ჩემპიონების ფიასკო

საჩოგბურთო ელიტას სლოვაკი დანიელა ჰანტუხოვა უბრუნდება, რომელმაც ტოპ-ათეულის წევრებთან შეხვედრების სტატისტიკა ცოტათი გამოასწორა ცუდი დღე ჰქონდათ ცინცინატის ქალთა ტურნირზე "დიდი სლემის" ბოლო ორი ტურნირის გამარჯვებულებს. კიდევ ერთხელ გამოჩნდა, რომ უიმბლდონის ჩემპიონი პეტრა კვიტოვა არ არის მზად ამერიკის ღია პირველობისთვის. ზედიზედ მეორე კვირაა ჩეხ ჩოგბურთელს გერმანელი ანდრეა პეტკოვიჩი ამარცხებს. ამჯერად მატჩის ანგარიში იყო - 6:3, 6:3."ძალიან ცუდად ვთამაშობდი. ბევრი შეცდომაც დავუშვი, რასაც მეტოქის შესანიშნავი მოქმედება დაერთო თან. მეორე სეტში კი ასთმის შეტევა მქონდა, ასე რომ, უშანსოდ ვიყავი", - განაცხადა კვიტოვამ.პეტკოვიჩს შემდეგ ეტაპზე რუსი ნადია პეტროვა ელის, რომელსაც აქამდე ერთხელ შეხვედრია - შარშან აშშ-ის ღიაზე პირველ წრეში მოუგო. თუმცა პეტროვა ახლა კარგ ფორმაშია - მან ორ სეტში 9 ეისის დახმარებით მოუგო კრისტინა მაკჰეილს. შეგახსენებთ, რომ სწორედ ამ ამერიკელმა სძლია წინა ეტაპზე მსოფლიოს პირველ ჩოგანს კაროლინ ვოზნიაცკის.რაც შეეხება როლან გაროსის ჩემპიონ ნა ლის, მან კიდევ ერთხელ დაამტკიცა, რომ სამანტა სტოსურის წინააღმდეგ თამაში არ გამოსდის. აქამდე ჩინელს ავსტრალიელთან ოთხიდან ოთხი მატჩი ისე ჰქონდა წაგებული, რომ ერთი სეტიც ვერ მოეგო. ამჯერად ლიმ ერთი პარტია აიღო, მაგრამ საბოლოოდ ისევ დამარცხებულმა დატოვა კორტი.თავის მხრივ, სტოსურს არ გამოსდის მარია შარაპოვას წინააღმდეგ თამაში, რადგან წინა რვა შეხვედრაში მხოლოდ ორი სეტი აქვს მოგებული. ახლა ისინი მეოთხედფინალში დაუპირისპირდებიან ერთმანეთს. მარიამ თანამემამულე სვეტლანა კუზნეცოვას უშანსოდ მოუგო.თანდათან უბრუნდება საჩოგბურთო ელიტას სლოვაკი დანიელა ჰანტუხოვა, რომელმაც ცოტათი გამოასწორა წელს ტოპ-ათეულის წევრებთან შეხვედრების სტატისტიკა (5:9). ერთ დროს მსოფლიოს მეხუთე ნომერმა რთული ბრძოლა გადაიტანა ფრანგი მარიონ ბარტოლის წინააღმდეგ. არადა, დანიელამ პირველი სეტი იოლად მოიგო 6:3, მეორეში 3:1 დაწინაურდა და მეხუთე გეიმში გეიმბოლიც ჰქონდა. სწორედ ამის შემდეგ ინიციატივა მთლიანად მსოფლიოს მეცხრე ნომრის მხარეს გადავიდა, რომელმაც არა მარტო მეორე სეტი მოიგო, არამედ მესამეშიც წინ გავიდა - 1:0. მასაც გეიმბოლი ჰქონდა მეორე გეიმში, მაგრამ ახლა ჰანტუხოვას გმირობის ჯერი დადგა. სლოვაკმა შემდეგი რვა გეიმიდან ექვსი საკუთარ ანგარიშზე მიითვალა და მეოთხედფინალში გავიდა, სადაც რუს ვერა ზვონარევას შეხვდება.ჰანტუხოვამ წლევანდელი სეზონი 31-ე ჩოგანის რანგში დაიწყო, მაგრამ ბოლო თვეებში კარგი თამაშით ოცეულს დაუბრუნდა და, როგორც ჩანს, ამაზე გაჩერებას არ აპირებს.მეოთხედფინალური ეტაპის მეოთხე წყვილი სერბმა ელენა იანკოვიჩმა და ჩინელმა შუაი პენგმა დააკომპლექტეს. აზიელმა ისე მოუგო ისრაელის წარმომადგენელ შაარ პეერს, რომ არც ერთი საკუთარი მოწოდება არ წაუგია - 6:3, 6:2.სამაგიეროდ, რთული ბრძოლა ჰქონდა იანკოვიჩს, რომელსაც როლან გაროსის შარშანდელი ჩემპიონი ფრანჩესკა სკიავონე ხვდებოდა. სერბმა პირველი სეტი დამაჯერებლად ჩაატარა და სამი გეიმი დაანება მეტოქეს, მეორეში 5:3-ს იგებდა და თითქოს იოლი გამარჯვება უნდა გაეფორმებინა, მაგრამ იტალიელმა ზედიზედ ოთხი გეიმის აღებით სეტებს შორის ანგარიში გაათანაბრა. გადამწყვეტი პარტია იანკოვიჩის დომინირებით დაიწყო და მალე ანგარიში 5:1 გახდა მის სასარგებლოდ, თუმცა იტალიელმა კინაღამ მორიგი გმირობა ჩაიდინა - ზედიზედ სამი გეიმი აიღო და სხვაობა მინიმალური გახდა. იანკოვიჩმა წინა სეტის სცენარის გამეორება არ გაუშვა და მაინც მოახერხა მატჩზე ჩაწოდება - 6:3, 5:7, 6:4.იანკოვიჩი და პენგი საკმაოდ ხშირად შეხვედრიან ერთმანეთს და სერბი წინ არის - 6:2, თუმცა ბოლო ორი შეხვედრა ჩინელს დარჩა, თანაცა აქედან ერთი წლევანდელ სეზონში.1/8 ფინალივერა ზვონარევა (რუს, 2)-პეტრა მარტიჩი (ხორ) 6:2, 6:2; მარია შარაპოვა (რუს, 4)-სვეტლანა კუზნეცოვა (რუს, 14) 6:2, 6:3; ანდრეა პეტკოვიჩი (გერ, 9)-პეტრა კვიტოვა (ჩეხ, 6) 6:3, 6:3; სამანტა სტოსური (ავსტრა, 10)-ნა ლი (ჩინ, 5) 6:4, 3:6, 6:4; დანიელა ჰანტუხოვა (სლოვაკ)-მარიონ ბარტოლი (საფ, 8) 6:3, 5:7, 6:3; ნადია პეტროვა (რუს)-კრისტინა მაკჰეილი (აშშ) 6:3, 6:3; შუაი პენგი (ჩინ, 16)-შაარ პეერი (ისრ) 6:3, 6:2; ელენა იანკოვიჩი (სერ, 13)-ფრანჩესკა სკიავონე (იტა, 7) 6:3, 5:7, 6:4.1/4 ფინალიპეტროვა-პეტკოვიჩი (9); პენგი (16)-იანკოვიჩი (13); სტოსური (10)-შარაპოვა (4); ჰანტუხოვა-ზვონარევა (2).ყოველდღიური სპორტული გაზეთი "ლელო"

"შავი ლომი" ირლანდიაში 0:52 დამარცხდა

[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ

[VIDEO] მაგიური დუელი ტურინში - სინერმა ალკარასი დაამარცხა

დეკემბერში პსჟ-ს საუკეთესო ფეხბურთელად საფონოვი დაასახელეს

"ბაიერნი" "რეალს" და "მანჩესტერ სიტის" ფეხბურთელს მხოლოდ სარეკორდო თანხად მიჰყიდის

ბასტონიმ შესაძლოა, "ინტერი" დატოვოს - იტალიელის გადასაბირებლად ორი გრანდი იბრძვის

სანდრო ალთუნაშვილი "ჰაპოელის" ფეხბურთელი გახდა

ოფიციალურად - "ლიონმა" "რეალისგან" ენდრიკი ინათხოვრა

სპორტის სამინისტრომ 2025 წლის საუკეთესო სპორტსმენები დაასახელა

პსჟ-ს ტრავმის გამო შემტევი გამოაკლდა

ლევან კობიაშვილმა ფიფას კომიტეტის სხდომას უხელმძღვანელა

ტიკნიზიანი: სომხეთის დედაქალაქი მაიამია - ყოველ სომეხს აშშ-ს პასპორტი უნდა ჰქონდეს

პსჟ-ს და კვარაცხელიას უნიკალური მიღწევა - ამითაა ლუის ენრიკეს გუნდი გამორჩეული

18-წლამდელთა ნაკრები გიორგი ნემსაძემ ჩაიბარა

წლის საუკეთესო მებრძოლი - პოპულარულმა MMAJunkie-მ და ESPN-მა მერაბ დვალიშვილი აღიარეს

მეინუს აღარ გაუშვებენ - "მანჩესტერ იუნაიტედი" თავის აღზრდილს მინიმუმ ზაფხულამდე დაიტოვებს

"ბარსელონა" დაცვას გააძლიერებს - რა გეგმები აქვთ კატალონიელებს ზამთრის სატრანსფერო ფანჯარაზე

"მილანმა" ორიჯის კონტრაქტი გაუწყვიტა - თითქმის 2-წლის უთამაშებლობის მიუხედავად, ის 4 მილიონს გამოიმუშავებდა

"თამაშობ და იცი, რომ ალისონი დაბრუნდება, მაშინვე სათადარიგოთა სკამზე ხარ" - კელეჰერი "ლივერპულიდან" წასვლაზე

გვარდიოლას გვარდიოლის დიდი ხნით შენარჩუნება უნდა - "სიტი" იოშკოსთან ახალ კონტრაქტზე მუშაობს

[PHOTO] მხოლოდ პირსახოცით - "შახტარის" ფეხბურთელის მეუღლის მიერ სააბაზანოდან გამოქვეყნებულ თამამ ფოტოებს დიდი აჟიოტაჟი მოჰყვა

ზირკზე კვლავ სერია A-ში? - მოლაპარაკებები უკვე დაწყებულია

[VIDEO] ბითაძის 14 წუთი - "გოლდენ სტეიტმა" "ორლანდო მეჯიქი" დაამარცხა