[წინათქმა და ფაქტები. ეროვნული ლიგა. XXXIVტური] ...ასე ხდება, როცა საკუთარ თავზე აღარ ხარ დამოკიდებული

<p><strong>XXXIV ტური სამშაბათს ორი ისეთი მატჩით იწყება, "ექვსქულიანებიაო", რომ ვამბობთ ხოლმე. ეგ არის, რომ ამ გუნდებს შორის ვხედავთ ბათუმის "დინამოსაც", რომელიც 2023 წელს ჩემპიონი იყო, თუმცა ეს უკვე აღარ არის სიახლე და გიორგი ჭიაბრიშვილის შეგირდებსაც ისევე მოუწევთ გადარჩენისთვის ბრძოლა, როგორც მათ მეტოქეს...</strong></p> <p> </p> <p>...თელავში თამაში კი, ყველამ ვიცით, არავისთვისაა იოლი გასეირნება, ისევე, როგორც არ ყოფილა ქუთაისის "ტორპედოსთვის", რომელმაც ცოტა ხნის წინ "კავკასიონი არენაზე" 2:2 ითამაშა...</p> <p> </p> <p>ახლა "თელავი" და ბათუმის "დინამო" მხოლოდ გამარჯვებაზე იქნებიან ყაბულს. მასპინძელთა სასარგებლოდ მეტყველებს ზღვისპირელთა კატასტროფული სერია - ზედიზედ 5 წაგება და 13 მოუგებელი მატჩი. ამავე დროს, "თელავს" სერიოზული დანაკლისი აქვს - დისკვალიფიცირებულია ნახევარმცველი <strong>ანდრია დევდარიანი</strong>.</p> <p> </p> <p>პლეი-აუტის ზონაში ერთადერთი "გარეჯია", ვინც "გაგრას" შეიძლება საქმე გაუფუჭოს. <strong>გიორგი მიქაძის</strong> გუნდს გამარჯვება შეუნარჩუნებს გადარჩენის შანსს, გაგრელთა ამოცანა კი შედარებით იოლია - ფრის შემთხვევაში ოფიციალურად დარჩებიან ეროვნულ ლიგაში, რადგან ბოლო ორ ტურის შემდეგ "გარეჯთან" ქულათა შესაძლო თანაბრობა სწორედ "გაგრას" აძლევს უპირატესობას ურთიერთშეხვედრებში უკეთესი მაჩვენებლების გამო.</p> <p> </p> <p>"გარეჯის" ამოაცანას ართულებს ისიც, რომ გუნდს დისკვალიფიცირებული კაპიტანი <strong>ლევან პაპავა</strong> დააკლდება. ანალოგიური მიზეზით არ იქნება შემტევი <strong>მათე ქომეთიანიც</strong>.</p> <p> </p> <p>ოთხშაბათს "ტორპედო" უმასპინძლებს "კოლხეთს" და მესამე ადგილის შენარჩუნებას ეცდება. ფოთელთა მდგომარეობა კი უკიდურესად მძიმეა - რომც მოახდინოს სენსაცია და მოიგოს ქუთაისში, თუ "თელავი" ფრედ დაამთავრებს ბათუმის "დინამოსთან" საშინაო შეხვედრას, "კოლხეთი" ავტომატურად გავარდება.</p> <p> </p> <p>ასე ხდება, როცა საკუთარ თავზე აღარ ხარ დამოკიდებული. თან ფოთელებს დისკვალიფიცირებული ჰყავთ ორი მნიშვნელოვანი მოთამაშე - <strong>რატი გრიგალავა</strong> და <strong>სულეიმან მეიტე</strong>.</p> <p> </p> <p>საინტერესოა, რომ ამ შეხვედრაში ეროვნული ლიგის ეგიდით პირველად იქნება მთავარი მსაჯის რანგში 26 წლის <strong>ცოტნე სამსონაშვილი</strong>.</p> <p> </p> <p>და ბოლოს ორი მატჩი, რომელშიც ჩემპიონობის მაძიებლები მონაწილეობენ. "დილას" მეტოქე იქნება ბოლოხანს მოყოჩაღებული "სამგურალი" და ვეჭვობთ, სერიოზული ძალისხმევა დასჭირდება აგრერიგად აუცილებელი 3 ქულის მოსაპოვებლად.</p> <p> </p> <p>გორელებმა წლეულს წინა სამივე მატჩი მოუგეს წყალტუბოელებს (პლუს თასზეც აჯობეს), თუმცა არ დაგვავიწყდება მეორე წრის დრამატებული მატჩი "თენგიზ ბურჯანაძეზე", რომელშიც მასპინძლებმა 4:3 გაიმარჯვეს. სტუმრებს მნიშვნელოვანი დანაკლისი აქვთ ცენტრალური მცველის, <strong>პაბულო რიანისა</strong> და <strong>ჯეფერსონ ჯერალდოს</strong> სახით - ორივე დისკვალიფიცირებულია.</p> <p> </p> <p>"იბერიასა" და თბილისის "დინამოს" შორის წლევანდელი სამი დერბიდან ორში დღევანდელმა პირველადგილოსანმა გაიმარჯვა. ოღონდ, <strong>გუგა ნერგაძის</strong> შეგირდები შეცდომაში არ უნდა შეიყვანოს "გაგრასთან" დინამოელთა წინა ტურის ფიასკომ (2:4).</p> <p> </p> <p>"ლურჯ-თეთრებისთვის" ამ ტიპის შეხვედრები ყოველთვის პრინციპულ ხასიათს ატარებს და აქვე გავიხსენებთ III წრის დაპირისპირებას, რომელიც მათ "ქამბექით" მოუგეს ქვეყნის მოქმედ ჩემპიონს. ასე რომ, დარწმუნებულები ვართ, "მიხეილ მესხზე" უკომპრომისო ბრძოლა იქნება.</p> <p> </p> <p> </p> <p><span style="color: #7e8c8d;"><strong>ფაქტები</strong></span></p> <ul> <li><strong>"გარეჯმა" მოიგო ბოლო 2 გასვლითი მატჩი საერთო ანგარიშით - 7:2.</strong></li> <li><strong>"გარეჯი" არ დამარცხებულა უკანასკნელ 6 საგარეო შეხვედრაში.</strong></li> <li><strong>"გაგრამ" წააგო ბოლო 4-დან 3 საშინაო მატჩი.</strong></li> <li><strong>"გაგრას" არ უთამაშია ფრედ უკანასკნელ 7 საშინაო შეხვედრაში.</strong></li> <li><strong>"გარეჯს", ყველა ტურნირის (ეროვნული ლიგა, ეროვნული ლიგა 2) ჩათვლით, არასოდეს დაუმარცხებია "გაგრა".</strong></li> <li><strong>"გარეჯსა" და "გაგრას" შორის ბოლო 2 დაპირისპირება ფრედ.</strong></li> <li><strong>"თელავი" დამარცხდა ბოლო 3-დან 2 საშინაო შეხვედრაში.</strong></li> <li><strong>"თელავს" არ მოუგია უკანასკნელი 4 მატჩი.</strong></li> <li><strong>ბათუმის "დინამოს" არ გაუმარჯვია მიმდინარე ჩემპიონატის ბოლო 13 შეხვედრაში.</strong></li> <li><strong>ბათუმის "დინამო", ყველა ტურნირის ჩათვლით, დამარცხდა უკანასკნელ 5 მატჩში.</strong></li> <li><strong>მიმდინარე ეროვნულ ლიგაში ბათუმის "დინამომ" "თელავი" 3-დან 2 შეხვედრაში დაამარცხა.</strong></li> <li><strong>"დილამ" გაიმარჯვა ბოლო 3 მატჩში.</strong></li> <li><strong>"დილამ" მოიგო უკანასკნელი 5 საშინაო შეხვედრა, ყველა - "მშრალი" ანგარიშით.</strong></li> <li><strong>"სამგურალი" დამარცხდა ბოლო 2 მატჩში.</strong></li> <li><strong>"სამგურალმა" მოიგო უკანასკნელი 4-დან 3 საგარეო შეხვედრა და გაიტანა 9 გოლი.</strong></li> <li><strong>"სამგურალს" არ დაუმარცხებია "დილა" ბოლო 8 მატჩში (ყველა ტურნირის ჩათვლით).</strong></li> <li><strong>"იბერიამ" მოიგო ჩემპიონატის ბოლო 4 მატჩი და არ გაუშვა გოლი უკანასკნელ 3 შეხვედრაში.</strong></li> <li><strong>თბილისის "დინამომ" მოიგო ბოლო 4-დან 1 გასვლითი მატჩი.</strong></li> <li><strong>"იბერიამ" დაამარცხა თბილისის "დინამო" ბოლო 5-დან 4 დაპირისპირებაში.</strong></li> <li><strong>"ტორპედომ" მოიგო ბოლო 2 მატჩი და გაიტანა 9 გოლი.</strong></li> <li><strong>"ტორპედომ" გაიმარჯვა ბოლო 4-დან 3 საშინაო შეხვედრაში და გაიტანა 8 გოლი.</strong></li> <li><strong>"ტორპედომ" ჩემპიონატის ბოლო 9 საშინაო მატჩიდან თითოეულში გაუშვა, სულ მცირე, 1 გოლი მაინც.</strong></li> <li><strong>"კოლხეთმა" მოიგო ბოლო 4-დან 2 გასვლითი მატჩი.</strong></li> <li><strong>"კოლხეთმა" დაამარცხა" "ტორპედო" ჩემპიონატის ბოლო 15 დაპირისპირებიდან მხოლოდ ერთში.</strong></li> <li><strong>მიმდინარე ჩემპიონატის წინა 3 ურთიერთშეხვედრაში "ტორპედომ" და "კოლხეთმა" 13 გოლი გაიტანეს.</strong></li> </ul> <p> </p> <div style="text-align: center;"><span style="color: #a71232;"><strong>სამშაბათი,  25 ნოემბერი</strong></span></div> <div style="text-align: center;"><span style="color: #172bcb;"><strong>გაგრა</strong></span> <span style="background-color: #fcf266; color: #000000;"><strong>19:00</strong></span> <span style="color: #172bcb;"><strong>გარეჯი</strong></span></div> <div style="text-align: center;"><em><span style="font-size: 10pt;">თბილისი. დავით პეტრიაშვილი</span></em></div> <div style="text-align: center;"><span style="font-size: 10pt;"><strong>არბიტრი</strong>: გიორგი ავაზაშვილი</span></div> <p style="text-align: center;"> </p> <div style="text-align: center;"><span style="color: #172bcb;"><strong>თელავი</strong></span> <span style="background-color: #fcf266; color: #000000;"><strong>19:00</strong></span> <span style="color: #172bcb;"><strong>დინამო (ბთ)</strong></span></div> <div style="text-align: center;"><em><span style="font-size: 10pt;">თბილისი. დინამო არენა</span></em></div> <div style="text-align: center;"><span style="font-size: 10pt;"><strong>არბიტრი</strong>: ი. ხერხაძე</span></div> <p style="text-align: center;"> </p> <div style="text-align: center;"><span style="color: #a71232;"><strong>ოთხშაბათი, 26 ნოემბერი</strong></span></div> <div style="text-align: center;"><span style="color: #172bcb;"><strong>ტორპედო</strong></span> <span style="background-color: #fcf266; color: #000000;"><strong>19:00</strong></span> <span style="color: #172bcb;"><strong>კოლხეთი 1913</strong></span></div> <div style="text-align: center;"><em><span style="font-size: 10pt;">ქუთაისი. რამაზ შენგელია</span></em></div> <div style="text-align: center;"><span style="font-size: 10pt;"><strong>არბიტრი</strong>: ც. სამსონაშვილი</span></div> <p style="text-align: center;"> </p> <div style="text-align: center;"><span style="color: #172bcb;"><strong>დილა</strong></span> <span style="color: #000000; background-color: #fcf266;"><strong>19:00</strong></span> <span style="color: #172bcb;"><strong>სამგურალი</strong></span></div> <div style="text-align: center;"><em><span style="font-size: 10pt;">გორი. თენგიზ ბურჯანაძე</span></em></div> <div style="text-align: center;"><span style="font-size: 10pt;"><strong>არბიტრი</strong>: ბ. ბრეგაძე</span></div> <p style="text-align: center;"> </p> <div style="text-align: center;"><span style="color: #172bcb;"><strong>იბერია 1999</strong></span> <span style="background-color: #fcf266;"><strong>19:00</strong></span> <span style="color: #172bcb;"><strong>დინამო (თბ)</strong></span></div> <div style="text-align: center;"><span style="font-size: 10pt;"><em>თბილისი. მიხეილ მესხი</em></span></div> <div style="text-align: center;"><span style="font-size: 10pt;"><strong>არბიტრი</strong>: გ. კიკაჩეიშვილი</span></div> <p> </p> <div>                                     <span style="font-size: 10pt; color: #7e8c8d;">თ         მ         ფ          წ              ბ                 ქ</span></div> <div>1. იბერია 1999            33     21      8        4         53:23        71</div> <div>2. დილა                       33     23      2        8         55:31        71</div> <div>3. ტორპედო                33     16      8        9         55:38        56</div> <div>4. დინამო (თბ)            33     15     10       8         47:29        55</div> <div>5. გაგრა                        33     11      7       15        38:50        40</div> <div>6. სამგურალი              33     11      6       16        49:48        39</div> <div>7. დინამო (ბთ)            33      9      10      14        35:52        37</div> <div>8. გარეჯი                     33      7      13      13        39:44        34</div> <div>9. თელავი                    33      7       9       17        30:56        30</div> <div>10. კოლხეთი 1913      33      5       7       21        30:60        22</div> <div><span style="font-size: 10pt;"><strong>ბომბარდირები</strong>: ბ. იონსენი (ტორპედო) - 18 / 2; გ. ფანცულაია (სამგურალი) - 16 / 1.</span></div>

რაბუ

დილა უნდა გახდეს ჩემპიონი დავიღალე ევროტურნირებზე იბერიას საცოდაობით.

[VIDEO] ოგბაიძემ "კარლ ცაისს" "ცხრიანში" გაუტანა!

[VIDEO] ლუკა ხორხელის პირველი გოლი სლოვაკეთის მთავარ ლიგაში!

[VIDEO] წუთები დიდ სენსაციამდე - "ბაიერნი" "ალიანც არენაზე" მარცხს გადაურჩა!

სალაჰს სემენიო შეცვლის? "ლივერპული" "ბორნმუთის" შემტევთან მოლაპარაკებებს აწარმოებს

"ერთიანობა წარმატების საფუძველია" - ჩაბი ალონსოს კომენტარი "ალავესთან" გამარჯვების შემდეგ

სუპერლიგის VIII ტური | თსუ-ს, ორბის და კსუ-კავკასიის გამარჯვებები

კვერნაძე შეცვალეს, "ფროზინონემ" ისევ გაიმარჯვა

კიტეიშვილის "შტურმი" კვლავ დამარცხდა

მიქაუტაძის გუნდის მატჩი გადაიდო

მადრიდის "რეალს" უპამეკანოს დამატება სურს

"რა პრობლემა უნდა აღმოფხვრილიყო?" - არნე სლოტმა მოჰამედ სალაჰზე ისაუბრა

[VIDEO] ბითაძის უქულო მატჩი და ბრანსონის ბენეფისი - "ნიუ იორკ ნიქსი" NBA Cup-ის ფინალში გავიდა

"შავი ლომი" ირლანდიაში 0:52 დამარცხდა

[VIDEO] ქოჩორაშვილის საგოლე პასი - "სპორტინგმა" მეტოქე გაანადგურა

[VIDEO] დავითაშვილის დუბლი "სენტ-ეტიენისთვის" გამარჯვების მოსაპოვებლად საკმარისი არ აღმოჩნდა

"მეცი" - პსჟ. როგორი შეფასებები მიიღეს ქართველმა ფეხბურთელებმა?

[VIDEO] "ბარსელონას" დაგეგმილი 3 ქულა "ოსასუნასთან", გამეორებული რეკორდი და უნიკალური შემთხვევა ევროპის ტოპ 5-ში!

[VIDEO] წიტაიშვილის შესანიშნავი გოლი - "მეცი" პსჟ-სთან ბრძოლაში დამარცხდა

[VIDEO] წიტაიშვილმა "პარი სენ ჟერმენს" ეფექტური გოლი გაუტანა

[VIDEO] ზურიკო დავითაშვილმა "ბასტიას" გაუტანა

"მეცი" - პსჟ. სასტარტოში მხოლოდ ერთი ქართველია

[VIDEO] "ენფილდზე" სალაჰი განსაკუთრებულად უყვართ - ასე შეეგებნენ მოედანზე დაბრუნებულ ეგვიპტელს "ლივერპულის" ფანები

ჩაკვეტაძე შეცვლაზე შევიდა - "უოტფორდმა" და "ვრექსჰემმა" ქულები გაიყვეს

[სიმბოლური ნაკრები. ეროვნული ლიგა. ბოლო ტური] დამაჯერებელი და სრულიად კანონზომიერი...

[VIDEO. ეროვნული ლიგა. ბოლო ტური] უმოტივაციოთა უხვგოლიანი მატჩი ბათუმში! "კოლხეთს" დრო აღარ დარჩა...

[წინათქმა. ეროვნული ლიგა. XXXIII ტური] ბევრი ინტრიგა და დაძაბულობა

[VIDEO. ეროვნული ლიგა / ლიგა 2. პლეი-ოფი] "სპაერი" ცალი ფეხით უმაღლესშია, "თელავი" ფავორიტია...

[წინათქმა. ეროვნული ლიგა] შესაძლოა, "იბერიამ" ტიტული ცარიელი ტრიბუნების წინ იზეიმოს, "დილას" კი გამარჯვებაც არ ეყოს...

[VIDEO. ეროვნული ლიგა. ბოლო ტური] იონსენი ზედიზედ მეორედ ხდება საუკეთესო ბომბარდირი, პლეი-აუტის ორივე წყვილი ცნობილია...

[VIDEO. ეროვნული ლიგა. ბოლო ტური] ტიტული დაცულია! თბილისის "იბერია 1999" ზედიზედ მეორედ გახდა საქართველოს ჩემპიონი!

[VIDEO. ეროვნული ლიგა / ლიგა 2. პლეი-ოფი] "მეშახტე" და "სპაერი" პირველად! ეროვნული ლიგა კახელების გარეშე...