- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
სენსაციების წვიმა გრძელდება
<p>გუშინ, 12 აგვისტოს მონრეალისა და ტორონტოს ტურნირებზე მერვედფინალური ეტაპის მატჩები გაიმართა და მორიგი სენსაციები დაფიქსირდა <br> გუშინ, 12 აგვისტოს მონრეალისა და ტორონტოს ტურნირებზე მერვედფინალური ეტაპის მატჩები გაიმართა და მორიგი სენსაციები დაფიქსირდა. ბრძოლას გამოეთიშნენ: როჯერ ფედერერი, მარია შარაპოვა, როლან გაროსისა და უიმბლდონის ჩემპიონები - ნა ლი და პეტრა კვიტოვა...</p><p>მონრეალის მასტერსზე მორიგი სენსაციის ავტორი გახდა ჟო-ვილფრიდ ცონგა. თუმცა ფრანგმა ისე შეგვაჩვია ფედერერის დამარცხებებს, რომ, შესაძლოა, თავად სულაც არ თვლიდეს როჯერის ბარიერის გავლას სენსაციად. ბოლოს ეს ჩოგბურთელები უიმბლდონზე შეხვდნენ ერთმანეთს და ცონგამ 0:2-დან მოუგო მეოთხედფინალი თანამედროვე ჩოგბურთის ცოცხალ ლეგენდას.</p><p>პირველ სეტში ჩოგბურთელები დამაჯერებლად ინარჩუნებდნენ საკუთარ მოწოდებებს, თუმცა ბოლოსკენ ფედერერმა მოუმატა და სამი ბრეიკ-პოინტიც მიიღო. აქედან ერთ-ერთი სეტბოლი იყო, თუმცა როჯერმა შანსი ვერ გამოიყენა, ტაი-ბრეიკზე კი ცონგამ შანსი არ დაუტოვა შვეიცარიელს - 7:6(7:3).</p><p>მეორე სეტის სტარტზე როჯერმა იძალა და ბრეიკი გააკეთა. ცონგას შეეძლო დაკარგული მოწოდების დაბრუნება, როცა 3:4-ზე სამმაგი ბრეიკ-პოინტი მიიღო, მაგრამ ეს შანსი არარეალიზებული დარჩა და შვეიცარიელმა საქმე გამარჯვებამდე მიიყვანა - 6:4. ამ პარტიის ბოლოსკენ ჟო-ვილფრიდმა ისევ იპოვნა შემტევი თამაში და ამან მესამე სეტში გადამწყვეტი როლი ითამაშა. ცონგა შეტევაში იდეალურად მოქმედებდა და მის ფონზე ფედერერის თამაში გაფერმკრთალდა. ფრანგი ორი ბრეიკის წყალობით 5:0 დაწინაურდა და როჯერმა შემდეგ მხოლოდ ერთი გეიმის აღება მოასწრო.</p><p>ცონგა მეოთხედფინალში ესპანელ ნიკოლას ალმაგროზე გავიდა, რომელმაც ორ სეტში მოუგო ფრანგ რიშარ გასკეს, თუმცა პირველ პარტიაში ხუთი სეტბოლის მოგერიება მოუწია.</p><p>კიდევ რამდენიმე მატჩში გახდა საჭირო სამი სეტის ჩატარება. მასპინძელმა მარდი ფიშმა ლატვიელ ერნესტ გულბისს ორი კვირის წინ ლოს ანჯელესის ფინალში წაგებისთვის აუღო რევანში. სტანისლას ვავრინკასაც გაუჭირდა ენდი მიურეის მძლეველი კევინ ანდერსონის დამარცხება, მაგრამ ყველაზე მეტად გაელ მონფილსმა იწვალა, რომელსაც სერბ ვიქტორ ტროიცკისთან მეორე სეტში სამი მატჩბოლის მოგერიება მოუწია, მესამე სეტში კი მატჩზე არ ჩააწოდებინა მეტოქეს.</p><p>მონფილსი მეოთხედფინალში ნოვაკ ჯოკოვიჩს შეხვდება. სერბმა სეზონში საიუბილეო - 50-ე გამარჯვებას ხორვატ მარინ ჩილიჩის წინააღმდეგ მიაღწია, თუმცა მის მოქმედებას იდეალურამდე ბევრი აკლდა. აღსანიშნავია, რომ ჯოკოვიჩმა ჩილიჩს ექვსიდან ექვსი მატჩი მოუგო. ასეთივე სტატისტიკა აქვს მას მომავალ მეტოქესთან - გაელ მონფილსთან.</p><p>არ გაუმართლა კიდევ ორ ხორვატს - ივო კარლოვიჩსა და ივან დოდიგს. ეს უკანასკნელი ისე გამოიფიტა ფიზიკურად და ემოციურად რაფაელ ნადალის დამარცხების შემდეგ, რომ თითქმის უბრძოლველად წააგო იანკო ტიპსარევიჩთან - 1:6, 4:6.</p><p><strong>* * *</strong></p><p>სასწაულებს ახდენს ქალთა ტურნირზე ყაზახი გალინა ვოსკობოევა. ძირითად ბადეში კვალიფიკაციიდან მოხვედრილმა ჩოგბურთელმა ერთმანეთის მიყოლებით გამოთიშა ბრძოლას მარიან ბარტოლი, ფლავია პენეტა და მარია შარაპოვა.</p><p>ეს ჩოგბურთელი ტრავმით გამოწვეული ხანგრძლივი პაუზის შემდეგ ამ სეზონის დასაწყისში დაბრუნდა ტურში. რეიტინგში სადღაც მეშვიდე ასეულში ეჭირა ადგილი, მაგრამ თანდათან ზემოთ აიწია და ბაქოს ტურნირის ნახევარფინალში გასვლით საუკეთესო ასეულს მიუახლოვდა. ახლა კი ყაზახი ფორმის პიკზე გავიდა და ტორონტოში ავტორიტეტებს არ უშინდება.</p><p>შარაპოვასთან მატჩის პირველ სეტში მან ერთი ბრეიკის წყალობით გაიმარჯვა, მეორეში კი გაუჭირდა, რადგან რუსი ორჯერ დაწინაურდა ბრეიკით, მაგრამ მოწოდებამ დააღალატა. ვოსკობოევამ ორივეჯერ დაიბრუნა დაკარგული, შემდეგ 40:0-ზე სამმაგი მატჩბოლი გაანიავა, თუმცა იქვე კიდევ ერთი ბრეიკი გააკეთა და მეოთხედფინალში გავიდა, რისი წყალობითაც ორშაბათს რეიტინგის პირველ ასეულში შეაბიჯებს, შარაპოვა კი ორი პოზიციის დაქვეითდება და წინ გაუშვებს ჩინელ ნა ლისა და ჩეხ პეტრა კვიტოვას.</p><p>სხვათა შორის, ამ ჩოგბურთელებს ("დიდი სლემის" ბოლო ორი ტურნირის ჩემპიონები) მერვედფინალში იმედგაცრუება ელოდათ. განსაკუთრებით შეირცხვინა თავი უიმბლდონის ტრიუმფატორმა პეტრა კვიტოვამ, რომელმაც მხოლოდ სამი გეიმი აართვა გერმანელ ანდრეა პეტკოვიჩს. რაც შეეხება როლან გაროსის ჩემპიონ ნა ლის, მან მეტნაკლებად გაუწია წინააღმდეგობა ავსტრალიელ სამანტა სტოსურს, მაგრამ მაინც ორ სეტში დამარცხდა - 2:6, 4:6. ეს არც იყო გასაკვირი, რადგან ჩინელს სამანტასთან საშინელი სტატისტიკა აქვს - ოთხიდან ოთხი წაგება ისე, რომ ერთი სეტიც არ მოუგია.</p><p>ძირითად ბადეს არც ერთი რუსი აღარ შემორჩა. გასულ კვირას კარლსბადის ტურნირის ფინალში წაგებისთვის რევანში ვერ აიღო ვერა ზვონარევამ - ის ზედიზედ მეორედ დაამარცხა პოლონელმა აგნიეშკა რადვანსკამ.</p><p>კაროლინ ვოზნიაცკის ძლევის შემდეგ იტალიელმა რობერტა ვინჩიმ ანა ივანოვიჩსაც მოუგო და ამის ორშაბათიდან კარიერაში პირველად დაიმკვიდრებს ადგილს საუკეთესო ოცეულში.</p><p>ბოლო მეოთხედფინალური წყვილი ლუსი საფაროვამ და სერენა უილიამსმა შეადგინეს. ჩეხმა ორ სეტში დაამარცხა შარშანდელი როლან გაროსის ჩემპიონი ფრანჩესკა სკიავონე, სერენამ კი ძალიან ლამაზ მატჩში ჩინელ ჟიე ჟენგს სძლია. აზიელი შესანიშნავად მოქმედებდა კონტრშეტევებზე, მაგრამ მნიშვნელოვან გათამაშებებში ამერიკელის კლასი გადამწყვეტი იყო. საბოლოოდ, ორსაათიან ბრძოლაში სერენამ სამ სეტში მოიგო - 4:6, 6:3, 6:3.</p><p><strong>ATP</strong></p><p>Rogers Cup</p><p>ტორონტო (კანადა). ჰარდი</p><p>საპრიზო ფონდი: 398 250 ევრო</p><p><em>1/8 ფინალი</em></p><p>ნოვაკ ჯოკოვიჩი (სერ, 1)-მარინ ჩილიჩი (ხორ) 7:5, 6:2; გაელ მონფილსი (საფ, 5)-ვიქტორ ტროიცკი (სერ, 12) 3:6, 7:6(0), 7:6(5); ჟო-ვილფრიდ ცონგა (საფ, 13)-როჯერ ფედერერი (შვეიც, 3) 7:6(3), 4:6, 6:1; ტომაშ ბერდიხი (ჩეხ, 7)-ივო კარლოვიჩი (ხორ) 6:3, 7:6(2); სტანისლას ვავრინკა (შვეიც, 14)-კევინ ანდერსონი (ს. აფრ) 6:4, 4:6, 6:4; მარდი ფიში (აშშ, 6)-ერნესტ გულბისი (ლატ) 4:6, 6:3, 6:4; ნიკოლას ალმაგრო (ესპ, 8)-რიშარ გასკე (საფ, 10) 7:6(5), 6:3; იანკო ტიპსარევიჩი (სერ)-ივან დოდიგი (ხორ) 6:1, 6:4.</p><p><em>1/4 ფინალი</em></p><p>ჯოკოვიჩი (1)-მონფილსი (5); ცონგა (13)-ალმაგრო (8); ფიში (6)-ვავრინკა (14); ბერდიხი (7)-ტიპსარევიჩი.</p><p><strong>WTA</strong></p><p>Rogers Cup</p><p>ტორონტო (კანადა). ჰარდი</p><p>საპრიზო ფონდი: 2 050 000 დოლარი</p><p><em>1/8 ფინალი</em></p><p>აგნიეშკა რადვანსკა (პოლ, 13)-ვერა ზვონარევა (რუს, 3) 6:4, 7:6(4); ვიქტორია აზარენკა (ბლრ, 4)-მარია ხოსე მარტინეს სანჩესი (ესპ) 6:1, 6:2; გალინა ვოსკობოევა (ყაზ)-მარია შარაპოვა (რუს, 5) 6:3, 7:5; სამანტა სტოსური (ავსტრა, 10)-ნა ლი (ჩინ, 6) 6:2, 6:4; ანდრეა პეტკოვიჩი (გერ, 11)-პეტრა კვიტოვა (ჩეხ, 7) 6:1, 6:2; რობერტა ვინჩი (იტა)-ანა ივანოვიჩი (სერ) 7:6(3), 6:2; სერენა უილიამსი (აშშ)-ჟიე ჟენგი (ჩინ) 4:6, 6:3, 6:3; ლუსი საფაროვა (ჩეხ)-ფრანჩესკა სკიავონე (იტა, 8) 6:3, 6:3.</p><p><em>1/4 ფინალი</em></p><p>ვინჩი-სტოსური (10); ა. რადვანსკა (13)-პეტკოვიჩი (11); ვოსკობოევა-აზარენკა (4); საფაროვა-ს. უილიამსი.</p><p><strong>ყოველდღიური სპორტული გაზეთი "ლელო"</strong></p>
მხოლოდ 1 გეიმი - ბასილაშვილმა პეკინის ტურნირზე გამოსვლა დაასრულა
უცნაურია - მუსეტიმ ზედიზედ მეხუთე ფინალი წააგო
ბასილაშვილი ფორმაში შედის - ATP-ის ტურნირის მეოთხედფინალში გავიდა და ასეულში დაბრუნების შანსი აქვს
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ