ადებაიორს შეიყვარებენ, რადგან... ეზიზღებათ

„ტოტენჰემის“ თავკაცი ჰარი რედნაპი ამბობს, რომ 27 წლის ტოგოელის „უაით ჰართ ლეინზე“ გადასვლა გულშემატკივართა გაახარებს, რადგან ის „არსენალის“ ფანებს სძულთ „ტოტენჰემ ჰოთსპურის“ თავკაცი ჰარი რედნაპი ამბობს, რომ 27 წლის ტოგოელი თავდამსხმელის, ემანუელ ადებაიორის „უაით ჰართ ლეინზე“ გადასვლა გულშემატკივართა დიდ აღტაცებას გამოიწვევს, რადგან... ის „არსენალის“ ფანებს სძულთ.განვმარტოთ: „არსენალი“ და „ტოტენჰემ ჰოთსპური“ ჩრდილოეთ ლონდონის გუნდები არიან და მათ შორის საუკუნოვანი „მტრობაა“ ჩამოყალიბებული. შესაბამისად, ყველაფერი, რაც სძულთ „არსენალის“ ფანებს, „ტოტენჰემის“ გულშემატკივრებს უყვართ და პირიქით - ადებაიორი 2006-2009 წლებში „არსენალში“ გამოდიოდა, საიდანაც კონფლიქტით გაიქცა.„მეთოფეთაგან“ წასვლის შემდეგ ის „მანჩესტერ სიტის“ წევრია, თუმცა 2010-2011 წლების სეზონი ისტლენდელებს ტოგოელი მადრიდის „რეალში“ ჰყავდათ გაქირავებული.ბოლო დღეებში ცნობილი გახდა, რომ „დეზების“ თავმჯდომარე დენიელ ლივი „მანჩესტერ სიტის“ დირექტორატთან ადებაიორის გადაბირების თაობაზე მოლაპარაკებას აწარმოებს.რედნაპმა თქვა: „ადებაიორი ჩვენთან გმირი გახდება, რადგან ის „არსენალის“ გულშემატკივრებს ეზიზღებათ. „ემირეით სტედიუმზე“ მასზე ნაწყენები და გაბრაზებულები არიან, რაც ჩვენთან, „უაით ჰართ ლეინზე“ აღაფრთოვანებთ“.„მანჩესტერ სიტიმ“ „არსენალს“ ადებაიორში თავის დროზე 25 მილიონი ფუნტი გადაუხადა. გეხსომებათ, 2009 წლის სექტემბრის ამბავი, როდესაც ისტლენდზე ახალგადასული ტოგოელი „არსენალის“ წინააღმდეგ ათამაშეს. ეს იყო მისი პირველი დაპირისპირება ყოფილ გუნდთან, რომელიც სკანდალით დასრულდა: მანუმ ჯერ რობინ ვან პერსის მიარტყა, შემდეგ კი, როდესაც გოლი გაიტანა, ნიშნის მოსაგებად მთელი მოედანი გადაირბინა და იმ ტრიბუნასთან გასრიალდა, სადაც „არსენალის“ ფანები ისხდნენ. ამ საქციელისთვის მაშინ ადებაიორს სამთამაშიანი დისკვალიფიკაცია მიუსაჯეს. რედნაპი განაგრძობს:„მაშინ მე ადებაიორი დავიცავი და მან მადლობის სათქმელად დამირეკა. კარგად მახსოვს, ჩემი პოზიცია. მე ვფიქრობდი, რომ მართალია მანუმ ცოტა გადააჭარბა, მაგრამ „არსენალის“ გულშემატკივრები ისეთ შეურაცხყოფას აყენებდნენ, რომ მისგან საპასუხო რეაქცია, ხოლო გოლის გატანის შემთხვევაში ნიშნის მოგება, მოსალოდნელი იყო.„რეალში“ ადებაიორმა ფანტასტიკურად ითამაშა. ჩემპიონთა ლიგაში ჩვენ მისი შეჩერება ვერ შევძელით. თუ ის „ტოტენჰემში“ სერიოზული განწყობით გადმოვა და მართლა მოინდომებს, საოცარ შედეგებს მიაღწევს. „მანჩესტერ სიტის“ მის შესახებ ჩვენი თავმჯდომარე ელაპარაკება, ამიტომ მე დეტალების შესახებ არაფერი ვიცი, მაგრამ არ არის გამორიცხული, რომ ჩვენ ადებაიორი ერთი წლით ვიქირაოთ“.საქმე ის გახლავთ, რომ „მანჩესტერ სიტიში“ ემანუელ ადებაიორის გასამრჯელო კვირაში 170 ათასი ფუნტია და „დეზები“ ისტლენდელებს სწორედ ამ ფულის გადახდაზე ელაპარაკებიან. „სიტის“ ტოგოელი არ სჭირდება, „ტოტენჰემს“ - პირიქით, მაგრამ მისთვის ამხელა ხელფასის გადახდა არ შეუძლია. ამიტომაც არკვევენ კლუბები, ხსენებული 170 ათასიდან რომელი რამდენს გადაიხდის.რედნაპმა ადებაიორის გარდა ლეკა მოდრიჩზეც ილაპარაკა და პირველად თქვა, რომ 25 წლის ხორვატი შეიძლება გაყიდონ. რედნაპის აზრით, ეს შეიძლება „ტოტენჰემ ჰოთსპურს“ უკეთესი გუნდის აშენებაში დაეხმაროს. „დეზების“ თავკაცს ადებაიორის გარდა ლასანა დიარასა და სკოტ პარკერის ყიდვაც უნდა.ლივიმ „ჩელსის“ 27 მილიონ ფუნტად მოდრიჩის მიყიდვაზე უარი შეუთვალა, თუმცა „სფურზის“ თავკაცს კარგად ესმის რატომ უნდა ხორვატს „სტემფორს ბრიჯზე“ გადაბარგება. კაცმა რომ თქვას, ეს ძნელი მისახვედრი არ არის:„ეჭვი არ მეპარება, რომ ტოტენჰემელებს ძალიან გვიყვარს ჩვენი კლუბი, მაგრამ, როდესაც ხელფასის გასამმაგებას გთავაზობს კლუბი, რომელმაც შესაძლოა ჩემპიონთა ლიგაც მოიგოს, უარის თქმა ძალიან ძნელია. მე, რა საკვირველია, მოდრიჩის დატოვებას ვისურვებდი, მაგრამ თუ მისი წასვლა გარდაუვალია, მაშინ რაც მალე გავუშვებთ, მით უკეთესი იქნება, რადგან იმ ფულად, რასაც მის სანაცვლოდ მოგვცემენ, რამდენიმე ფეხბურთელის ყიდვა შეიძლება. ერთი სიტყვით, ჩვენ შეგვიძლია ის გავყიდოთ, შემოსული ფულით სამი-ოთხი ფეხბურთელი ვიყიდოთ და გაცილებით ძლიერი „ტოტენჰემ ჰოთსპური“ მივიღოთ. როგორ და როდის დამთავრდება ეს ყველაფერი? ამაზე ვერაფერს მოგახსენებთ, რადგან თავმჯდომარეს მოდრიჩის დაკარგვა არ უნდა“.ცნობისათვის: „ჩელსის“ უპირველეს ამოცანად მოდრიჩის შეძენა აქვს დასახული, მაგრამ იმ შემთხვევაში თუ ამ საქმიდან არაფერი გამოვა, სათადარიგო ვარიანტად „ლივერპულიდან“ რაულ მეირელეშის წამოყვანასაც განიხილავს. შეგახსენებთ, რომ იმ შემთხვევაში თუ „სფურზი“ სატრანსფერო თანხას არ იკმარებს, „ჩელსი“ ფულის გარდა იოსი ბენაიუნსაც შესთავაზებს.ყოველდღიური სპორტული გაზეთი "ლელო"

გადაწყვეტილება შეცვალეს - "სიტისთან" განადგურების შემდეგ, "ლივერპულის" ხელმძღვანელობამ სლოტის მომავალზე იმჯელა

ვან დეიკმა "სიტისთან" განადგურების პასუხისმგებელ პირებზე ისაუბრა და პსჟ-ისთან მატჩამდე "ლივერპულის" ფეხბურთელებს მიმართა

დადასტურდა - სილვა სეზონის დასრულების შემდეგ "სიტის" დატოვებს

17-წლამდე ვაჟთა ნაკრები სან მარინოში მიემგზავრება

ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ

ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა

"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს

ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება

კვერნაძის 74 წუთი და "ფროზინონეს" მორიგი გამარჯვება

ქართველების "მეცი" "ნანტთან" ფრეს დასჯერდა

კიტეიშვილმა მამაგეიშვილი შეცვალა - "შტურმმა" მნიშვნელოვანი გამარჯვება მოიპოვა

[VIDEOS] გულიაშვილმა ესპანეთში დუბლი შეასრულა

ლოჩოშვილის მორიგი კარგი მატჩი - "ნიურნბერგმა" "აინტრახტთან" ქულები გაიყო

სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა

პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს

[VIDEO] ლუკა გადრანმა "ბეითარში" სადებიუტო გოლი გაიტანა

[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა

პეპ გვარდიოლამ "ლივერპულთან" პირადი რეკორდი დაამყარა

ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა

ფუტსალის ნაკრები აზერბაიჯანთან ორ ამხანაგურ მატჩს გამართავს

[VIDEO] "ბარსელონა" "რეალს" 7 ქულით გაექცა

U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო

დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა