რაფამ და ენდიმ გაიხარეს

ცინცინატის მასტერსის მეორე წრეში დიდ ინტერესს იწვევდა ესპანელი რაფაელ ნადალისა და ბრიტანელი ენდი მიურეის მატჩები ცინცინატის მასტერსის მეორე წრეში დიდ ინტერესს იწვევდა ესპანელი რაფაელ ნადალისა და ბრიტანელი ენდი მიურეის მატჩები. ეს ინტერესი იმით იყო გამოწვეული, რომ ორივემ გასულ კვირას მონრეალის მასტერსზე სასტარტო შეხვედრები წააგო და მათი მომზადების დონის შესახებ ბევრი კითხვის ნიშანი გაჩნდა.გახსოვთ, ალბათ, ნადალმა კანადაში ხორვატ ივან დოდიგთან წააგო თითქმის მოგებული შეხვედრა. მაშინ ესპანელი გადამწყვეტ სეტს 3:0-ს იგებდა, ხოლო 5:3-ზე მატჩზე აწვდიდა, მაგრამ მაინც სენსაციურად დამარცხდა. ამჯერად რაფას ფრანგს ჟულიან ბენეტოსთანაც ჰქონდა ანალოგიური მომენტი. პირველი სეტის მოგების შემდეგ, ესპანელი მეორეში 5:4-ზე მატჩზე აწვდიდა, მაგრამ სამი უნებლიე შეცდომა დაუშვა და მეტოქეს ბრეიკის საშუალება მისცა. ნადალისთვის საბედნიეროდ, ის დროზე მოეგო გონს, ისევ მოიგო ფრანგის გეიმი და შემდეგ 6:5-ზე პირველივე მატჩბოლი ეისით გარდასახა გადამწყვეტ ქულაში - 6:4, 7:5."ის თამაში, რომელიც მონრეალში ჩავატარე, დღემდე არ ამომდის თავიდან. რაღაც ამდაგვარი დღესაც მოხდა, როცა 5:4-ზე მატჩზე ვაწვდიდი. სხვა მხრივ, კმაყოფილი ვარ. ვეცდები, რაც შეიძლება შორს გავიდე სატურნირო ბადეში.ბენეტოს წინააღმდეგ კარგად ვაწვდიდი, თითქმის ყველა ფორჰენდი მიზანს აღწევდა. ბევრი რამ გამომდიოდა, მაგრამ ყველაფერი არა. ვფიქრობ, სწორ გზაზე ვარ, თუმცა მეტი პრაქტიკა მჭირდება. ჩემთვის ახლა ეს არის მთავარი", - განაცხადა მატჩის შემდეგ ნადალმა.სხვათა შორის ნადალი და ბენეტო ცინცინატიში შარშანაც შეხვდნენ ერთმანეთს და ესპანელს მაშინაც გაუჭირდა - რაფამ მეორე სეტის ტაი-ბრეიკზე მატჩბოლი მოიგერია და საბოლოოდ მოუგო ფრანგს.ნადალის შემდეგი მეტოქე მისივე თანამემამულე ფერნანდო ვერდასკო იქნება, რომელიც რაფას 13-დან 13 შეხვედრაში ჰყავს დამარცხებული.* * *ენდი მიურეის გაცილებით სერიოზული მეტოქე ჰყავდა არგენტინელი დავიდ ნალბანდიანის სახით, თუმცა ისიც გასათვალისწინებელია, რომ მსოფლიოს ყოფილი მესამე ნომერი ჯერ ვერ ახერხებს ოპტიმალური სპორტული ფორმის დაბრუნებას.პირველ სეტში სამხრეთამერიკელი კარგა ხანი ინარჩუნებდა ერთბრეიკიან უპირატესობას, მაგრამ პარტიის ბოლოსკენ ბრიტანელმა მოუმატა და მეტოქის ორი გეიმის აღებით ტაი-ბრეიკამდეც არ მიიყვანა საქმე. მეორე სეტში კი ყველაფერი გაცილებით მარტივად იყო - ნალბადიანი ვეღარ უწევდა წინააღმდეგობას მსოფლიოს მეოთხე ჩოგანს და მხოლოდ ერთი გეიმი მოიგო - 6:4, 6:1 ენდის სასარგებლოდ.სამწუხაროდ, მერვედფინალში არ შედგება მიურეისა და ჟო-ვილფრიდ ცონგას შეხვედრა. ფრანგმა ხელის ტრავმის გამო უარი თქვა წყვილებში თამაშზე, ერთეულებში კი პატივი სცა მაყურებელს და ამერიკელი ალექს ბოგომოლოვის წინააღმდეგ სათამაშოდ გავიდა, მაგრამ ორ სეტში ისე წააგო, რომ ერთი ბრეიკ-პოინტიც არ მოუპოვებია.28 წლის ამერიკელს კარიერაში საუკეთესო მომენტი უდგას - რეიტინგში მისთვის სარეკორდო 50-ე ადგილზეა, ცოტა ხნის წინ კი ლოს ანჯელესის ტურნირის ნახევარფინალში ითამაშა. საინტერესოა ერთი მომენტი: წლის დასაწყისში ბოგომოლოვმა კარიერაში პირველად დაამარცხა ტოპ-ათეულის წევრი და ეს სწორედ მიურეი გახლდათ. ვნახოთ, შეძლებს თუ არა ამჯერად ბრიტანელი რევანშის აღებას.* * *ნოვაკ ჯოკოვიჩმა მორიგი შეხვედრა მოიგო და პირველი ნაბიჯი გადადგა სეზონში მეათე ტიტულისკენ. სერბი თითქმის უპრობლემოდ გაუსწორდა 19 წლის ამერიკელ რაიან ჰარისონს. ნოლეს მხოლოდ შეხვედრის სტარტზე ჰქონდა სირთულეები, როცა ორჯერ (!) წააგო საკუთარი მოწოდება, სამაგიეროდ, თავად სამი ბრეიკი გააკეთა და 5:2 დაწინაურდა, რის შემდეგაც მეოთხედ აიღო მასპინელი ჩოგბურთელის გეიმი, რამაც სეტში გამარჯვება მოუტანა.მეორე სეტის დასაწყისში ჯოკოვიჩმა პირველი ათი გათამაშებიდან რვა თავის სასარგებლოდ დაასრულა და ამან ბრეიკით წინ გასვლის საშუალება მისცა. ამის შემდეგ სერბს საკუთარ მოწოდებაზე პრობლემა აღარ შექმნია და საბოლოოდ, საათსა და 17 წუთში მოიპოვა მერვედფინალის საგზური - 6:2, 6:3."მატჩი ცუდად დავიწყე და საერთოდ ცუდად ვთამაშობდი მოწოდებაზე. სხვა მხრივ, შეხვედრა ნორმალურად ჩატარდა. უკანა ხაზზე ცოტა შეცდომა დავუშვი, სასტარტო მატჩისთვის კარგად ვთამაშობდი მიღებაზე. აქ ცოტა სხვა პირობებია, ვიდრე მონრეალში. ბურთი უფრო სწრაფად მიფრინავს და რთულია თამაშის კონტროლი", - ასე შეაფასა თავისი თამაში მსოფლიოს პირველმა ნომერმა.შემდეგ მატჩში ჯოკო რადეკ შტეპანეკს ეთამაშება, ვისთანაც ექვსიდან ხუთი შეხვედრა აქვს მოგებული.1/16 ფინალინოვაკ ჯოკოვიჩი (სერ, 1)-რაიან ჰარისონი (აშშ) 6:2, 6:3; რაფაელ ნადალი (ესპ, 2)-ჟულიან ბენეტო (საფ) 6:4, 7:5; მარდი ფიში (აშშ, 7)-ნიკოლაი დავიდენკო (რუს) 6:0, 6:2; დავიდ ფერერი (ესპ, 5)-გრიგორ დიმიტროვი (ბულ) 4:6, 6:1, 7:5; ენდი მიურეი (ბრიტ, 4)-დავიდ ნალბანდიანი (არგ) 6:4, 6:1; ჟილ სიმონი (საფ, 10)-იანკო ტიპსარევიჩი (სერ) 6:7(3), 6:2, 6:3; ალექს ბოგომოლოვი (აშშ)-ჟო-ვილფრიდ ცონგა (საფ, 15) 6:3, 6:4; გაელ მონფილსი (საფ, 6)-ივან დოდიგი (ხორ) 4:6, 6:3, 4:0 დოდიგის უარი; რიშარ გასკე (საფ, 12)-კევინ ანდერსონი (ს. აფრ) 7:6(4), 6:4; ფერნანდო ვერდასკო (ესპ)-მიკაელ ლოდრა (საფ) 6:4, 6:4; რადეკ შტეპანეკი (ჩეხ)-ანდრეი გოლუბევი (ყაზ) 6:3, 7:6(2); ფილიპ კოლშრაიბერი (გერ)-ფელისიანო ლოპესი (ესპ) 6:1, 6:4; ნიკოლას ალმაგრო (ესპ, 9)-ივო კარლოვიჩი (ხორ) 6:3, 5:7, 7:6(2).1/8 ფინალიჯოკოვიჩი (1)-შტეპანეკი; კოლშრაიბერი-მონფილსი (6); ფედერერი (3)-ბლეიკი; ალმაგრო (9)-ბერდიხი (8); ფერერი (5)-სიმონი (10); ბოგომოლოვი-მიურეი (4); ფიში (7)-გასკე (12); ვერდასკო-ნადალი (2).ყოველდღიური სპორტული გაზეთი "ლელო"

ბასილაშვილი მონაკოშია და ძალიან პრესტიჟული მასტერსის ძირითად ბადეში გადასვლელად იბრძოლებს

ბასილაშვილის მორიგი შესანიშნავი მატჩი - ნიკა მაიამის მასტერსის ძირითად ბადეშია

მეტოქეს მხოლოდ 4 გეიმი დაუთმო - ბასილაშვილი ნელ-ნელა ფორმას უბრუნდება და მაიამის მასტერსის ძირითადი ბადისთვის იბრძვის

ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება

კვერნაძის 74 წუთი და "ფროზინონეს" მორიგი გამარჯვება

[VIDEOS] გულიაშვილმა ესპანეთში დუბლი შეასრულა

სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა

პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს

[VIDEO] ლუკა გადრანმა "ბეითარში" სადებიუტო გოლი გაიტანა

[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა

პეპ გვარდიოლამ "ლივერპულთან" პირადი რეკორდი დაამყარა

ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა

ფუტსალის ნაკრები აზერბაიჯანთან ორ ამხანაგურ მატჩს გამართავს

[VIDEO] "ბარსელონა" "რეალს" 7 ქულით გაექცა

U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო

[VIDEO] მორიგი გამარჯვება პირველივე რაუნდში - ღვინიაშვილი MMA-შიც შეუჩერებელია!

18 წ. | 3 ლელო საფრანგეთთან

"მამარდაშვილი მთავარი დამნაშავე არ არის" - ინგლისური მედია

გოჩოლეიშვილი შეცვლაზე და "ჰამბურგის" ფრე "აუგსბურგთან"

ზივზივაძე სასტარტოში იყო - "ჰაიდენჰაიმმა" "გლადბახთან" ქულები გაიყო

როგორი შეფასებები მიიღო მამარდაშვილმა "სიტისთან" მატჩში?

[VIDEO] "ლივერპულის" უნუგეშო დაცვა და ოთხი გოლი მამარდაშვილის კარში - "სიტიმ" "წითლებს" ისევ მოუგო

დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა