[VIDEO] "კვარა" და პსჟ მთელი ბრწყინვალებით - "პარი სენ ჟერმენმა" ჩემპიონთა ლიგა დიდებულად დაიწყო

ჩემპიონთა ლიგის პირველ ტურში პსჟ-მ საკუთარ მოედანზე &bdquo;ატალანტა“ დაჯაბნა, 4:0 დაამარცხა და ტურნირი ისე დაიწყო, როგორც მოქმედ ჩემპიონს ეკადრება.   პარიზული გუნდის მწვრთნელმა ლუის ენრიკემ წინა მატჩში ტრავმირებული ხვიჩა კვარაცხელია სასტარტოში დააყენა და ქართველმა იმედები არ გაუცრუა. მასპინძლები თავიდანვე დაეუფლნენ უპირატესობას, დიდი ძალებით შეუტიეს და მარკინიოსმა დააწინაურა. შემდეგ შესანიშნავი შანსები მენდეშმა და ბარკოლამ ვერ გამოიყენეს, ჰაკიმის დარტყმული ბურთი ძელს მოხვდა, ბარკოლას გოლი თამაშგარეს გამო არ ჩაითვალა, 39-ე წუთზე კი ჩინებული დრიბლინგის შედეგად კარნეზეკის კარი შორიდან &bdquo;კვარამ“ დალაშქრა. ბოლოს პსჟ-ს კიდევ ერთი დიდებული შანსი მიეცა, მაგრამ ბარკოლას პენალტი მეკარემ აუღო და პირველი ტაიმი 2:0 დასრულდა.   შესვენების მერე &bdquo;პარი სენ ჟერმენის“ დომინირება გაგრძელდა, მენდეშმა ანგარიში გაზარდა და რადგან მატჩის ბედი გადაწყვეტილი იყო, ლუის ენრიკემ კვარაცხელია 75-ე წუთზე შეცვალა. კომპენსირებულ დროში რამუშმაც გაიტანა და პარიზელებმა დამაჯერებელი გამარჯვება მოიპოვეს.   პსჟ ტურნირზე მომდევნო შეხვედრას 1-ელ ოქტომბერს გასვლაზე &bdquo;ბარსელონასთან“ ჩაატარებს, ხოლო იქამდე ლიგა 1-ში &bdquo;მარსელს“ და &bdquo;ოსერს“ დაუპირისპირდება.   პარიზი. “პარკ დე პრენსი“ პსჟ - ატალანტა 4:0 გოლები: 1:0 მარკინიოსი (3), 2:0 კვარაცხელია (39), 3:0 მენდეში (51), 4:0 რამუში (90+1) გამოუყენებელი პენალტი: ბარკოლა (44, პსჟ)

.

ბევრი წერდა,დარჩენილიყო ნაპოლიში,ლიდერი იქნებოდაო!ლიდერი აქაც არის და ტიტულებსაც იგებს.ნეაპოლში,ორი სამი კაცის(თუნდაც 5-6 ვთქვათ) კისერზე გადადიოდა მთელი თამაში,სხვები კი საგრძნობლად ჩამორჩებოდნენ კლასით და სათამაშო ინტელექტით.პსჟში ცენტრალური მცველებიც კი,ნაპოლის შემტევებზე უკეთესად მიდიან შეტევაში და გოლებიც გააქვთ.ჭკვიანი ფეხბურთელისათვის ასეთ გუნდში თამაში,სამოთხეში ყოფნის ტოლფასია,რადგან შენი ყოველი ჩანაფიქრი,პარტნიორს ესმის და შენც გესმის მისი ჩანაფიქრი.რაც მთავარია,მისი განხორციელებისათვის ტექნიკაც ჰკმარა და ფიზიკური მომზადებაც. ამ თამაშში სამიდან სამი წარმატებული დრიბლინგი ჰქონდა,7 დან 6 ორთაბრძოლა მოიგო და 4 საკვანძო პასი გააკეთა.ნაპოლიში,ორჯე,სამჯერ მეტი დრიბლინგის მცდელობები ჰქონდა,პასებსაც აკეთებდა და ორთაბრძოლებიც მეტი უწევდა,მაგრამ მთელი გუნდი მას შეჰყურებდა და სარგებელი,მინიმალური იყო.ახლა აკეთებს იმას,რაც იმ მომენტში საჭიროა და ჩვეულებრივ,წარმატებითაც.რა თქმა უნდა მისთვის აქ თამაში, გაცილებით სასიამოვნო და ნაყოფიერი იქნება.ინტერს გაუტანა,ატალანტასაც გაუტანა!იტალიურ კლუბებს,განსაკუთრებულად ჟინით ეთამაშება,კვლავაც უმტკიცებს იტალიელებს,რომ დღევანდელი კვარა,იტალიაში მოთამაშეზე უკეთესი ვერსიაც კია და ეს არ დაივიწყონ.ალბათ სწორედ ამიტომ თამაშობდა ისე,თითქოს დიდი ხანია არ ეთამაშოს.მართლაც ერთი წელია,ატალანტასთან არ უთამაშია!
-

აქ წერდნენ, ერთი მუშა ბიჭიაო. კვარა არის ფეხბურთის ენციკლოპედიური განმარტება. ნიჭი, ფიზიკა,თამაშის სიყვარული, შრომა ესთეთიკა, ეთიკა და ა. შ. ღმერთმა სიკეთე მისცეს ულევი , საამაყო ფეხბურთელი და ქართველი კაცი.
RR

ხშირად მეც ვამსგავსებ მოძრაობებით დათოს.
.

წლევანდელი ატალანტა,ისედაც ვერ ბრწყინავს და ლუკმენის გარეშე,პსჟს დონის გუნდთან,მათი შანსები ძალიან დაბალი იყო.მეორე მხრივ,პსჟსაც აუცილებლად სჭირდებოდა გამარჯვება და ეს ძალიან დამაჯერებლად გააკეთეს.ბარსელომასთან მატჩს გაცილებით დიდი დატვირთა ექნება,რადგან ორივე ლიგის ფავორიტია,დაახლოებით მსგავსი სტილის ფეხბურთს თამაშობენ და ერთმანეთთან ბევრი რამე აქვთ დასამტკიცებელი.ეს ერთმანეთისთვის კბილის მოსინჯვასავით იქნება,გაზაფხულზე გადამწყვეტი თამაშების წინ და მაინც არა მგონია,ყველა კოზირი გამოამზეურონ ამ თამაშში.მიუხედავად ამისა,მაინც ძალიან მაგარი თამაშია მოსალოდნელი,ფეხბურთელების კლასიდან და სტილიდან გამომდინარე.რა თქმა უნდა ერთმანეთს არაფერს დაუთმობენ და უკვე აქედანვე ვტკბები,მოსალოდნელი სანახაობით.კააანფეტ!!! რაც შეეხება ჩვენ ნაკრებს,კარგი რომ არაფერი გველის,მაგას ფიცი და მტკიცი რად უნდა.უდიდესი დაწოლა იქნება ჩვენ კარზე და ფსიქოლოგიურადაც,ფიზიკურადაც,უმძიმესი მატჩი გველის,სადაც ფსიქოლოგიურ მდგრადობას,შესაძლოა უფრო დიდი მნიშვნელობაც კი ჰქონდეს.ყველასთან გააქვთ და ალბათ ჩვენც გაგვიტანენ,მაგრამ არ უნდა დავიშალოთ და ბოლომდე მობილიზებულებად დავრჩეთ,ანგარიშის მიუხედავად.გვახსოვდეს,რომ თურქებამდე ბურთების სხვაობაც გვჭირდება და არც უაზრო ყვითელი ბარათები უნდა დავიგროვოთ.თუ ეს შევძელით,თურქეთში ყველაფერი ჩვენს ხელში იქნება.ესპანეთთან ქულების აღება,არც ჩვენი და არც თურქების მონდომებაზე არ არის დამოკიდებული,რადგან კლასში სხვაობა,ძალიან საგრძნობია.ეს მხოლოდ ესპანელების მობილიზაციაზე იქნება დამოკიდებული და შესაძლოა რომელიმეს გაუმართლოს(ძნელი დასაჯერებელი კია) კიდეც.თურქებთან ევროპაზე და თბილისში თამაშებმაც გვიჩვენა,რომ ორივე გუნდის თავდასხმა,მეტოქის დაცვაზე ძლიერია.მომავალი მატჩის შედეგი,ნახევარდაცვის თამაშზე მნიშვნელოვნად იქნება დამოკიდებული,მაგრამ ამასთან ერთად,იმაზეც რომელი ნაკრების დაცვა უფრო ნაკლებ შეცდომებს დაუშვებს,მეკარესთან ერთად.კიტეიშვილი სავარაუდოდ დაგვიბრუნდება, საყრდენ ზონას საგრძნობლად გაგვიძლიერებს და დაცვიდან ბურთის ამოტანას გაგვიადვილებს და შეტევასაც უკეთესად დაეხმარება.ეგეც არის,თბილისში არც თურქებს უჩვენებიათ სრული სიმძლავრე,ჩვენმა დაცვამ სამი გოლი თითქმის თვითონვე მოიგონა და აღარ დასჭირდათ.ვფიქრობ თურქებს,გაცილებით მეტი დაწოლა შეუძლიათ და ამისთვისაც მზად უნდა ვიყოთ.ჩალხანოღლუ,ილდიზი და გიულერი,ძალიან მაგარ ფორმაში არიან.
წარმატებები

მის მოძრაობებში ყიფიანი ჩანს
რაბუ

სიამოვნებას ვიღებ როგორ ელეგანტურად ეპყრობა ბურთს ეს ბიჭი.
თემური

დიდი ხანია ხვიჩას ასე არ უთამაშია!თითქოს ავტომატურად ასრულებდა ყველა მოქმედებას და ეს მოქმედებები იყო იმ სიტუაციაში ყველაზე სწორი გადაწყვეტა! არ ვიცი თქვენ როგორ ფიქრობთ, მაგრამ პსჟ დღევანდელი დაცვით ვერ შეძლებს ლიგას განმეორებით ვერ მოიგებს!
ყოჩაღ

კარგია, მარა ბარსელონასთან თამაშში გამოჩნდება რეალობა. ჩვენც ესპანეთთან შერკინებამდე გვეცოდინება დაახლოებით რა გველის:))
გურულო

ყოჩაღ ბაბუ! ასე გააგრძელე!
დავით 67

ბრწყინვალე იყო დღეს ხვიჩა. ისე თამაშობდა, თითქოს დიდი ხანი არ ეთამაშოს! ყოჩაღ!
მეგრელი

მოკლედ ეს ატალანტა დაჭერილი ყავს კვარას ))))
ირაკლი ქუთაისელი

საწყალი ბერგამოელები ამის ხელში. გოუშრო სისხლი პირდაპირ
ვაჟა მასწავლებელი

ახლა მივხვდი როგორ ყვარებია კვარას ატალანტას 8 და 4 მცველის ექსკორტით კარისკენ მოძრაობა!
ვაჟა მასწავლებელი

მოუხდა კვარას აწეული "გეტრებით" თამაში! ისე ვერ გავიგე აქამდე რატომ არ უფრთხილდებოდა წვივებს. ეს გეტრები ცოტას მაინც იცავს ფეხებს. წარმატებები კვარას როგორც ჩაწეული ისევე აწეული გეტრებით!
რეზო

UEF-მ კვარა მატჩის MVP-დ დაასახელა!
მალხაზ ჯობავა

კარგი ხარ როგორც ბაჟა, შენ გენაცვალე კვარა!
...

the best team.

Le Parisien: შთამბეჭდავი კვარაცხელიათი დუეს გარეშე - მათი გუნდში ყოლა ნებისმიერი მწვრთნელისთვის ფუფუნებაა

"პარიზს უყვარხარ, "კვარადონა" - ევროპის უდიადეს სცენებს ანათებ" - პსჟ ხვიჩას აქებს

"მამარდაშვილის ტრანსფერზე "ლივერპულს" რამდენიმე კლუბმა მიმართა - გადაწყვეტილება სწრაფად უნდა მიიღონ" - ბრიტანული მედია

მე-17 ტურის ბოლო მატჩში "რუსთავმა" გურჯაანში "დელტა" დაამარცხა

VIDEO | ეროვნული ლიგა | დილა 1-0 ტორპედო. რამდენი რამ იყო "პირველად"...

დიხამინჯიამ 7 ბურთი გაიტანა, გავაშელიშვილმა და ცხოვრებაძემ 5-5, 4 გოლია კალანდაძის ანგარიშზე

"რასიზმი სირცხვილია, მაგრამ მოედნიდან არ უნდა გავდიოდეთ" - ხეფრენ ტურამი

ბათუმმა ზედიზედ მეოთხე გამარჯვება ორბთან იზეიმა

[VIDEO] პსჟ-მდე "ჩელსი" სახლში "ნიუკასლთან" დამარცხდა

[VIDEO] რეგრესი - საქართველოს ნაკრები რაგბი ევროპის ჩემპიონატის ფინალში პორტუგალიასთან დამარცხდა

VIDEO | ეროვნული ლიგა | რუსთავი 1:2 გაგრა. სულ სხვა "გაგრა"...

[VIDEO] სობოსლაის ულამაზესი ჯარიმა და რიშარლისონის გოლი 90-ე წუთზე - "ტოტენჰემი" "ენფილდზე" არ დამარცხდა

[VIDEO] რაფინიას ბენეფისი "სევილიასთან" - "ბარსელონამ"უხვგოლიან დაპირისპირებაში გაიმარჯვა

[VIDEO] წიტაიშვილის საგოლე გადაცემა - "მეცმა" "ტუტუზასთან" ანგარიში 0:2-დან გაათანაბრა

VIDEO | ეროვნული ლიგა | იბერია 1999 0:0 დინამო (თბ). ნულები, რომელიც არ გვიკვირს

სუპერლიგის მე-17 ტური კსუ-ს, "ქუთაისის" და "ივერიონის" მოგებებით დაიწყო

ემერის რეკორდი - "ასტონ ვილას" თავკაცმა საიუბილეო ნიშნული დააფიქსირა

"ის, რაც ქართულ რაგბიში ხდებოდა, არის აღმაშფოთებელი" - სკანდალი ქართულ სპორტში, WADA-მ ეროვნული ნაკრების 6 მორაგბე დაასანქცირა

ორი ვარიანტი - ვინ შეიძლება ჩაანაცვლოს ირანი მუნდიალზე, თუ ქვეყანა მსოფლიო ჩემპიონატზე გამოსვლაზე უარს იტყვის

გირასი სერია A-ს გრანდების სამიზნეში - "დორტმუნდის" ფორვარდს იტალიაში უხმობენ

"რეალის" საზაფხულო გეგმები - მადრიდული გრანდი რამდენიმე პოზიციაზე გაძლიერდება

შეინარჩუნებს პოსტს? - ტუდორის ბედი "ლივერპულთან" მატჩზე გადის

"ნაპოლი" ჰოილუნდს 44 მილიონ ევროდ გამოისყიდის

მალდინი "ატალანტადან" "ლაციოში" გადავა

დამატებით სანქციებს დაუწესებენ? - კიმიხსა და ოლვიეს ყვითელი ბარათები შესაძლოა, ძვირად დაუჯდეთ

[VIDEO] ძლევამოსილი "ბაიერნი", დამაჯერებელი "ატლეტიკო" და "ნიუკასლთან" წაგებას გადარჩენილი "ბარსელონა"

[VIDEO] პსჟ-მდე "ჩელსი" სახლში "ნიუკასლთან" დამარცხდა

სიომინი: ხვიჩა უმაღლესი დონეა - ლუის ენრიკე 30 მაისზე ფიქრობს

მატჩის დღე! ხვიჩა მარჯვნივ არ გვსურს - შეუძლია "ქოჩორას" გუნდს?

კარში კურტუა, შეტევაში კვარაცხელია ალვარესთან და ოლისესთან ერთად - უეფას სიმბოლური

კაპელო: "ატალანტას" გაუმართლა, რომ მხოლოდ ექვსი გოლი გაუშვა

[VIDEO] 0:2-დან შემოუტრიალა - "ატალანტამ" "დორტმუნდს" სძლია და მერვედფინალში გავიდა

[VIDEO] "კვარაააააა" - ხვიჩას ბრწყინვალე თამაშით აღფრთოვანებული დემბელე, "ჩელსისთან" მატჩის მერე ემოციების ვერ მალავდა

[VIDEO] "ნაპოლი" "ატალანტასთან" დამარცხდა და "ინტერს" 14 ქულით ჩამორჩა

რჩება თუ არა პსჟ-ში და აგრძელებს კონტრაქტს - დემბელემ ჟურნალისტების კითხვას უპასუხა