კაროს თამაში დაავიწყდა

მსოფლიოს პირველმა ჩოგანმა კაროლინ ვოზნიაცკიმ ზედიზედ მეორე სუპერტურნირზე შეირცხვინა თავი ზედიზედ მეორე სუპერტურნირზე შეირცხვინა თავი მსოფლიოს პირველმა ჩოგანმა კაროლინ ვოზნიაცკიმ. პროფესიული ტურის ყველაზე სტაბილური მოთამაშე აბსოლუტურად ამოვარდნილია ფორმიდან და ზედიზედ მესამე ტურნირის სასტარტო მატჩი დათმო.როგორც ვთქვით, დანიელმა დაკარგა თავისი მთავარი იარაღი - სტაბილურობა. გასულ კვირას, ტორონტოში იტალიელი რობერტა ვინჩის წინააღმდეგ კაროლინმა 35 უნებლიე შეცდომა დაუშვა, რაც მეტოქის მაჩვენებელზე ერთნახევარჯერ მეტი იყო. ცინცინატიში ვოზნიაცკის პირველი მოწინააღმდეგე, ამერიკელი კრისტინა მაკჰეილი ასევე არ ყოფილა კორტზე იდეალური, მაგრამ ამით დანიელის შეცდომები არ შემცირებულა.სხვათა შორის მაკჰეილი ამ მომენტისთვის ამერიკული ჩოგბურთის ერთ-ერთ ყველაზე პერსპექტიულ წარმომადგენლად მიიჩნევა. რა თქმა უნდა, ჯერჯერობით რთული სათქმელია რამდენად გაამართლება ეს მოთამაშე მასზე გაცემულ ავანსებს, მაგრამ ისიც ფაქტია, რომ მაკჰეილი WTA-ის ტოპ-ასეულის ყველაზე ახალგაზრდა წარმომადგენელია - ერთადერთი, ვინც 1992 წელს დაიბადა. არც ის უნდა დავივიწყოთ, რომ ამერიკელმა წელიწადნახევარში რეიტინგის მესამე ასეულიდან პირველში გადაინაცვლა.მაგრამ ვოზნიაცკის დავუბრუნდეთ, რომელმაც მაკჰეილისგან განსხვავებით უკვე ძალიან ბევრს მიაღწია. სტაბილურობის დაკარგვის შემდეგ, დანიელმა თამაშის წარმართვის სხვადასხვა ტაქტიკა მოსინჯა, მაგრამ ბოლომდე ვერ გაერკვა, რომელი ტაქტიკური გადაწყვეტილება იქნებოდა ოპტიმალური. გარდა ამისა, დანიელი ფორჰენდმა დააღალატა, რასაც მაკჰეილი კარგად იყენებდა - შეცდომების დიდი ნაწილი სწორედ აქედან მოდიოდა.საბოლოოდ, კაროლინმა, რომელიც პირველ მატჩს ატარებდა თავისი ახალი ბოიფრენდის, ცნობილი გოლფისტის რორი მაკილროის თვალწინ, ზუსტად იმ ანგარიშით წააგო, რომლითაც ერთი კვირის წინ რობერტა ვინჩისთან მატჩში - 4:6, 5:7. ამის გამო ვოზნიაცკი რეიტინგში 900 ქულას დაკარგავს, თუმცა ჯერჯერობით მის ლიდერობას კლასიფიკაციაში არაფერი ემუქრება, საჩემპიონო რბოლაში კი, შესაძლოა, პეტრა კვიტოვამ, მარია შარაპოვამ და ნა ლიმ გაუსწრონ, თუ, რა თქმა უნდა, რომელიმე შეძლებს ცინცინატის ტურნირის მოგებას."თუ არ ვცდები, 37 უნებლიე შეცდომა დავუშვი, არადა, ჩვეულებრივ, შვიდ-რვა შეცდომას ვაგროვებ მატჩში. მაგრამ ასეთი რამეებიც ხდება. არსებობს კარიერაში კარგი მონაკვეთებიც და ჩავარდნებიც. დარწმუნებული ვარ, მომავალში დავიბრუნებ ფორმას და კიდევ ბევრ მატჩს მოვიგებ. რა თქმა უნდა, მოგება მინდოდა და ძალიან იმედგაცრუებული ვარ, მაგრამ ეს მხოლოდ მორიგი ტურნირი იყო. ცხოვრება გრძელდება", - აღნიშნა მატჩის შემდეგ ვოზნიაცკიმ.ცინცინატის ტურნირს გამოეთიშა ორი ფავორიტი, თუმცა მათ ეს კორტზე გაუსვლელად გააკეთეს. ტორონტოს ტრიუმფატორმა სერენა უილიამსმა ლუსი ჰრადეცკას დამარცხების შემდეგ უარი თქვა სამანტა სტოსურთან თამაშზე - ამერიკელმა მარჯვენა ფეხის თითის ტრავმა მოიმიზეზა და განაცხადა, რომ არ სურს ამერიკის ღია პირველობის წინ რისკზე წასვლა. სერენას, თქმით, ეს დაზიანება ხელს არ შეუშლის "ფლეშინგ მედოუს" კორტებზე თამაშში.მეორე ჩოგბურთელი, რომელმაც უარი თქვა 1/16 ფინალში თამაშზე, ბელარუსი ვიქტორია აზარენკა იყო. როგორც ჩანს, ტორონტოს ტურნირის ფინალში მიღებული მარჯვენა ხელის ტრავმა სერიოზული აღმოჩნდა. ამასთან დაკავშირებით ბელარუსს ჯერ კომენტარი არ გაუკეთებია, ძირითად ბადეში კი ის ფრანგმა პოლინ პარმენტიემ შეცვალა, რომელმაც შაარ პეერთან ორ სეტში წააგო.1/16 ფინალისვეტლანა კუზნეცოვა (რუს, 14)-პეტრა ჩეტკოვსკა (ჩეხ) 4:6, 6:3, 6:4; პეტრა მარტიჩი (ხორ)-იანინა ვიკმაიერი (ბელ, 17) 3:6, 6:2, 6:2; ფრანჩესკა სკიავონე (იტა, 7)-მარია კირილენკო (რუს) 7:5, 3:6, 6:4; ელენა იანკოვიჩი (სერ, 13)-ჟიე ჟენგი (ჩინ) 4:6, 6:3, 6:1; ნადია პეტროვა (რუს)-ანა ივანოვიჩი (სერ, 15) 6:3, 7:6; დანიელა ჰანტუხოვა (სლოვაკ)-ფლავია პენეტა (იტა) 6:3, 6:4; ვერა ზვონარევა (რუს, 2)-ეკატერინა მაკაროვა (რუს) 6:3, 6:0; სამანტა სტოსური (ავსტრა, 10)-სერენა უილიამსი (აშშ) უილიამსის უარი; ანდრეა პეტკოვიჩი (გერ, 9)-სოფია არვიდსონი (შვედ) 6:2, 6:4; კრისტინა მაკჰეილი (აშშ)-კაროლინ ვოზნიაცკი (დან) 6:4, 7:5; შაარ პეერი (ისრ)-პოლინ პარმენტიე (საფ) 6:2, 6:3; შუაი პენგი (ჩინ, 16)-სარა ერანი (იტა) 6:2, 6:4.1/8 ფინალიმაკჰეილი-პეტროვა; პეტკოვიჩი (9)-კვიტოვა (6); პეერი-პენგი (16); იანკოვიჩი (13)-სკიავონე (7); ნა ლი (5)-სტოსური (10); კუზნეცოვა (14)-შარაპოვა (4); ბარტოლი (8)-ჰანტუხოვა; მარტიჩი-ზვონარევა (2).ყოველდღიური სპორტული გაზეთი "ლელო"

მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია

ოფიციალურად: როჯერ ფედერერი მილიარდერი გახდა

[VIDEO] ბასილაშვილმა ბელგიელ მეტოქეს სძლია - ქართველმა წლის ბოლო დიდი სლემი წარმატებულად დაიწყო

„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე

პსჟ ბარკოლასთან კონტრაქტის გაგრძელებაზე მოლაპარაკებას აწარმოებს

საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს

"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა

"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა

"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს

შენგელია: გასაკვირია ჯიკიჩი ევროლიგის გუნდს რომ არ წვრთნის

პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა

მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით

[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება

ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო

ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს

როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?

"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]

[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!

[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!

პირველი ტაიმის შემდეგ საქართველოს ნაკრები ბულგარეთს 2:0 ამარცხებს

მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო

კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია