სავარაუდო შემადგენლობა თურქეთთან - სანიოლის საფიქრალი

საქართველოს ნაკრებში არსებული ვითარება დეტალურად განვიხილეთ. ვილი სანიოლს მართლაც ბევრი საფიქრალი დაუგროვდა, თურქეთთან მატჩამდე კი ცოტა დროა. ახლა კი ყოველგვარი შესავლის გარეშე, სავარაუდო სასტარტო შემადგენლობას გაგაცნობთ.   გიორგი მამარდაშვილი   ამხანაგური მატჩების ჩატარების შემდეგ "მამარდა" "ლივერპულში" პრაქტიკის გარეშეა. შესაძლოა, შეხვედრის დასაწყისში მცველებმა ის მაქსიმალურ ტონუსში მოიყვანონ და თამაშში ჩართონ. ამ სიტუაციის მიუხედავად, გიორგისგან მორიგ დამაჯერებელ მატჩს ველით, ეს ძალიან გვჭირდება. ევროპის ჩემოიონატზე თურქებთან მისი დღე ნამდვილად არ იყო და ამის გამოსწორება მოუწევს.   საბა გოგლიჩიძე   ტრავმის შემდეგ მისი ახალ გუნდში დებიუტი ძალიან გვჭირდებოდა. უთამაშებლობის შემთხვევაში, შესაძლოა, სანიოლს სასტარტოში ადგილი ვერ გამორძებნა, არადა, საბას კლასის და შესაძლებლობების მცველის ართამაშის ფუფუნება არ გვქონდა.    გოგლიჩიძეს ოთხმცველიან ტაქტიკაშიც პირველივე წუთიდან ვიხილავთ, ჩვენი ვარაუდით ფრანგი მთავარი მწვრთნელი კვლავ 5 უკანახაზელით ითამაშეს, "უდინეზეს" ფეხბურთელი კი მარჯვნივ იქნება.   გურამ კაშია   თავს მოვიტყუებთ, რომ ვთქვათ, კაპიტანს საუკეთესო დრო აქვს, მაგრამ ეროვნულ გუნდში განსაკუთრებული მობილიზაციით თამაშობს.   როცა სამი ცენტრალური მცველი გვყავს, გურამს შუაში დიდი როლი აქვს და ის დაცვის ორგანიზების უნარებით დაკარგულ სისწრაფეს აბალანსებს.   ლუკა ლოჩოშვილი   როცა ნაკრებში საუკეთესო შეფასებით მიდიხარ, რა დონეზეც არ უნდა იყოს, ფსიქოლოგიურად დიდი მნიშვნელობა აქვს. სამმცველიანი ტაქტიკის უპირატესობა ისიცაა, ლოჩოშვილი აქ მარცხნივ იდეალურად ერგება.    თუკი თამაშის პროცესში ტაქტიკური ცვლილებები იქნება, ლუკას ფლანგზე გადასვლა შეუძლია.   ოთარ კაკაბაძე   მას მშვენიერი პერიოდი აქვს, გუნდში მარჯვენა ფლანგის კონტროლი ევალება და ამ საქმეში საკმაოდ დაიხვეწა.    ვისურვებთ, ოთომ საუკეთესო თვისებების გამოვლენა შეძლოს, ის ამ დროს მეტოქეს ბევრ პრობლემას შეუქმნის.   გიორგი წიტაიშვილი    მართალია, მისი ოპტიმალური პოზიცია მარჯვენა ფლანგია, მაგრამ სანიოლი მარცხნივ ენდობა. რადგან აქ უფრო სჭირდება.   ევრო 2024-ზე წიტაიშვილის ერთი შეცდომა თურქებთან ძვირად დაგვიჯდა, მაგრამ მაშინ პრესინგის დაძლევა მთელ გუნდს გაუჭირდა. გიორგის ყველაფრის გამოსწორება შეუძლია.   უკვე ჩამოთვლილი 6 ფეხბურთელიდან ევროპირველობასთან შედარებით ორი ცვლილება გამოდის, საბა კვირკველია და ლაშა დვალი გუნდში არ არიან. ლოჩოშვილი მაშინ შეცვლაზე შევიდა, გოგლიჩიძე კი სიაში არ ყოფილა.   ანზორ მექვაბიშვილი   მას ისევ რთული მისია აქვს, როგორც მაშინ დორტმუნდში და ოთარ კიტეიშვილის შეცვლა უნდა სცადოს. ისინი განსხვავებული სტილის არიან, მაგრამ სომხეთის ნაკრებთან ანრის პრესინგზე თამაში გვაფიქრენებს, რომ ახლაც, ნაკრებისთვის დიდი სარგებლის მოტანა შეუძლია.   კიტეიშვილისა და ჩაკვეტაძის არყოფნაში ბურთის კონტროლი გაჭირდება, ისე კი ჩვენმა ნახევარდაცვამ კარში დარტყმები უნდა სცადოს, როგორც ეს მექვაბიშვილმა ევროზე თურქებთან შეხვედრის დასაწყისშივე სცადა.   გიორგი ქოჩორაშვილი   "ქოჩორას" თამაშს ახლა კიდევ უფრო დიდი მნიშვნელობა ექნება. თურქებს კარგად ემახსოვრებათ, მათ წინააღმდეგ გიორგი გატანასთან რა ახლოს იყო, მაგრამ ახლა შეტევისთვის ამდენად როგორ მოიცლის, როცა შუა ხაზში ორი წამყვანი მოთამაშის შევსება მოუწევს, რთული სათქმელია. რაც ნამდვილად ვიცით, ბოლომდე დაიხარჯება.   ნიკა გაგნიძე   როცა ჩაკვეტაძე არ თამაშობს, სანიოლი ზურიკო დავითაშვილს ეყრდნობა, მაგრამ ვფიქრობთ,  ორი მიზეზი არსებობს, რის გამოც, ახლა არჩევანი გაგნიძეზე შეჩერდება. პირველი, იქნებ შუა ხაზის დანაკლისი ნახევარმცველების რაოდენობით დავაბალანსოთ, რათა ცენტრში კონტროლი არ დავკარგოთ და მეორე, ზურიკო სათადარიგოთა სკამზე მეორე ტაიმში თამაშის სცენარის შეცვლის ვარიანტებს იძლევა.   ხვიჩა კვარაცხელია   კიტეიშვილისა და განსაკუთრებით,  ჩაკვეტაძის გარეშე, "კვარას" მარცხნივ სივრცეების გათავისუფლების პრობლემა შეექმნება, ის შესაძლოა, რამდენიმე მეურვის გარემოცვაში მოაქციონ, ამიტომ მნიშვნელივანი იქნება, ბურთის დროულად დაბრუნება და სწრაფი შეტევები განვაცორციელოთ, სადაც ხვიჩა თავს საუკეთესოდ გრძნობს. რეალურად, ის სანიოლისგან მაქსიმალურ თავისუფლებას მიიღებს.   გვახსოვს, როცა კლუბში იდეალურ ფორმაში არმყოფი კვარაცხელია ნაკრებში რა წარმატებულ მატჩებს ატარებდა. ის ახლა ფორმის პიკში არაა, მაგრამ ეს ხომ "კვარაა". ნეტავი თურქები ამას იფიქრებდნენ, ხვიჩასგან ახლა ნაკლები საფრთხე გველისო და მერე ვნახოთ...   გიორგი მიქაუტაძე   ბოლოს საყვარელი კლუბიდან წასვლის ემოციები და უთამაშებლობა კი იყო, მაგრამ ჟორჟი როგორც ამხანაგურ მატჩებში, ასევე საფრანგეთის ჩემპიონატის სტარტზე შედეგიანი ვნახეთ. თურქებს მისი გოლი არასდროს დაავიწყდებათ და კარგი დღე არც ახლა ელით.   შეგახსენებთ, შეხვედრა 4 სექტემბერს, 20:00 საათზეა.

გენა

გაჭირდება ძაან თურქებთან. ფრე ნორმალური შედეგი მგონია.
გგ

მამუჩაშვილი შეიძლება ათამაშოს შუაში.
პელიდი

4-3-3 სქემაში, ვფიქრობ ნახევარდაცვის ხაზი: ქოჩორაშვილი-მექვაბიშვილი-ლომინაძე/გაგნიძე, საინტერესო იქნებოდა. სივრცეების გაჩენა შედარებით შეიზღუდება,განსაკუთრებით გაგნიძის დაყენების შემთხვევაში, მაგრამ არდა გულერს და თურქების ნახევარდაცვას არ ამოასუნთქებდა, მაგრამ რამდენად გარისკავს ამ ექსპერიმენტს მწვრთნელი ამ თამაშისთვის არ ვიცი. ამ სქემაში ზურიკოს ცენტრში შემოწევა და მარჯვნის წიტაიშვილის დაყენებაც წარმომიდგენია, მაგრამ ამ შემთხვევაში კონტრშეტევაზე თამაშის აწყობა მოგვიწევს, სადაც ხშირად ბურთი არ გაგვიჩერდება. 5 მცველიანი განლაგება მინიმუმ იმიტომ არ მგონია, რომ ზედმეტად ცოტაა ცენტრალური მცველია გამოძახებული და ვინმეს დაზიანების შემთხვევაში პრაქტიკულად იშლება ყველა გეგმა.
გენა

ასეთი შემადგენლობა იქნება 100%: მამარდაშვილი, კაშია, გოგლიჩიძე, ლოჩოშვილი, კაკაბაძე, წიტაიშვილი, ქოჩორაშვილი, გაგნიძე, კვარაცხელია, ჯორდანო ბრუნო, გელა ნუგზარაშვილი
გიგო პაპა

კაშიას გამო რომ ამატებთ მცველებს, ზოგს მარჯვნიდან და ზოგს მარცხნიდან, უკნიდანაც დაჭირდება ერთი, რომ როცა გადაიქცევა კალიასკა შეაგებოს და დასვას. ბიჯო, რა გახდა ეს კაშია, ანდერძით გვერგო? პირადად არაფერს ვერჩი, მაგრამ სისწრაფე რომ აქვს დაკარგული, ვერავინ ამჩნევს? მაშინ კვირკველიამ რა დააშავა, ისიც ვათამაშოთ? 10 მცველითაც რომ გავიდეთ, მაინც გაგვიტანენ! წარმატების ერთადერთი შანსი არის ცენტრის კონტროლი, არავითარ შემთხვევაში არ უნდა დავუთმოთ თურქებს, აქ თუნდაც 6 კაცით ვითამაშოთ. და არავითარი მეორე ნომრად თამაში! კეთილი ინებონ და ითამაშონ პირველ ნომრად, თანაც სახლში ვთამაშობთ. მეორე ნომრად თამაში ნიშნავს 80-90% წაგებას. ბიჭების თავდადების მჯერა, სანიოლის ტაქტიკის და სტრატეგიის არა და არც არასდროს მჯეროდა. თუ არა და იქნებ აგვიხსნას რა სარგებელი ვნახეთ მონღოლეთთან და ტაილანდთან ამხანაგურებით? რა ტაქტიკა ან სტანდარტულები დაამუშავა, რომელსაც თურქებთან გამოვიყენებთ? თუ დღეს და ხვალ დაამხეცებინებს ბიჭებს ახალ სტანდარტულებს და კომბინაციებს, რომლებიც ამდენი წელია არ გვინახავს? ეგრე გუნდს, ვინც მეტნაკლებად ფორმაშია, იურა ტაბატაძეც შეკრებს და გაიყვანს მინდორე, თანაც მოთამაშე-მწვრთნელიც იქნება.მხოლოდ ბიჭების თავდადების და ინდივიდუალურობის მჯერა. ვუსურვებ გამარჯვებას ჩვენს ნაკრებს! იმედია, მალე გვეყოლება პროფესიონალი მწვრთნელი!
FABRO

იმის გათვალისწინებით, რომ 2 წამყვანი ნახევარმცველი არ გვყავს, ასევე ის, რომ შინ თურქეთთან 3 ქულაა ასაღები, თუ რაიმეზე ფიქრი გვინდა საერთოდ, ერთგვარი ბალანსი უნდა გამოიძებნოს. არ მგონია 5-3-2 ტაქტიკამ გაამართლოს მაშინ , როცა არც კიტეიშვილია სასტარტოში და არც ჩაკვეტაძე. ჩემი აზრით 4-4-1-1 ტაქიკა უნდა შეირჩეს და წინ გადაგდებული ბურთის მოგებაზე გაკეთდეს აქცენტი, შეტევის მეტოქის ნახევარზე აწყობისტაქტიკით. ცენტრში გორება და უპირატესობის ამის ხარჯზე მოპოვება სამწუხაროდ არ გამოვა, იმის გათვალისწინებით რაც ზემოთ უკვე დავწერე. ასევე გასათვალისწინებელია ფეხბურთელების პრაქტიკა, შესაბამისად შემდეგ შემადგენლობას დავაყენებდი - ცენტრში გოგლიჩიძე და დვალი, მარჯვნიდან გოჩოლეიშვილი ან კაკაბაძე, მარცხნიდან წიტაიშვილი. ცენტრში ქოჩორაშვილი და მექვაბიშვილი, ფლანგებზე ზურა და ხვიჩა, იმის გათვალისწინებით, რომ ხვიჩამ ლუის ენრიკეს პირობებში უკან სირბილი და ზონების შევსება ისწავლა, ნახევარმცველებს წინ ჟორჟი და შეტევის წინა ხაზში ბუდუ ზივზივაძე, რომელიც ჭიდაობითაც შეაწუხებს მცველებს და პრესინგზეც ირბენს, გარდა ამისა მიქაუტაძეს, ხვიჩასა და დავითაშვილს გაუთავისუფლებს ზონებს. ტაქტიკა თუ არ შეცვალა სანიოლმა და მხოლოდ ფეხბურთელები ჩაანაცვლა, ვშიშობ ტურქეთთან ვერას გავხდებით და პირველივე საშინაო მატჩში 0 ქულით დარჩენა ყველანაირ მოტივაციასა და შანსს მოსპობს.
გაგა

ჩაკვეს მაგიერ კვერნაძე
გიგა

მე ვფიქრობ ჩაკვეტაძეს კარგად შეცვლის გიორგი კვერნაძე
lasha

ნაკრებს რომელსაც პრეტენზია აქვს მსოფლიოზე გასვლის სახში ეთამაშება უშუალო კონკურენტს და 3 ქულის მეტი არაფერი გაკმაყოფილებს რატო უნდა ითამაშო 3 ცენტრალური მცველით :) მხოლოდ იმიტომ რომ კაშიას ვერ აგდებ სასტავიდან და იმდენად სუსტია რომ 1 მცველი კიდევ უნდა მიუმაგრო? ამ თამაშს მოიგებს მხოლოდ ძლიერი შუახაზი. და ამას კი გამორიცხავს 3 ცენტრალური მცველის დაყენება. მოგალკებს ერთ კაცს შუაში. და თურქები კიდევ ერთ გოლს მაინც გაიტანენ. თუ გინდა 8 მცველი დააყენე. კარგი ბიჭები გამოჩნდენ შუა ხაზში, რაც სულ პრობლემა გვქონდა. ნორმალურ გუნდებშიც არიან. თუნდაც მეცი. უკრაინული გუნდები (ყველაფერს რომ თავი დავანებოტ უკრაინელებს არ ეშლებათ სწორედ ეს ასპექტი. შუახაზის მომზადება და გამაგრება, მანდ ძალისმიერი ფეხბურთია, და როცა ქართველი იქ ახარხებს დამკვიდრებას ნიშნავს რომ საუკეთესო კონდიციებშია)
ხვიჩა

ოთხი მცველი,კაკაბაძე კაშიაგოგლიჩიძე ლოჩოშვილიჩამშლელი მერაბიშვილი საყრდენი ქოჩორა ათიანზე კვარაფორვარდები დავითაშვილი მიქაუტაძე
ქიშო

მიუხედავად იმისა რომ ორი მნიშვნელოვანი ფიგურა გვაკლია ნახევარდაცვაში, ვერავინ იტყვის სანიოლი ნორმალურ სასტარტოს ვერ გამოიყვანსო. მშვენიერი თერთმეტეულია და რაც მთავარია მწვრთნელს ლავირების და კორექტივების შეტანის საშუალებაც აქვს. წლების მანძილზე ამაზე ვერც ვიოცნებებდით. აქ ითქვა რომ ფრე კარგი შედეგი იქნება. არავითარ შემთხვევაში - თუ ჯგუფიდან გასვლა გვინდა, ამ ორ მატჩში მხოლოდ 6 ქულა გვაწყობს. თუ არა და... ვიყოთ ისე, როგორც აქამდე ვიყავით 30 წელი ))
ზვიადი

ამხანაგურებში გაგნიძე ყველაზე ცუდი იყო ნაკრებში და არამგონია ათამაშონ მართალია ახალგაზრდული ნაკრები იყო მაგრამ მანდ ლომინაძე საუკეთესო იყო და ვისურვებდი მის თამაშს ძირითადში (თან კლუბშიც ძირითადშია) 5 მცველიანი ტაკტიკის დროს კიტე-ჩაკვეს არყოფნაში ბურთის ამომტანი კაციშვილი აღარ გვეყოლება და იქნებ 4 მცველიანი ტაკტიკა ჯობდეს სადაც წიტაიშვილი თავის პოზიციაზე ითამაშებს
მწარეს

ისეთი შადგენლობაა ლავირების საშუალებას რომ იძლევა და ამას ავტორი მთელი კვირაა ამბობს. ახლა სამ მცველზეა განხილული
.

რა ვთქვათ?გუნდი კვლავ ძალიან მძიმე მდგომარეობაში აღმოჩნდა.თურქებიც მშვენიერ ფორმაში არიან და ეს კიდევ უფრო გვიმძიმებს სიტუაციას.ბიჭები თავებს რომ არ დაზოგავენ,ცხადია,მაგრამ შექმნილ მდგომარეობაში,ეს შესაძლოა არ გვეყოს და აქ ისევ გულშემატკივრებმა უნდა ვივაჟკაცოთ და მეთორმეტე კი არა,მეცამეტე გუნდის წევრადაც გავხდეთ.ასე რომ,ვისაც ბილეთები შეხვდა,ყელები ავარჯიშეთ და 4 სექტემბერს,სრულ საბრძოლო მზადყოფნაში მზად იყავით!
მწარე

ეს 4 მცველიანი ვარიანტია? კაკაბაძე ლოჩოშვილი ფლანგებზე? თუ სამი მცველი გოგლიჩიძე, კაშია, ლოჩოშვილი ხაზზე და კაკაბაძე, წიტაიშვილი ფლანგებზე? ჩემი აზრით კარგი ვარიანტია ორივე შემთხვევაში, ანაც ორივეს ლავირების შემთხვევაში. თუ გავითვალისწინებთ, რომ ცუდად ვიწყებთ თამაშებს, ალბათ სჯობს პირველი ნახევარი საათი 5 მცველით. აქ უგოლოდ უნდა გადავრჩეთ. შემდეგ უნდა გადავიდეთ 5 ნახევარმცველზე. მეორე ტაიმი სიტუაციურად, გააჩნია ანგარიშს. უნდა გვახსოვდეს, რომ წაგება კატასტროფაა, ფრე კარგი შედეგია, გამარჯვება კი ფანტასტიკური შედეგი. გაგნიძეს თავიდან ვერ ენდობა, ამიტომ დავითაშვილს გამოიყვანს.. კონტრშეტევაზე დავითაშვილს უყვარს გრძელი რეიდები. იმათ დაცვასაც დააბამს და დაძაბულობასაც შექმნის.

[VIDEO] ნაკრებმა თურქეთთან და ბულგარეთთან მატჩებისთვის მზადება დაიწყო

როგორ ფორმაში ვართ ჩვენ და თურქები და რომელი ტაქტიკით ვითამაშებთ ორი ნახევარმცველის გარეშე...

ნაკრებს კვერნაძე ემატება, მაგრამ კიტეიშვილი დააკლდა

ოფიციალურად: ჯეიმი ვარდი დაჩი ლორთქიფანიძის "კრემონეზეში" გადავიდა

Crocobet დიდი 10-ის ახალი სეზონის დაწყებამდე დარჩა 4 დღე!

მანუელ აკანჯი კარიერას სერია A-ში გააგრძელებს

ალექსის სანჩესი კარიერას ლა ლიგაში გააგრძელებს

"აიაქსმა" ბრაიან ბრობი პრემიერ ლიგის კლუბს მიჰყიდა

ოფიციალურად: სატრანსფერო ფანჯრის ბოლო დღეს "ნაპოლიმ" ელმასი დაიბრუნა

მესამე უკრაინელი "ჟირონაში" - ვანატი 20 მილიონად გამოისყიდეს

"ჩემი უკანალი გადაარჩინეს" - იტალიელთა მწვრთნელი გუნდს სიყვარულში გამოუტყდა

ილია ზედგინიძე ქართულ რაგბში დაბრუნდა

არეულობა თურქეთის ნაკრებში? - აქთურქოღლუს განცხადების გამო თანაგუნდელები აღშფოთდნენ, ფეხბურთელს მონტელა შეხვდება

„სპორტი ჩვენთვის იდენტობის განუყოფელ ნაწილს წარმოადგენს“ — იტალიის ელჩი თბილისში „მილანის“ საფეხბურთო ბანაკის დაწყებას ეხმაურება

ახლაც რონალდო იყო პრობლემა? - "ლევერკუზენმა" ტენ ჰაგი 2 ტურის შემდეგ დაითხოვა

კარგი ამბავი - საბა საზონოვი კარიერას ლა ლიგაში გააგრძელებს

ალექსის სანჩესი ლა ლიგაში ბრუნდება - ჩილელი "სევილიასთან" 1-წლიან კონტრაქტს გააფორმებს

"2026 წლიდან, 10 წლის თავზე, დიდი ძალისხმევის შედეგად, სამართლიანობა იზეიმებს და "დინამო თბილისს" ექნება დაფინანსების სხვადასხვა წყარო" - რომან ფიფიას განცხადება

[VIDEO] "ლიონს" დამძიმებული გულით ვტოვებ - მიქაუტაძემ ფრანგული გუნდის ფანებს მიმართა

გადაწყდა - ისაკი 130 მილიონი ევროს სანაცვლოდ "ლივერპულში" ითამაშებს

საგა დასრულდა - ედერსონი "ფენერბაჰჩეს" ფეხბურთელი გახდება - "სიტი" კი დონარუმას შეიძენს

"არსენალის" ორი ფეხბურთელი გოჩოლეიშვილის თანაგუნდელი გახდება

Le Parisien: კვარაცხელიას დაბრუნება და პსჟ როტაციით "ტულუზასთან"

კარგი ამბავი პარიზიდან - კვარაცხელიამ ვარჯიში დაიწყო

არასასიამოვნო ამბავი - დავითაშვილმა შეიძლება "გრენობლთან" ვერ ითამაშოს

მაღალი შეფასებები - ლომინაძემ პორტუგალიური გუნდის სასტარტოში დაიმკვიდრა ადგილი

ნაკრებს კვერნაძე ემატება, მაგრამ კიტეიშვილი დააკლდა

მონტელა: ვხედავთ, როგორ პროგრესს მიაღწია საქართველოს ნაკრებმა

"ტულუზასთან" მატჩში პსჟ-ს სასტარტო შემადგენლობა ცნობილია

კვარაცხელიას პირველი და ბოლო - თურქეთამდე ლეგიონერებზე დეტალურად...

[VIDEO] ნევეშის სუპერგოლები და კვარაცხელია შეცვლაზე - პსჟ-მ "ტულუზას" მოუგო

"კვარა" ისევეა, როგორც მე, იდეალურად" - ლუის ენრიკემ ხვიჩას მდგომარეობა შეაფასა

"ნაპოლიში" კვარაცხელიას ეს ფენომენი შეცვლის" - ანტონიო კასანო

[VIDEO] ნაკრებმა თურქეთთან და ბულგარეთთან მატჩებისთვის მზადება დაიწყო