- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
18 წ. | ირლანდიას თამაშით ვაჯობეთ, ანგარიშით ვერა
<p>18-წლამდელთა ექვსი ერის ფესტივალის დასკვნით მატჩში უმცროსმა ბორჯღალოსნებმა ირლანდიას სამი ლელო გაუტანეს, მაგრამ თავად 4 მიიღეს და თამაში 21:26 დათმეს.</p> <p> </p> <p>საფრანგეთის ქალაქ ვიშში გამართულ ფესტივალზე ზურაბ ამონაშვილის შეგირდებმა სამი შეხვედრა გამართეს და ხარისხი თამაშიდან თამაშამდე უმჯობესდებოდა, მაგრამ ირლანდიამ ჩვენი შეცდომებით და მოლში მოპოვებული უპირატესობით ისარგებლა. ნებისმიერ შემთხვევაში, ჩვენმა მორაგბეებმა ამ 9 დღის განმავლობაში უდიდესი გამოცდილება შეიძინეს, რაც მათ და ქართულ რაგბს მომავალში აუცილებლად წაადგება.</p> <p> </p> <p>ისე, როგორც იტალიასთან (24:37) და უელსთან (10:17), ჩვენმა ბიჭებმა ირლანდიასთანაც ბოლომდე იბრძოლეს და ხელდახელ შეტევებით მეტოქეს არაერთი პრობლემა შეუქმნეს. ორი ლამაზი ლელო სწორედ ხელდახელ შეტევებს მოყვა, ერთხელ კი მიზანს მოლით ვუწიეთ, თუმცა ორჯერ მეტი შესაძლებლობა ვერ გამოვიყენეთ, რამაც საბოლოო შედეგი განაპირობა.</p> <p> </p> <p>მატჩის დებიუტში ორჯერ დავჯარიმდით, რამაც ირლანდიელებს 5-მეტრიანი დერეფნიდან მოლის აგორების და ლელოთი დაწინაურების შესაძლებლობა მისცა. საწყისი წუთების შემდეგ ბურთზე კონტროლი დავამყარეთ, ახლა ირლანდია დაჯარიმდა, დასარტყმელი პოზიციიდან ოვალი დერეფანში გადავიტანეთ და ფორვარადებით შევუტიეთ, მაგრამ კონტაქტისას ბურთი დავკარგეთ.</p> <p> </p> <p>მოედანზე კარგი სანახაობრივი თამაში გაჩაღდა და საქართველომ მეტოქის წნეხში მოქცევა მოახერხა. ხშირად ვიყენებდით ფრთებს, ივა კვირიაშვილს და დავით არობელიძეს ბურთი კარგად მიქონდათ და 23-ე წუთზე წინაც გავედით. გიორგი ხონელიძემ შეტევის მიმართულება შეცვალა, გიორგი გაბუნიას გადაცემის შემდეგ ხონელიძემ ზედ კიდის ხაზთან შესანიშნავად ითამაშა, ბურთი ცალი ხელით იოსებ ღვინჯილიას გადმოუგო და მანაც ალამთან ლელო აკრობატულ ნახტომში გაიტანა, ლუკა ჭაკუამ კი რთული პოზიციიდან გარდასახვა შეასრულა.</p> <p> </p> <p>ამას მეტოქის გააქტიურება მოყვა და 27-ე წუთამდე თავს კარგად ვიცავდით, მერე კი ნიკოლოზ ჩხორთოლია სინბინით დაისაჯა და კაცნაკლული დავრჩით. ამით კარგად ისარგებლა ირლანდიამ და დაახლოებით 12-მეტრიანი მოლის შემდეგ 5-ქულიანი უპირატესობა დაიბრუნა. ტაიმის მიწურულს კაცნაკლულებმა ხელდახელ კიდევ ერთხელ შევუტიეთ და დაახლოებით 50 მეტრით წინ წავიწიეთ, ფაზებიც ავკინძეთ და ლელომდეც ერთი ნაბიჯიღა რჩებოდა, მაგრამ ბურთი წინ დაგვივარდა 7:12.</p> <p> </p> <p>მეორე ტაიმიც საქართველოს შეტევებით დაიწყო, თუმცა ირლანდიამ თავი კარგად დაიცვა, ჩვენს ნახევარზე დაშვებული შეცდომის შემდეგ სწრაფი კონტრშეტევა განახორციელა და მესამე ლელო გაიტანა. პასუხად ორჯერ შევედით მათ 5-მეტრიანში და მოლით და ფორვარდებით ვცადეთ ლელოს გატანა, მაგრამ ორივეჯერ დავჯარიმდით. 53-ე წუთზე მეტოქემ კარის წინ მარტივად გაგვიჭრა ხაზი და 19 ქულით ჩამოვრჩით.</p> <p> </p> <p>ამის მიუხედავად ჩვენი გუნდი არ გატყდა, ბოლომდე იბრძოლა, მეტოქის 22-ში დიდი დრო გაატარა და 63-ე წუთზე მოლის შემდეგ ლელო სანდრო გამყრელიძემ გაიტანა, ჭაკუამ კი გარდასახა. 66-ე წუთზე ირლანდიელთა 22-ში თამაში დათა ახვლედიანმა გაამწვავა, რასაც ფორვარდების მიძალებები მოყვა და ძელებს შუა ლელოშიც შევედით, მაგრამ დამიწება არ შედგა. 68-ე წუთზე მესამე ლელო მაინც გავიდა. მარცხენა ფრთაზე, ზედ კიდის ხაზთან ლუკა ტაბატაძე ორ მბოჭავს გასცდა და ლამაზი ლელო გაიტანა, ჭაკუამ კი ურთულესი პოზიციიდან გარდასახვა უნაკლოდ შეასრულა, რითაც სხვაობა 5 ქულამდე დაიყვანა და ბოლო შეტევით თამაშის მოგების შანსი დაგვიტოვა. მაგრამ ჩვენი 22-დან დაწყებული ხელდახელ შეტევა წარუმატებელი აღმოჩნდა, ირლანდიამ თავის დაცვა მოახერხა და 26:21 გაიმარჯვა.</p> <p> </p> <p><strong>18-წლამდელთა ექვსი ერის ფესტივალი. III რაუნდი</strong></p> <p><strong>18 აპრილი. ვიში (საფრანგეთი).</strong></p> <p><strong>საქართველო - ირლანდია 21:26 (7:12)</strong></p> <p><strong>საქართველო</strong></p> <p><strong>ხაზი:</strong> 15. ლუკა ჭაკუა (ფოთი), 14. დავით არობელიძე (არმია),13. დათა ახვლედიანი (ლელო, კაპ.), 12. გიორგი კეკელია (ლოკომოტივი), 11. ივა კვირიაშვილი (ლელო), 10. გიორგი გაბუნია (ლელო), 9. გიორგი ხონელიძე (ლელო);</p> <p><strong>შერკინება:</strong> 1. ნიკოლოზ ბალანჩივაძე (ოიონა, საფრანგეთი), 2. ლუკა წიკლაური (ხვამლი), 3. გიორგი ბერძენიშვილი (ლელო), 4. გიორგი არძენაძე (ბათუმი), 5. ნიკოლოზ ჩხორთოლია (მონპელიე, საფრანგეთი),6. ზაზა ლეჟავა (აია), 7. იოსებ ღვინჯილია (ლელო), 8. გიორგი ზაზაძე (ხარები).</p> <p><strong>მარქაფა:</strong> 16. სანდრო გამყრელიძე (აკადემია), 17. გაბრიელ რაზმაძე (ორიაკი, საფრანგეთი), 18. დავით ხურციძე (ლელო), 19. მათე ბერუაშვილი (ლოკომოტივი), 20. ანდრია ბილანიშვილი (ინგლისი); 21. გოგა უშვერიძე (აია), 22. ლევან ბუცხრიკიძე (ლელო), 23. დემეტრე დევდარიანი (სენტ მერი, ინგლისი), 24. ლუკა ტაბატაძე (არმია), 25. ავთანდილ ზვიადაძე (აია), 26. საბა გიორგიძე (ლელო).</p> <p><strong>3 ლელო: </strong>ღვინჯილია, გამყრელიძე, ტაბატაძე</p> <p><strong>3 გარდასახვა:</strong> ჭაკუა</p> <p> </p> <p><strong>Rugby.ge</strong></p>
-
სოსო
მაგ ასაკში რევერანსებს არავის აკეთებს,პირველ ტაიმში კი,მათი ლელოს შემდეგ,ჩვენც დავდეთ და წინაც გავედით.ტაიმის მოგებაც შეგვეძლო,მომენტები რომ გამოგვეყენებინა.სწორედ ის ნიუანსების ცოდნა დაგვაკლდა,რის გამოც ბურთს ვკარგავდით.წინა წლებში ჩვენი 18 წლამდელები უდიდესი ფიზიკური წნეხის საშუალებით ვაღწევდით ხოლმე შედეგს,6 ერის გუნდებთან და სწორედ ამიტომ ამბობდნენ ჩვენთან შემდგომში თამაშზე უარს.ეს ხომ საფესტივალო ასაკია,სადაც სხეულის ზედა ნაწილში ბოჭვა და შერკინებაში მიწოლაც კი აკრძალულია.ამ ბიჭებს პირველი შეხება ჰქონდათ 6 ერის ქვეყნებთან და მათთან მობილური რაგბის თამაშს რომ ცდილობდნენ,ეგეც დასაფასებელია.კრიტიკა ადვილია,მაგრამ ამ ასაკის ბიჭებისათვის მათი გარჯის,პროგრესის დაფასებაც ძალიან მნიშვნელოვანია.ყოველ მომდევნო თამაშში რომ უკეთესად ვთამაშობდით და საგრძნობლად შევეგუეთ,მათი თამაშის სტილს,ეს ძალიან კარგად ჩანდა.
-
სოსოს
ირლანდიელებს მე-60 წუთისთვის საქმე მოლეული ჰქონდათ. ბოლო წუთები აღარ ითამაშეს, რევერანსი გაგვიკეთს!
-
....
"ტოლსწორ მეტოქესთან"))) კლავიატურის მეფე ხარ! რაგბი როდის უნდა ისწავლო? ირლანდიელებს მე-60 წუთისთვის საქმე მოლეული ჰქონდათ...
-
სოსო
რამდენადაც ვიცი,ეს თამაშები,ჩვენი ნაკრების წევრების უმეტესობისათვის,უცხოურ რაგბისთან პირველი შეხება იყო და თუ თანმიმდევრულად ჩვენი ბიჭების თამაშებს,ერთი მეორის მიყოლებით ვნახავთ,ალბათ გაგვიკვირდება,რა დიდი სხვაობა ხდებოდა მათ თამაშში,ყოველი შემდეგი თამაშის შემდეგ.ირლანდიელებთან თამაშში,ჩვენ უკვე დროის უმეტესობა,შეტევაში გავატარეთ.რამდენჯერმე კიდევ გვქონდა ლელოს დადების შესაძლებლობა,მაგრამ დაცვას ვერ ვარღვევდით,მათ შეტევებს კი,ვერ ვიტყვი,რომ წარმატებით ვუკლავდებოდით.მეტი ასეთი თამაშები გვჭირდება და ძალიან სწრაფად დავიწყებთ გამარჯვებებს.დღეს კი,მაინც ცოდნა დაგვაკლდა.იმ წვრილმანი ნიუანსების ცოდნა,რომელიც ტოლსწორ მეტოქესთან,უპირატესობას გაძლევს და მხოლოდ გამოცდილება გასწავლის.ამ ბიჭებისაგან კარგი ნაკრები გაკეთდება და წარმატებებსაც მიაღწევენ. პ.ს.ყურადღება მიაქციეთ?ჩვენი დამრტყმელები,აუცდენლად ურტყამდნენ კარში,მაშინ როცა მათზე უფროსი ნაკრების დამრტყმელების სიზუსტე,უკეთესის სურვილს ტოვებს.ამ ასაკში,ვფიქრობ ამასაც დიდი დაფასება უნდა,თუმცა აუტებში,უფროსებს უკეთესად გადააქვთ.
18 წ. | დრამატული ფრე ირლანდიასთან
18 წ. | ირლანდიასთან ინგლისის მსგავსად
18 წ. | სამხრეთ აფრიკამ გვაჯობა
"საქართველოს ნაკრები სამაგალითოა" - ამბობს სომხეთის ეროვნული გუნდის ყოფილი კაპიტანი
ქართველი მსაჯები სომხეთისა და ირლანდიის მატჩს განსჯიან
"ფენერბაჰჩეს" დომენიკო ტედესკო ჩაიბარებს
ნიკოლოზ ბასილაშვილი ჩინური ტურნირის პირველივე წრეში დამარცხდა
ჯიკიჩი ევრობასკეტის საუკეთესო მწვრთნელის პრიზისთვის იბრძვის - როგორ შეგიძლიათ მისცეთ ხმა საქართველოს ნაკრების დამრიგებელს
თბილისური მატჩი ბოლო აღმოჩნდა - ილიევს ბულგარეთის ნაკრებიდან უშვებენ
"ნოტინგემმა" ეშპირიტუ სანტუ გაათავისუფლა - მოურინიო მისი შეცვლის ერთ-ერთი მთავარი კანდიდატია
"მარტო უნდა დავტოვოთ" - სკალონის ჰკითხეს, ითამაშებს თუ არა მესი 2026 წლის მსოფლიო ჩემპიონატზე
"სამწუხაროდ, ესპანეთში მას არ აფასებენ" - დე ლა ფუენტემ საკუთარი გუნდის ფეხბურთელი გამოარჩია
საქართველო - ფინეთი. ორივე ნაკრების გულშემატკივართა დესანტი რიგისაკენ მიემართება
აბურჯანია კარიერას საუდის არაბეთში გააგრძელებს
U21 | საქართველო V ჩრდილოეთ ირლანდია - მატჩისწინა ვარჯიში წყალტუბოში
ხარატიშვილი ჩეხურ კლუბში გადავიდა
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
უთავმოყვარეო და მშიშარა უწოდეს - სანტუშს აზერბაიჯანის ნაკრების დატოვება მაინც მოუწია
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
რატომ მოვიგეთ და როდის გავიმარჯვებთ "არმოსაგებში" - ბავშვებო, ისწავლეთ ხვიჩასგან!..
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
[PHOTO] არდა გიულერის ემოციები ესპანეთთან განადგურების შემდეგ