<p>ცინცინატში მიმდინარე ქალთა ტურნირის პირველ დღეს გერმანელმა ანდრეა პეტკოვიჩმა თითქმის წაგებული მატჩის მოგება შეძლო <br> ცინცინატიში ქალებმა დაიწყეს ურთიერთობის გარკვევა და პირველივე დღეს ორი საინტერესო მატჩი გაიმართა, რომლებშიც გერმანელმა ჩოგბურთელებმა მიიღეს მონაწილეობა.</p><p>თითქოს არაფერი უცნაური არ უნდა იყოს იმაში, რომ მსოფლიოს 24-ე ჩოგანმა 22-ე დაამარცხოს. სწორედ ასე მოხდა გუშინ, მაგრამ ამ მატჩის შედეგი დღის მთავარ მოულოდნელობად მოინათლა.</p><p>შაარ პეერი ამა წლის აპრილში მსოფლიოს მე-11 ჩოგანი იყო და ერთი მოგება აკლდა იქამდე, რომ ისტორიაში ტოპ-ათეულის პირველი ებრაელი წარმომადგენელი გამხდარიყო. მაგრამ პეერმა ეს ვერ მოახერხა, შემდეგ კი ექვსი ტურნირიდან ხუთში პირველივე წრიდან გამოეთიშა ბრძოლას, მათ შორის წინა კვირას ტორონტოში, როცა მსოფლიოს 150-ე ჩოგანთან ალექსანდრა ვოზნიაკთან 1:6, 0:6 წააგო.</p><p>პეერის მეტოქე იყო გერმანელი საბინ ლისიცკი, რომელმაც წელს უიმბლდონზე ნამდვილი ფურორი მოახდინა, ისრაელელთან მატჩს კი შესანიშნავი სტატისტიკით შეხვდა - ბოლო 20 მატჩში 17 გამარჯვება. ამ ყველაფრის მიუხედავად, პეერმა მოიგო პირველი სეტი და მეორეში 5:0 დაწინაურდა, შემდეგ ორი მატჩბოლიც მიიღო და სწორედ აქ მოახდინა პატარა სასწაული ლისიცკიმ - მან ზედიზედ ექვსი გეიმი აიღო და თავად გავიდა წინ, თუმცა პეერმა საქმე ტაი-ბრეიკამდე მიიყვანა, იქ კი უკეთესი მოწოდების წყალობით 7:4 გაიმარჯვა.</p><p>შემდეგ წრეში პეერს ვიქტორია აზარენკა შეხვდება, ვინც ტორონტოში ნახევარფინალი ითამაშა. ბელარუსს სამიდან სამჯერ ჰყავს დამარცხებული ისრაელის წარმომადგენელი, თანაც ისე, რომ სეტიც არ დაუთმო მას.</p><p>ლისიცკისგან განსხვავებით, თითქმის წაგებული მატჩის მოგება შეძლო კიდევ ერთმა გერმანელმა ანდრეა პეტკოვიჩმა. ავსტრალიელმა იარმილა გაიდოშოვამ პირველ სეტში 7:5 იმარჯვა, მეორეში 2:0-ს იგებდა, მაგრამ გერმანელმა ტაი-ბრეიკამდე მიიყვანა საქმე, იქ კი კიდევ ერთი კრიტიკული მომენტი დაუდგა, რადგან გაიდოშოვა "შემოკლებულ გეიმში" 4:1 დაწინაურდა. პეტკოვიჩს კიდევ ერთხელ მოუწია ხასიათის სიმტკიცის გამოვლენა და ისევ გაუმართლა - ტაი-ბრეიკი 7:5 მოიგო, ბოლო სეტში კი მისი უპირატესობა ეჭვს აღარ იწვევდა.</p><p>რაც შეეხება მესამე გერმანელს იულია გორჯესს, მან მოულოდნელად სამ სეტში წააგო ჩინელ ჟიე ჟენგთან.</p><p><strong>I წრე</strong></p><p>ანდრეა პეტკოვიჩი (გერ, 9)-იარმილა გაიდოშოვა (ავსტრა) 5:7, 7:6(5), 6:2; სვეტლანა კუზნეცოვა (რუს, 14)-ჯილ კრეიბასი (აშშ) 6:3, 6:4; ანა ივანოვიჩი (სერ, 15)-ალექსა გლეტჩი (აშშ) 6:0, 6:2; დანიელა ჰანტუხოვა (სლოვაკ)-ლურდეს დომინგეს ლინო (ესპ) 6:3, 4:1 დომინგესის უარი; შაარ პეერი (ისრ)-საბინ ლისიცკი (გერ) 6:4, 7:6(4); ლუსი საფაროვა (ჩეხ)-კლარა ზაკოპალოვა (ჩეხ) 6:2, 6:2; სარა ერანი (იტა)-სლოუნ სტივენსი (აშშ) 6:1, 7:5; ეკატერინა მაკაროვა (რუს)-მარია ხოსე მარტინეს სანჩესი (ესპ) 7:5, 6:3; ალიონა ბონდარენკო (უკრ)-აიუმი მორიტა (იაპ) 6:2, 4:6, 6:2; პეტრა ჩეტკოვსკა (ჩეხ)-ანაბელ მედინა გარიგესი (ესპ) 2:6, 6:2, 6:2; ჟიე ჟენგი (ჩინ)-ჯულია გორჯესი (გერ) 6:2, 1:6, 6:4; პეტრა მარტიჩი (ხორ)-ელენა ვესნინა (რუს) 3:6, 7:6(5), 6:0; შანელ სხეპერსი (ს.აფრ)-რებეკა მარინო (კან) 7:5, 6:2; ანასტასია როდიონოვა (ავსტრა)-პოლონა ჰერცოგი (სლოვენ) 6:0, 6:0; სოფია არვიდსონი (შვედ)-მონიკა ნიკულესკუ (რუმ) 0:6, 7:6(4), 6:3; კრისტინა მაკჰეილი (აშშ)-ცვეტანა პირონკოვა (ბულ) 7:5, 4:6, 6:1.</p><p><strong>ყოველდღიური სპორტული გაზეთი "ლელო"</strong></p>
მხოლოდ 1 გეიმი - ბასილაშვილმა პეკინის ტურნირზე გამოსვლა დაასრულა
უცნაურია - მუსეტიმ ზედიზედ მეხუთე ფინალი წააგო
ბასილაშვილი ფორმაში შედის - ATP-ის ტურნირის მეოთხედფინალში გავიდა და ასეულში დაბრუნების შანსი აქვს
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
წიტაიშვილი და აბუაშვილი შეცვლაზე და "მეცის" ფრე "ჰავრთან"
იური ტაბატაძე შეცვალეს - "კადისი" "სეუტასთან" ფრეს დასჯერდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ