მეცხრე ადგილი მსოფლიო ჩემპიონატზე - საქართველომ შოტლანდია დაამარცხა

დღეს, 19 ივლისს კალვიზანოში, რაგბის ოცწლამდელთა მსოფლიო ჩემპიონატზე, მეცხრე ადგილისთვის &bdquo;სტადიო სან მიხელზე“ ბრძოლაში, საქართველოს ნაკრები შოტლანდიას დაუპირისპირდა და დამაჯერებლად მოუგო.   საქართველო 22-7 შოტლანდია   ლელოები: 15, ხელაძე; 22, 59, შიოშვილი; 30, ღურწკაია -- 33, ლოგანი გარდასახვა: ბოლქვაძე (1/3), სირბილაძე (0/1) -- არვინი (1/1)   მატჩი ჩვენი შეტევითა და მოლიდან შოთა ხელაძის მიერ დადებული ლელოთი დაიწყო, მაგრამ მსაჯმა ბლოკირების გამო ლელო გაგვიუქმა. მომდევნო წუთები გარდამავალი უპირატესობით წარიმართა, სანამ მოლის წყალობით ისევ ჩვენი კაპიტანი შოთა ხელაძე ლელოს არ დადებდა. ამის შემდეგ შოტლანდიელები გამუდმებით ჯარიმდებოდნენ, რის შედეგადაც 21-ე წუთზე შოტლანდია უკვე 13 კაცით დარჩა. მალევე მიხეილ შიოშვილმა ბურთი ჩათვლის მოედანში შერკინებიდან გამოსვლის შემდგომ დაამიწა და უნდა აღინიშნოს, რომ ის ძალიან კარგ ტურნირს ატარებს. 30-ე წუთზე საკუთარი ნახევრიდან ბურთი ხელდახელ წამოვიღეთ, სისწრაფეც ჩავრთეთ და მაღალ დონეზე დამუშავებული იერიში მათე ღურწკაიას ლელოთი დაგვირგვინდა. პირველი ტაიმის ბოლოს შოტლანდიაც გააქტიურდა და აუტიდან გათამაშებული ჭკვიანური კომბინაციის შემდეგ რუბენ ლოგანმა "სკოტებს" პირველი ქულები მიუთვალა.   მეორე ნახევრის დასაწყისში ქართველები დაჯარიმდნენ, რასაც დუგლასის ლელო მოჰყვა, თუმცა, ჩვენდა საბედნიეროდ, ეს ლელოც მოლში წესების დარღვევის მიზეზით გაუქმდა. 46-ე წუთისკენ ჩვენი ჩათვლის მოედნის სიახლოვეს ბრიტანელებმა ბურთი ცარიელ სივრცეში გადაგვიკიდეს, რის შემდეგაც ბურთი დაგვივარდა და ლელო გავუშვით, მაგრამ ერთ-ერთი შოტლანდიელი მიმყოლი მორაგბე დამრტყმელზე წინ აღმოჩნდა და ეს ხუთი ქულაც აქტივში წაეშალათ. 59-ე წუთზე შოტლანდიელებმა თავიანთ 5-მეტრიან ზონაში მეორე სართულზე ვერ ივარგეს, რითაც მიხეილ შიოშვილმა ისარგებლა, დუბლი გაიფორმა და ტურნირის ბომბარდირთა დავაში ერთპიროვნულად გალიდერდა! საბოლოო ჯამში, დღეს ჩვენებმა არაერთი შეცდომა დაუშვეს, ხშირადაც ჯარიმდებოდნენ, მაგრამ ამ არეულ თამაშში დამსახურებული გამარჯვება მოიპოვეს.   შემადგენლობები:   საქართველო - შერკინება - 1. გიორგი ტურაშვილი (იფსვიჩი), 2. შოთა ხელაძე (ლელო, კაპ.), 3. მათე ღურწკაია (კასტრი), 4. დავით ბარამია (ტულონი), 5. გაგი მარგველაშვილი (რასინგი), 6. ნიკა აბესაძე (ლელო), 7. ლუკა ნარსია (აია), 8. მიხეილ შიოშვილი (ტულონი) - ხაზი - 9. გიორგი სპანდერაშვილი (შავი ლომი), 10. თემურ ძოძუაშვილი (აია), 11. სანდრო მესხიძე (არმია), 12. ნუგზარ ქევხიშვილი (ლელო), 13. დათა ახვლედიანი (ლელო), 14. ლუკა კეშელავა (არმია), 15. გიორგი ბოლქვაძე (ლელო) სათადარიგო: 16. დავით არჩვაძე (ლელო), 17. გიორგი მესხიძე (პერპინიანი), 18. გიორგი ძაგანია (ნარბონი), 19. ნიკოლოზ ჩხორთოლია (მონპელიე), 20. გიორგი არძენაძე (ბათუმი); 21. დაჩი წიკლაური (ხვამლი), 22. გიგი სირბილაძე (ლელო), 23. სანდრო სესიაშვილი (არმია)   მთავარი მწვრთნელი: ლადო კილასონია (საქართველო)   შოტლანდია - შერკინება - 1. მაკკენა, 2. სტეფენი, 3. ბლით-ლაფერთი, 4. ქოქბარნი, 5. გოდსელი, 6. დანკანი, 7. დუგლასი, 8. ლოგანი - ხაზი - 9. პატერსონი, 10. არვინი, 11. უოტსონი, 12. იული, 13. ვენტისეი, 14. ბრაუნი, 15. ფინდლეი სათადარიგო: 16. რობერტსი, 17. პირსი, 18. შირერი, 19. მორსი, 20. ფირფი, 21. ქოუენი, 22. ქოეტსი, 23. ჰოქინგი   მთავარი მწვრთნელი: კენი მარეი (შოტლანდია)   შეგახსენებთ, რომ 2018 წელს, საფრანგეთში გამართულ ოცწლამდელთა მსოფლიო ჩემპიონატზეც მეცხრე ადგილისთვის ფინალში ერთმანეთს ეს ორი ნაკრები შეხვდა და მაშინაც საქართველომ ანგარიშით 39-31 იმარჯვა. მომდევნო ახალგაზრდულ მსოფლიო ჩემპიონატს სწორედ ჩვენი ქვეყანა უმასპინძლებს, სადაც მონაწილეობას 12-ის ნაცვლად 16 გუნდი მიიღებს.

ნაპოს

შენა კარგად მიდის შენი მკურნალობა?რას გეუბნებიან ექიმები მალე გაგწერთო?თუ ესე კარგათ იცი კომენტატორობა გაბედე
ramaz martali

საქმე იმაშია, რომ ძალიან უხარისხოდ ვთამაშობთ. მხოლოდ ჯაჯგურით და ღონით გვინდა ფონს გასვლა, რასაც თამაში ნამდვოლად არ ჰქვია და უფრო კლასიკურ ჭიდაობას გავს ბერძნულ-რომაულს. თავისუფალ ჭიდაობასაც ვერ დავარქმევდი ჩვენების რაგბს. ამიტომ, ახლობლების გარდა ვერავინ შეძლებს ამ ჯაჯგურის ყურებას და მაყურებელიც ვეღარ იტანს ამ ტანჯვის ატანას 80 წუთი. ნახეთ რას უბერავენ ზელანდიელები, აფრიკელები, ინგლისილები და როგორი შედეგი აქვთ? ან, წავალთ სწრაფი და ლაღი თამაშისკენ, ან მომავალი აღარ ექნება ამ ჯაჯგურ-ბღლარძუნს.
სირბილის სწავლების ცენტრი

ათეულში უკვე მკვიდრად ხართ და ახლა ექვსეულზე იფიქრეთ!
? ! !

№41 პალატიდან ?!!
.

შოტლანდიის 20 წლამდელებს,მსოფლიოს ჩემპიონატებზე უკვე მეოთხედ შევხვდით და მეოთხედ გავიმარჯვეთაშკარაა,რომ შოტლანდიაში კრიზისია და ეს მათ პირველ ნაკრებსაც საგრძნობლად შეეტყო,თუმცა ყველამ ვუყურეთ ჩვენი ნაკრების თამაშებს და ალბათ ყველანი ვთანხმდებით,რომ ასეთი თამაში არავის აკმაყოფილებს.მწვრთნელმა და გუნდმა,იმაზე მეტს მიაღწიეს,ვიდრე მათი თამაში იმსახურებდა.ამდენი ტექნიკური თუ ტაქტიკური წუნი,კონცენტრაციის ნაკლებობის გამო გაშვებული მრავალი ლელო იმაზე ფდაფიქრებას გვავალდებულებს,რამდენად უკეთესი გახდებოდა ჩვენი ნაკრები,ეს ყველაფერი და თანაც ასეთი სიხშირით არ განმეორებულიყო,ყოველ თამაშში.ბოლო თამაშებში,თანდათან შეთამაშებაც გამოჩნდა,მაგრამ ეს მაინც არ იყო,შეთამაშებულ-შეკრული ნაკრები.ამიტომ შეგვიძლია დავასკვნათ,რომ ამ ბიჭებს,უმრავლესობას მაინც,მომატების ძალიან დიდი რესურსი აქვთ და საკუთარ თავზე კარგად თუ იმუშავეს,რამდენიმე ახალგაზრდა,შესაძლოა ვარსკვლავურ სტატუსსაც გაეთამაშოს.ამით ამ ნაკრებმა არსებობა დაასრულა და მის ყოველ წევრს,წარმატებულ კარიერას ვუსურვებ მომავალში.იმედია დიდხანს ცდა არ დაგვჭირდება და პირველ ნაკრებშიც მალე დაიწყებენ თამაშს.ნაკრებში ძალიან ბევრი საქართველოს კლუბებში მოთამაშე გამოდიოდა და ცხადად გამოჩნდა,რაში სჭირდებათ მომატება.მომავალ წელს ხომ მსოფლიოს ჩემპიონატი საქართველოში ჩატარდება და ეს კიდევ უფრო მეტს გვავალებს.ცხადია,რომ ქართულ კლუბებში მოთამაშე მორაგბეებს უამრავი ტექნიკური,ფიზიკური თუ ტაქტიკური ლაფსუსი აქვთ და ამის გამოსწორებაზე განსაკუთრებულად უნდა ვიმუშაოთ,თვითონ კლუბებში.არ შეიძლება ლეგიონერებსა და ადგილობრივებს შორის ამხელა განსხვავება იყოს,სხვადასხვა კომპონენტებში.ასეთ დროს გუნდური თამაშის დასტაბილურება ძალიან ძნელი საქმეა და ამისი მოწმეები, ყველანი ვიყავით.
.

საფრანგეთის ელიტდივიზიონის კლუბებს,სერიოზულ კლუბებად არ თვლი?აბა საფრანგეთის ნაკრებში თამაშის უფლება ქართველებს არ გავქვს და რა ვქნათ?
ნაპოლეონი

ასაკობრივებში გრანდების დამარცხება ჩვეული მოვლენაა მაგრამ საბოლოო შედეგის კუთხით ჯერჯერობით არაფრის მომცემი ეხლა ვსვამ კითხვას რამდენი შოტლანდიელი მორაგბეთა ტოპკლუბებში და ქაღტველი თუა სადმე. . .შოტლანდიის ამ ასაკობრივი დან უმეტესობა დიდი რაგბს ითამაშებს ,მაგრამ ქართველები?. . .მერამდენე მსოფლიოს სადაც შოტლანდიას უელსში ირლანდიას ვამარცხებთ მარა ჯერ არ მახსენდება ჩემპიონატების მერე რომელი ქართველი მორაგბიეთვის რომელიმე სერიოზულ გუნდს თვალი დაუდგამს. რატომ ისმის ხომ ლოგიკური კითხვა. . პასუხი კი მარტივია,სანამ აქაურ ე.წ ჯენზებს რათ დიდ გემზე არ ჭ3ვყრით და მოუსავლეთში არ გავგზავნით მანამ არავინ პატივს არ სცემს. . . აი ესაა სიმართლე. . .ამ ქვეყანას ისტორიაში რომ არ ყოლია ისეთი დაუძინებელი მტერი თაობა გაუზარდეს.საკუთარი ქვეყნის არნახულად მოძულე თაობა. . . ბოლჭევიკები კვადრატში. . თაობა რომელსაც ყველაფერ ქართულზე ძმარავს . . ხოლო მათი მაქებარი 90იანელების მოსყიდული ბრიგადა კი ხურდაში უნდა მიაყოლოთ,ლევან სეფისკვერაძეების სანდრო ცნობილაძეების ბიძინა ბარათაშვილებისა ,ლევან სალუქვაძეებისა თუ სოლომონ გულისაშვილების თამადობით. . .
ენძო

ვულოცავ ბიჭებს!უკეთეს პოზიციას იმსახურებდნენ.შიოშვილი ფანტასტიკურია!ახალი გორგოძე ეზრდება ქართულ რაგბს.

გვაქვს თუ არა რეგრესი? - "ბორჯღალოსნების" მიერ გამართული ივლისის ტესტების შეჯამება

მარცხი მოსალოდნელი შედეგით - საქართველოს ნაკრები სამხრეთ აფრიკასთან დამარცხდა

მძიმე არტილერია ბრუნდება! - "ბორჯღალოსნების" შემადგენლობა მსოფლიო ჩემპიონ სამხრეთ აფრიკის წინააღმდეგ

ოფიციალურად: ჯეიმი ვარდი დაჩი ლორთქიფანიძის "კრემონეზეში" გადავიდა

Crocobet დიდი 10-ის ახალი სეზონის დაწყებამდე დარჩა 4 დღე!

მანუელ აკანჯი კარიერას სერია A-ში გააგრძელებს

"კარლოს დროს მეტი თავისუფლება გვქონდა" - კარვახალმა ერთმანეთს ანჩელოტი და ალონსო შეადარა

ალექსის სანჩესი კარიერას ლა ლიგაში გააგრძელებს

"აიაქსმა" ბრაიან ბრობი პრემიერ ლიგის კლუბს მიჰყიდა

ოფიციალურად: სატრანსფერო ფანჯრის ბოლო დღეს "ნაპოლიმ" ელმასი დაიბრუნა

მიქაუტაძის "ვილიარეალმა" დონეცკის "შახტარის" ფეხბურთელი ინათხოვრა

კიდევ ერთი ქართველი ესპანეთში - ლუკა გაგნიძე "გრანადაში" გადავიდა

"უოტფორდმა" ჩიქოვანის ტრანსფერი დეტალების გარეშე დაადასტურა

ახალი შესარჩევის პირველი ტური - ახალგაზრდულმა ჩრდილოეთ ირლანდიასთან მატჩისთვის მზადება დაიწყო

Cuore Toro: საზონოვის "ხეტაფეში" ტრანსფერი ჩაიშალა

[VIDEO] ნაკრებმა თურქეთთან და ბულგარეთთან მატჩებისთვის მზადება დაიწყო

[VIDEO] თვისობრივად დიდი ნახტომის განხორციელების საშუალებას მოგვცემს - მიქაუტაძე "ვილიარეალის" ფეხბურთელია

მესამე უკრაინელი "ჟირონაში" - ვანატი 20 მილიონად გამოისყიდეს

"ჩემი უკანალი გადაარჩინეს" - იტალიელთა მწვრთნელი გუნდს სიყვარულში გამოუტყდა

ილია ზედგინიძე ქართულ რაგბში დაბრუნდა

არეულობა თურქეთის ნაკრებში? - აქთურქოღლუს განცხადების გამო თანაგუნდელები აღშფოთდნენ, ფეხბურთელს მონტელა შეხვდება

ალექსის სანჩესი ლა ლიგაში ბრუნდება - ჩილელი "სევილიასთან" 1-წლიან კონტრაქტს გააფორმებს

საგა დასრულდა - ედერსონი "ფენერბაჰჩეს" ფეხბურთელი გახდება - "სიტი" კი დონარუმას შეიძენს

საქართველოს ნაკრები ესპანეთთან დამარცხდა [VIDEO]

PREVIEW: საქართველო - ესტონეთი

რაგბის გულშემატკივრების მიმართვა პრინციპულ თამაშამდე

U20. მ/ჩ: ინგლისმა და ახალმა ზელანდიამ მოგებით დაიწყეს

U20. მ/ჩ: საფრანგეთმა არგენტინას სძლია, შოტლანდიამ ირლანდიას მოუგო

ფრუიძე: ეს იქნება ერთგვარი ილუსტრაცია იმ რეალობის, რომელიც დღეს საქართველოში დგას

საქართველო VS შოტლანდია - ინფორმაცია შშმ პირების ბილეთებზე

U20. მსოფლიო ჩემპიონატი რაგბიში - საქართველოს მეტოქეები, ისტორია, წესები...

შოტლანდიელების წინააღმდეგ მეოთხედ მოსაგებად - უმცროსი "ბორჯღალოსნების" შემადგენლობა