<p>პრიმერადივიზიონი. კლუბების წარდგენა - "მალაგა"</p><p><br> გასულ სეზონში მანუელ პელეგრინის გუნდმა მე-11 ადგილი დაიკავა. ეს, შესაძლოა, სხვა დროს ნორმალური შედეგი იყოს, მაგრამ არა ახალი სეზონიდან - ამ კლუბს უკვე სულ სხვა გეგმები და მიზნები აქვს.</p><p>მზიური მალაგა, ათობით მაღალი დონის პლაჟით, მხოლოდ ტურისტული მექა არ არის, ეს ქალაქი კარგი სატყუარაა უცხოელი ინვესტორებისთვის. და აი, ყატარის ყველაზე მდიდარმა ადამიანმა აბდულა ბენ ნასერ ალ-ტანიმ ზუსტად ერთი წლის წინათ შეიძინა საფეხბურთო კლუბი "მალაგა". შეიხმა ფინანსურ კრიზისში მყოფი კლუბის ყველა ვალი გაისტუმრა და კლუბში დაახლოებით იმდენი გადაიხადა, რაც ახლახან "ანჟიმ" სამოელ ეტოოში.</p><p>პირველი სეზონი დალაგებას დასჭირდა, ახალმა მწვრთნელმა მანუელ პელეგრინიმ წარმატებით გადაწყვიტა ლიგაში დარჩენის საკითხი, უკვე გამოჩნდა რამდენიმე ვარსკვლავი. მთავარი "მალაგას" ამ სეზონში ელის, რადგან შეიხმა ქისას თავი მოხადა - და ანდალუსიისკენ დაიძრნენ მაღალი დონის შემსრულებლები, ისეთი, როგორიც ფრანგი ჟერემი ტულალანია, ან ნავარელი ნაჩო მონრეალი, არგენტინელი დიეგო ბუონანოტე, თუ ვალენსიელი ხოაკინ სანჩესი, სანტი კასორლა, გამოცდილი რუუდ ვან ნისტელროი და სხვები.</p><p>ერთი ხელის დაკვრით, კლუბი აუტსაიდერთა კლასიდან ფავორიტებში გადაბარგდა. ანდალუსიელებს განსაკუთრებით ჰოლანდიელი ვან ნისტელროის ეიმედებათ, ვეტერანში ალ-ტანის ევროც კი არ დაუხარჯავს, უბრალოდ, მას კარგი ხელფასი შესთავაზა. ესპანეთში კი ვან ნისტელროი ძალიან უყვართ, ფორვარდიც ჯერჯერობით ამართლებს - წინასასეზონო მატჩებში მან 7 გოლი გაიტანა, ყველაზე მეტი გუნდში.</p><p>სანტი კასორლას გადმოსვლამ კლუბს პრესტიჟი დაუბრუნა, ნახევარმცველი ხომ ესპანეთის ნაკრების წევრია. ბოლოს "მალაგაში" ესპანეთის ნაკრებში გამოძახებული ფეხბურთელი 2004 წელს თამაშობდა.</p><p><strong>ციტატები</strong></p><p>რუუდ ვან ნისტელროი: "ჩვენ ძალზე სერიოზულად მოვემზადეთ. შემიძლია თამამად ვთქვა - საჩემპიონატო ბატალიებისთვის სრულ მზადყოფნაში ვართ".</p><p>სანტი კასორლა: "დიდებული შემადგენლობა გვყავს. ახლა მშვიდად და ნაბიჯ-ნაბიჯ უნდა წავიწიოთ წინ".</p><p>მანუელ პელეგრინი: "არ უნდა დაგვავიწყდეს, რომ სახელები მატჩს არ იგებენ".</p><p><strong>სეზონის ამოცანა - ევროთასების საგზურისთვის ბრძოლა</strong></p><p>ჩილელი სპეციალისტი ოპტიმისტურად არის განწყობილი, გუნდი თამაშს ხვეწს. "კოსტა დელ სოლის" თასის ფინალში "მალაგამ" "პენიაროლს" მოუგო და გამოჩნდა, რომ გუნდი მართლაც ბრწყინვალედ არის მომზადებული ჩემპიონატისთვის. შეიხს არ მოსწონს, რომ "ლა როსალედა" ცოტა მაყურებელს იტევს. ის დარწმუნებულია, რომ სულ მალე უფრო დიდი სტადიონი იქნება საჭირო, რომლის მშენებლობაც მალე დაიწყება.</p><p><strong>ტრანსფერები</strong></p><p>მივიდნენ: რუუდ ვან ნისტელროი ("ჰამბურგი", თავ. აგენტი), ნაჩო მონრეალი ("ოსასუნა", 6 მლნ. ევრო), ისკო ("ვალენსია ბ", 6 მლნ.), დიეგო ბუონანოტე ("რივერ პლეიტი", 4,5 მლნ.), ხოაკინ სანჩესი ("ვალენსია", 4,2 მლნ.), სერხიო სანჩესი ("სევილია", 2,8 მლნ.), იორის მატეისენი ("ჰამბურგი", 2,5 მლნ.), სანტი კასორლა ("ვილიარეალი", 21 მლნ.), ჟერემი ტულალანი ("ლიონი", 11 მლნ.), ედინიო ("მარიტიმუ").</p><p>წავიდნენ: მანუ, გასპარი, ტორიბიო, ედუ რამოსი, პაბლო, არნაუ, მტილიგა, ფერნანდო, ხ. ლოპესი, სანდრო სილვა, ასენხო, ოვუსუ-აბეიე.</p><p><strong>დოსიე</strong></p><p><em>მალაგა კლუბ დე ფუტბოლ</em></p><p>დაარსდა: 1948 წ.</p><p>სტადიონი: ლა როსალედა, 28 960</p><p>პრეზიდენტი: აბდულა ალ-ტანი</p><p>მწვრთნელი: მანუელ პელეგრინი</p><p>კლუბის წევრი: 20 400</p><p>20 სეზონი პრიმერაში</p><p>ინტერტოტოს თასი (2002)</p><p>მეტსახელი: ლოს ბოკერონესი</p><p>გასულ სეზონში: მე-11 ადგილი</p><p>ოფიციალური საიტი: www.malagacf.com</p><p>ყველაზე მეტი თამაში 2010/11: ელიზეუ (35), ველიგტონი (31), ს. ფერნანდესი (30), გამესი (30), რონდონი (30).</p><p>ყველაზე მეტი გოლი 2010/11: რონდონი (14), ბაპტიშტა (9), ს. ფერნანდესი (7), ხუანმი (4), ელიზეუ (4).</p><p><strong>გუნდი 2011/12</strong></p><p><em>მეკარეები</em></p><p>1. რუბენი 22.06.1984</p><p>13. ვილი კაბალიერო (არგენტინა) 28.09.1981</p><p><em>მცველები</em></p><p>2. ხესუს გამესი 10.04.1985</p><p>3. რობსონ ველიგტონი (ბრაზილია) 26.08.1979</p><p>4. კრის სტადსგაარდი (ნორვეგია) 01.08.1985</p><p>5. მარტინ დემიკელისი (არგენტინა) 20.12.1980</p><p>14. იორის მატეისენი (ჰოლანდია) 05.04.1980</p><p>15. ნაჩო მონრეალი 26.02.1986</p><p>21. სერხიო სანჩესი 03.04.1986</p><p>ელდერ როსარიო (პორტუგალია) 09.03.1980</p><p>ხავიერ მალაგუენო (არგენტინა) 27.10.1982</p><p><em>ნახევარმცველები</em></p><p>6. ნაჩო კამაჩო 04.05.1990</p><p>7. ხოაკინ სანჩესი 21.07.1981</p><p>8. ჟერემი ტულალანი (საფრანგეთი) 10.09.1983</p><p>10. ანტონიო ბენიტეს აპონიო 13.02.1984</p><p>12. სანტი კასორლა 13.12.1984</p><p>16. ენცო მარესკა (იტალია) 10.02.1980</p><p>17. სერჟიო პაულუ ბარბოზა დუდა (პორტუგალია) 27.06.1980</p><p>18. ელიზეუ პერეირა (პორტუგალია) 01.10.1983</p><p>22. ფრანსისკო სუარესი 21.04.1992</p><p>27. ფრანსისკო პორტილიო 13.06.1990</p><p>28. ხოსე ლუის რესიო 11.01.1991</p><p><em>თავდამსხმელები</em></p><p>9. რუუდ ვან ნისტელროი (ჰოლანდია) 01.07.1976</p><p>11. სებასტიან ფერნანდესი (ურუგვაი) 23.05.1985</p><p>19. ჟულიო ბაპტიშტა (ბრაზილია) 01.10.1981</p><p>20. დიეგო ბუონანოტე (არგენტინა) 19.04.1988</p><p>23. ხოსე სალომონ რონდონი (კოლუმბია) 28.04.1989</p><p>26. ხუანმი ლოპესი 20.05.1993</p><p>არნალდო ედინიო (პორტუგალია) 07.07.1982</p><p><strong>ყოველდღიური სპორტული გაზეთი "ლელო"</strong></p>
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ