
მსოფლიოსა და ევროპის ყოფილმა ჩემპიონმა, ბიქსენტ ლიზარაზიუმ, რომელიც ამჟამად პსჟ-ს კონსულტანტია, maxifoot-ან ხვიჩა კვარაცხელიას თამაშით აღფრთოვანება ვერ დამალა, თქვა, რომ გუნდისთვის ბოლომდე იხარჯება და სამაგალითოა:
„ასეთ გარემარბთან ერთად განაპირა მცველისთვის თამაში ერთი სიამოვნებაა, რადგან ის არასოდეს არ იზარებს უკან დახევას და არაჩვეულებრივი ინტენსივობით შავი სამუშაოს შესრულებას. მომწონს „კვარას“ საბრძოლო განწყობა, მის გვერდით მცველი თავს მუდამ კომფორტულად გრძნობს, რამეთუ იცის, რომ ქართველი ყოველთვის დაეხმარება.
ასეთი ტიპის ფეხბურთელები გუნდის სწორად მოქმედებაში გადამწყვეტი მნიშვნელობის არიან. უბრალოდ ბრწყინავს შეტევაში და აჩვენებს, ფლანგის თავდამსხმელი ნამდვილი ჯარისკაცივით როგორ უნდა იდგეს გუნდის სამსახურში. დაცვის მარცხენა ფრთაზე მისი გარჯა იმ მენტალიტეტის ნათელი დადასტურებაა, რომელიც საერთო საქმის წარმატებულად დაგვირგვინებაში შეაქვს“.