საბერძნეთი უკვე საშიშია

ზუსტად სამიოდე კვირაც და ევროპის 2012 წლის ჩემპიონატის საკვალიფიკაციო ეტაპს დავიწყებთ. ყოველი ახალი შესარჩევი ციკლი ჩვენთვის ახალი იმედია და საინტერესოა, თუ როგორ ხვდებიან ჩვენი მეტოქეები საკვალიფიკაციო ოფიციალურ მატჩებს... ზუსტად სამიოდე კვირაც და ევროპის 2012 წლის ჩემპიონატის საკვალიფიკაციო ეტაპს დავიწყებთ. ყოველი ახალი შესარჩევი ციკლი ჩვენთვის ახალი იმედია და საინტერესოა, თუ როგორ ხვდებიან ჩვენი მეტოქეები საკვალიფიკაციო ოფიციალურ მატჩებს. 11 აგვისტოს მათაც გენერალური რეპეტიცია ჰქონდათ და მოდით გადავავლოთ თვალი და ვნახოთ, რომელმა გუნდმა როგორ ჩაატარა ეს რეპეტიცია.საბერძნეთი მოგებული დაგვიხვდებასერბეთი-საბერძნეთი 0:1გოლი: სალპინიდისი (45)შესარჩევ ციკლს 3 სექტემბერს საბერძნეთთან გასვლითი მატჩით ვიწყებთ და ვნახოთ, თუ რა ვითარებაა მეტოქის ბანაკში. შეგახსენებთ, რომ მსოფლიოს 2010 წლის ჩემპიონატიდან გამოთიშვის შემდეგ ბერძნებმა ნაკრების თავკაცი შეცვალეს - გერმანელი ოტო რეჰაგელი პორტუგალიელმა ფერნანდო სანტოშმა ჩაანაცვლა. ბერძენთა ეროვნული გუნდის მთავარი მწვრთნელის რანგში სანტოშს სწორედ 11 აგვისტოს, სერბეთთან გასვლით შეხვედრაში ჰქონდა არაოფიციალური დებიუტი, ოფიციალური კი სწორედ ჩვენს ნაკრებთან ელის.ბერძნების თავკაცმა სანტოშმა ჯერ კიდევ სერბეთთან მატჩამდე განაცხადა, რომ ნაკრების ტაქტიკას შეცვლიდა. იგი ასეც მოიქცა და 4-4-2 სქემით ათამაშა ბელგრადში გუნდი, რამაც გაამართლა კიდეც და სანტოშის წარმატებული დებიუტიც შედგა. სერბეთში ბერძნებმა 1:0 მოიგეს. ეს ერთადერთი გოლი სალპინიდისმა გაიტანა.ბელგრადში ჩატარებული მატჩით ელადელთა პორტუგალიელი მწვრთნელი კმაყოფილი დარჩა და მასმედიისთვის მიცემულ კომენტარში შემდეგი აღნიშნა:"ჩემი გუნდის თამაშით კმაყოფილი ვარ. ჩვენი ფეხბურთელები კარგად ირჯებოდნენ როგორც დაცვით ოპერაციებში, ასევე შეტევისას. მართალია მხოლოდ ერთი გოლი გავიტანეთ, მაგრამ უფრო სოლიდურად მოგებაც შეგვეძლო. რაც მთავარია, აშკარად გამოჩნდა, რომ ფეხბურთელებს რწმენა და მონდომება არ აკლდათ. თუმცა ეს კიდევ არ იყო იდეალური თამაში და სამუშაო კიდევ გვაქვს. ჩვენი მთავარი მიზანია, საკვალიფიკაციო ეტაპის სასტარტო მატჩებს საქართველოსთან და ხორვატიასთან, სრულ მზადყოფნაში შევხვდეთ. მანამდე კიდევ არის დრო და ნაკლის დახვეწაზე უნდა ვიმუშაოთ".საბერძნეთის ნაკრებმა სერბეთთან ასეთი შემადგენლობით ითამაშა:სიფაკისი - ვინტრა (81. მანიატისი), კირიაკოსი (46. პაპადოპულოსი), პაპასტატოპულოსი, სპიროპულოსი - კაცურანისი, ტოროსიდისი (67. კაფესი), კარაგუნისი (87. მარინოსი), ნინისი (74. პაპადოპულოსი), - სალპინიდისი (46. გეკასი), სამარასი.ფერნანდესმა ისრაელში ზავი ჩამოაგდოშესარჩევ ციკლში ბერძნებთან მატჩის შემდეგ, 7 სექტემბერს ისრაელს ვუმასპინძლებთ და ვნახოთ, თუ რა ვითარებაა ამ გუნდში. შეგახენებთ, რომ ელადელთა დარად ებრაელებსაც ახალი მწვრთნელი ჰყავთ. თუმცა, ისრაელის ნაკრები ფრანგმა ლუის ფერნანდესმა გაზაფხულზე ჩაიბარა და უკვე ორ საკონტროლო შეხვედრაში უხელმძღვანელა გუნდს, მაგრამ ორივეჯერ დამარცხდა - 26 მაისს ურუგვაისთან 1:4, 30 მაისს კი ჩილესთან 0:3. 11 აგვისტოს ისრაელის ნაკრებს საერთაშორისო ამხანაგური მატჩი არ გაუმართავს. ორმა წაგებამ ფერნანდესს დაანახვა, რომ გუნდში სამუშაო ბევრია. ამიტომაც ებრაელთა თავკაცმა მოსამზადებელი შეკრება რამათ განში მოაწყო და ნაკრები გაფართოებული შემადგენლობით გამოიძახა. 11 აგვისტოს მან გუნდი შეკრიბა, ორ შემადგენლობად დაჰყო და 30-წუთიანი 3 ტაიმი ათამაშა. ებრაელთა ეს სპარინგ-მატჩი ფრედ, 1:1 დასრულდა."აქამდე მხოლოდ ორ მატჩში ვათამაშე გუნდი და გამოჩნდა, რომ სამუშაო ჯერ კიდევ ბევრი გვაქვს. ამიტომაც, საჭიროდ ჩავთვალე მოსამზადებელი შეკრების მოწყობა. ფეხბურთელების მონდომებითა და საქმისადმი მიდგომით კმაყოფილი ვარ, მაგრამ საფეხბურთო ელემენტების დახვეწაზე მუშაობა უნდა გავაგრძელოთ. ჩვენი მიზანია, მალტასთან და საქართველოსთან მატჩებს მზადყოფნაში შევხვდეთ და ამ შეხვედრებში ჩვენი თამაშით გულშემატკივარი გავახაროთ", - აღნიშნა ებრაელთა ფრანგმა თავკაცმა.ალბათ, საინტერესო იქნება იმ შემადგენლობასაც გადავავლოთ თვალი, რომელიც ფერნანდესლმა ჩვენს ნაკრებთან მატჩისთვის ამ შეკრებაზე გამოიძახა:მეკარეები: დუდუ აბათი (მალიორკა, ესპანეთი), არიელ ჰარუში (ბეითარი იერუს.), ოჰათ ლევიტა (ვაალვაიკი, ჰოლანდია);მცველები: დანი ბონდარი (ჰაპოელი, თ-ა), დეკელ კეინანი (ბლექპული, ინგლისი), ავი შტრული (მაქაბი, თ-ა), იან ზივი (მაქაბი, თ-ა), თალ ბენ ჰაიმი (ვესტ ჰემი, ინგლისი), ოდედ ელქაიამი (ჰაპოელი, ჰ.), ადულ ტუბული (ჰაპოელი, აშქ.), გალ შიში (ჰაპოელი, თ-ა);ნახევარმცველები: ავიჰაი იადინი (ჰაპოელი, თ-ა), თამირ კოხენი (ბოლტონი, ინგლისი), კორალ კოხენი (ნიურნბერგი, გერმანია), გილ ვერმუტი (ჰაპოელი, თ-ა), ლიორ რაფაელოვი (მაქაბი, ჰ.), ამია ტაგა (ჰაპოელი, აშქ), ეიალ გოლაშა (მაქაბი, ჰ.), იოსი ბენაიონი (ჩელსი, ინგლისი), მაორ მელიქსონი (ჰაპოელი,ბ-შ);თავდამსხმელები: ელიავინ ბარდა (გენკი, ბელგია), რობერტო კოლაუტი (მაქაბი, თ-ა), ითაი შეხტერი (ჰაპოელი, თ-ა), ერან ზეხავი (ჰაპოელი, თ-ა), ბენ საჰარი (ჰაპოელი, თ-ა), ბარაქ იცხაკი (მაქაბი, თ-ა).ხორვატიისთვის საბერძნეთი უკვე საშიშიასლოვაკეთი-ხორვატია 1:1გოლები: 1:0 შტოხი (52), 1:1 ელავიჩი (54)ხორვატებთან წელს თამაში არ გვიწევს, მაგრამ არ უნდა დაგვავიწყდეს, რომ ხორვატია მეტოქედ პირველი კალათიდან გვერგო და ჯგუფში ფავორიტად მიიჩნევა. მით უმეტეს, სლავენ ბილიჩის გუნდი წელს ჩატარებულ მუნდიალზე ვერ მოხვდა და ყველაფერს გააკეთებს, ორი წლის შემდეგ ევროპის ჩემპიონატზე რომ იასპარეზოს. შესარჩევი ციკლის დაწყებამდე ხორვატებს გენერალური რეპეტიცია სლოვაკეთთან გასვლით ამხანაგურ შეხვედრაში ჰქონდათ. ბრატისლავაში გამართულ ამ მატჩში ორივე გოლი მეორე ტაიმში გავიდა. თავდაპირველად მასპინძლები დაწინაურდნენ, მაგრამ ბილიჩის ბიჭებმა საბოლოოდ ფრე გაახერხეს, გოლი შეცვლაზე შესულმა ელავიჩმა გაიტანა.ხორვატიამ სლოვაკეთში 4-2-3-1 ტაქტიკითა და ასეთი შემადგენლობით ითამაშა:რუნიე, შიმუნიჩი, შილდენფელდი, ჩორლუკა, სრნა, ვუკოევიჩი, მოდრიჩი, კრანჩარი (46. ელავიჩი) რაკიტიჩი (71. დუიმოვიჩი), ოლიჩი (46.ედუარდო), მანჯუკიჩი (46. პეტრიჩი).ხორვატები მეორე ტურში მთავარ მეტოქედ მიჩნეულ საბერძნეთს ხვდებიან. ბილიჩმა ბერძნების თამაშის სანახავად მზვერავი გაგზავნა. მსტოვარმა ბილიჩს მეტოქეზე საკმაო ინფორმაცია მიაწოდა და გუშინ გამართულ პრესკონფერენციაზე ამ უკანასკნელმა საბერძნეთის ნაკრები ასე დაახასიათა:"ბოლო წლების განმავლობაში საბერძნეთის ნაკრებს ერთი მწვრთნელი ხელმძღვანელობდა და კარგად გვყავდა შესწავლილი ეს გუნდი. ბერძნების ახალმა თავკაცმა ბევრი რამ შეცვალა და საკმაოდ წარმატებულადაც. ბევრი რამ მითხრეს სერბეთში ბერძნების თამაშზე. შეიძლება ითქვას, რომ საბერძნეთის ნაკრები ეს არის გუნდი, რომელიც ჩვენთვის უკვე საშიში ძალაა. სანტუშის გუნდი ჩინებულად თამაშობს დაცვაშიც და შეტევაშიც და მის წინააღმდეგ ყრადღებით თამაშია საჭირო".ლატვია პრაღაში დაჩეხესჩეხეთი-ლატვია 4:1გოლები: 1:0 ბედნარი (49), 2:0 ფენინი (54), 3:0 პოსპეხი (74), 4:0 ნეციდი (77), 4:1 ცაუნია (90)ალექსანდრს სტარკოვსის ლატვიის ნაკრები ჩეხებმა პრაღაში დაჩეხეს, 4:1 დაამარცხეს. ლატვიელებმა მრისხანე ჩეხებს პირველ ტაიმში კი გაუძლეს, მაგრამ შესვენების შემდეგ მასპინძლებმა სწრაფი გოლებით გატეხეს სტარკოვსის გუნდი. ოთხი გატანილი ბურთის შემდეგ ლატვიელთაგან პრესტიჟის გოლი, მოედანზე შეცვლაზე შესულმა ცაუნიამ გაიტანა."რა თქმა უნდა 1:4 წაგება საკმაოდ არასასიამოვნო შედეგია, მაგრამ აქაც შეიძლება პოზიტივის მოძებნა. ძლიერ გუნდს ვეთამაშეთ, რადგან შესარჩევ ციკლს მრისხანე ხორვატიასთან მატჩით ვიწყებთ. ვფიქრობ, ეს მატჩი ჩვენი გუნდის პროგრესს წაადგება. ახლა მთავარია მუშაობა გავაგრძელოთ და ხორვატიას მზად დავხვდეთ", - აღნიშნა ლატვიის ნაკრების თავკაცმა.ლატვიამ ჩეხეთში ასეთი შემადგენლობით ითამაშა:ვანინსი, კლავა, ივანოვსი, გორკსი, მიხადიუკი, ლაიზანსი, რაფალკისი (80. ფერტოვსი), პერეპლეტკინსი (74. სოლონიკინსი), რუბინსი (48. ჟიგაევი), ვერპაკოვსკისი (69. გრებისი), კარლსონსი (60. ცაუნია).მალტამ მაკედონიასთან ფრე გაახერხამალტა-მაკედონია 1:1გოლები: 0:1 ტრიჩკოვსკი (36), 1:1 მიფსუდი (47)ბოლოსთვის აუტსაიდერად მიჩნეულ მალტაზე ვთქვათ. კუნძულელებმა ამხანაგურ შეხვედრაში მაკედონიას უმასპინძლეს. ბალკანელებთან მალტა მინიმალურად აგებდა, მაგრამ მიფსუდმა წონასწორობა აღადგინა და მალტელებმა საბოლოოდ ფრე გაახერხეს.მალტამ მაკედონიასთან ასეთი შემადგენლობით ითამაშა:ჰოგი, ქარუანა, მამო (46. ფაილა), სკიბერასი (65. რ. ფენეჩი), აგიუსი, ბაიადა (80. პ. ფენეჩი), ბრიფა (73. კოჰენი), მიფსუდი, ბოგდანოვიჩი, ჰერერა, პასე.

"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი

"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა

"ლივერპული" პრემიერლიგის "გალაქტიკოსი" გახდა" - ჯეიმი კარაგერი

ხავის "მანჩესტერ იუნაიტედის" გაწვრთნა სურს - ესპანელი "წითელი ეშმაკების" ჩაბარებაზე თანახმაა

ისრაელის ნაკრებსა და ქვეყნის კლუბებს საერთაშორისო შეჯიბრებიდან მოკვეთენ? - 48 სპორტსმენმა მოთხოვნას ხელი მოაწერა

Le Parisien: კვარაცხელია პსჟ-ს შეიძლება ბარსელონაში გაჰყვეს

არისაბალაგა შეიძლება ფაბრეგასის გუნდში გადაბარგდეს

პსჟ-ს მეკარე: ძნელია მოტივაციის შენარჩუნება

ბერნალს 382 დღე გაუცდა და "ბარსელონამ" კონტრაქტი გაუხანგრძლივა

კონტე: "მილანთან" დავმარცხდით და არა რომელიმე აუტსაიდერთან

"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს

საერთაშორისო აღიარება - საქართველოს ხმა მსოფლიო ველოსპორტის არჩევნებში

"ყველას უნდა ვაჩვენოთ, ვინ ვართ" - "კაირატის" მეკარე "რეალთან" მატჩამდე

დუდუ დადიანის მემორიალზე ნახევარფინალისტები დაწყვილდნენ

"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი

"თუ "არსენალი" წელს ტიტულს ვერ მოიგებს, არტეტას გაათავისუფლებენ" - რობერ პირესი

ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა

[VIDEO] 55-ე წუთიდან კაცნაკლულმა "მილანმა" "ნაპოლის" მოუგო

პსჟ-სთან მატჩამდე "ბარსელონამ "სოსიედადი" დაამარცხა და გალიდერდა

გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა

[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა

Le Parisien-ი კვარაცხელიას ტრავმის შესახებ ინფორმაციას ავრცელებს

U17 | საქართველო 3:0 ლიეტუვა