რატომ მოვიგეთ და როდის გავიმარჯვებთ "არმოსაგებში" - ბავშვებო, ისწავლეთ ხვიჩასგან!..

საქართველოს ნაკრები იგებს იმ მატჩებს, სადაც ფავორიტია და რომელშიც უნდა გაიმარჯვოს - სანიოლის ფორმაციის პირობებშიც, ეს სერიოზული პროგრესია. შესადარებლად ბულგარელებთან რამდენიმე წლის წინანდელი შეხვედრა გამოგვადგება, როცა თბილისში უნდა მოგვეგო, მაგრამ აუტსაიდერის სტატუსითა და ტაქტიკით მოთამაშე მოწინააღმდეგეს ვერ გავუტანეთ.   რატომ მოიგო საქართველოს ნაკრებმა? გუნდურობას ხაზს ყოველთვის გავუსვამთ, არც სამწვრთნელო შტაბს დავივიწყებთ, მაგრამ კვირა საღამოს "ჯვაროსნებს" ჰყავდა ლიდერი, ვარსკვლავი და უკვე კაპიტანიც, ვისი შესაჩერებელი მექანიზმი მეტოქეს ხომ არ ჰქონდა და თავადაც მოედნის ყველა წერტილში, ბოლომდე შემართული იყო და თავად იქეთ "აჩერებდა". ბავშვებო, ისწავლეთ ხვიჩა კვარაცხელიასგან, როგორ უნდა დაისახო მიზნები, რა გააკეთო მის მისაღწევად, არ დააბრალოთ არაფერი ამინდსა და ვარსკვლავების განლაგებას და მთავარი - გაითავისეთ, როგორ შეხვდეთ ამ წარმატებას, როგორ გაამრავალფეროვნოთ ის.   კვარაცხელიას კაპიტნობის გაგების შემდეგ ორი ურთიერთსაპისპირო ფიქრი ტრიალებდა - ხომ არ დაძაბავდა ზედმეტი პასუხისმგებლობა "კვარას" თუ... აქამდე რაც დავწერეთ, დაივიწყეთ, დაძაბა კი არა, ეს იყო გაძლიერებული პასუხისმგებლობა, "პატიჟისგან შიში" კი არა, გაცნობიერება, რომ უბრალოდ სამკლაური კი არა, უფრო მაღლა ახტომაა, ვიდრე შეგიძლია. გუნდში ავტორიტეტი ხვიჩას არასდროს აკლდა, დიდია, სამაგალითოა. თანაგუნდელებმა განსაკუთრებით აღნიშნეს "შვიდიანის" კაპიტნობა, გიორგი მამარდაშვილმა მას ნამდვილი ლიდერი უწოდა. მსაჯებთან კამათი უყვარსო, რომ შიშობდნენ - როგორც კაპიტანს, ამის უფლება ყველაზე მეტად აქვს და კვარაცხელია ახლა გაცილებით მშვიდია, ვიდრე წლების წინ, მის მიმართ უხეშობასაც შეეჩვია. ჩვენ ამ თემაზე საკმაოდ დიდი ხნის წინ დავწერეთ, ხვიჩას კაპიტნობა კარგი რატომაც იქნებოდა.   საბოლოოდ კარგი გამოდგა ისიც, სანიოლი გუნდს პსჟ-ის ტაქტიკასთან მაქსიმალურად მიახლოებულად რომ ათამაშებს. კი, "კვარა" იდეალური მარცხნიდანაა, მაგრამ ზურიკო დავითაშვილთან პოზიციების ცვლა და მოწინააღმდეგის გაკვირვება კარგად შეუძლია. გიორგი მიქაუტაძე წმინდა ცენტრფორვარდია და მისი ფლანგზე გამოჩენა, როგორც ეს უსმან დემბელეს შემთხვევაში ხდება, სასურველი არაა.    ამასობაში, საქართველოს ნაკრების საბაზისო ტაქტიკაც გამოიკვეთა: 4-3-3. შუა ხაზში ნიკა გაგნიძის გამოჩენა კონკურენციას გაზრდის. დაცვა? ლაშა დვალი ახალ გუნდს კარგად უნდა მოერგოს და დროულად ათამაშდეს - კაშია უკვე წარსულში უფრო უნდა ვახსენოთ, ლუკა ლოჩოშვილი ზედიზედ მეორე შეხვედრაში გააფრთხილეს და ის უფრო სამკაციანი დაცვისთვისაა შესაფერისი. საზონოვი, გელაშვილი - ამ ბიჭებმა უნდა მოუმატონ!..   მოსაგებ თამაშში წარმატებაზე ვწერეთ და როდის უნდა გავიმარჯვოთ "არამოსაგებში?" - ისეთი, ფავორიტი რომ არ ხარ და მხოლოდ გამართლებისა და კონტრშეტევების იმედად არ იქნები. კალენდარზე ეს შეხვედრები ოქტომბერშია, მაგრამ მიდი და ამ ესპანეთის ნაკრებთ რამე დაგეგმე. მაგრამ თურქეთი? სტუმრად უნდა დავუმტკიცოთ, თბილისური ანგარიში რეალობას რომ არ ასახავდა. თურქები სტაბილურობით ვერ დაიკვეხნიან, მათ იქნებ ბულგარეთთანაც (მათ მწვრთნელს ჩვენ კონკურენტებთან წარმატება ვუსურვეთ) დაკარგონ ქულები და პლეი-ოფისთვის გზა გაგვიხსნან. თუ პრესინგზე უფრო თამამები ვიქნებით და  უაზრო შეცდომებს არ დავუშვებთ, ყველაფერი შეიძლება მოხდეს. ვხედავთ, ნახევარდაცვას რამხელა ძალა აქვს, "ჩაკვე" დროულად უნდა დაბრუნდეს(კიტეიშვილი უფრო მალე მომჯობინდება).   ახლა კი ყველას მადლობა, მამარდაშვილიდან გუნდის ექიმებამდე - ჩვენ ისევ ბრძოლაში ვართ და მოსაგებს ვიგებთ!..

ბესო

იმიტომ მოვიგეთ რომ მამარდაშვილმა 100 % იანი გოლისგან გვიხსნა პირველივე წუთებიდან . ის გოლი რომ გასულიყო ისევე წავაგებდით თამაშს როგორც თურქეთთან დავმარცხდით.
წინ საქართველო

კვარა კაპიტანი ძალიან მოუხდა ნაკრებს, კვარასაც მოუხდა კაპიტნობა. კაპიტანი უნდა იყოს მოედანზე სამაგალითო და ის უნდა გაუძღვეს გუნდს წინ. ჩვენ ვნახეთ კვარა უფრო შემართული და უფრო მოტივირებული. ბრძოლაში წინ აცალგაზდა ძლიერი უნდა მიგიძღოდეს და არა სნეული, ნირწამხდალი, გადალასლასებული. სამივე ბურთის გაშვება ზუსტად ნირწახდომის ბრალი იყო. აღარ შეგიძლია, წაააადიიიი! თურქებთან ასეთ მნიშვნელოვან თამაშს არ წავაგებდით. რავ იყო უკვე გამოსასწორებელია და იმედი მაქვს ჩვენი ბიჭები გამოასწორებენ. თურქეთში უნდა მოვიგოთ აუვცილებლად, ჩვენ ბიჭებს ეს შეუძლიათ.
სონიგი

გულიაშვილი არასწორად აზროვნებს , ისეთი პასები არ გასცა , ფაქტიურად ტაბლოზე დაწერილი წაშალა . ასე მოგებულ თამაშში რომ ასეთ დაბალ ქულას მიიღებ .... იმედია დაფიქრდება და გამოასწორებს , ნაკრები ბოსნიის ლიგა არაა . .
კოტე

ბულგარეთს.
ხვიჩა მაგარია! -s

გოჩოლეიშვილია ეგეთი და არ აყენებენ კაშიასავით არიან ჩაციკლული კაკაბაძეზე. ბიჭი მუნდესლიგაში თამაშობს და ნარკების ძირითადში ვერ ხვდება :) კიდე კაი დვალი არ იყო ფორმაში თორე დარწმუნებული ვარ სერაი ა-ს მოთამაშე გოგლიჩიძესაც არ დააყენებდენ
გოგის

მაგ უაზრო დელიკატურობის გამოა, მათ შორის ჟურნალისტების მხრიდან, კაშია რომ დროულად არ წავიდა, ახლა სკამზე გადასვეს და მალე აღარ მიიწვევენ. რომც მიიწვიონ,ხვიჩასთვის კაპიტნობის ჩამორთმევა არ შეიძლება
კაპიტონ შეყილაძე

ვისაც ენდობა სანიოლი ჩანს,მაგრამ ახალი ფეხბურთელებიც უნდა მოისინჯოს!
ქუთაისელი

მადლობა საინტერესო სტატიისთვის. პრობლემური პოზიცია გვყავს დაცვა. აზაროვი როგორც შემტევი მცველი ძალიან მაგარია, მაგრამ დაცვისას ბულგარელები სპეციალურად მასთან მიდიოდნენ, მეორე სართულზე რომ უპირატესობა ჰქონოდათ. მენდეში რომ ყავს პსჟ-ს, დაცვაშიც და შეტევაშიც მაგარი, მასეთ გვინდა. ძმა ხომ არ ყავს იმ მენდეშს, ნეტა?
ხვიჩა მაგარია!

კაკაბაძეს ადგილას გვჭირდება ახალგაზრდა ბიჭი და შეიძლება ითქვას მეტ-ნაკლებად გაახალგაზრდავებულ შემადგენლობას მივიღებთ. რა თქმა უნდა იქნება შეცდომებიც, მაგრამ ბიჭები შეთამაშდებიან და უახლოესი 10 წლის მანძილზე ანგარიშგასაწევი ნაკრები გვეყოლება. დაცვა დაიხვეწება(ლოჩოშვილი მაშინებს მხოლოდ) და ცენტრიც სუპერმოძრავი გვეყოლება ესპანეთივით. ერთი მაგარი მწვრთნელიც (თუნდაც სპალეტის დონის) და წამოვა მოგებები ძლიერ გუნდებთანაც!
gogi

კაშიასთან მიმართებაში ავტორს ცოტა მეტი დელიკატურობა არ აწყენდა.
lasha

როგორც ამბობენ გამარვებულ შემადგენლობას არ ცვლიან მომეწონა ბულგარეთთან. სწორი შემადგენლობა რაც სასიხარულოა. ნახევარდაცვის ნაწილში გამოჩნდენ ძალიან კარგი ბიჭები. ბულგარეთთან სწორედ ეს შეცვალეს. მე იმ აზრზე ვარ რომ ნაკრების ღერძი უნდა იყოს შუახაზი და ეს ნაწილი უნდა დაიტვირთოს მაქსიმალურად. მინიმუმ 5 მოთამაშე უნდა იდგეს. მე პირადად ჩაკვეტაძეს და კიტეიშვილს არ დავაყენებდი შემდეგ თამაშში ძირითადში ჩაკვეტაძე არის შემტევი ნახევარმცველი და როცა ნაკრები აუცილებლად თამაშობს კვარაცხელია -მიქაუტაზის დუეტით. ჩემი აზრით იქ მე-3 შემტევი არაა საჭირო ეს დაასუსტებს შუახაზს და დაცვას. ჩაკვეტაძე უნდა შემოვიდეს მეორე ტაიმში როცა გვჭირდება გოლი.

საქართველოს ნაკრები რუმინეთთან ამხანაგურ მატჩს გამართავს

საქართველოს ნაკრების მეტოქეს შეიძლება მწვრთნელი შეეცვალოს

"ამის გამო მოურინიოს ხომ ვერ დავურეკავ" - საქართველოს ნაკრების მეტოქის მწვრთნელი

მე-17 ტურის ბოლო მატჩში "რუსთავმა" გურჯაანში "დელტა" დაამარცხა

VIDEO | ეროვნული ლიგა | დილა 1-0 ტორპედო. რამდენი რამ იყო "პირველად"...

დიხამინჯიამ 7 ბურთი გაიტანა, გავაშელიშვილმა და ცხოვრებაძემ 5-5, 4 გოლია კალანდაძის ანგარიშზე

"რასიზმი სირცხვილია, მაგრამ მოედნიდან არ უნდა გავდიოდეთ" - ხეფრენ ტურამი

ბათუმმა ზედიზედ მეოთხე გამარჯვება ორბთან იზეიმა

[VIDEO] პსჟ-მდე "ჩელსი" სახლში "ნიუკასლთან" დამარცხდა

VIDEO | ეროვნული ლიგა | რუსთავი 1:2 გაგრა. სულ სხვა "გაგრა"...

[VIDEO] სობოსლაის ულამაზესი ჯარიმა და რიშარლისონის გოლი 90-ე წუთზე - "ტოტენჰემი" "ენფილდზე" არ დამარცხდა

[VIDEO] რაფინიას ბენეფისი "სევილიასთან" - "ბარსელონამ"უხვგოლიან დაპირისპირებაში გაიმარჯვა

[VIDEO] წიტაიშვილის საგოლე გადაცემა - "მეცმა" "ტუტუზასთან" ანგარიში 0:2-დან გაათანაბრა

VIDEO | ეროვნული ლიგა | იბერია 1999 0:0 დინამო (თბ). ნულები, რომელიც არ გვიკვირს

სუპერლიგის მე-17 ტური კსუ-ს, "ქუთაისის" და "ივერიონის" მოგებებით დაიწყო

ემერის რეკორდი - "ასტონ ვილას" თავკაცმა საიუბილეო ნიშნული დააფიქსირა

"ის, რაც ქართულ რაგბიში ხდებოდა, არის აღმაშფოთებელი" - სკანდალი ქართულ სპორტში, WADA-მ ეროვნული ნაკრების 6 მორაგბე დაასანქცირა

ორი ვარიანტი - ვინ შეიძლება ჩაანაცვლოს ირანი მუნდიალზე, თუ ქვეყანა მსოფლიო ჩემპიონატზე გამოსვლაზე უარს იტყვის

გირასი სერია A-ს გრანდების სამიზნეში - "დორტმუნდის" ფორვარდს იტალიაში უხმობენ

"რეალის" საზაფხულო გეგმები - მადრიდული გრანდი რამდენიმე პოზიციაზე გაძლიერდება

შეინარჩუნებს პოსტს? - ტუდორის ბედი "ლივერპულთან" მატჩზე გადის

"მილანში" გადმოსვლისას ზლატანმა ეს სიტყვები მითხრა" - Dazn-მა მენიოზე დოკუმენტური ფილმი გადაიღო

"ნაპოლი" ჰოილუნდს 44 მილიონ ევროდ გამოისყიდის

საქართველოს ნაკრების მეტოქეს შეიძლება მწვრთნელი შეეცვალოს

სიომინი: ხვიჩა უმაღლესი დონეა - ლუის ენრიკე 30 მაისზე ფიქრობს

თუ ითამაშებს ხვიჩა ნაკრებში და ვნახავთ იტალიას მუნდიალზე? - მარტის მთავარი ამბები

სად ითამაშებს ხვიჩა - ცვლილებები წინა მატჩის ენდშპილის გათვალისწინებით

საბო: საქართველოს დამარცხება შეიძლება - პუტინის მარიონეტ ორბანის უნგრეთთან ჩეხვა იქნება

კარში კურტუა, შეტევაში კვარაცხელია ალვარესთან და ოლისესთან ერთად - უეფას სიმბოლური

"ქართველებს კვარაცხელიას გარდა არავინ ჰყავთ" - უკრაინელი ექსპერტი საქართველოს ნაკრებზე

საქართველო - ისრაელი | ინფორმაცია ბილეთების შესახებ

"პარიზს უყვარხარ, "კვარადონა" - ევროპის უდიადეს სცენებს ანათებ" - პსჟ ხვიჩას აქებს

[VIDEO] "კვარაააააა" - ხვიჩას ბრწყინვალე თამაშით აღფრთოვანებული დემბელე, "ჩელსისთან" მატჩის მერე ემოციების ვერ მალავდა

Le Parisien: შთამბეჭდავი კვარაცხელიათი დუეს გარეშე - მათი გუნდში ყოლა ნებისმიერი მწვრთნელისთვის ფუფუნებაა