<p>სპორტისა და ახალგაზრდობის საქმეთა მინისტრი ვლადიმერ ვარძელაშვილი ევროპის ჩემპიონატიდან დაბრუნებულ მოჭიდავეებს შეხვდა <br> გუშინ საქართველოს სპორტისა და ახალგაზრდობის საქმეთა მინისტრი ვლადიმერ ვარძელაშვილი ევროპის ჩემპიონატიდან დაბრუნებულ თავისუფალი და ბერძნულ-რომაული სტილით მოჭიდავე ჭაბუკთა გუნდებს შეხვდა.</p><p>ვარშავაში გამართულ ამ ტურნირში ჩვენმა მოზარდებმა წარმატებით იასპარეზეს -"თავისუფლებმა" 1 ოქრო, 2 ვერცხლი და 1 ბრინჯაო მოიპოვეს. კონტინენტის ჩემპიონი მძიმეწონოსანი გენო პეტრიაშვილი გახდა, ვერცხლი შოთა ფანცულაიამ (50) და ომარ გურჯიძემ (63) მოიპოვეს, შოთა ფარტენაძე (54) კი მესამეზე გავიდა.</p><p>ბერძენ-რომაელთა მონაგარი 2 ვერცხლი და 3 ბრინჯაოა. ლაშა გობაძემ (76) და კუკური კირცხალიამ (85) ფინალური შეხვედრები დათმეს, რამაზ ზოიძე (42), ედნარ შავაძე (46) და შმაგი ბოლქვაძე (58) ბრინჯაოს მედლებს დასჯერდნენ. მინისტრთან ერთად პრესკონფერენციას საქართველოს ჭიდაობის ფედერაციის პრეზიდენტი კახა გეწაძეც ესწრებოდა. ფალავნებს ორივემ მიულოცა წარმატება და გამოთქვა იმედი, რომ ისინი მსოფლიოს ჩემპიონატზეც წარმატებით გამოვლენ.</p><p>ჩვენი ფალავნები, კონკრეტულად კი ბერძენ-რომაელები ორშაბათს დაბრუნდნენ ევროპის პირველობიდან, მალევე კი მსოფლიოს ჩემპიონატზე წავლენ, რომელიც 23-28 აგვისტოს უნგრულ სომბათჰეიში ტარდება.</p><p>"თავისუფალთა" გუნდის მთავარმა დამრიგებელმა თამაზ ბენდიანიშვილმა ევროპაზე ნაჭიდავებ გუნდში ერთადერთი ცვლილება გააკეთა და ისიც, ერთი შეხედვით, უცნაური - შეცვალა არა უმედლოდ დარჩენილი რომელიმე ფალავანი, არამედ ევროპის ვიცე-ჩემპიონი ფანცულაია.</p><p>სამწუხაროდ, ეს იძულებითი ცვლილებაა, ვინაიდან მოზარდმა წონა ვერ დაიკლო, სხვა წონით კატეგორიებში კი ბენდიანიშვილმა ძველ შემადგენლობას უხმო, რადგან მათზე უკეთესები არც ჰყავს: გიორგი პასიკაშვილი (42), რამაზ დარჩიძე (46), შალვა ხუციშვილი (50), შოთა ფარტენაძე (54), რაუფ შაკულ-ოღლი (58), ომარ გურჯიძე (63), შალვა ჭადაშვილი (69), გიორგი ჩხარტიშვილი (76), ბექა როჭიკაშვილი (85), გენო პეტრიაშვილი (100).</p><p>გუნდში ბევრი ცვლილება არც ბერძენ-რომაელთა ნაკრების თავკაც ვაჟა კრავეიშვილს გაუკეთებია, მხოლოდ სამი ცვლილება გააკეთა - 46, 63 და 69 კილოგრამებში. რამაზ ზოიძე (42), ლეონ ხოზრევანიძე (46), ედნარ შავაძე (50), გიორგი ტოტიკაშვილი (54), შმაგი ბოლქვაძე (58), ნიკა მამარდაშვილი (63), გიორგი ჩხარტიშვილი (69), ლაშა გობაძე (76), კუკური კირცხალია (85), ზურაბ გედეხაური (100) - ასეთია მისი არჩევანი მსოფლიოს პირველობისთვის. უნგრეთში ჯერ "თავისუფლები" მიდიან - 21 აგვისტოს, ბერძენ-რომაელები კი 25-ში გაფრინდებიან.</p><p><strong>ყოველდღიური სპორტული გაზეთი "ლელო"</strong></p>
საქართველოს თავისუფალი სტილით მოჭიდავე 20-წლამდელთა ნაკრები ევროპის ჩემპიონია!
პეტრიაშვილმა და ჭეჭელაშვილმა ევროპის ჩემპიონატზე ოქროს მედლები მოიპოვეს!
ევროპის ჩემპიონატზე ბოლქვაძემ და ხეცურიანმა ბრინჯაოს მედლები მოიპოვეს
"მანჩესტერ იუნაიტედთან" მატჩში "ლივერპულის" შემადგენლობა ცნობილია
ფრე დინამოების დაპირისპირებაში; წყალტუბოელთა მოგება ფოთში
ქოჩორაშვილი სათადარიგოთა შორის დატოვეს - "სპორტინგი" 1/16-ფინალში ძლივს გავიდა
დავითაშვილის "სენტ-ეტიენმა" შინ მარცხი განიცადა
[VIDEO] ვენდეტა არგენტინულად - სიმეონემ "ტორინოს" "ნაპოლისთან" გამარჯვება მოუპოვა
მიქაუტაძის გარეშე - "სიტისთან" მატჩამდე "ვილიარეალმა" "ბეტისთან" გამარჯვება ხელიდან გაუშვა
საქართველო 3:2 ყირგიზეთი
გოჩოლეიშვილს სახეზე 6 ნაკერი დაადეს - "ჰამბურგი" "ლაიფციგთან" დამარცხდა
კვერნაძე შეცვლაზე შევიდა - "ფროზინონე" "მონცასთან" დამარცხდა
39 დღე გაძლო - "ნოტინგემმა" პოსტეკოღლუ გაათავისუფლა
ზივზივაძე დაბრუნდა - "ჰაიდენჰაიმი" "ვერდერს" ფრედ ეთამაშა
"აქ ნებისმიერ მწვრთნელს კრიზისამდე ერთი მატჩი აშორებს" - ბრუნო ფერნანდეშმა რუბენ ამორიმი დაიცვა
"ქუთაისმა" რუსთავში იმარჯვა, "ორბმა" ტყიბულში თსუ-ს სძლია
"ალბათ, სეზონის ბოლოს "ბარსელონას" დატოვებს" - ცნობილი გერმანელი ჟურნალისტი ლევანდოვსკის მოამვალზე წერს
რაფაელ ბენიტესი ბერძნულ გუნდს ჩაიბარებს
გვარდიოლამ გაამხილა, როდის იფიქრებს მწვრთნელის კარიერის დასრულებაზე
კვარაცხელია და იამალი თანაგუნდელები გახდებიან? - პირველადი მოლაპარაკებები გაიმართა
[VIDEO] მამუკელაშვილის 17 წუთი - "ტორონტო რაპტორსმა" პრესეზონი "ბრუკლინთან" გამარჯვებით დაასრულა
ლიდერი შეიცვალა... "გარეჯმა", "ტორპედომ" და "იბერია 1999"-მა მოიგეს
კანტე ევროპაში ბრუნდება? - ფრანგს სერიოზული მსურველი ჰყავს