურაბ კახაბრიშვილის გმირობა - მადლიერი უნგრელი სპორტსმენის ინტერვიუ
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
"ჩეფერინი რუსულ ფეხბურთზე გიჟდება და მის ევროპულ არენაზე დასაბრუნებლად იმაზე მეტს აკეთებს, ვიდრე შეუძლია" - ვალერი კოლოტილო
მატჩის დღე! ხვიჩა კვარაცხელია განაცხადში არაა